Blogger များ လက်ဆင့် ကမ်းပေးကြပါ

Blog ကို အစတုန်းက သိပ်ပြီး စိတ်ဝင်စားမှု မရှိခဲ့ဘူး။ ကိုယ်တိုင်လုပ်ဖို့ ဆိုတာ ဝေးရော။ ဒါပေမယ့် တစ်ရက်မှာ Blog တွေ လျှောက်မွှေ ဖြစ်သွားတယ်။ မွှေရင်းနဲ့ စဉ်းစားမိတာလေးတွေလဲ ရှိတယ်။ ဘာလို့ Blog ရေးကြတာလဲ။ ဘာလဲပေါ့ ဒါနဲ့ တွေ့သမျှ Blog အကုန်နီးပါး လျှောက်မွှေတာပေါ့။ ဖတ်တယ် စိတ်ဝင် တစားနဲ့ ဖတ်ဖြစ်သွားတယ်။ ဖတ်လို့ ကောင်းတာတွေ ရှိသလို။ မကောင်းတာလဲ ရှိတယ်။ ညီလင်းဆက်ရဲ့ မြန်မာ Blog Directory ကိုလည်း ၀င်ပြီး List တွေကြည့်တယ်။ အချိန်ယူပြီး လိုက်မွှေကြည့်တယ်။ အများစုက မန္တလေးက ထင်တယ်နော့။ ဒါမှမဟုတ် ကျွန်တော်ဝင်တာ မန္တလေးက Blog တွေပဲ ဖြစ်များနေသလား မသိ။ ဒါတော့ မသေချာသေး။ ထားပါ ဘယ်ကများများ ကိုယ့်နိုင်ငံကပဲ ပြဿနာမရှိပါ။ ဒါနဲ့ ကျွန်တော်လည်း Blog တစ်ခုလောက် လုပ်ချင်စိတ် ပေါက်လာရော။ လုပ်လိုက်ပါတယ် Saturn God ရဲ့ အညွှန်းတွေ ညီလင်းဆက် ရဲ့ အညွှန်းတွေ ကိုမောင်လှရဲ့ အညွှန်းတွေဖတ်တယ်။ သိထားတဲ့ Coding လေးတွေနဲ့ လုပ်ကြည့်တယ်။ အဲ ပြီးသွားတယ် မဆိုးဘူးလို့လဲ စိတ်ထဲထင်လိုက်တယ်။ ကဲ ဒီမှာပဲ ဇာတ်က စပါတော့တယ်။ Blog ရေးတော့ ကိုယ့် Blog လေး လူလာစေချင်တယ်။ သူများ Blog လေးတွေမှာ ၀င်ပြီးဖတ်ချင်တယ်။ အချိန်ပေးရပြီပေါ့။ ကျွန်တော့ အလုပ်က ခုရက်ပိုင်း Danger Zone ထဲရောက်နေတယ်။ အဲဒါ ညဘက်ဆို မအိပ်တော့ဘူး Blog တွေလိုက်ဖတ်တယ် လင်းခါနီးမှ အိပ်ဖြစ်တယ်။ အိမ်လည်း မပြန်တော့ဘူး ရုံးမှာပဲ နေဖြစ်တော့တယ်။ နေ့လည်လောက်မှ ထမင်းစား ခဏလောက်ပြန် ဖြစ်တယ်။ မနက်ကတော့ ကျွန်တော့ သူငယ်ချင်းနဲ့ ကျွန်တော် တိုင်ပင်ဖြစ်တယ် ငါ Blog တွေ အတွက် တစ်ခုခု လုပ်ချင်တယ်လို့။ MM Blog Directory တော့ရှိပါရဲ့ ကျွန်တော်က တော့ထပ်ပြီး ညွှန်းချင်သေးတယ်။ Blog တစ်ခုခြင်းစီကို Description လေးတွေနဲ့ပေါ့။ ပြီးတော့ ကျန်တဲ့ သူတွေရဲ့ Description လေးတွေပါ လိုချင်ပါတယ်။ ဟုတ်ပြီ ခင်ဗျားတို့က ကျွန်တော့ကို မေးမယ် မင်းက ဘယ်မှာ လုပ်မှာလဲ။ ဟုတ်ကဲ့ ကျွန်တော်ဖြေပါ့မယ် မဖြေခင် ကျွန်တော့ အလုပ်နဲ့ ကျွန်တော့ အကြောင်းလေး မိတ်ဆက်ပါရစေ။ ကျွန်တော်ဟိုး စစခြင်းကထဲက PORTAL SITE တစ်ခု လုပ်ချင်ခဲ့တာပါ။ လုပ်ဖြစ်တာက တော့ ၂၀၀၇ ဧပြီရောက်မှ လုပ်ဖြစ်ခဲ့တယ်။ ကျွန်တော့ Site နာမည်က ဖိုးဝ ပါ။ ကျွန်တော် အဲဒီ ဖိုးဝ ကို အသက်ထက် ချစ်ပါတယ်။ နေ့တိုင်းလဲ အဲဒီ အတွက် အလုပ်လုပ်တာပါ။ ပိုက်ဆံရတဲ့ အလုပ်တွေကို ရပ်လိုက်ပြီးတော့ကို လုပ်တာပါ။ ကျွန်တော့် ဖိုးဝ ကို ကျွန်တော် ဒီလကုန် ၃၁ ရက်နေ့မှာ FULL VERSION RELEASE လုပ်မယ်လို့ ကြေငြာထားပါတယ်။ ဖိုးဝ Home Page မှာ ဖတ်ကြည့်နိုင်ပါတယ်။ ကျွန်တော် ဖိုးဝကိုလုပ်တာ အရှုံးနဲ့ လုပ်တာပါ။ ၀ါသနာပါလို့ ပြီးတော့ မြန်မာ မီဒီယာ တစ်ခုဖြစ်စေချင်လို့။ PORTAL အစစ် ဖြစ်စေချင်လို့ပါ။ ဒါကြောင့်လည်း Subdomain ကအစ ခွဲထားခဲ့တာပါ။ ဒီလို အရှုံးခံပြီး လုပ်ဖို့အတွက် အနောက်ကနေ ပံ့ပိုးပေးတဲ့ ကျွန်တော့ သူငယ်ချင်းတွေကို ကျေးဇူး အထူးတင်ပါတယ်။ ကျွန်တော့ဆီမှာ ၀န်ထမ်း ၉ ယောက်ရှိပါတယ်။ သူတို့ရယ် ကျွန်တော်ရယ် ကျွန်တော့ သူငယ်ချင်း Web Master ရယ်ပေါင်း ၁၁ ယောက် ဒီ ဖိုးဝကို အားကြိုးမန်တက်လုပ်ပါတယ်။ Update ကိုလဲ တတ်နိုင်သမျှ တင်ပေးပါတယ်။ ဓါတ်ပုံတွေ အင်တာဗျူးတွေ သတင်းတွေက အစ ကျွန်တော် အကုန်လုံး ၀ယ်ရပါတယ်။ ဒါတောင် ကျွန်တော့ သူငယ်ချင်း ဓါတ်ပုံဆရာ တစ်ယောက်ရှိလို့ တော်သေးတယ်။ အဲဒီတော့ ကျွန်တော့ ကုန်ကျ စရိတ်က တစ်လ တစ်လကို ၁၀ သိန်းကျော် ကုန်ပါတယ်။ ၀င်ငွေက ဘာမှ မရှိသေးပါဘူး။ ခုမှ ကြော်ငြာလေး တစ်ခု နှစ်ခု ရခါစရှိပါသေးတယ်။ ကျွန်တော်က စာရေးဆရာတွေဆီကနေ စာမူတွေ ၀ယ်ပါတယ်။ မဂ္ဂဇင်းတိုက် တစ်ခုလို စာမူခတွေ ပေးရပါတယ်။ အားလုံးကို အသိပေးပြီးမှ ခွင့်ပြုချက်ရမှ လုပ်ချင်လို့ ဒီလို အကုန်အကျ ခံပြီး လုပ်နေတာပါ။ ရေရှည်ရပ်တည်ချင်လို့ပါ။ ကဏ္ဍတွေလည်း စုံလင်အောင် လုပ်ရပါသေးတယ်။ Userတွေ ကြိုက်နိုင်မယ့် ဟာတွေကို ရှာပေးရတယ် ထည့်ပေးရတယ်။ ကျွန်တော် မတင်းတိမ်သေးပါဘူး။ မကျေနပ်သေးပါဘူး။ ဒီထက်ပိုပြီး လုပ်အုံးမှာပါ။ ခုလည်း Blog List တွေ မြန်မာ Site List တွေကို ထည့်ပေးမလို့ပါ အဲဒီမှာ User တွေအနေနဲ့လည်း ၀င်ရောက်ပြီး ညွှန်းလို့ရမယ်။ Description တွေ ပေးလို့ရမယ် ဆိုရင် ပိုကောင်းလာမယ်လို့ ထင်ပါတယ်။ ဘယ် Blog ကတော့ ဘာတွေရှိတယ် ညာတွေရှိတယ် ပေါ့ဗျာ။

ဥပမာ - Saturn God ရဲ့ Blog မှာ ခုမှ အသစ်လုပ်ချင် တဲ့ Blogger တွေ အတွက် လမ်းညွှန်ရှိတယ်။
ညလေးရဲ့ Blog မှာ ကဗျာ လှလှလေးတွေ ရှိတယ်။
ကေသွယ်ရဲ့ Blog မှာ Blogger တွေကို အင်တာဗျူး ထားတာလေးတွေ ရှိတယ်။

ဒါမျိုးတွေကို ပြောတာပါ။ ၀ိုင်းပြီး ရေးလိုက်ကြရင်တော့ ပိုမြန်မယ် ထင်ပါတယ်။ တစ်ယောက်ထဲရဲ့ Description ထက် အများရဲ့ Description ကပိုပြီး ထင်ရှားစေမှာပေါ့။ စာအုပ်တစ်အုပ် ကောင်းတယ်လို့ ၁၀ ယောက်လောက်က ၀ိုင်းပြောလိုက်ရင် ဖတ်ချင်တဲ့သူ ပိုများသွားမှာပေါ့။ စိတ်ဝင်စားရာ သန်ရာသန်ရာ လေးတွေကို အလွယ်တကူ ရှာလို့ ရနိုင်မယ် ထင်လို့ ကျွန်တော် ဒီကိစ္စကို စီစဉ်ရခြင်းပဲ ဖြစ်ပါတယ်။ ကျေနပ်နှစ်သိမ့်နိုင် ကြလိမ့်မယ်လို့လဲ ထင်ပါတယ်။ ဒါဟာ ကျွန်တော် လုပ်ပေးနိုင်တဲ့ ကိစ္စရပ်တစ်ခု ဖြစ်လို့ တင်ပြပေးထားတာပါ။ နောက်ပိုင်းမှာတော့ သတင်းကဏ္ဍ၊ အားကစားကဏ္ဍ၊ ဖက်ရှင်ကဏ္ဍ တွေမှာ Blogger များရဲ့ ပံ့ပိုးမှုများ လိုအပ်လာမယ်လို့ ထင်ပါတယ်။ သဘောကတော့ဗျာ မန္တလေးဆိုပါတော့။ မန္တလေး သတင်းကို ကျွန်တော်က ရှာမယ် ပေးချင်တဲ့ Blogger ရှိရင် သူ့ဆီကနေ Link ချိတ်မယ်။ သူ့နာမည်ရေးထားမယ် Direct Link ပေးမယ်။ အဲဒီလိုပဲ ဆောင်းပါးတွေ ကဗျာတွေ အားလုံးကို အလျည်းသင့်သလို တင်ဆက်သွားမယ်။ အဲဒါလေးကိုလဲ စဉ်းစား ပေးစေလိုပါတယ်။ အားလုံးပဲ ကျွန်တော်နဲ့ အတူ ပူးပေါင်းပေးနိုင်မယ်လို့ မျှော်လင့်မိပါတယ်။ တခြားထင်မြင်ချက်လေးတွေ ရှိရင်လည်း ပြောပြပေးပါလို့ တောင်းဆိုလိုက် ပါတယ်။ ဒီ Post လေးကိုလဲ လက်လှမ်းမှီရာ Blogger များကို ဖြန့်ဝေပေးခြင်းဖြင့် ကျွန်တော့ကို အသိအမှတ် ပြုပေးပါလို့ တောင်းဆိုလိုက်ပါရစေ ခင်ဗျား။

Read More...

Collapse...

Tattoo ထိုးမယ့် zeRoTraSh

“ဖေ . . . သား Tattoo ထိုးမယ်။ လက်မောင်းမှာ တစ်ပုံ ကျောကုန်းမှာ တစ်ပုံ ထိုးမယ် ဖေ။”

ကျွန်တော့ အဖေ နည်းနည်း စဉ်းစားသွားတယ် ပြီးတော့မှ အေးအေးဆေးဆေး ပြန်ပြောတယ်။

“အေး ကောင်းသားပဲ ငါလည်း Tattoo ထိုးမလို့ဟ၊ အဲဒီတုန်းက မအားလို့ မထိုးဖြစ်တာ။”
ဟဲ ဟဲ ဟဲ ဒါဟာ ထောက်ခံမှု ရရှိသွားတဲ့ သဘော ဒါဆို လုပ်ချင်တာ လုပ်လို့ရတော့မှာပေါ့။ Good ကောင်းလေစွတကား။ အဖွားကလည်း ၀င်ပြောသေးတယ်။

“သားကြီး ဆေးမှင်ကြောင် ထိုးမယ်ဆိုရင် ရှေးတုန်း ဗမာကြီးတွေလို ထိုးကွင်းထိုးပေါ့ သားရယ်”

“အာ . . . ဖွားကလဲ သူတို့က ပုံကောင်းကောင်း မရှာတတ်လို့ ပေါင်မှာ ၀လုံးတွေ ထိုးတာ ပိန်းပါတယ်ဗျာ ထိုးချင်ပါဘူး။ သားက အရုပ်လှလှလေး ထိုးမှာ ဟင်း ဟင်း ကနုတ်လေးထိုးမှာ လက်မောင်းမှာ”

အဲလိုပြောပြီး ကျွန်တော့ရဲ့ ပိန်သေးသေး လက်မောင်းကို အဖွားရှေ့မှာ လှန်ပြရင်း ပြောလိုက်တော့ ချစ်လှစွာသော အဖွားက ဘာမှ မပြောတော့ပဲ မျက်စောင်းထိုးပြီး မီးဖိုခန်းဘက်ကို ဒိုးသွားတယ်။ ခဏနေတော့ အမေထွက်လာပြီး ကျွန်တော်နဲ့ အဖေ့နားမှာ လာထိုင်တယ် ဘာများ ဆက်ပြောမလဲ ဆက်လုပ်ကြမလဲဆိုတာ စပ်စုချင်တဲ့ သဘောနေမှာပေါ့ သူ့အမေ ကျွန်တော့ အဖွားပွါးလိုက်လို့ အိမ်ရှေ့မှာ စပိုင် လာလုပ်တဲ့ ပုံလေ သိပြီးသား သားအမိချင်းတွေပဲ ဟဲ ဟဲ ဘယ်ရမလဲ ဒီမှာကလဲ ကျေးဇူးရှင် မွေးသဖခင်က ထောက်ခံမဲ ပေးတဲ့အပြင် သူတောင် ထိုးမလို့ဆိုပဲ။ စိတ်ကူးယဉ်လို့ ရပြီ ကနုတ်လှလှလေး ထိုးမယ် ကျောကုန်းမှာ နဂါးပုံထိုးမယ် ယာကူဆာတွေလိုပေါ့။ ကြာပါဘူး အဖေက Tattoo တော့ပေးထိုးမယ် ဒါပေမယ့် ပြီးတော့ စဉ်းစားဖို့ ပြောပြမယ်တဲ့။ ရတယ်လေ လုပ်ချင်တာ လုပ်ရဖို့က အရေးအကြီးဆုံး ပြီးမှ ဖြစ်ချင်တာဖြစ် ယောက်ယားပေါ့ ဟုတ်ဖူးလား။

“မင်း ကိုယ့်ပိုက်ဆံနဲ့ ကိုယ်ထိုးနော် ငါ မင်းကို ပိုက်ဆံ ထုတ်မပေးဘူး”

“ရတယ် ဖေ။ သား ပိုက်ဆံနဲ့ သားထိုးမယ် ဖေ့ ဆီက ယူပါဘူး ကတိ ကတိ ဟီး ဟီး ဟီး”

ဒီလောက်တော့ ကျွန်တော့မှာ ပိုက်ဆံရှိပါသေးတယ် မေ့ဆီက တောင်းထားတာ သုံးတောင် မသုံးရသေးဘူး။ တစ်သိန်းလောက် ကျန်သေးတယ်။ ပါမစ်ရဖို့သာ အဓိက။

“ဟေ့ကောင် မင်းသေချာ စဉ်းစားနော် အဲဒါတွေက ထိုးပြီးရင် ဖျက်မရဘူးနော်၊ ပြီးတော့မင်း ဘယ်မှာ သွားထိုးမှာလဲ”

“ဟိုလေ စကော့ မားကတ်မှာလေ ဖေ ဒါမှမဟုတ် သူငယ်ချင်းအိမ်မှာ စုထိုးလဲ ရတယ်လေ”

“အေး မင်းကို တစ်ခုပြောပြမယ် ငါ သင်္ဘောလိုက်တုန်းက Belgium ကိုရောက်တော့ ကမ်းမှာ Tattoo ဆိုင်တွေ့တယ် ငါလည်း မင်းလိုပဲ Tattoo တွေကလှတော့ ထိုးချင်စိတ် ပေါက်လာရော ဒါနဲ့ သွားမေးတော့ သူတို့က ပြောတယ် Tattoo ထိုးမယ်ဆိုရင် အနည်းဆုံး ၁ လခွဲလောက် အချိန်ပေးရမယ်တဲ့ ဒီအတိုင်းထိုးလို့ မရဘူးတဲ့ ဆေးထိုးဆေးသောက် လုပ်ရမှာတဲ့ ဒီအတိုင်းဆို ရောဂါရတာတို့ Tattoo အရောင်မကောင်းတာတို့ ဖြစ်တတ်တယ်တဲ့ သူတုိ့က နာမည် အပျက်မခံဘူးကွ။ ငါလဲ သင်္ဘောက အဲလောက် အချိန်မရတာနဲ့ လက်လျော့လိုက်ရတယ် ဟင်း ဟင်း ငါက ကျောကုန်းမှာ ဆင်ရုပ်ကြီးကို အပြည့် ထိုးမလို့ကွ။ ဒါပေမယ့် မအားလို့ မအားလို့”

“ဖေ ခုလိုက်ထိုးလေ သားနဲ့ လိုက်ခဲ့ ဒါမှမဟုတ် သား အဲဒီ Tattoo ထိုးတဲ့ သူကို အိမ်ခေါ်ခဲ့မယ်လေ တူတူထိုးလဲ ရသားပဲ ဟုတ်ဖူးလား”

“မဟုတ်ဖူး။ မင်းကောင်တွေက ဘယ်လောက် စေ့စပ်လို့လဲ ဆရာဝန် ပါလား။ ရောဂါကူးရင် ဘယ့်နှယ့် လုပ်မလဲ။ မင်း တာဝန်ယူရဲလား မင်း အာမခံသလား။ ငါကတော့ ဒီမှာ မထိုးဘူး။ ဒီခေတ်က ရောဂါက စုံပါဘိသနဲ့ သေသွားမှာပေါ့။ မင်း မကြောက်ဖူးလား။ စဉ်းစားအုံး ဟေ့ကောင်”

ကျွန်တော် နည်းနည်းတော့ ဖြုံသွားတယ်။ သူပြောမှ စဉ်းစားမိတယ် ဘယ်သူက အာမခံမှာလဲ ရောဂါကူးပြီး ရှောတော့ရော ဘယ်သူမှ သနားမယ်မထင်ပါ။ ကိုယ့်ဘာသာ လျှာရှည်ပြီး ဖြစ်တာ သေတာ နည်းသေးတယ်လို့ ပဲပြောကြမှာ။ ဟင့် အားတောင် ငယ်သွားတယ်။ (အဲဒီတုန်းက အခုလို Tattoo အတွက် တစ်ခါသုံး အပ်တွေ ဘာတွေ မကြားဖူးသေးပါ။) zeRoTraSh တို့ ခွေးအကြီး လှည်းနင်းသလို အီစလံ ဝေသွားတာပေါ့။ ဘေးက နားထောင်နေတဲ့ မာတာမိခင်က ငါးခူပြုံးပြုံးပြတယ်။ ကဲ နင်ဘာလုပ်မလဲ ဆိုတဲ့ ပုံစံပေါ့။ သူတို့က သိပြီးသားလေ အသက်ကြီးပြီး လူကောင်သာ ထွားတာ စိတ်က ကလေးစိတ် ကြောက်တတ်တဲ့ အခံလေးကရှိတော့ သူတို့က အေးဆေးပေါ့။ Tattoo ကလဲ ထိုးချင် ရောဂါဆိုတာကြီး ကိုလည်းကြောက် ဘာဆက်လုပ်ရမယ် မှန်းကို မသိတော့ဘူး။ သိပ်မကြာလိုက်ဖူး ဆုံးဖြတ်ချက်ကို ချက်ခြင်းချလိုက်တယ်။

“အင်း သားလဲ ဗမာပြည်မှာတော့ Tattoo ထိုးတော့ဘူး။ ရောဂါကူးမှာတော့ ကြောက်တယ် ဒါပေမယ့် Tattoo ကလဲ ထိုးချင်တော့ နိုင်ငံခြား သွားပြီး ထိုးမယ်။ နော် ဖေ နော်။”

“အေးလေ ထိုးပေါ့ မင်းပိုက်ဆံနဲ့ မင်းထိုးပေါ့ သွားပေါ့ မင်းပိုက်ဆံနဲ့ မင်းသွားပေါ့ ဟဲ ဟဲ ဟဲ”
ကဲ အဲဒါနဲ့ ပွဲက ပြတ်သွားရော ရှိတဲ့ ပိုက်ဆံ ၁ သိန်းလောက်နဲ့ Belgium သွားဖို့ဆိုတာ နောက်သလို ဖြစ်နေတယ်။ အဲဒီကနေစပြီး ကျွန်တော့ရဲ့ နိုင်ငံခြားသွား ပြီး Tattoo ထိုးမယ့်ဇာတ် တစ်ခန်းရပ်သွား ပါတော့တယ်။ ဒါပေသိ ကြားထဲမှာ ဟိုလူ့မေး ဒီလူ့မေးနဲ့ ဘယ်နိုင်ငံမှာ Tattoo ထိုးရင် ကောင်းမလဲတော့ ကြိုးကြားကြိုးကြား စုံစမ်းသေးတာပေါ့။ အားပေးကြပါတယ် ဂျပန်သွားထိုးတဲ့ အဲဒီမှာ ပိုစနစ်ကျတယ်တဲ့ ၆ လ လောက်တော့ ကြာတယ်တဲ့။ ဆေးထိုး ဆေးစားနဲ့ ကာလာတွေကို တစ်လခြင်းဆီ ဖြည့်ပေးတာတဲ့ သွားပါတဲ့။ ကဲ ပြီးရော ပွဲသိမ်းသွားရော။ ခင်ဗျားတို့ သိတဲ့ Tattoo ထိုးတဲ့ နေရာရှိလဲ ပြောဗျ။ ဒါပေမယ့် စနစ်ကျရမယ်နော် ဟင်း ဟင်း အာမခံရမယ်။ နောက်ဆက်တွဲ သတင်း အနေနဲ့ ကျွန်တော်သည် ယနေ့ထက်ထိ Tattoo မထိုးရသေးပါ။ နိုင်ငံခြားသွား ပြီး Tattoo ထိုးရေးအတွက်ကိုမူ ကြိုးစားစဲ ဖြစ်ကြောင်း။

Read More...

Collapse...

ကိုယ်တိုင်ဗျူး အပိုင်း(၂)

မသိစိတ်: ဒီလိုဆို ကိုဇီးရိုးရဲ့ ၀င်ငွေက ကိုယ်ပိုင် အလုပ်လုပ်ပြီး ကထဲက တော်တော်များ သွားမှာပေါ့နော်
သိစိတ်: ဒါပေါ့ညီရာ ဒါပေါ့ ခုဆို များလွန်းလို့ စာရင်း တော်တော် လုပ်ထားရတယ် ဟင်း ဟင်း (တောက် ဘာတွေလာမေးမှန်း မသိဘူး အရင်လက အကြွေးရယ် ဒီလယူထားတဲ့ အကြွေးရယ် ပေါင်းရင် အင်း. . . တော်တော်များနေပြီ ကွိုင်ပဲ)

မသိစိတ်: အကို့ရဲ့ လုပ်ငန်းအတွေ့ အကြုံလေးတွေ ရှင်းပြပေးပါအုံး
သိစိတ်: ပြောရရင် တအားရှည်သွားမယ်။ ဒီလိုလုပ်လေ Blog မှာပဲ ဆောင်းပါးအနေနဲ့ ရေးပေးလိုက်ပါ့မယ် ကျန်တဲ့ သူတွေလဲ နမူနာယူ ရတာပေါ့ အဲဒါ ပိုကောင်းမယ် ထင်တယ်။

မသိစိတ်: (လဒ ဖြီးမလို့ စဉ်းစားမရတိုင်း လျှောက်ပြောတယ်) ဘယ်အသက် အရွယ်မှာ စပြီး အလုပ်လုပ် ခဲ့တာလဲ ခင်ဗျာ
သိစိတ်: ၁၆ နှစ်သား လောက် ကထဲက အလုပ်လုပ်တာပါ။

မသိစိတ်: ဘယ်အလုပ်ကို စလုပ်ဖြစ်တာပါလဲ
သိစိတ်: Programmer ပါ။

မသိစိတ်: ဘယ်လို Programming မျိုးကို အသုံးပြုခဲ့ ပါသလဲ ဘာတွေ ရေးခဲ့ရပါသလဲ ဘယ်လိုမျိုးလေ့လာ လိုက်စားခဲပါသလဲ (မှတ်ထားကွ မဖြေနိုင်လို့ကတော့ သေပြီသာမှတ် အရှက်ကို ဟက်တက်ကွဲ စေရမယ်)
သိစိတ်: (ဟာ ဒီကောင် ငါ့ကို ဘလိုင်းကြီး နွှာတယ်) အော် ဒါလား၊ အင်း ဒီလိုလေ . . . အဲဒီတုန်းကတော့ C ပေါ့(D တော့ မဟုတ်လောက်ဘူး) ဒါပေမယ့် ခက်တာက ဂျပန် ကုမ္ပဏီလေ၊ ဂျပန်လိုတွေပါ ရေးရတယ်။ ပြောရရင် ညီလေး လိုက်နိုင်မယ် မထင်ဘူး။ရေးခဲ့ဖူးတယ်ပေါ့ကွာ။ ဘယ်လိုလေ့လာ သလဲဆိုတော့ KMD တို့ MCC တို့မှာ တက်ခဲ့ဖူးတဲ့ အခြေခံလေးရယ် စာအုပ် ရှာဖတ်တာရယ်ပေါ့။ အင်တာနက်က မကျယ်ပြန့်သေးဘူးလေ E-Book တွေ ဘာတွေ သိပ်မသိသေးဘူး။ ဖတ်တာ ကတော့ကွာ ဘာလာလာ ဖတ်တာပါပဲ (တွတ်ပီတို့ သမိန်ပေါသွပ်တို့ ဟီ ဟိ)။ စာအုပ်တွေလဲ ၀ယ်ထားတယ်ကွ ဟင်း ဟင်း ဗီဒို တစ်လုံးနဲ့အပြည့်လောက် ဖြစ်နေပြီ (မိန်းမက မနေ့က ပြောတော့ ရှင့်စာအုပ်တွေ ရောင်းလိုက်မယ်တဲ့ ဖတ်တာလဲ မဟုတ်ဖူးတဲ့ လူအထင်ကြီးအောင် လျှောက်လုပ်မနေနဲ့တဲ့ ဒီမှာ ထမင်းစားဖို့ အရေးကြီတယ်တဲ့) ညီလေး လိုချင်တဲ့ စာအုပ်ရှိလဲ ပြောပေါ့ ကိုယ် ငှားပါ့မယ်။

မသိစိတ်: ဂျပန် ကုမ္ပဏီမှာ လုပ်ခဲ့တယ် ဆိုတော့ ဂျပန်လိုလဲ တတ်မှာပေါ့နော်
သိစိတ်: အာ. . . နဲနဲ ပါးပါးပါ ရတော့ ရပါတယ် ဟဲ ဟဲ မပြောတာ ကြာတော့ မေ့တေ့တေ့ရယ် (အဲဒါကြောင့် ထွက်ရတာ အဲဒါကြောင့် ဟင်း)

မသိစိတ်: အကို့ Cyber Cafe အခြေအနေ ဘယ်လိုရှိပါသလဲ (ဖြေလိုက်စမ်းပါ ဟင်း ဟင်း ဟင်း ဖြေလိုက်စမ်းပါ)
သိစိတ်: ကောင်းပါတယ် ရန်ကုန်မှာ အကောင်းဆုံး စာရင်းဝင်ပါတယ် လူစည်တယ်လေ ဟင်း ဟင်း Connection ကလဲ သိပ်ကောင်းတာဆိုတော့ ဒါတောင် ကိုယ်က သိပ်အာရုံ မစိုက်နိုင်တော့လို့ Web ဘက် အခြမ်းမှာ အားထည့်နေရတော့ ပစ်ထားသလို ဖြစ်နေတယ် ဒါပေမယ့် OK ပါတယ် (မင်းမို့လို့ မေးရက်တယ်ကွာ တောက် . . . ဆိုင်က လကုန်ရင် ပိတ်ရတော့မှာ လူလဲ မရှိဘူး နာမည်လဲ ပျက်နေပြီ ဟင့် . . .)။

မသိစိတ်: ဒါဆို စိတ်ကူးထားတဲ့ အနာဂတ် လုပ်ငန်းလေး အကြောင်း တစ်ဆိတ်လောက် ပြောပေးပါလား
သိစိတ်: ဒီလိုရှိတယ် ကိုယ် အခု Portal တစ်ခု လုပ်နေတယ်လေ။ အားလုံးအတွက်ပါ ဟင်း ဟင်း အနစ်နာခံပြီး လုပ်နေတာ ပြီးရင် Search Engine ဘက်ကို ကူးမယ် ၀ါသနာလဲ ပါတာကိုး။ မြတ်စွန်းမှုက အဓိက မဟုတ်ပါဘူး (ငွေရရင်ပြီးရော) စေတနာပါ (ငါ ချမ်းသာဖို့ အရေးကြီးတယ်) သိပ်အောင်မြင်သွားလို့ Google က နေ၀ယ်မယ် ဘာမယ်ဆိုရင်တောင် အမျိုးသားရေး စိတ်ဓါတ်အရ မရောင်းဘူး(လာဝယ်လို့ကတော့ ရွှေပဲ။ မိန်းမကို စိန်စီပေးမယ် Mercedez ကားစီးမယ် တိုက်နဲ့ခြံနဲ့ နေမယ်) ကိုယ်တို့ အမျိုးသားပိုင်ပဲ ဖြစ်ရမှာပေါ့ကွာ ဟုတ်ဖူးလား။

မသိစိတ်: Portal လုပ်တယ်ဆိုတော့ လူအင်အား ဘယ်လောက်နဲ့ စလုပ်ပါသလဲ
သိစိတ်: ၀န်ထမ်းခန့်ရတာပေါ့။ အင်း ၈ ယောက်လောက်နဲ့ စတာ (ဟိုကောင်ရယ် ငါရယ် z@cker ရယ် zeRoTraSh ရယ် ဒါကို ၂ နဲ့ မြှောက် ခွိ ခွိ ဒင်းလာ ကြည့်တာမှ မဟုတ်တာ အေးဆေးပေါ့)

မသိစိတ်: အကို့ Portal ကို တနေ့တနေ့ လူဘယ် နှစ်ယာက် ၀င်ပါသလဲ
သိစိတ်: လူတိုင်း သုံးပါတယ် ကြည့်ကြပါတယ် လူသိများတယ် တချို့ဆို တနေကုန်ကို ၀င်နေကြတာ (ငါ့ဘာသာငါ တစ်ယောက်ထဲ Refresh လုပ်ရလွန်းလို့ လက်ကို အန်သေနေပြီ)

အားလုံးလဲ ခုလောက်ဆို အမြင်တော်တော် ကပ်လောက်ရောပေါ့ တတ်နိုင်ဘူး ရေးအုံးမှာပဲ။
ဆက်လက်ဖေါ်ပြသွားပါမည် . . . အပိုင်း (၃) မျှော် . . .

Read More...

Collapse...

အတွေ့ အကြုံများ (၂)

ဟိုနေ့ကပဲ အင်တာနက် Connection အကြောင်း ပြောပြထားတယ်။ ဟော . . . ဒီနေ့ ထက်ပြောပြမယ် ဒီတစ်ခါ ပုံလေးပါ ပြမယ် ကျွန်တော် သုံးနေတဲ့ အင်တာနက် Connection Status လေးပေါ့ဗျာ။ ကြိုက်ရင် ကူးထားလိုက်ကြ။ IP address ကတော့ ဖျက်ထားတယ် တော်ကြာ ဟက်ကာနဲ့ တွေ့မှ ပန်လန်လက်နေမှာ စိုးလို့။ ဒါတော့ ကြောက်တယ်ဗျ။ ကဲ အောက်ကပုံကို ကြည့်။



တွေ့တယ်ဟုတ် Loop ပတ်နေတာ ဒါမျိုး။ ကောင်းလိုက်တဲ့ Connection လွှတ်ကို ကောင်းတာ။ ဒီလို Connection နဲ့မှ စီးပွါး မပျက် ဘယ်တော့မှ စီးပွါးပျက်မှာ မဟုတ်ဘူး။ ပြောပြီး ပါရောလား ခေတ်အမှီဆုံး စီးပွါးရေး လုပ်နေတာလို့ Connection ပေါ်မှာ မှီခိုနေရတယ်လို့။ ဘယ်သူကမှ အရေးတယူလုပ်ပြီး မပြင်ပေးဘူး။ အေးပေါ့လေ သူတို့မှာလဲ ကိုယ့်ထက် အရေးကြီးတာတွေ လုပ်နေကြရတာကိုး။ လာလုပ်ပေးတော့လဲ ငွေစလေးက ထွက်ရော တောင်းရှာတာ မဟုတ်ပါဘူး ကိုယ်ကိုက မနေနိုင် မထိုင်နိုင် ပေးမိတာ။ စီးပွါးရေးကိုးဗျ စီးပွါးရေးကိုး။ ဒီလောက်တော့ သိတတ် ရပေမပေါ့။ Complaint ကို ဖုန်းမဆက်ဘူးလား မေးကြမှာပေါ့နော့ အော် ဆက်ပါတယ်ဗျာ ဆက်ပါတယ် သူတို့ ဖုန်းတွေ တောင် လိုင်းမကောင်းဘူး။ ဆက်ရင် ကိုင်မယ့်သူ မရှိသလို ဖြစ်နေတာ ဟဲ ဟဲ ဖုန်းလိုင်းပျက် နေလို့ နေမှာပါနော့။ ဟုတ်တယ်ဟုတ်။ တစ်ခါ တစ်ခါ ဖုန်းကောင်းနေရင် ကိုင်သားပဲကလား။ ပြန်မဖြေဘူးလားလို့ ခင်ဗျားကမေးတယ်။ ဖြေတာပေါ့ သိပ်ဖြေတာပေါ့ ဒါပေမယ့် ဖြစ်တာ ကိုမြန်မြန် ပြောရတယ်။ သူတို့လဲ သိပ်မအားဘူးလေ ကိုယ်တစ်ယောက်ထဲမှ မဟုတ်တာ။ Customer ကိုဂရုစိုက် ကြပါတယ်။ သူတို့ဆီမှာ ကောင်းတယ်တဲ့ လိုင်းကဖြစ်တာတဲ့ ပြောသေးတယ် သူတို့က ခင်ဗျားတို့ကို စပြီးဆင်ပေးခထဲက သင်ပေးထားတာပဲ ဒီမီးလေး မငြိမ်ရင် လိုင်းက ဖြစ်တာ ဖုန်းရုံးကိုပြောတဲ့။ ဟုတ်ကဲ့ ဖုန်းရုံးကိုလဲ ပြောရလွန်းလို့ အာပေါက်နေပြီ သူတို့ကတော့လာစစ်ပေးတယ်။ လိုင်းက လုံးဝ Clear ဖြစ်နေတယ်။ အဲ Complaint ကို ဖုန်းထက်ဆက်တော့ မီးကတော့ ငြိမ်သွားပါတယ် ဒါပေမယ့် Loop ပတ်သလိုဖြစ်နေတယ် Connection ကဆိုတော့။ သူက ပြန်ရှင်းပြ တယ်ခင်ဗျ။ လေသံကတော့ Metallica က အဘ ခေါ်ရမယ် သိပ် အသံကောင်းတဲ့သူတွေ၊ အသံသိပ်အောင်တာ ပိုက်ဆံရှိရင် စီးရီး ထုတ်ပေးမယ်။ ခင်ဗျား သုံးတဲ့ DSL က Korea ကဟာဗျ ခု India ကလာတဲ့ ဟာတွေပဲ ရှိတယ် Port တွေ Change ဖို့ လိုနေတာ ပစ္စည်းမရှိဘူး ဂွပ်။ ဂွပ် ဆိုတာ ဖုန်းချတဲ့ အသံ။ အော် ဒါဆို ကျွန်တော်က ဘယ်သူ့ကို ပြောရမှာလဲ ဟင်။ ခုလိုပဲဆိုရင် သူတို့ အသစ် ထွက်တိုင်း ကိုယ်က အဲဒီဟာ လိုက်ဝယ်ရမှာလားဟင် မသိလို့မေးတာပါ။ ၀ယ်ဖို့ဆိုတာ ပိုက်ဆံလိုတယ်လေ။ တွင်းထဲက ထွက်နေတာမှ မဟုတ်တာ။ အော် ပြောရအုံးမယ် ကျွန်တော့ ရုံးမှာ ဆိုရင်လေ ကလေးတွေက Google တက်လာတာတွေ့ ရင် သိပ်ပျော်တာ။ ဟုတ်တယ် သူတို့ တနေကုန် Google ဘယ်သူ့စက်မှာ အရင် တက်သလဲလို့ အလောင်း အစားလေး ဘာလေး လုပ်ကြတာ။ ပျော်စရာကြီးပါလား ဟရို့။ ခုဆို ကျွန်တော်တောင် ၀င်ပြီး လောင်းတတ်နေပြီ။ တချို့ကတော့ အကြံပေးတယ် လူကြီးတွေနဲ့တိုင်တဲ့။ တိုင်တာပေါ့ ကျွန်တော် တိုင်တာပေါ့ အသက်ကြီးကြီး လူကြီးတွေကို ရှာပြီးကို တိုင်ပစ်လိုက်တယ်။ ဟင်း ဟင်း ဘာဖြစ်တယ် ထင်လဲ။ သူတို့က အသက်ကြီးတော့ နားလေးတယ်ဗျ။ အော် ပြောရတာ။ အဲလိုဆိုတော့ ပတ်ဝန်းကျင် အမြင်အရမသင့်တော်ဘူးလေ။ လူကြီးတွေကို အော်ပြောတယ်ဆိုတော့ ရိုင်းတာပေါ့ နော့။ သိတော့ပါဘူးဗျာ ဘာဆက်လုပ်ရမယ်မှန်း။ ခင်ဗျားတို့လဲ ကျပ်ကျပ် သတိထားကြ။ ယောင်လို့မှ Connection ကိုမှီခို ရတဲ့ အလုပ်ဆို မလုပ်နဲ့။ ကြည့် ဒီမှာ နမူနာယူ။ ဘ၀ဆိုတာ သူ့ဘာသာသူလဲ ပျက်တတ်တယ်။ အော် ဒါနဲ့ စကားမစပ် ကျွန်တော် သုံးနေတာက MPT ADSL ခင်ဗျ။ MPT ADSL . . .

Read More...

Collapse...

ကျွန်တော့ နားပေါက်လေး

ကျွန်တော့အဖေ နဲ့ ကျွန်တော်က သူငယ်ချင်းပေါင်း ပေါင်းတာ။ ဘော်ဒါတွေလိုပဲ။ ပြောစရာရှိ ပွင့်ပွင့် လင်းလင်းပြောလို့ ရတယ်။ လောလောဆယ် ပြောပြချင်တာက အဖေနဲ့ ကျွန်တော့ရဲ့ ဆက်ဆံရေးတွေ အကြောင်းထဲက တစ်ခုပေါ့။ ကျွန်တော် ၈ တန်းနှစ်လောက်က နားပေါက်ဖောက်ချင်တာ။ အဲဒီတုန်းက နားပေါက်ဖောက်တာတွေ သိပ်ခေတ်စားတာကိုး။ အဖေက အဲဒီတုန်းက နိုင်ငံခြားရောက်နေတယ်။ အဲဒါနဲ့ အမေ့ကို ပြောတာပေါ့ အမေ သား နားပေါက်ဖောက်မယ်။ နားငြီးလာလို့နဲ့ တူပါတယ် ဆေးခန်းခေါ်သွားပြီး ဆရာဝန်ဆီမှာ နားပေါက် ဖောက်ခိုင်းလိုက်တယ်။ ဖောက်တာမှ တစ်ပေါက်မဟုတ်ဘူး နှစ်ပေါက် ဖောက်လိုက်တယ်။ တစ်ဖက် ထဲမှာပဲ နှစ်ပေါက် ဖောက်လိုက်တာ။ အိမ်ရောက်တော့ အဖွားကဆူရော (အဖွားဆိုတာ အမေ့ရဲ့ အမေပါ။ ကျွန်တော့ကို သိပ်ချစ်တာ ကျွန်တော်ကလဲ တအားချစ်တယ် နောက်မှ အဖွားနဲ့ ကျွန်တော့ရဲ့ အကြောင်းရေးပြမယ်။)။ ကလေးကို အလိုလိုက်ရမလားပေါ့ ကျွန်တော့ကိုလဲ မဆူစဖူး ဆူတယ်။ လုပ်စရာလားပေါ့။ ကျွန်တော်ကတော့ အေးအေးပါပဲ။ မသိချင်ယောင် ဆောင်ပြီး ကိုယ့်ဘာသာ တပ်မယ့် နားကပ်တွေ ထပ်ပြီး ရွေးနေတယ်။ အဖွားက စိတ်ဆိုးပြီးပြောတယ် နင့်အဖေနဲ့ တိုင်မယ်တဲ့။ အဲ နဲနဲ တော့ ဖြုံသွားတယ်။ တော်ကြာ အဖေက ကျွန်တော့ကို တင်းပြီး မုန့်ဖိုးတွေ ဘာတွေဖြတ်။ ဘာညာဆို နာပြီလေ။ ဒါပေမယ့် အဖွားရှေ့မှာတော့ မကြောက်ချင်ယောင်ဆောင်ပြ လိုကတယ်။ အေးဆေးပါ ဖွားရဲ့ အေးဆေးပါ ဆိုတော့ အဖွား ရေရေလည်လည် တင်းသွားတယ်။ တကယ်ပဲဗျာ အဲဒီညက အဖေက ဖုန်းဆက်တယ်။ အမေနဲ့ ပြောတယ် ကျွန်တော်လဲ လစ်ထွက်မလို့ လုပ်တုန်း အဖွားက နင် နေအုံး ဘယ်မှ မသွားနဲ့ ဆိုတော့ မသွားရတော့ဘူး။ ခဏနေတော့ အဖေနဲ့ အဖွားနဲ့ ဖုန်းပြောရော ပြီးတော့ ကျွန်တော့ အကြောင်းတွေ တိုင်ပြောရော။ မင့်သားတော့ ပြောလို့ဆိုလို့ ကိုမရဘူး ဘာညာပေါ့ ခုလဲ နားပေါက်ဖောက်ထားတယ် ကိုယ်ဘာသာ ကြည့်ပြောအုံးတဲ့။ မကြာပါဘူး အဖေက ကျွန်တော်နဲ့ ပြောမယ်တဲ့။ ဒါနဲ့ သွားပြောရတာပေါ့ မပြောဘူးဆို အပြစ်က ပိုကြီးမယ်လေ။ ကျွန်တော့ စိတ်ထဲမှာတော့ ငါတော့နာပြီ ဆိုပြီး ဘုရားတရင်း ဖုန်းသွားကိုင်တာ။ ဖုန်းကိုကိုင်လိုက်တော့ အဖေက “ဟေ့ကောင် မင်းနားပေါက်ဖောက်ထားတယ်ဆို” ဆိုတော့ ကျွန်တော်က “ဟုတ်တယ်ဖေ သားနားကပ် ပန်ချင်လို့ ပြီးတော့ နားပေါက်ဖောက်ရတာ သဘောကျလို့ဖေ သား နှစ်ပေါက်ဖောက် လိုက်တယ်” အဲဒီလိုလဲ ပြောပြီးရော အဖေက ထပ်မေးတယ် “ဟေ့ကောင် မင်း နားပေါက်ကို ဘယ်ဘက်မှာဖောက်တာလား ညာဘက်မှာ ဖောက်တာလား” တဲ့ “သား ဘယ်ဘက်မှာ ဖောက်တာ ဖေ ညာဘက်မဟုတ်ဘူး” လို့ပြောလိုက်တယ်။ အဲဒီတော့မှ ကျွန်တော့ အဖေက သက်ပြင်းချသံကြီးနဲ့ “အေး ဒီမှာ ဟေ့ကောင် မင်း မသေမချင်းမှတ်ထား ညာဘက်မှာ နားပေါက်မဖောက်နဲ့ ဘယ်ဘက်မှာပဲဖောက် ညာဘက်မှာဖောက်တာ အခြောက်တွေမှ ဖောက်တာကွ။ ဒီမှာဆို Gay တွေက ညာဘက်မှာ ဖောက်ကြတာ အေး အေး မင်း ဘယ်ဘက်မှာ ဖောက်တယ်ဆိုရင်လဲ ပြီးတာပါပဲကွာ ငါက ညာဘက်မှာ ဖောက်တယ်ထင်လို့ စိတ်ပူသွားတာ ပြီးရော ပြီးရော မင်းလိုချင်တဲ့ နားကပ်ရှိရင် ပြောလေ ပို့ပေးလိုက်မယ်”လို့ပြောတယ်။ ဟီး ကျွန်တော် ပျော်လိုက်တဲ့ ဖြစ်ချင်း။ အဖွားဘက်ကို လှည့်ပြီး လက်ညှိုးလေးနဲ့ ကရော် ကရော် လုပ်ပြီး ထွက်လာခဲ့တယ်။ အဖွားကတော့ နင့်အဖေ ဘာပြောလဲတဲ့ ဒါနဲ့ ပြန်ပြောပြလိုက်တော့။ အဖွားက “အမလေး အားပေး အားမြှောက်တွေ လုပ်နေကြတယ် အဆိပ်ပင် ရေလောင်းနေတယ်” ဆိုပြီး အော်ပါတော့တယ်။ အင်း အဲဒီ တစ်ကြိမ်ထဲ အဖွားက အဆိပ်ပင် ရေလောင်းတဲ့ ထဲမှာ မပါတာပါ။ ကျန်တဲ့ ကိစ္စတွေမှာတော့ ထိပ်ဆုံးက မြေသြဇာ ကျွေးခဲ့တာပါ။ ခုလိုပြောပြနေတာ အဖေ တို့ အဖွားတို့ နဲ့ ပတ်သတ်ပြီး ပျော်ရတာ ကြည်နူးရတာ လေးတွေ ထဲက တစ်စိတ် တစ်ပိုင်းလေးတွေပါ။ နောင် အလျည်းသင့် သလို ကျွန်တော့ မိသားစု အကြောင်းလေးတွေ ပြောပြပါ့မယ်။ ကျွန်တော်ဟာ မိသားစုကို အင်မတန် ချစ်တတ်တဲ့ သူပါ။ နည်းမျိုးစုံ နဲ့လည်း ဒုက္ခ ပေးဖူးပါတယ်။ ကျွန်တော့ မိသားစုထဲမှာ ကျွန်တော်က အဖွားပြော သလို အဆိပ်ပင်လေးပေါ့။ အဲဒီ အဆိပ်ပင်လေးက ခုတော့ အသီး အပွင့်တွေတောင် ဝေနေပါပြီ အဖွားကတော့ မရှိတော့ပါဘူး။ ကျွန်တော် အဖွားကို သိပ်လွမ်းပါတယ်။ သူမြေသြဇာ ကျွေးခဲ့တဲ့ အဆိပ်ပင်လေးဟာ ခုဆိုရင် သူ သိပ်ဖြစ်စေချင်တဲ့ စာရေးခြင်း စာဖတ်ခြင်း နဲ့ အတူ တောင်စဉ် ရေမရလေးတွေ လုပ်တတ်နေတာ ကို သိရင် သူ သိပ်သဘောကျမှာပါ။ နောက်မှထပ်ပြော ပြတော့မယ် ခုတော့ တော်သေးပြီ။ အင်းနောက်ဆက်တွဲ သတင်း အနေနဲ့ ခုတော့ ကျွန်တော့မှာ နားပေါက် တစ်ပေါက်သာ ကျန်တော့ ပါကြောင်း။

Read More...

Collapse...

ကိုယ်တိုင်ဗျူး အပိုင်း(၁)

သူများဗျူးတာ မခံချင်လို့ ကိုယ်ကိုတိုင်ပဲ ပြန်ဗျူးထားတဲ့ ကိုယ်တိုင်ဗျူး။
ဖတ်ပြီးလို့ နရင်း အုပ်ချင်စိတ်ပေါ်လာရင် မြိုသိပ်ထားလိုက်ပါ။
အော် ခမျာ ရူးနေရှာတယ်လို့ သဘောထားလိုက် အားလုံး OK သွားလိမ့်မယ်။
အပိုင်းလိုက် အတွဲလိုက် ကိုရီးယားကားလိုကို လာအုံးမှာ။
လုပ်နေတဲ့ အလုပ်တွေ ဘာတွေ လူမှုရေးတွေ ပညာရေးတွေ နိုင်ငံရေးတွေ စုံတကာစိစေရမယ်။
() ထဲက ဟာတွေက အသံမထွက်ပဲ ကြံစည်မှုတွေလို့ နားလည်ပေးပါ။

မသိစိတ်: ဘာလို့ Blog ရေးတာလဲဟင်
သိစိတ်: ဟင်း ဟင်း . . . ဒီလိုလေ သူများတွေလဲ ရေးနေကြတယ် ပြောနေကြတယ် ဆိုတော့ လူရှိန်အောင်ပေါ့ ဘာရယ်တော့ မဟုတ်ပါဘူး။ ကိုယ့်ကိုလည်း တောင်းဆိုထားတာ လေးတွေက ရှိနေတော့ ဟင်း ဟင်း။

မသိစိတ်: Blog ရေးဖို့အတွက် Idea တွေ ဘယ်လိုရပါသလဲ
သိစိတ်: အော် ဒါလား လွယ်ပါတယ် သူများ Blog တွေကိုကြည့် (ခပ်တည်တည်နဲ့ ကူးချ ပြီးတော့ ငါ့ဘာသာ ငါလုပ်တာဆိုပြီး ဂုဏ်ယူတာပေါ့) သိပ်တော့မခက်ပါဘူး ကော်ပီလုပ်တတ်တာပဲ ဟဲ ဟဲ။ ခေတ်ကိုက ကော်ပီခေတ်ကိုး။ ကူးတယ်ဆိုပေမယ့် Refrence လုပ်တာပါ ကိုယ်က အလုပ်များတယ်လေ သိတယ် မှတ်လား။ ကိုယ်တိုင် မရှာအားဘူးကိုး။

မသိစိတ်: Blogger တွေကို ဘယ်လိုမြင်ပါသလဲ
သိစိတ်: ပြောရရင်တော့ တော်တော် ပွါးနိုင် စပ်စုနိုင် သိနိုင်လွန်းကြတယ်လို့ မြင်ပါတယ်။

မသိစိတ်: IT Field ထဲမှာ ဘယ်လောက်ကြာခဲ့ ပြီလဲ
သိစိတ်: ဟား ဟား ဟား ဆယ်နှစ် ဆယ်နှစ် (ကျော်ဟိန်းလို လုပ်ရတာ အားရလိုက်တာ) အဲလောက်ကြာခဲ့ပြီ။

မသိစိတ်: (သောက်မြင်ကို ကပ်တယ် သူ့ကိုယ်သူ မင်းသားကျနေတာပဲ) ဒါဆို အတွေ့ အကြုံတွေတော့ တော်တော် များနေပြီပေါ့နော်
သိစိတ်: ဒါပေါ့ ဒါပေါ့ ဟဲ ဟဲ အတွေ့ အကြုံတွေမှ အများကြီး အများကြီး (ငတိ ငါ့ကို ကျိတ်ခိုက်သွားပြီ ဆက်ဖြီးအုံးမှ) ဘာတွေသိချင်လဲ ဟဲ ဟဲ မေးသာမေး။

မသိစိတ်: ဘယ်နိုင်ငံမှာ ပညာတွေ သင်ကြားခဲ့ဖူးပါသလဲ
သိစိတ်: No ဘယ်နိုင်ငံမှ မသွားဖူးဘူး မြန်မာပြည်ထဲမှာပဲ နေနေတာပါ။ ကိုယ်က ဥာဏ်ကောင်းတယ်လေ။ ဟင်း ဟင်း စာအုပ်တွေ ဖတ်တာပေါ့ အင်း သင်တန်းတော့ တစ်ခု နှစ်ခု တက်ဖူးပါရဲ့ သိပ်မကောင်းလို့ ဆက်မတက်တော့ဘူး သူတို့က ကိုယ်လိုချင်တာမှ မသင်နိုင်တာကိုး ဒီတော့ ကိုယ့်ဘာသာကိုယ်ပဲ Self Study ပေါ့။ သိတာ တတ်တာတွေတော့ အတော်များပါတယ်။ ဟင်း ဟင်း ဟင်း ပါရမီရှင်လေ ပါရမီရှင်ပေါ့။ (အရသာရှိလိုက်တာနော်)

မသိစိတ်: ဒါဆို ဘယ်လိုမျိုး ကိစ္စတွေကို တာဝန်ယူဖူးပါသလဲ
သိစိတ်: အရင်တုန်းကတော့ Developer ပေါ့ နောက်ပိုင်းကျတော့ ရာထူးတက်သွားတယ် ဟင်း ဟင်း အရည်အချင်းက တားလို့မှ မရတာကိုး ဟင်း ဟင်း Web Master ဖြစ်သွားတယ်။ နောက်တော့ စိတ်သိပ်မပါတာနဲ့ အလုပ်ထွက်လိုက်ပြီး ကိုယ်ပိုင် အလုပ်ပဲလုပ်တော့တယ် သိတယ်မဟုတ်လား Company တွေက Pay နည်းတယ်လေ (ဘုရား ဘုရား ငါ့ကို ဟို Company က သဘောမကျတာတော့ သူမသိလောက်ပါဘူးလေ)။ ကိုယ်ပိုင် အလုပ်မှာကျတော့ စိတ်ကြိုက်ဖြစ်တာပေါ့နော် ၀င်ငွေလဲ ပိုကောင်းတာပေါ့။ ကိုယ်က အရည်အချင်း ရှိပြီးသားပဲ ဟင်း ဟင်း (ကွိုင်ပဲ အကြွေးရှင်တွေများ ငါ့ဗျူးကို ဖတ်မိမလား မသိဘူး)

မသိစိတ်: (အခွက်ကိုက နာရင်းအုပ်ချင်စရာ လာဖြီးနေတာ ပေါ်တင်ကြီး နဲနဲ ကျပ်ပေးလိုက်အုံးမှ) ဒါဆို ကိုဇီးရိုးက လုပ်ငန်းပိုင်ရှင်ပေါ့နော် လုပ်ငန်းတွေ အောင်မြင်အောင် ဘယ်လို လုပ်ဆောင် နေပါသလဲ ဘယ်လို လုပ်ငန်းမျိုးတွေ လုပ်ထားပါသလဲ။
သိစိတ်: ကိုယ်ပိုင်လုပ်ငန်း အနေနဲ့ စစခြင်း Cyber Cafe ဖွင့်တယ်လေ ပြီးတော့ နောက်တစ်ဆင့်တက်ပြီး Web Development ကုမ္ပဏီ လုပ်လိုက်တယ် ခုလက်ရှိလဲ လုပ်နေဆဲပါ နှစ်ခုလုံးကို အော် ဒီကြားထဲ ဟိုက Share ခေါ် ဒီက Share ခေါ်နဲ့ ဆိုတော့ သူများတွေဆီမှာ အသေးသုံး Share လေးတွေတော့ ထည့်ထားသေးတာပေါ့။ ဟင်း ဟင်း ကိုယ်က အောင်မြင်တဲ့သူကိုး။

ဆက်လက်ဖေါ်ပြသွားပါမည် . . . အပိုင်း (၂) မျှော် . . .

Read More...

Collapse...

ပဲ့တင်သံများ

မှားပါတယ် မှားပါတယ် . . . ဒီ Blog ရေးပြီး ကထဲက လူက အိပ်ကောင်းခြင်း မအိပ်ဖြစ် စားကောင်းခြင်း မစားဖြစ်နဲ့။ သူများ Blog တွေ ၀င်မွှေ ဟိုစပ်စပ် ဒီစပ်စပ် စပ်စု ပြီးတော့ ဒါလေးတော့ လုပ်အုံးမှ ဟိုဟာလေးတော့ လုပ်အုံးမှနဲ့ ကဲ ခုကြည့် မနက်လင်းသွားပြီ။ တော်သေးတာပေါ့ တနင်္ဂနွေဆိုတော့ အလုပ်ပိတ်ရက်မို့လို့။ နို့မို့ဆို မလွယ်ရေးချမလွယ်။ သူများ Blog တွေဖတ်ပြီး ကိုယ့် Blog ကိုယ်ကို အားမရ။ လက်ဆော့ ချင်တဲ့ အကျင့်ကဆိုးပ။ ခုလဲ အိပ်မယ်ဆိုပြီးမှ အစာပိတ်လေး ဒီစာတစ်ပိုဒ်တော့ ရေးမယ် ဆိုပြီး ဆက်ရေးနေမိသေးတယ်။ အားပါး ရပ်မရဘူးဟေ့။ ကဲ ကွယ် ခုတော့ တော်သေးပြီ။

Read More...

Collapse...

လူငယ်များ နှင့် သင်တန်း

          ၂၁ရာစုရဲ့ အလုပ်အကိုင် အခွင့်အလမ်း တော်တော်များများမှာ အသိပညာ၊ အတတ်ပညာဟာ အင်မတန် အရေးပါလာပါတယ်။ ဒီအတွက်ကြောင့် လူငယ်တွေဟာ ယခင်ကထက် နည်းပညာပိုင်း၊ အတတ်ပညာပိုင်း တွေကို ပိုပြီး လေ့လာလိုက်စား လာကြရတော့ပါတယ်။ ဒါကြောင့်လည်း သင်တန်း တွေဟာ ဟိုနားဒီနားမှာ အလျှိုလျှို ပေါ်ထွန်းလာတာဖြစ်ပါတယ်။ သင်တန်းတက်ကြသည်ဟု ဆိုရာတွင် ဘယ်လိုအခြေအနေ၊ အကြောင်းအရာတွေကြောင့် တက်တာလဲဆိုတာကိုပါ ဆန်းစစ်ကြည့်ဖို့ လိုအပ်လာပါတယ်။ အခြေခံသဘောအနေနဲ့ သင်တန်းတက်တဲ့ လူငယ်တွေကို အုပ်စု ၃ ခုလောက် ခွဲပြီးကြည့်လို့ရပါတယ်။ မိဘကတိုက်တွန်းလို့ သင်တန်း တက်သောသူ၊ သူငယ်ချင်း အပေါင်းအသင်း တွေကပြောလို့ သင်တန်းလိုက်တက်သောသူ နှင့် မိမိကိုယ်တိုင် ရွေးချယ်ပြီး သင်တန်းတက်သော သူဆိုပြီး ကျွန်တော့်အနေနဲ့ ခွဲခြားမြင်မိပါတယ်။

          ပထမအုပ်စုဖြစ်တဲ့ မိဘကတိုက်တွန်းလို့ သင်တန်းတက်ကြတဲ့ လူငယ် အများစုဟာ သူတို့ကိုယ်တိုင် စိတ်ဝင်စားတာ မဟုတ်တဲ့အတွက် သင်ယူ လိုက်နာမှု အပိုင်းမှာ အားနည်း နေတာကို တွေ့ရပါတယ်။ သို့ပေမယ့် တချို့ကတော့ ကြိုးစားသင်ယူတာကိုလည်းတွေ့ရပါတယ်။ ဒီအခြေအနေမှာ လူငယ်တွေဟာ ကိုယ်ကိုယ်တိုင်က စိတ်မပါတဲ့အတွက် သင်တန်းပေါ်မှာ ငြီးငွေ့လာပြီး မိဘကို ကြောက်လို့သာ တက်ရတယ်။ သူ့အတွက်ဘာမှ သိမြင်လာတယ် ဆိုတာမရှိပါဘူး။ နောက်ဆုံးမှာ သင်တန်းကို နည်းအမျိုးမျိုး ဆင်ခြေအမျိုးမျိုးနဲ့ ရှောင်ဖယ်လာပါတယ်။ မိဘတွေဘက်ကလည်း ကိုယ့်သားသမီးဘာကိုဝါသနာပါသလဲ၊ ဘာဖြစ်ချင်တာလဲဆိုတာ ဃဂဏန သိပြီးသူတို့ရဲ့ စိတ်ကူးစိတ်သန်းလေးတွေကို လမ်းလွဲမသွားအောင် ထိန်းသိမ်းပေးဖို့လိုပါတယ်။ဒီလိုမှမဟုတ်ပဲ ကိုယ်ဖြစ်စေချင်တာကိုသာ ပုံသွင်းပြီး အတင်းလုပ်ခိုင်းလာရင် နောက်ဆုံး ကိုယ့်သားသမီးကပဲ စိတ်ဆင်းရဲပြီး သင်တန်းမှာလဲ အာရုံဝင်စားမှုမရှိ၊ သေသေချာချာလဲ ဘာမှ မဖြစ်မြောက်ပဲ ဝေလေလေနဲ့ အဆုံးသတ်သွားမှာပါ။ ဒါကတော့ မိဘဘက်ကပါ သတိပြုသင့်တဲ့ အချက်ပါပဲ။ ဒုတိယအုပ်စုဖြစ်တဲ့ သူငယ်ချင်းအပေါင်းအသင်းတွေကပြောလို့ သင်တန်းလိုက်တက်တဲ့ လူငယ်တွေကတော့ အခြေအနေ တစ်မျိုးပါ။ သူတို့ဟာအင်မတန် အပေါင်းအသင်းမင်ပြီး သူငယ်ချင်းက ဒါကောင်းတယ် ထင်ရင် လိုက်လုပ်ဖို့ ၀န်မလေးပါဘူး။ ကိုယ်တိုင်စိတ်ဝင်စားလား၊ စိတ်မ၀င်စားဘူးလားဆိုတာ သေချာမစဉ်းစားပဲ မိဘဆီပိုက်ဆံတောင်း သူငယ်ချင်းနဲ့အတူ သင်တန်းလိုက်တက် ဒီလိုပဲ စဥ်းစားကြတယ်။ တကယ်တမ်း သင်တန်းတက်တော့လည်း ဘာသာရပ်ကို စိတ်မ၀င်စား၊ သူငယ်ချင်းတွေ ပါလို့သာ ပျော်တဲ့အတွက်ကြောင့်တက် ဒီတော့ စာမှာ စိတ်ဝင်စားမှုမရှိဘဲ သင်တန်းသာ ပြီးဆုံးသွားတယ် ကိုယ်က ဘာမှမရလိုက်ပဲ ကျန်ခဲ့ပါတော့တယ်။ ကိုယ်ရဲ့ တန်ဖိုးရှိတဲ့ အချိန်တွေကို အချိန်ကုန်ခံ၊ ငွေကုန်ခံပြီး သင်တန်း လိုက်တက်မိတဲ့အတွက် ဘာအကျိုးကျေးဇူးမှ မခံစားရဘူးဆိုတာ နောင်မှ သိမြင်လာရပါတယ်။ ဒီလိုမျိုး မဖြစ်ရလေအောင် ကိုယ့်ဘာသာ သတိချပ်ဖို့ လိုအပ်ပါတယ်။

          မိမိကိုယ်တိုင်ရွေးချယ်ပြီး သင်တန်းတက်တဲ့အုပ်စုကတော့ ပထမဦးစွာကိုယ်ဘာကို စိတ်ဝင်စားသလဲဆိုတာ အရင်ဆန်းစစ်ပါတယ်။ပြီးတော့ သူစိတ်ဝင်စားတဲ့ ဘာသာရပ်အတွက် ဘယ်သင်တန်းက သင့်တော်လဲဆိုတာကိုပါ စုံစမ်းပါတယ်။ နောက်ဆုံးမှ သူစိတ်ကျေနပ်လောက်တဲ့ အဖြေရမှပဲ အဲဒီသင်တန်းကို သွားတက်တာဖြစ်ပါတယ်။ သူတို့ဟာ သင်တန်းမှာဆိုရင် သင်သမျှ ဘာသာရပ်အားလုံးကို စိတ်ဝင်တစားလေ့လာလိုက်စားပြီး၊ ကိုယ့်အားကိုယ်ကိုးကာ စာအုပ်စာတမ်းများရှာဖွေဖတ်ခြင်း၊ ဆရာဆရာမများထံ ချည်းကပ်မေးမြန်းခြင်း စသည်ဖြင့် ကိုယ်ရဲ့ အရည်အသွေး တိုးတက်လာဖို့ အတွက် အမြဲတမ်း ဂရုစိုက်နေကြတာတွေ့ရပါတယ်၊ သူတို့ဟာ သူတို့စိတ်ဝင်စားတဲ့ သင်တန်းဖြစ်တဲ့အတွက် သေချာနာယူပြီး သင်တန်း ပြီးမြောက်တဲ့အချိန်မှာ သူတို့ဟာ အဲဒီ ပညာရပ်မှာ အတော်အသင့် နားလည် တတ်မြောက်နေပြီး ပြန်လည်အသုံးချဖို့အတွက် အဆင်သင့် ဖြစ်နေကြပါတယ်။

          သင်တန်းတစ်ခု တက်တော့မယ်ဆိုရင် သေချာ လေ့လာဆန်းစစ်ပြီးမှ ဒီသင်တန်းကို ကိုယ်ကတက်ချင်၊ မတက်ချင်၊ ဒီသင်တန်းက ကိုယ့်အတွက် အထောက်အကူပြုမပြု၊ ငွေကုန်ရကြိုး နပ်မနပ်၊ ပြန်လည် အသုံးချနိုင်ခွင့်ရှိမရှိ အရာရာကို သေသေချာချာလေ့လာပြီးမှ တက်သင့်ပါတယ်။ ဒီလိုမှမဟုတ်ရင်တော့ ငွေမောစိတ်မောနဲ့ သင်တန်းသာပြီးသွားတယ် ကိုယ့်အတွက် ဘာမှ မရလိုက်တဲ့ အပြင် ကိုယ့်ရဲ့ တန်ဖိုးရှိလှတဲ့ အချိန်တွေဟာ သဲထဲရေသွန်သလို အလဟသ ဖြစ်သွားမယ်ဆိုတာ သတိကြီးစွာထားပြီး ဆင်ခြင်သင့်တယ် လို့ပဲ ပြောလိုက်ပါရစေ။

zeRoTraSh
April, 2007

Read More...

Collapse...

အတွေ့ အကြုံများ (၁)

တနေ့ တနေ့ အင်တာနက် Connection နဲ့ပဲ စိတ်ပျက်နေရတယ်။ တနေကုန် တက်လိုက် ကျလိုက်နဲ့ ဖုန်းဆက်ပြီးပြောတော့လဲ အလကားပဲ MPT DSL ကောင်းတယ်ဆိုလို့ ပြောင်းသုံးတုန်းတာ စစခြင်း ၁ လ လောက်ပဲ တစ်ကယ်ကောင်းတယ် ခုမကောင်းတော့ပြန်ဘူး မကောင်းတာ ၇ လ လောက်ရှိ ရော့မယ်။ အဲဒီတုန်းက Bagan DSL မကောင်းလို့ ထပ်ဝယ်လိုက်တာ။ လွန်ခဲ့တဲ့ ၁ လ လောက်ကမှ သူငယ်ချင်း တစ်ယောက်ကို ပြန်ရောင်း လိုက်တာ။ ခုတော့ Bagan က Connection ကောင်းနေတယ်တဲ့။ ကဲ ဘယ်သူ့ကို ယုံစားရမှာလဲ။ Wimax လဲ ကြားတယ် Bandwidth ထပ်ဝယ်တာလဲ ကြားတယ်။ လက်ရှိ Connection ကိုရော ဘယ်လိုလုပ်မှာလဲ။ မနှစ်ကစပြီး Cyber Cafe လေးဖွင့်ထားတယ်။ ဒီနှစ် Portal တစ်ခုလုပ်တယ်။ အားလုံး ဒီ Connection ကို မှီခိုနေရတဲ့ အလုပ်တွေ ချည်းပဲ။ ခုဘယ်လို လုပ်စားရတော့မှာလဲ။ ဘယ်သူ့ကို မေးရမှန်းလည်းမသိ။ အော် ငါကိုက ဖျင်းတာပါ အဲလိုပဲ တွေးမိပါရဲ့။ ခေတ်အမှီဆုံး ဆိုတဲ့ အလုပ်တွေချည်းပဲ ရွေးလုပ်ကာမှ ခွေးဖြစ်တော့မယ် ထင်ပါရဲ့။ ခု Connection က တက်လိုက် ကျလိုက်နဲ့ Gateway ကို Ping လို့ရှိရင် အခါ ၁၀၀ မှာ ၃၅ ခါလောက် Request Time Out နဲ့ညားတယ်။ ရတဲ့ Connection က Gtalk ဆို Connecting . . . Singing In . . . Connecting . . . ဒါမျိုး။ Web Browsing ဆို Google တက်ဖို့တောင် ဆေးလိပ် တစ်ဝက်ကျိုး လောက်ကြာရဲ့။ အေး ပေါ့လေ ဒါတွေက နိုင်ငံခြားက Server တွေကနေ ဖြတ်ပြီး မြန်မာပြည် လာရတာဆိုတော့ ကြာပေမပေါ့ နော့ . . . ဟုတ်တယ်ဟုတ်။ ခွင့်လွှတ်ရမှာပေါ့ သည်းခံရမှာပေါ့။ မကောင်းရင် မသုံးနဲ့ပေါ့ ဆိုတော့လဲ အင်း ၀ယ်ထားပြီးသား ပိုက်ဆံ ဘယ်သူက ပြန်အမ်းမှာ တဲ့လဲ။ ဖွင့်ထားတဲ့ Cyber Cafe လေးက နေ့တိုင်း ၀င်ငွေ ကောင်းရှာသားပဲ တနေ့ ၃၀၀၀ နဲ့ ၅၀၀၀ ကျပ် ကြားလောက်တော့ စီသား။ မဆိုးဘူးပေါ့ ထမင်းတော့ စားလို့ရတာပ။ ထားပါ ထားပါ ငတုံးပဲ ခံပေါ့။ လျှာရှည်တာကိုး။ အင်းယားလမ်းမှာ ၀က်သား ဒုတ်ထိုးရောင်းတဲ့ ကောင်တွေတောင် ခုကားနဲ့ ဘာနဲ့။ တောက် ဒီလိုမှန်းသိရင် ဒုတ်ထိုးပဲ ရောင်းစားမှာပေါ့။ ဈေးကွက် စီးပွါးရေးမှ နားမလည်တဲ့ ကောင်ပဲ ခံဟဲ့။ ပြောလိုက်ရင်တော့ အိမ်မှာ လေကြီးမိုးကြီး အဖေ အမေ မေးရင်တောင် ဒီလောက် ခေတ်မှီတဲ့ အလုပ်လုပ်နေတာ ဘာတွေလာပြော နေတာလဲ ပြန်အော်လိုအော် . . .။ အော် ကံကြီးထိုက်တာလားမသိ။ သူတို့ ပြောသလို တခြား တိုလီမုတ်စလေး ဘာလေး ရောင်းစား ရင်တောင် ခုလောက်ဆို အဆင်ပြေလောက်ရဲ့။ ခုတော့ဗျာ သေပြီဆရာလို့ အကြိမ်ကြိမ် အော်နေရတဲ့ ဘ၀။ ကောင်းကြသေးရဲ့လား အရပ်ကတို့ရဲ့။ zeRoTraSh တို့ ခေတ်မှီတဲ့ အလုပ်တွေ လုပ်နေတာနော် ဟင်း ဟင်း . . . ဘာမှတ်နေလဲ။ နောက်မှ ထပ်ပြီး Cyber Cafe ဖွင့်တဲ့ အတွေ့ အကြုံတွေ Portal လုပ်တဲ့ အတွေ့ အကြုံတွေ ထပ်ပြောပြမယ်။ ခုတော့ Connection မကောင်းသေးလို့ သည်းခံကြ။ ခင်ဗျားတို့လဲ မှတ်ထားနော် ၃၇ မင်း နတ်တွေ ကိုင်ရင် ဘာဖြစ်လဲတော့ ကျွန်တော်မသိဘူး အင်တာနက် ကိုင်ရင်တော့ အသက်တိုတတ်တယ်။ တော်သေးပြီ။

Read More...

Collapse...

သင်္ချာ

တစ်ဘက်စောင်းနင်းတဲ့ လောက
အလင်းဆိုတဲ့ ဝေါဟာရအတွက်
မျက်မမြင်တို့ရဲ့ ပုစ္ဆာများ . . .

zeRoTraSh
March, 2002

Read More...

Collapse...

စိတ်ထဲမှာရှိသော သူတို့တွေ (၁) . . . . .

ဟိုးတုန်းကပေါ့ လေးဖြူ ကန္တာရလမင်း အခွေစထွက်တော့ ဦးလေး တစ်ယောက်က ၀ယ်လာတယ်။ အဲဒီတုန်းက ထူးအိမ်သင် သီချင်းတွေ နားထောင်တတ်ခါစ ရှိသေးတယ်။ လေးဖြူခွေတွေ့တော့ နားထောင်ကြည့်တယ် ချက်ခြင်းကို သဘောကျသွားတယ်။ ကျွန်တော် တော်တော် ငယ်သေးတယ် ငါးတန်းလောက်ပဲ ရှိအုံးမယ်ထင်တယ်။ ပထမဆုံး သဘောကျသွားတဲ့ သီချင်းက တခြားသူတွေလိုပါပဲ “အလင်းရောင်”ပေါ့။ ဆွဲငင်အား အပြည့်နဲ့ လေးဖြူ ဆိုထားတာ ကျွန်တော် ရုန်းမထွက်နိုင်ခဲ့တော့ဘူး။ “ည” တို့ ဘာတို့လဲကြိုက်တာပဲ တစ်ခွေလုံးကို ကြိုက်တာပါဗျာ။ အဲဒီကထဲက လေးဖြူခွေတွေကို ကျွန်တော် Collection လုပ်လာခဲ့တာ ယနေ့ထိပါပဲ။ သိပ်တော်တဲ့ အဆိုတော်တစ်ယောက် ဖြစ်တယ်ဆိုတာ အားလုံးလဲ လက်ခံကြမှာပါ။ ခုသူ Stage Show မဆိုတော့တာကို အားလုံးက ထင်ကြေးအမျိုးမျိုးနဲ့ ပြောနေကြတယ်။ ကျွန်တော်ကတော့ ဘယ်လိုမှ မထင်ပါဘူး။ သူ့ဆုံးဖြတ်ချက်ကို လေးစားရမယ်လို့ပဲထင်မိတယ်။ သူလဲ သူ့ဆုံးဖြတ်ချက်အတိုင်း နေတာပဲ။ ဂီတမှာ နေရာခိုင်မာသလို စိတ်ဓါတ်ရေးရာမှာလဲ ခိုင်မာလှပါတယ်။ ကျွန်တော် သဘောကျတဲ့ အချက်မှာလဲ အဲဒါပါ ပါတယ်။ ခုချိန်ထိကျွန်တော် လေးဖြူသီချင်းတွေကို တရှိုက်မတ်မတ် နားထောင်နေဆဲပါ။ လူတွေ ဘာလိုအပ်နေသလဲ ဘာတွေပေးမလဲဆိုတာ ကိုလေးဖြူက သိနှင့်နေပုံပါပဲ။ မှော်အောင်ထားတဲ့ မှော်ဆရာတစ်ယောက်အဖြစ် ရပ်တည်နေဆဲပါ။ သူနဲ့ပတ်သတ်ပြီး ရီစရာ အတိုအထွာလေးတွေလဲ ကြားဖူးပါရဲ့ ပျော်ပျော်နေတတ်တဲ့ လူစားမျိုးပါပဲ။ အနုပညာမှာတော့ မာန အနည်းနဲ့ အများ ကြီးတယ်လို့ထင်ပါတယ်။ ဘယ်လိုဖြစ်ဖြစ် ယနေ့ထက်ထိ လေးစားစွာ နားထောင်နေတဲ့ စာရင်းထဲမှာ လေးဖြူပါနေပါတယ်။

Read More...

Collapse...

Blog ကိုမွေးဖွါးခြင်း

ခုတစ်လော စိတ်တွေ ရှုပ်နေတာများပြီ ဘာလုပ်ရရင် ကောင်းမလဲဆိုပြီး တွေးနေမိတယ် Blog တစ်ခုလောက် စမ်းပြီး ရေးချင်စိတ် ပေါက်လာတာနဲ့ ဒီ Blog လေးကို လုပ်ဖြစ်သွားတာပါ Web 2.0 ဟာ လူတွေကို စွဲလန်းစေတယ် ဆိုတာ Blog လုပ်နေရင်းနဲ့ ပိုပြီး သိသာလာတယ် ကိုယ့်ဘာသာကိုယ် ဖိုးဝ portal မှာ Administration အပိုင်းပဲ လုပ်ဖြစ်တော့ Coding တွေကိုမေ့နေတာ ကြာပြီ ခုမှ ဒီ Blog မှာ စမ်းတ၀ါးဝါးနဲ့ ပြန်ကြည့်နေရတယ် ဒီ Blog ထဲမှာ ရောက်တတ် ရာရာလေးတွေ စိတ်ကူးလေးတွေ စာတိုပေစလေးတွေ ရေးမယ်လို့ စိတ်ကူးထားတယ် ၀င်ဖတ်တဲ့ လူတွေကို အကျိုးရှိစေချင်တယ် ပျော်စေချင်တယ် ကျေနပ်စေချင်တယ် တတ်နိုင်သလောက်တော့ ရေးပါ့မယ် . . .

Read More...

Collapse...

မြင်လှည့်ပါ အမေ . . .

အမေ . . .
ငှက်ကလေးတွေ
တစာစာအော်နေတိုင်း
အမေ ဘယ်လိုများနေပါသလဲ အမေ . . .

အမေ . . .
အမေပြုစုပေးတဲ့ ဥယျာဉ်လေးထဲမှာ
အမေ့ သားသမီးတွေ
အကြိမ်ကြိမ် ဆူးခြစ်ရာတွေနဲ့
ပြိုလဲနေတာကို ကြားရတော့
အမေ ရင်နာနေလောက်ရောပေါ့ . . .

အမေ . . .
နံရံနောက်က အမေ့ဘ၀ကို
တစ်ခါတစ်ခါ
သားတို့မေ့များနေမိသလား အမေ . . .

အမေ . . .
အမေ့ရဲ့ သားသမီးအပေါ်ထားတဲ့
ခွင့်လွှတ်မှုတွေကို
အမေ့ သားသမီးတွေ
နားလည်တတ်နေကြပါပြီ အမေ . . .

အမေ . . .
ရဲရဲနီစွေးတဲ့ သွေးတွေ
မျှော်လင့်နေတဲ့ မျက်ဝန်းတွေ
ငိုယိုနေတဲ့ အသံတွေ အတွက်
စကားလေးတစ်ခွန်းလောက်
လက်ဆင့်ကမ်းပေးပါ အမေ . . .

အမေ . . .
ညောင်ပင်အောက်က
အရိပ်ဆိုတာကို
အမေ့ သားသမီးတွေ
မုန်းတီးနေတတ်ကြပါပြီ အမေ . . .

အမေ . . .
သားတို့ရဲ့ မနက်ဖန်ဆိုတာ
အလင်းမပေါက်တော့တာ
ကြာပါပြီ အမေ . . .

အမေ . . .
အမေ့လို သတ္တိမျိုး
သားမှာ မရှိလို့
ရှက်တတ်နေပါပြီ အမေ . . .

အမေ . . .
ရှေ့ဆက်မယ့် ခြေလှမ်းတွေအတွက်
အမေ အားပေးနေမယ်ဆိုတာ
သား ယုံပါတယ် အမေ . . .

zeRoTraSh
23th August 2007
5:11 PM

Read More...

Collapse...