မမှတ်မိပေမယ့် သိခဲ့သလိုပဲ
ခနလောက်စောင့်မလား
ငါစဉ်းစားကြည့်မယ်
ဟိုးတုန်းကလား
အချစ်ဟောင်းတွေလား
ဝိုးတဝါးပါပဲ သိပ်ရက်စက်တယ်
နင်တစ်ယောက်ထဲလား
ဟိုကောင်မပါဘူးလား
မိုးလည်းချုပ်တော့မယ်
ဘယ်ကိုပြန်မလို့လဲ
ဟဲ ဟဲ ဟဲ အဲလိုပေါ့လေ။ အဲလက်စ်သီချင်းလေးကို သတိရမိတယ်။ မတွေ့လောက်ဘူး ထင်ထားတာ တည့်တည့်ကြီးကို တိုးတော့တာပဲ။ သေချာကြည့်တော့ ဒီမျက်နှာ ငါမြင်ဖူးပါတယ်ပေါ့။ ဘုရား ဘုရား ဝလာလိုက်တာ ဝက်ဝက်ကွဲပဲ ဟီး။ စီးတီးမတ်မှာ ပစ္စည်းလေးတွေ ဝင်ဝယ်တုန်းပေါ့။ သူကလည်း အဲဒီ့နားမှာ ကိုယ်ကလည်း အဲဒီ့နားမှာ တည့်တည့်ကိုတိုးတော့တာ။ သူဒီဘက်လှည့်တော့ ဟဲ့ ပလုတ်တုတ်တဲ့ အင်း အရင် အကျင့်အတိုင်းပဲ ယောင်လိုက်ရင် ဒီလိုပဲ။ လှမ်းပြီးခေါ်လေရဲ့ ဟဲ့ နေကောင်းလား မတွေ့တာကြာပြီ ဘာတွေလုပ်နေလဲ။ အော် မေးလိုက်တဲ့မေးခွန်းတွေ တရစပ်။ ဟိုတုန်းက သိပ်ပြီးနူးညံ့တဲ့ သူမအသံက ခုတော့ စွာကျယ် စွာကျယ်နဲ့ နားထဲကို ကန့်လန့်ကြီး ဝင်လာသလိုပဲ။ ဒါနဲ့ပဲ နေကောင်းပါတယ် မတွေ့တာကြာမှာပေါ့ မတွေ့ဖြစ်အောင် နေနေကြတာပဲ မဟုတ်လား။ ဘာလုပ်နေသလဲဆိုတော့ လူတွေကို ခိုင်းတတ်အောင် လုပ်နေတယ်။ အဲဒီ့လို ကျွန်တော်ပြောတော့ မျက်နှာကို မဲ့ကာရွဲ့ကာနဲ့ အရင် အချိုးအတိုင်းပဲ ဘာမှ မပြောင်းလဲဘူး။ ပြောင်းလဲတာဆိုလို့ နှုတ်ခမ်းမွှေး မုတ်ဆိတ်မွှေး များများထားတာပဲ ကွာတယ်တဲ့။ အင်း ကိုယ့်ဘာသာတောင် သတိမထားမိဘူး သူပြောမှ သတိရတယ် အလုပ်များလို့ မျက်နှာက အမွှေးတွေကို မရိတ်တာ ကြာသွားတာကိုး။ အဟက်ဟက်ဟက်ဟက် လို့ ရီလိုက်တော့ ဟောတော့ ရီတာကလည်း ဒီပုံပဲတဲ့ နင်ဘာမှကို မပြောင်းလဲပါလားနော်တဲ့။ အဲဗျ သူ့ဘာသာ တစ်ယောက်ထဲ ကောက်ချက်တွေ ဆွဲနေပါလား။ ငါ့ကို ကော်ဖီလေးဘာလေး တိုက်ပါလားတဲ့။ ကျွန်တော်လည်း အေးလေ သောက်ပေါ့လို့ ပြောပြီး လိုက်တိုက်လိုက်ပါတယ်။ အဲဒီ့နားက ဆိုင်မှာပေါ့ဗျာ။ နင့်ယောက်ျားရော မပါဘူးလား လို့ ကျွန်တော်မေးတော့ ဒီနိုင်ငံမှာ မရှိဘူးတဲ့ နိုင်ငံခြားမှာတဲ့ ပြောတော့ပြောတယ် ဘယ်နိုင်ငံလည်း မမှတ်မိလိုက်ဘူး။ ကလေး တစ်ယောက်ရပြီတဲ့။ ကလေးက ၃ နှစ်ဆိုလားပဲ။ သူကမေးတယ် နင်ရောတဲ့ အင်း ငါက ဒီလိုပဲလေ အရင်လိုပဲပေါ့ ဆိုတော့ သိပ်ပြီး သဘောမကျတဲ့ပုံနဲ့ တည်တည်ငြိမ်ငြိမ်နေတော့လေဟာတဲ့ အသက်ကလည်း မငယ်တော့ဘူးတဲ့။ ဆရာကလုပ်လာပြန်တယ် အဲဒီ့အချိုးတွေကြောင့်ပဲ သောက်ပြဿနာတက်ပြီး ပြတ်တာလေ။ ကျွန်တော်ကတော့ ဘာရယ်မဟုတ်ပါဘူး အရင်က အကြောင်းတွေ စဉ်းစားမိသွားတာပါ။ သူ့အဖေနဲ့ အမေက ကျွန်တော့်ကို တချိန်လုံးမေးတယ်တဲ့ သူတို့တွေက မတွေ့တာကြာတော့ သတိရတယ်နေမှာပေါ့။ သူ့ယောက်ျားကလည်း မေးတယ်ဆိုပဲ။ ကျွန်တော်နဲ့ ဆုံချင်သေးတယ်တဲ့။ အေးလေ ဆုံကြတာပေါ့ သူပြန်လာရင်လို့ လွယ်လွယ်ကူကူပဲ ကျွန်တော် ပြောလိုက်ပါတယ်။ သူကပြောသေးတယ် နင့်ကို ငါ့ယောက်ျားရော ငါရောက သိပ်ပြီး ကျေးဇူးတင်တာတဲ့ ကလေးတောင် နင့်နာမည်ပေးမလို့ စဉ်းစားသေးတယ်တဲ့ ဘုရား ဘုရား ကိုယ်ကနေရင်းထိုင်ရင်း ကျေးဇူးရှင်ကြီး ဖြစ်နေပါရော့လား။ ဘယ့်နှယ့်လုပ်ပြီး ကျေးဇူးရှင် ဖြစ်သွားပါလိမ့်လို့ ပြန်စဉ်းစားတော့မှ အော် ဟုတ်သားပဲဆိုတာလေး တွေးမိတယ် ဒီလိုဗျ ဒီလို။
လွန်ခဲ့တဲ့ ၇ နှစ်လောက်ကပေါ့။ မောင်သုညတို့ လန်ထွက်နေအောင်ကို ကဲတဲ့အချိန်ပေါ့။ ခုနက ဖတ်တီးမလေးက မောင်သုညရဲ့ ရည်းစားလေ။ အဲဒီ့တုန်းကတော့ အတော်ချောတာပါ ခန္ဓာကိုယ်ကလည်း ခုလို ပုံပျက်ပန်းပျက် ဖတ်တီးမကြီး မဟုတ်ဘူး။ ဘာတဲ့ ငါးရံ့ကိုယ်လုံးခေါ်မလား အင်း ထားပါ ကြည့်ကောင်းတယ်ပေါ့လေ။ မောင်သုညက သူ့အိမ်မှာဆိုလည်း စားအိမ်သောက်အိမ် သူ့မိဘတွေနဲ့ဆိုတာကလည်း အတော်ကို ရင်းနှီးပါတယ်။ တချိန်လုံး အဲဒီ့အိမ်မှာ သွားသွားနေတာပေါ့။ မောင်သုညနဲ့ဆို သူ့အိမ်က စိတ်ချပြီးသား စိတ်မချစရာလည်း ဘာမှ မရှိဘူးလေ။ သူတို့အိမ်ကိုလာတယ် ကျွေးတာစားတယ် သူ့အဖေနဲ့ ချက်စ်ထိုးတယ် နေ့လည်ဆို သူ့အမေ ကော်ဖီဖျော်တိုက်ရင် သောက်တယ်။ ညနေဆို သူ့ကို မုန့်ဝယ်ကျွေးခိုင်းတယ် ပြီးရင် ပြန်တယ်။ အဲ အပြင်လေးဘာလေး သွားချင်ရင် သူ့အဒေါ်ကို ခေါ်ပြီး ထွက်တယ်။ သူ့အဒေါ်ကို ခေါ်သွားတာ အကြောင်းရှိတယ် နှစ်ယောက်ထဲဆို ဟိုဟာပူဆာ ဒီဟာပူဆာနဲ့မို့လို့ သူ့အဒေါ်ပါတော့ သူ့အဒေါ်နဲ့ အလုပ်ရှုပ်နေတော့ မပူဆာအားဘူးလေ အဲဒါကြောင့် အပြင်သွားတိုင်းကို ခေါ်သွားတာ ဘယ်ရမလဲ ကိုယ်ကလူလည်ပဲ ဟဲ ဟဲ ဟဲ။ တွဲတာ တော်တော်ကြာတော့ အင်း တစ်ယောက်အကျင့် တစ်ယောက် ပိုသိလာတာပေါ့လေ။ ကျွန်တော့်လို ငပျင်းကို သူက အားမရဘူး။ ယောက်ျားလေးဖြစ်ပြီး ဘာမှလည်း တက်တက်ကြွကြွမရှိဘူးတဲ့ သူငယ်ချင်းတွေနဲ့ပဲ ဟေးလား ဟားလား လုပ်နေတာပဲတဲ့။ တနေ့တနေ့ ဒါပဲလာလာပြောနေတယ် သူ့အဖေနဲ့ အမေတောင် ကျွန်တော့်ကို အဲလို မပြောဘူး။ အင်း ကျွန်တော့် အဖေ၊အမေလည်း အဲလိုမပြောဘူး။ သူတစ်ယောက်ထဲ ပြောနေတာ။ ပြီးတော့ ပြောသေးတယ် သူများတွေကိုကြည့်တဲ့ နိုင်ငံခြား ကျောင်းသွားတတ်ကြတယ် နင်က သွားလဲ မသွားဘူးတဲ့။ ဒုက္ခ ကျွန်တော်က အစကထဲ မသွားချင်ဘူးလို့ ပြောခဲ့ပြီးသားပဲ။ အင်း နောက်ဆုံးတော့ သူသွားမယ်တဲ့ အိမ်ကို ပြောပေးပါတဲ့။ ကျွန်တော်က ကိုယ်တိုင်တောင် မသွားချင်တာ သူ့အတွက်ပြောပေးဖို့ဆိုတာ အဝေးကြီးပဲ။ ပြောပေးဖူး ကိုယ့်ဘာသာ ပြောဆိုတော့ ဘာမှကို အားမကိုးရဘူးတဲ့။ သူ့အိမ်က သူ့ကို မသွားစေချင်ဘူး ကျွန်တော် သွားရင်တော့ သွားပေါ့တဲ့။ ကျွန်တော်က မသွားတဲ့ကောင်ဆိုတော့ သူက ဂိတ်ဆုံးသွားပြီ။ အင်းနောက်တော့ သူ့ဘာသာ ဘယ်လို ကြိုးစားလိုက်လဲမသိဘူး ကျွန်တော့်ကို သင်တန်းလိုက်ပို့တဲ့ ဟေ ဘာသင်တန်းတုန်းဆိုတော့ IELTS ဖြေမယ်တဲ့ ကျွန်တော်လည်း အေးအေးဆိုပြီး ပို့ပေးရတာပေါ့။ သူ့သင်တန်းက သူတို့ အိမ်နားမှာပါပဲ။ ကျွန်တော် မပို့ရင် သူ့အဖေပို့ပေးတယ်။ အဲဒီ့လို သင်တန်းတက်တော့ အင်း ဘော်ဒါအသစ်တွေ ရလာတာပေါ့လေ။ အဲဒီ့မှာ ခုနက သူ့ရဲ့ ယောက်ျားဖြစ်လာမယ့် မဟာ သတို့သားလောင်းနဲ့ပါ ဆုံတာပေါ့။ အဟီး အဲဒါကြောင့် ဟိုကောင်ကပြော ကျွန်တော့်ကို ကျေးဇူးရှင်တဲ့ အဟက်ဟက်ဟက်။ သင်တန်းတက်လို့ ၂ လလောက်နေတော့ ကျွန်တော်လည်း တခါတခါ မအားတာနဲ့ မပို့ဖြစ်ဖူး သူ့အဖေကလည်း မအားတာနဲ့ သူ့ဘာသာ သွားရတာများလာတယ်။ သင်တန်းတက်တော့ ပိုဆိုးလာတာက ကျွန်တော့်ကို ပိုပြီး အထင်သေးလာတာပဲ။ ခက်ပြီ ကျွန်တော့်မှာ သူ့လို ခံယူချက်မရှိဘူးပေါ့လေ ဘာဖြစ်ချင်တဲ့ ကောင်မှန်းမသိဘူးပေါ့လေ နောက်ပိုင်း ကျွန်တော်လည်း စကားများရမှာစိုးလို့ သိပ်မပြောတော့ဘူး တိတ်တိတ်နေပြီး သိပ်လည်း မတွေ့ဖြစ်တော့ဘူး။ သူလည်း သူငယ်ချင်း အသစ်တွေနဲ့ စာတွေတူတူလုပ် တူတူစား တူတူသွားနဲ့ ပျော်နေလေရဲ့ သူ့ယောက်ျားဖြစ်လာမယ့် ကျေးဇူးရှင်နဲ့တော့ အတော်ကို တွဲဖြစ်နေပြီ အိမ်တောင် အဝင်အထွက်လုပ်နေပြီ။ သူ့အဒေါ်ကတော့ ကျွန်တော့်ကို တိတ်တိတ်သတိပေးတယ် ကြည့်ထားအုံးတဲ့ ပုံစံက သိပ်မဟုတ်ဘူးတဲ့။ စိုးရိမ်ရှာတယ် ထင်ပါ့။ ကျွန်တော်လည်း နေပါစေဆိုပြီး ထားလိုက်တာ အဟက်ဟက်ဟက် သိပ်မကြာပါဘူး ကျွန်တော်နဲ့ သူနဲ့ ပြတ်ရော။ ပြတ်တာကလည်း မယ်မယ်ရရ အကြောင်းပြချက် မရှိဘူး။ ကျွန်တော်ကလည်း သိပ်ခံစားမနေပါဘူး။ သူငယ်ချင်းကနေပြီး ကြိုက်လာကြတာဆိုတော့ အေးအေးပါပဲ။ ပြတ်တော့လည်း ပြတ်ပေါ့။ အင်းတစ်ခုပဲဗျ ပြတ်တော့ သူက သူ့ရဲ့ ဟိုကောင်ကို သွားပြောပြီး ငိုသတဲ့ အဲဒါကလည်း ဟိုကောင်ပြန်ပြောလို့ သိတာ။ အင်း အဲဒီ့နေ့ပဲလား မသိဘူး သူတို့ ကြိုက်သွားကြတယ်ဆိုလား ဘာလားပဲ။ နောက်တစ်ပတ်လောက်ကြာတော့ သူ့အမေကဖုန်းဆက်တယ် သားနဲ့ ရန်ဖြစ်ထားတယ်ဆိုတဲ့ ဟုတ်လားတဲ့ ဟုတ်တယ်အန်တီလို့ ပြောတော့ အဖွားကြီးက သားရယ် ဘယ်လိုဖြစ်ရတာလဲတဲ့ သည်းခံလိုက်ပါတဲ့ သူ့ကို အန်တီရော အန်ကယ်ရော ဆူထားတယ်တဲ့ အိမ်လာပါအုံးတဲ့။ အဲဒါမှ ပြဿနာ ကျွန်တော်ကလည်း ကိုယ်နဲ့ ပြတ်ထားတော့ သွားချင်တော့ဘူး ပြန်ပြီးတော့လည်း မဆက်ချင်တော့ပါဘူး ကိုယ့်ကိုမှ အထင်မကြီးတာလေ။ လူကြီးတွေ ခေါ်တော့ ပြန်သွားရတာပေါ့လေ။ ဟိုရောက်တော့ ကျေးဇူးရှင်မက ငိုထားတာ မျက်လုံးကို အစ်နေတာပဲ ကျွန်တော့်ကိုတွေ့တော့ နင့်ကြောင့် နင့်ကြောင့်ဆိုပြီး ထပ်ငိုပြန်ရော။ ကျွန်တော့်မှာ ရောက်ရောက်ခြင်း ဆောက်နဲ့ အထွင်းခံရသလိုပဲ ဘာမှန်းတောင် မသိရပဲ အပြောခံနေရတယ်။ သူ့အဖေက ထဆူရောသူ့ကို ရှေ့မှာ ဘာတွေ ဖြစ်ထားလည်း ကျွန်တော်လည်း မသိဘူး ထိုင်ခုံမှာ ဝင်ထိုင်ပြီးတော့ ကြည့်နေလိုက်တယ် သူ့ကို နိုင်ငံခြားမသွားရဘူးတဲ့ ဘာညာပေါ့ ကျွန်တော်လည်း သွားမှာ မဟုတ်တော့ မသွားနဲ့တော့တဲ့ သင်တန်းလည်း ပြီးနေပြီ စာမေးပွဲလည်း ပြီးနေပြီတဲ့ အပြင်တောင် မထွက်နဲ့ဆိုပဲ။ ကျွန်တော့်ကိုပြောတယ် ပုံမှန်အတိုင်းလာပါတဲ့ အိမ်ကို သားကို တောင်းပန်ပါတယ်တဲ့။ ကျွန်တော့်မှာ တော်တော်ခက်သွားပါတယ်။ ဘာလုပ်ရမယ်မှန်းကို မသိဘူးဖြစ်သွားတယ်။ အင်း အဲ ဟုတ်ကဲ့နဲ့ ပြီးလိုက်ရတယ်။ ညကျတော့ သူက ကျွန်တော့်ဆီ ဖုန်းဆက်လာတယ် သူနဲ့ ဟိုတစ်ယောက်နဲ့ ကြိုက်နေပြီ ဆိုတဲ့ အကြောင်း သူ့ရဲ့ ရင်ထဲက အမှန်တကယ် ချစ်တာ အဲဒီ့တစ်ယောက်ဆိုတာရော ကျွန်တော့်ကိုတော့ သူငယ်ချင်းလိုပဲ ချစ်တာပါပေါ့။ ဘာညာပေါ့ ကျွန်တော်လည်း နားငြီးလားတော့ ငါဘာလုပ်ပေးရမှာလဲဆိုတော့ ကူညီပါတဲ့။ မောင်သုညက သဘောကောင်းပြီးသားပါ အင်းပေါ့။
နောက်နေ့ မနက် ကျွန်တော့် အိမ်ကို သူ့ရဲ့ ရည်းစားရောက်လာပါတယ်။ ကျွန်တော်တောင် မနိုးသေးဘူး။ အမေကလာနှိုးတယ် ဧည့်သည်ရောက်နေတယ်တဲ့ အဲဒါ ကြိုးစားပြီးထတော့ ဟိုကောင်ဖြစ်နေတယ်။ အော် ခနစောင့်နော်လို့ ပြောပြီး ကျွန်တော် မျက်နှာသစ် သွားတိုက် လုပ်နေလိုက်တယ် ပြီးမှ အိမ်ရှေ့ဧည့်ခန်းမှာ ဒီကောင် နေရခက်နေမှာ စိုးတာနဲ့ လာလေ ငါ့အခန်းထဲ ဆိုပြီး သွားခေါ်လိုက်တယ်။ ပြီးတော့ ကျွန်တော် ရေချိုးအုံးမယ်ဆိုပြီး သူ့ကို အခန်းထဲမှာ ထားခဲ့လိုက်တယ်။ အင်း အဲဒီ့ကောင်က ကျွန်တော့် အခန်းထဲရောက်မှ သူ့ကောင်မလေးပုံတွေ တွေ့သွားတယ် အင်း အရင် ကျွန်တော့် ကောင်မလေးကိုး။ ကျွန်တော် ရေချိုးပြီးတော့ သူက ပုံတွေ အများကြီးပဲနော်တဲ့။ အေးလေ များမှာပေါ့ ငါတို့က ခင်တာ တော်တော် ကြာတာကိုးကွလို့ ပြောတော့ ဘာမှ ပြန်မပြောတော့ဘူး ကျွန်တော်လည်း မင်းလိုချင် ယူသွားလေလို့ ပြောတော့ မယူပါဘူးကွာတဲ့။ လာသွားမယ် လက်ဘက်ရည်ဆိုင်ဆိုပြီး သူ့ကို ခေါ်ပြီး ထွက်လာခဲ့တယ်။ သူ့ကားနဲ့သူ အနောက်ကလိုက်ခဲ့မယ်တဲ့။ အဲဒါကျွန်တော်နဲ့ ဆိုင်ထိုင်ဖြစ်တော့ သူကပြောတယ် မင်းနဲ့ အကြောင်းလေးတွေ သိချင်တယ်တဲ့။ ကျွန်တော် လက်ဘက်ရည်တောင် သီးချင်အောင် ရီချင်သွားတယ်။ အော်ဖြစ်ရလေကွာလို့ မင်းဘာသာသူ့ကို မေးပေါ့လို့ပြောတော့ အေးပြောပြပါတယ်တဲ့ ဒါဆိုပြီးတာပဲလို့ မင်းကလည်း ငါ့ကို မေးတော့ မင်းကို ပေါက်ကရပြောမိရင် ဘယ်လိုလုပ်မလဲဆိုတော့ ဟိုကောင့်မျက်နှာလေး ငယ်သွားတယ်။ ကျွန်တော်ပြောလိုက်ပါတယ် ဟေ့ကောင် မင်းပေါက်ကရ မတွေးနဲ့ ငါကသူ့အိမ်မှာပဲ အမြဲနေတာကွ ဆိုမှ အင်း ဟုတ်ပါတယ် ဘာညာဆိုပြီး လဒက မျက်နှာလေး ပြန်ဝင်းလာတာ။ အတော်ခက်တဲ့ကောင်။ သူက အကူညီတောင်းတယ် ကျွန်တော့်ကို နိုင်ငံခြားသွားမှာတဲ့ ကောင်မလေးကိုလည်း နိုင်ငံခြားတူတူ သွားစေချင်တယ်တဲ့ ကျောင်းလည်း တူတူတက်ချင်တယ်တဲ့။ ကျွန်တော်က ကိုယ့်ဘာသာ သွားပြောပါလားဆိုတော့ သူ့အိမ်ကို ကြောက်တယ်တဲ့ ပြောရဲဘူးတဲ့ ကျွန်တော့်ကို ကူညီလို့ ရမယ့်နည်းရှိရင် ကူညီပါတဲ့။ အင်းပေါ့ ဘာတတ်နိုင်မှာတုန်း ကူညီပါ့မယ်ပေါ့။ ပြီးတော့ ဒီကောင်ပြန်သွားတယ် ကျွန်တော်လည်း သူမဆီကို ဖုန်းလှမ်းဆက်ပြီး ပြောလိုက်တယ်။ သူကလည်း ကူညီပါဆိုပဲ။ ကူညီပါ့မယ်ဟာလို့။ ငါက ဘယ်လို ကူညီရမှာတုန်းဆိုတော့ နိုင်ငံခြားသွားမယ်လို့ အိမ်ကို ပြောပေးပါတဲ့။ ဒါနဲ့ ကျွန်တော်လည်း နောက်တစ်ပတ်လောက်ကျတော့ သူ့အိမ်သွားလည်လိုက်တယ် သူ့အဖေနဲ့တွေ့တော့ စကားပြောနေရင်း ကူညီပြီး လိမ်ပေးမလို့ဟာကို ဘယ်လိုဖြစ်သွားတယ် မသိဘူး ယောင်ပြီးပြောလိုက်မိတယ် ကျွန်တော်တော့ ဒီမှာပဲ စီးပွါးရှာတော့မယ်လို့ အဖိုးကြီးက အင်း ကောင်းတယ် သူလည်း ကူညီမယ်တဲ့ အဲဒါကို ကျေးဇူးရှင်မက ကြားသွားပြီး ကောက်တော်မူပါလေရော ပြီးမှ ကျွန်တော် သတိရသွားတယ် ကူညီမယ်ပြောပြီး မကူညီမိဘူးပေါ့။ သူ့အိမ်ကတော့ ကျွန်တော်နဲ့ ပြန်အဆင်ပြေနေပြီ ထင်နေတာပေါ့လေ။
ဒီလို ဒီလိုနဲ့ တစ်လကျော်လောက်ကြာတော့ သူ့အိမ်က ဖုန်းဆက်လာတယ် ယောက်ျားနောက် လိုက်ပြေးသွားတယ်တဲ့။ ကျွန်တော်လည်း ဟုတ်လားဆိုပြီး မေးတော့ အိမ်ကို လာခဲ့ပါတဲ့။ ကျွန်တော် ရောက်တော့ သူ့အဖေနဲ့ အမေ တော်တော် ဒေါသထွက်နေကြတယ်။ သူ့ တခြားသူငယ်ချင်းတွေကိုလည်း ဖုန်းဆက်ပြီး မေးနေတယ်။ ကျွန်တော့်ကိုတော့ သားရယ် ဘယ်လိုဖြစ်တာလဲတဲ့။ ကျွန်တော်လည်း သိဘူးအန်တီလို့ပြောပြီး ပေကပ်ကပ် ထိုင်နေလိုက်တယ်။ လိုက်ရှာပါတဲ့ တွေ့ရင် ပြန်ခေါ်ပေးပါတဲ့။ အဲဒါမှ တကယ့်ဂွ ဟိုက ယောက်ျားနောက် လိုက်သွားတာကို ကျွန်တော်က လိုက်ရှာတော့ ဟာသလို ဖြစ်နေရော။ ဘော်ဒါတွေကတော့ နောက်ကျတာပေါ့။ လိုက်ရှာလိုက်ပါကွာတဲံ တွေ့တော့ ပြန်ခေါ်ခဲ့ပေါ့တဲ့။ အဟက်ဟက်ဟက်ဟက်။ ကျွန်တော့်မှာ ရှာရကောင်းနိုး မရှာရကောင်းနိုး ဖြစ်နေတုန်း သူငယ်ချင်းတစ်ယောက် ဖုန်းဆက်လာတယ် သူတို့ အတွဲကို တွေ့ထားတယ်တဲ့ မင်းလာမလားတဲ့။ ကဲ မထူးဘူးကွာဆိုပြီး လိုက်သွားလိုက်တယ်။ ပါရမီက ဆိုင်တစ်ဆိုင်မှာ သူတို့ ထိုင်နေကြတယ် ပျော်နေကြတာ ပျော်နေကြတာ။ အင်း ကျွန်တော့်ကိုလည်း တွေ့ရော မျက်စိမျက်နှာ ပျက်ကုန်ရော။ အိမ်ကို ပြန်မပြောပါနဲ့တဲ့ သူတို့ လက်မှတ်ထိုးပြီးပြီ မခွဲချင်ဘူး ဘာညာပေါ့။ ကျွန်တော်လည်း အေးပါပေါ့ ဒါပေမယ့် အဖေအမေကိုတော့ အကြောင်းကြားသင့်တယ် ပြီးတော့ မိသားဖသားပီပီ တောင်းပါလို့ ဟိုကောင့်ကို ပြောတော့ သူက တောင်းမှာပါတဲ့။ ခုတော့ ခရီးသွားအုံးမယ်တဲ့။ သူတို့ အခု ဟိုတယ်မှာ နေတယ်တဲ့ ပြီးတော့ ပိုက်ဆံကုန်တော့မယ်တဲ့ ဟိုကျေးဇူးရှင်မက ပြောတယ်။ ကျွန်တော့်ကို နင့်မှာ ပိုက်ဆံ အပိုပါရင် ငါ့ပေးခဲ့တဲ့။ ကျွန်တော့်မှာတော့ ပိုက်ဆံ အပိုမပါဘူး။ ဒါပေမယ့် ခုနက ဖုန်းဆက်တဲ့ကောင်မှာတော့ ပါနိုင်တာနဲ့ ခနနေအုံး ဟိုကောင့်ကို မေးအုံးမယ်ဆိုပြီး သွားမေးတော့ ပါတယ်ဆိုတာနဲ့ ယူပြီး သူ့ကို ပေးလိုက်တယ် ကျေးဇူးရှင် နှစ်ယောက် အတော်ပျော်သွားကြတယ်။ ကျွန်တော့် ဘော်ဒါကတော့ ကျွန်တော့်ကို မင်းကတော့ စံပဲလို့ ပြောတာကလွဲရင် ထိုင်ရီနေတာပဲ။ နောက်တော့ သူတို့ကို အိမ်တွေက ပေးစားလိုက်တယ်ပေါ့လေ။ ဒါပါပဲ။
ကျွန်တော် တစ်ယောက်ထဲ ပြုံးစိစိ ဖြစ်နေတော့ သူက မေးတယ် ဟဲ့ ဘာတွေ တွေးပြီး ပြုံးနေတာလဲတဲ့။ အော် မဟုတ်ပါဘူး အရင်တုန်းကဟာလေးတွေ တွေးမိလို့ပါလို့။ ပြီးတော့ ပြောလိုက်တယ် ငါ့ကို နင်တို့ အဲဒီ့တုန်းက အကြွေးပြန်ဆပ်သေးလားလို့ ဆိုတော့။ သူက ဆပ်ပါ့တော်တဲ့ နင့်ကို အိမ်လာပေးတာ မတွေ့လို့ နင့်အမေကို ပေးခဲ့တယ်တဲ့။ အင်း ဟုတ်မှာပေါ့လေ ကြာတော့ မမှတ်မိတော့ဘူး။ သူ့ကို နောက်ချင်လာတာနဲ့ အင်း နင့်ကို ဒီလိုပုံ ဖြစ်လာမယ်မှန်း နင့်ယောက်ျားသား ကြိုသိရင် အင်း ဟီး ဟီး ဆိုတော့။ သူက မဲ့ရွဲ့ပြီး ငါက ဝလို့ လှလာတာတဲ့။ အဟက်ဟက်ဟက်။ သူတို့ ခုတော်တော် အဆင်ပြေနေကြပြီ သူ့ အဖေနဲ့ အမေကလည်း သူမွေးပေးထားတဲံ သူ့ကလေးကို သိပ်ချစ်ကြတယ်တဲ့။ သူ့ယောက်ျားကိုလည်း တော်တော်ချစ်ကြတယ်တဲ့။ အင်းလေ အဆင်ပြေကြရင် ပြီးတာပဲလို့။ ပြီးတော့ ပြောလိုက်တယ် အန်ကယ့်ကို ပြောလိုက်ပါ ငါ နောက်နေ့အားတဲ့ တစ်ရက်ရက် chess လာထိုးမယ်လို့ ပြောခိုင်းပြီး ကျွန်တော်တို့ ပြန်ဖို့တာစူလိုက်တယ်။ အပြင်ရောက်တော့ ကျွန်တော်က ငါလိုက်ပုိ့ရအုံးမလားဆိုတော့ သူက ရတယ် ငါ့မှာ ကားပါတယ်တဲ့။ အဲဒီလိုနဲ့ ပြန်သွားပါတော့တယ်။ စဉ်းစားမိတယ် ရည်းစားဟောင်းနဲ့တွေ့တော့ ဘယ်လိုနေသလဲဆိုပြီး အင်း ဘယ်လိုမှတော့ မနေဘူး။ ကိုယ့်ဘာသာ ငါတော့ ဘုရားမတာ ကံကောင်းတယ်လို့ ထင်မိတယ်။ ဟုတ်တယ်လေ ဒီလောက် ဝတုတ်ကြီး ဖြစ်နေတာ ဟီး ဟီး ဟီး။ ကံကောင်းလို့နော် ခွိ။ သူငယ်ချင်းတွေကိုတောင် အဲဒါပြောပြတော့ ရီလိုက်ကြတာ ဝက်ဝက်ကွဲပဲ မင်းကတော့ ဖြစ်ရမယ်တဲ့။
ဘာရယ် မဟုတ်ပါဘူး မနေ့က ကိုစိုးထက်နဲ့ ချယ်ဆီး မန်ယူပွဲ ဘယ်သူနိုင်မလဲလို့ ပို့စ်တစ်ခု တင်ကြေးလောင်းထားလို့ ဒီပို့စ်ကို ရေးလိုက်တာ တစ်ခုမှ မဟုတ်ဘူး စိတ်ကူးယဉ်ပြီး ရေးပေးထားတာ အမှန်တရားတော့ နည်းနည်းပါတာပေါ့လေ အဟက်ဟက်ဟက်။ ကဲ ကိုစိုးထက်ရေ ကျွန်တော်တော့ ရေးပေးလိုက်ပြီ။ လောင်ကြေးကြေပြီပေါ့ဗျာနော်။ ကျေနပ်နိုင်ပါစေ။ :D
