ဒီရက်ပိုင်း သွက်သွက်လည်အောင် အလုပ်များတာကတော့ ပြောမနေနဲ့တော့။ ချစ်လှစွာသော ဘလော့ဂ်ကိုတောင် ဆီဗုံးနဲ့ ကွန်းမန့်ပဲ ၀င်ဖတ်နိုင်တယ်။ သူများအိမ်တောင် မလည်နိုင်ရှာဘူး။ လျှာရှည်ပြီး ပရောဂျက် အသစ်လုပ်တာ လူက လက်လက်ထအောင် အလုပ်များနေတယ်။ နဂိုကထဲကမှ ပြာယာခတ်တတ်တဲ့ကောင် ဆိုတော့ ခုဆို စဉ်းစားသာကြည့်တော့ အမေ့စကား ငှားပြောရရင် လျှပ်စီးကိုလက်နေရောဆိုပဲ။ တကယ်ဗျာ မအားလိုက်ပုံများ ထမင်းတောင် အချိန်မှန် မစားနိုင်ဘူး။ ညနေပိုင်းတော့ ပင်ပန်းတယ်ဆိုပြီး ချစ်လှစွာသော သူရာလေးတော့ မှီဝဲတာပေါ့လေ။ ဒါကလည်း အလုပ်ကိစ္စ စကားပြောစရာတွေ ပါနေလေတော့ အားနာစရာဗျာနော့။ နို့မို့ဆို တဘက်က တမျိုးမြင်သွားမှာ စိုးရသေးသကိုး။ လူမှုရေးပါ လူမှုရေး ဒါလေးတော့ ဆင်ခြေပေးတတ်တယ်။ ဟဲ ဟဲ ဟဲ။
ပရောဂျက် အသစ်ဆိုတော့ ကိုယ်က အစအဆုံး လုပ်ရမှာကို တွေးပြီး လူက ထိုင်းမှိုင်းသွားတယ်။ ကူဖော်လောင်ဘက်တွေကလည်း အဝေးရောက်နေလေတော့ နာပြီပေါ့။ အမှန်မှန်က ဒီအလုပ်ကို ဘယ်သူမှ တိုက်တွန်းတာ မဟုတ်ဘူး ကိုယ်တိုင်ကိုက လျှာရှည်တော်မူပြီး ချမယ်လေ လုပ်တာပေါ့ လို့ပြော။ ပြီးတော့ စာချုပ်တွေ သွားချုပ်။ စာချုပ်ချုပ်လိုက်တော့ သေချာသွားပြီ ငြင်းမရတော့ဘူး။ ရုံးမှာလည်း ဟိုလူ့အော် ဒီလူ့အော်နဲ့ ပွက်ပွက် ရိုက်သွားပါလေရော။ မောင်ဇီးရိုးရဲ့ အထာကို ရိုးနေပြီ ဖြစ်တဲ့ ၀န်ထမ်းအားလုံးကတော့ အေးအေးရယ်ပါ။ သူတို့ သိပြီးသားလေ ဘယ်သူ ဘယ်လောက် လုပ်ထားလုပ်ထား မောင်ဇီးရိုးတို့က နောက်ဆုံး နှမ်းလေးတော့ ၀င်ဖြူးချင်သေးတာကိုး။ အလုပ်သစ်ဆိုတော့ အလစ်သုတ်တယ်လို့ မှတ်သွားသလား။ မဟုတ်ပါဘူးဗျာ ကျွန်တော်က ၂၀၀၈၊ ဖေဖေါ်ဝါရီမှာ ပွဲတော်တစ်ခု လုပ်ချင်တာကြောင့် ခုကထဲက စနေရတာပါ။ ဈေးပွဲတော် တစ်ခု လုပ်မလို့ပါ။ ဈေးပွဲတော် ဆိုတော့ ဆိုင်ခန်းတွေ ဖွင့်မှာပေါ့ဗျာ။ ဈေးရောင်းမှာပေါ့။ စတိတ်ရှိုးတွေ အငြိမ့်တွေ မော်ဒယ်ရှိုးတွေလဲ ပါသေးသကိုး။ ဒါတွေကိုလည်း စီစဉ်ရသေးတာပေါ့။ ပါးစပ်နဲ့ စီစဉ်တာပါ။ တကယ်လုပ်တာက ကျန်တဲ့သူတွေ မောင်ဇီးရိုးတို့က ပါးစပ်နဲ့ စီစဉ်ရတာကိုပဲ မောလှပြီထင်တာလေ။ မော်ဒယ်ရှိုးကတော့ စိတ်ထဲ သိပ်မမောသလိုပဲ ဟဲ ဟဲ ဟဲ ဒါပေမယ့် မောတော့ မောတယ် ဟဲ ဟဲ ဟဲ။
စနေနေ့တုန်းကလည်း မားကတ်တင်း အသစ်တွေခန့်မယ်ဆိုပြီး အင်တာဗျူးလိုက်တာ နေ့လည်ကျော်သွားတယ်။ အမြန်လိုတာကြောင့် ဗျူးထားတဲ့ လူထဲက ၂ ယောက်ကို ခန့်ဖြစ်ကြောင်း ညနေဘက် အကြောင်းပြန် ပေးရသေးတယ်။ ၀န်ထမ်းအသစ်တွေ ရောက်လာတော့ မောင်ဇီးရိုးတို့ ပိုအလုပ်များသွားတာပေါ့။ ဟိုသွားခိုင်း ဒီသွားခိုင်း ဟိုလူနဲ့တွေ့ဖို့ပြော ဒီလူနဲ့တွေ့ဖို့ပြော သြ၀ါဒတွေ တလှေကြီးမှာကြား၊ ပြီးမှ လုပ်ချင်တာသာ လုပ်ပါတော့ဟာဆိုပြီး လျှောချ။ ဒါက အကျင့်ပဲလေ လူက ဘာမှသာ မတတ်တာ ဆရာလုပ်ရမယ့် နေရာမှာတော့ လာထား။ ဒီလို ဒီလိုနဲ့ မောင်ဇီးရိုးခမျာ ဖုန်းတွေ တဘက်၊ လူတွေက တဘက် စီစဉ်ရေးမှုးကြီး လုပ်နေရတော့တာပေါ့။ ဖုန်းတွေလာတော့လည်း ဟုတ်ကဲ့ လုပ်ရမယ့်သူကို ဟုတ်ကဲ့လုပ်။ အော်စရာရှိတဲ့သူကို အော်။ အရေးထဲ အကြွေးတောင်းတဲ့ ကြွေးရှင်ဆိုရင် ချိုချိုသာသာနဲ့ သူသနားအောင် ငြီးပြရသေးတယ်။ ဒါကြောင့် ဟိုတနေ့က ကိုရွှေက မောင်ဇီးရိုးကို မှတ်ချက်ပေးသွားတာပေါ့။ မင်း Tuxedo လေးဘာလေး ချုပ်ပြီး ၀တ်တဲ့။ လုပ်နေတဲ့ အလုပ်နဲ့ လူနဲ့က ဘယ်လိုမှ မလိုက်ဘက်ဘူးတဲ့။ လူပုံက ကလေးမသာပုံတဲ့ ဒီတော့ လူရှိန်အောင် အ၀တ်အစားလေး ကူရမှာတဲ့။ သူကထပ်ပြောသေးတယ် Tuxedo ချုပ်ပြီး ၀တ်ထားတဲ့ ပြီးရင် ရုံးမှာ မိန့်မိန့်ကြီးထိုင်နေတဲ့။ ဒါမှ လူရိုသေ ရှင်ရိုသေဖြစ်မှာတဲ့။ ဟီး ကိုရွှေပြောတော့မှ ကိုယ့်ဘာသာ စိတ်ထဲပြန်ပုံဖေါ်မိတယ် အဲဒီ့လိုသာ ၀တ်စားထားရင် မောင်ဇီးရိုးတို့ ဘယ်နှယ့်နေမယ် မပြောတတ်ဘူး။ ခုပုံကတော့ ဘောင်းဘီ စကနဲ့ တီရှပ်နဲ့။ တခါတလေ အလုပ်ကိစ္စစကားပြောမယ့် ဧည့်သည်များလာရင် မောင်ဇီးရိုးကို ရုံးမှာ လာဆော့နေတဲ့ ချာတိတ် မှတ်နေကြတာ။ နောက်မှ ကျွန်တော်ပါပဲ ခင်ဗျဆိုမှ အော် ဆိုပြီး အားနာပြုံးလေးတွေ ပြုံးပြကြတာ။ ဒါက ရိုးတော့ ရိုးနေပါပြီ အမြဲဖြစ်နေကြ ကိစ္စပဲဟာ။ ခုတော့ လုပ်တဲ့ ပရောဂျက် နဲနဲကြီးသွားတာကြောင့် မောင်ဇီးရိုးတို့ Tuxedo ချုပ်ဝတ်ဖို့ စဉ်းစားနေပါကြောင်း။ မကျေနပ်ရင် လာကြည့်ကြ တကယ်ပြောတာ ကျွန်တော့်ပုံက ခန့်ချောကြီးနေမှာ။
3 comments:
ဆိုင်ခန်း ၁ခန်းလောက်ချန်ထားနော်..ဦးဦးခန့်ချောကြီး..။
လုပ်ဗျာ...အားပေးတယ်ဗျို့
ဘူဇီနေသော ဦးဇီးရိုးအကြောင်းကို ဖတ်သွားပါတယ်.. ၂၀၀၈ ဖေဖော်ဝါရီပွဲတော်ကို လာခဲ့မယ်.. ဟဲ..ဟဲ
Post a Comment