Saturday, February 23, 2008

အတွေ့အကြုံများ (၄)

လူတစ်ယောက်ကို လုပ်ငန်းတစ်ခု အတွက် အကူအညီတောင်းမှာလား ဒါမှမဟုတ် သူ့အတွက် ဥာဏ်ပူဇော်ခဖြစ်စေ၊ လုပ်အားခဖြစ်စေ ပေးပြီး လုပ်မလား။ ဒါက တကယ့်ကို စဉ်းစားစရာပဲ။ အလုပ်တစ်ခုကို အသိုင်းအဝိုင်း ကောင်းလို့ လုပ်တာထက် အလုပ်တစ်ခုကို စနစ်တကျ လုပ်တာ ပိုကောင်းတယ်ဆိုတာ ကျွန်တော့် အတွေ့အကြုံအရ သိလိုက်ရတယ်။ ကျွန်တော်တို့ နိုင်ငံမှာ ရှယ်ယာလုပ်ငန်းတွေ ကွဲကြပြဲကြ ပြဿနာတွေ တက်ကြတာ ဘာ့ကြောင့်လည်း အဖြေက သိပ်ရှင်းပါတယ်။ တိကျတဲ့ မူဝါဒ မရှိခြင်း၊ တာဝန်ခွဲဝေမှု မရှိခြင်း၊ လူမှုရေးများ လုပ်ငန်းတွင်းသို့ ဆွဲသွင်းခြင်း စတဲ့ အချက်တွေကြောင့်ပေါ့။ အစကတော့ ခင်ခင်မင်မင် ပျော်ပျော်ရွှင်ရွှင် နောက်တော့ တစ်ယောက်နဲ့ တစ်ယောက် မုန်းကြ စိတ်ဆိုးကြ သံသယဖြစ်ကြနဲ့ ရလာဒ်တွေက သိပ်ကို စိတ်ပျက်စရာ ကောင်းတယ်။

ကျွန်တော် ခုလုပ်ခဲ့တဲ့ ပရောဂျက်မှာဆိုရင် ပထမဦးဆုံး ဘာမှ ရေရာမှု မရှိပဲ စမ်းတဝါးဝါးနဲ့ လုပ်ခဲ့ရတယ်။ အဲဒီ့တုန်းကတော့ ရှယ်ယာသမားတွေက အင်း အဲ ဟုတ်တယ် အားကိုးပါတယ် လုပ်ပါ အလုပ်ဖြစ်ရေးက အဓိက မြတ်စရာ မလိုဘူး မရှုံးရင်တော်ပြီ အဲဒီ့လို စကားတွေနဲ့ ကျွန်တော့်ကို ချည်နှောင်ပါတယ်။ ကျွန်တော် ပြောပြခဲ့ပါတယ် ဒီလုပ်ငန်းက ကျွန်တော့်အတွက် ပထမဆုံး အတွေ့အကြုံ မှားနိုင်တယ် ဒါပေမယ့် သတိထားပြီး လုပ်မယ် မြတ်မယ်လို့ အာမ မခံနိုင်ပေမယ့် မရှုံးရေးကို ဦးတည်ထားပေးမယ်လို့ ပြောခဲ့ပါတယ်။ တကယ်တမ်း အလုပ်စတဲ့ အချိန်မှာတော့ ကံအားလျော်စွာနဲ့ စပွန်ဆာ ပိုက်ဆံကို မျိုးမျိုးမြတ်မြတ်လေး ရလိုက်တယ်။ ကဲ စပွန်ဆာရပြီဆိုတော့ ရှုံးဖို့ မရှိတော့ဘူးပေါ့။ အမြတ်ကတော့ မသေချာသေးဘူးဆိုတာ ကျွန်တော် ပြောပြခဲ့တယ်။ စိတ်တွက်တွက်ရင်တော့ မြတ်မှာပေါ့လေ။ လုပ်ငန်းဆိုတာ အဲလို တွက်လို့မှ မရတာ။ စပွန်ဆာ သမားကရော ကိုယ်နဲ့ အမျိုးတော်လို့ ပေးတာမှ မဟုတ်တာ သူ့ပိုက်ဆံတွေကို ဖျော်ဖြေရေးနဲ့အတူ သူ့အတွက် အကျိုးရှိအောင် ပြန်သုံးခိုင်းတာပဲလေ။ ဒါကို လက်မခံကြဘူး။

ကဲ ဒီလိုနဲ့ ကျွန်တော့် အလုပ်က တဝက်နီးပါးအရောက်မှာ စပွန်ဆာရမှန်းလဲသိကြပြီ တခြားဘက်ကလည်း ငွေတွေ ဝင်လာပြီဆိုတော့ အားလုံးက မျက်စိကျလာပါတော့တယ်။ ပထမတုန်းက တွက်ခဲ့တဲ့ ကိန်းဂဏန်းတွေဟာ နောက်ပိုင်းမှာ တဖြေးဖြေး ပိုများလာတာကို တွေ့လာရပါတယ်။ ကျွန်တော့်မှာ ငြင်းပယ်နိုင်စွမ်းတွေ လျော့နည်းလာပါတယ်။ လုပ်ငန်းတစ်ခုလုံးက ခေါင်းပေါ်မှာ ရောက်နေသလို လူတွေကို အကူအညီတောင်းထားတာကြောင့် အားလုံး စိတ်ချမ်းသာဖို့ ပိုကြိုးစားလာရပါတယ်။ ဒီကြားထဲမှာ ပြဿနာတွေကလည်း မရိုးရအောင် တစ်ခုပြီးတစ်ခု ရှင်းရပါတော့တယ်။ လုပ်ငန်းကြီး စပြီဆိုတာနဲ့ ကျွန်တော်သိလိုက်ပါပြီ မြတ်စရာ မရှိဘူး သို့သော ရှုံးစရာလဲ မရှိတော့ဘူး နာမည်ကောင်းရဖို့သာ ကြိုးစားရတော့မယ်ဆိုတာကို ကျွန်တော် သဘောပေါက်သွားပါပြီ။ ရှယ်ယာသမားတွေကတော့ အဲဒီ့အချိန်မှာ စိတ်ကူးဖဲရိုက်ပြီး ဘယ်လောက်မြတ်စွန်းမယ်ဆိုတာ တွက်နေကြပါပြီ။ သူတို့က ကျွန်တော်နဲ့ ခုမှ အလုပ်တူတူစလုပ်ဖူးတာရယ် ပြီးတော့ သူတို့ တချိန်လုံး ပစ်ထားပြီး ခုမှ မိုးကျရွှေကိုယ်တွေလို ပေါ်လာတာရယ်ကို ထည့်မတွက်ကြတော့ပါဘူး။ သူတို့တွေက ရှယ်ယာပါတယ်ဆိုတာ ပါးစပ်နဲ့ ပါခဲ့ကြတာကိုလည်း သတိမရကြတော့ပါဘူး။ ဘယ်သူ့ဆီကမှ ကျွန်တော် ပိုက်ဆံမယူထားပါဘူး။ ရတဲ့ငွေတွေနဲ့ ကိုယ့်ဘာသာ အဆင်ပြေသလို ကြည့်ပြီးလုပ်ခဲ့ရပါတယ်။ ကျွန်တော်က အလုပ်တစ်ခုလုပ်ရင် ငွေဆိုတာထက် ဂုဏ်သိက္ခာကို ပိုပြီးတန်ဖိုးထားပါတယ်။ အဲဒါကြောင့်လည်း ငွေကြေးအကြောင်းတွက်တတ်တဲ့ သူတွေက ကျွန်တော့်ကို မျက်စိဆံပင်မွှေးစူးကြတာပေါ့။ မင်းက ဘာကောင်လဲ နင်က ဘာမို့လို့လဲ။ ဒီမေးခွန်းတွေဟာ စိတ်ကုန်စရာ ကောင်းလောက်အောင် တနေ့ပြီးတနေ့ ဖြေနေရပါတယ်။

ကြည့်ကြပါအုံး ရှယ်ယာပါတနာလို့သာ ပြောတယ်။ တကယ်တမ်း ကျွန်တော် ပြဿနာတက်နေတဲ့ အချိန် (လုပ်ငန်းနဲ့ ပတ်သတ်ပြီး ဖြစ်နေသော ပြဿနာများ) မှာ သူတို့တွေက ကျွန်တော့်ဘက်က ရှိနေဖို့ နေနေသာသာ သူများဘက်ကနေပြီး ကျွန်တော်က လိုအပ်ချက်တွေရှိကြောင်း ကျွန်တော်မှားကြောင်းများကို အားမနာ လျှာမကျိုး တရစပ်ပြောပါတော့တယ်။ အဲဒီ့အပြင် လုပ်ငန်းမှာ ပတ်သတ်ရတဲ့သူတွေနဲ့ ကျွန်တော် ပြေလည်မှုရလာရင် သူတို့က ပြဿနာ မတက်တက်အောင် လိုက်ပြီး နောက်ကနေ နှောက်ယှက်ပါတယ်။ ကဲ မခက်ဘူးလား ရန်သူနဲ့ ဓါးခြင်းယှဉ်ခုတ်နေတုန်း နောက်ကျောကို ကိုယ့်လူက ပြန်ပြီး ဓါးနဲ့ထိုးသလိုပါပဲ။ ကျွန်တော်ဟာ လုပ်ငန်းကြီးကို လုပ်နေတဲ့ အချိန်မှာ လုပ်ငန်းကြီး စနေတဲ့ အချိန်မှာ အားလုံးကို မယုံရဲတော့ပါဘူး။ သူတို့ မေးရင်လည်း မဖြေတော့ပါဘူး။ ပြဿနာမတက်ရေး ချောချောမွေ့မွေ့ အောင်မြင်ရေးကိုသာ အဓိက ထားပါတော့တယ်။ ကျွန်တော့် လုံခြုံရေး အတွက် သူငယ်ချင်းတွေက စိုးရိမ်လာကြပါတယ်။ သူတို့ သိတယ် အချိန်မရွေး ဒုက္ခရောက်သွားနိုင်တယ်ဆိုတာကို။ တချိန်လုံး ကျွန်တော့်ကို အရိပ်တကြည့်ကြည့်နဲ့ လုံခြုံရေးအတွက် သတိပေးပါတော့တယ်။ ကျွန်တော်လည်း အဲလောက်တော့ မတုံးပါဘူး။ ကျွန်တော့် လုံခြုံရေးအတွက် စီစဉ်ရပါတော့တယ်။ တကယ့်ကို နိုင်ငံခြား ရုပ်ရှင်တွေထဲကလိုပဲ ဒုက္ခပေးမယ့်လူသိုက်က တစ်ဘက် ကျွန်တော်တို့က တစ်ဘက် အရမ်းကို ပင်ပန်းခဲ့ပါတယ်။

ကျွန်တော်ဘာလို့ အဲဒီ့လောက်စိုးရိမ်ရသလဲ ဆိုရင် ကျွန်တော့်လုပ်ငန်းမှာ ပါးစပ်နဲ့ ရှယ်ယာထည့်ထားတဲ့သူတွေက ကျွန်တော့်ကို တော်တော် မုန်းနေကြပါပြီ။ လုပ်ငန်းကြီးတစ်ခုလုံးမှာ လူတွေက ကျွန်တော့်ကို အရေးပေးတယ် ကျွန်တော် ဆုံးဖြတ်မှ အတည်ဖြစ်တယ်။ အင်တာဗျူးတွေ ဂျာနယ်လစ်တွေလည်း ကျွန်တော့်နားမှာ တချိန်လုံး ဝဲနေပါတယ်။ သူတို့ကို အရေးတယူ မလုပ်ရကောင်းလားဆိုတာ သူတို့ စိတ်ထဲမှာ ရှိပါတယ်။ ဘယ်သူက အရေးတယူ ရှိပါ့မလဲ ခေါင်းစဉ်တပ်ထားတာကိုက ကျွန်တော့် ကုမ္ပဏီနာမည် အားလုံးက ကျွန်တော့် အသိုင်းအဝိုင်းလေ သူတို့လို လူစိမ်းတွေကို ဘယ်သူက အဖတ်လုပ်ပါ့မလဲ။ ပြီးတော့ သူတို့ရဲ့ စိတ်ဓါတ်တွေကို အားလုံးက သိကုန်တဲ့ အချိန်မှာ ကျွန်တော့်နားမှာပဲ အားလုံး ရှိနေကြပါတယ်။ အဲလိုဖြစ်လေ သူတို့က ပိုပြီး ညှိုးလေပါပဲ။ သံသရာကို လည်နေတော့တာပဲ။ အလုပ်မှာ ပြဿနာမတက်တတ်အောင် သူတို့ နည်းမျိုးစုံ သုံးလာပါတယ်။ မီဒီယာတွေကိုပါ အချိန်ပြည့်ခေါ်ပြီး ကျွန်တော့်ကို ပတ်ချာလည် လိုက်ရှာခိုင်းပါတယ်။ အဲဒီ့ပွဲအတွင်းမှာ ကျွန်တော် အင်တာဗျူး ရှောင်ခဲ့ပါတယ်။ တကယ်လည်း မအားလို့ပါ။ ပြီးတော့ နာမည်ကြီး ဂျာနယ်က ကျွန်တော့်ကို နေ့တိုင်း အင်တာဗျူးဖို့ ပြောတော့ အဆင်မပြေတော့ပါဘူး။ ကျွန်တော် တခါဖြေပြီးသားပါ နောက်တခါ ဖြေလည်း ဒီအဖြေပဲ ဖြစ်မှာပါ။ ဒါကို ဘာ့ကြောင့်များ ထပ်ပြီး ဗျူးချင်သလဲ ကျွန်တော် စဉ်းစားရပါတယ်။ နောက်တော့ သိလိုက်ပါတယ် ကျွန်တော့်ရဲ့ ရန်သူ တစ်စုက အကူအညီ တောင်းထားတယ်ဆိုတာ။ ကျွန်တော် အဲဒါ မသိခင်ကထဲက အဲဒီ့ ဂျာနယ်ကို ရှောင်ပါတယ်။ သူတို့ ခမျာလည်း သူများ ခိုင်းလို့သာ လုပ်တယ် ကျွန်တော့်ကို မဲသလား ဖြူသလားတောင် မသိကြရှာပါဘူး။ သူတို့ ဘေးနားမှာ မတ်တတ်ရပ်နေတတ်တဲ့ ကျွန်တော့်ကို သူတို့ လုံးဝ မသိကြပါဘူး။ ဒီနေရာမှာ အဲဒီ့ကိစ္စကို ဖြေရှင်းပေးသွားတဲ့ ကျွန်တော့် မန်နေဂျာကို ကျေးဇူးတင်ရမှာပါ။ သူက အမြဲတမ်း မအားဘူး မရှိဘူး အချိန်မရဘူး ခင်ဗျားတို့ ဗျူးချင်ရင် ရုံးမှာ လာခဲ့ ကျွန်တော် ချိန်းပေးမယ်ဆိုပြီး ပြောပေးခဲ့ပါတယ်။ ပွဲပြီးသွားတဲ့အထိ သူတို့ ဘက်ကလည်း လက်မလျော့ပါဘူး။

ရန်သူတွေနဲ့ ရင်ဆိုင်တဲ့ အခါတိုင်းမှာ ကျွန်တော့်ဘက်က စိတ်ခံစားမှု လုံးဝ မပါအောင် သတိထားပြီးနေပါတယ်။ ပျော်တာလည်း မပြဘူး ဒေါသထွက်တာလည်း မပြဘူး စိတ်ရှုပ်တာလည်း မပြဘူး။ အဲဒီ့လို နေခဲ့လို့လည်း ကျွန်တော် တော်တော်လေး သက်သာရာ ရခဲ့ပါတယ်။ တကယ်လို့များ စိတ်ခံစားမှုကို သိသွားခဲ့ရင် ကျွန်တော့်ကို သူတို့ လွယ်လွယ် အနိုင်ရသွားမှာပါ။ သူတို့နဲ့ ပြိုင်ရတာ စစ်တုရင် ကစားရသလိုပါပဲ။ တချိန်လုံး စဉ်းစားနေရပါတယ် အကွက်အမှား မခံပါဘူး။ ကိုယ့်ဘက်က တစ်ကွက်မှားတာနဲ့ ကိစ္စပြတ်သွားနိုင်ပါတယ်။ ကျွန်တော် သူတို့နဲ့ ကစားနေရင်း နောက်ဆုံး အနိုင်ရခဲ့ပါတယ်။ လုပ်ငန်းတစ်ခုလုံး အောင်အောင်မြင်မြင် ချောချော မွေ့မွေ့နဲ့ ပြီးဆုံးသွားပါတယ်။ လူတွေအားလုံး ကျွန်တော့်ကို Congratulation လာလုပ်ကြပါတယ်။ ကျွန်တော်လည်း တော်တော် ပျော်ပါတယ်။ သူတို့ကို အနိုင်ရတာထက် လုပ်ငန်းတစ်ခုကို အောင်မြင်အောင် လုပ်ခဲ့နိုင်တာ ပထမဆုံး အတွေ့အကြုံဖြစ်ပေမယ့် ချောချောမောမော ပြီးဆုံးသွားတာရယ်ကြောင့် ပျော်မိပါတယ်။ ကဲ ဒီလို အောင်မြင်သွားတော့ တစ်ဘက်မှာ ဘာဖြစ်သလဲဆိုတော့ ငွေကြေးအမြတ်အစွန်း လုံးဝထွက်မလာတော့ပါဘူး။ ဘာလို့လဲဆိုတော့ ကျွန်တော် အဲဒီ့အချိန်မှာ ငွေခင်းပြီး လမ်းလျှောက်ခဲ့ရပါတယ်။ တချို့နေရာတွေမှာ မသုံးသင့်မှန်းသိပေမယ့် အဲဒီ့အချိန်မှာ ဘာမှ မစဉ်းစားနိုင်ပါဘူး။ ကျွန်တော့် ခေါင်းထဲမှာ အေးအေးချမ်းချမ်း ဖြစ်ရေးပဲ ရှိပါတယ်။ အဲဒါကြောင့် ဒီလုပ်ငန်းကြီးမှာ အောင်မြင်ပေမယ့် ငွေကြေးအမြတ်အစွန်း မရှိသလို အရှုံးလဲ မရှိခဲ့ပါဘူး။ နာမည်ရခဲ့တာရယ် လူတွေရဲ့ ယုံကြည်မှုရခဲ့တာရယ် ရှေ့လုပ်ငန်းတွေ လမ်းပွင့်လာတာရယ်က ကျွန့်တော့်အတွက် အကြီးမားဆုံး အမြတ်အစွန်းပါပဲ။

ကဲ လုပ်ငန်းကြီးလည်း ပြီးပြီဆိုတော့ ကျွန်တော် စာရင်းတွေရှင်းဖို့ လုပ်ပေးရပါတယ်။ ပိုက်ဆံ မစိုက်ကြပေမယ့် ပါးစပ်လေးနဲ့ ပါထားတဲ့သူတွေကို ရှင်းပြဖို့ တာဝန်ရှိလာပါတယ်။ အလုပ်မပြီးခင်မှာ ရန်လုပ်ခဲ့တဲ့ သူတို့တွေကလည်း အလုပ်ပြီးတော့ ပိုက်ဆံ ရလိုကြောင်း တောင်းလာပါတယ်။ ကျွန်တော်လည်း စာရင်းတွေကို သေချာပြလိုက်ပါတယ်။ အမြတ်မရှိတာကို သိသွားတဲ့အခါမှာ ကျွန်တော့်ကို ထပ်ပြီး ရန်လုပ်ပါတော့တယ်။ အစထဲကလည်း မကူညီဘူး ရန်လဲလုပ်တယ် ပြဿနာလည်း ရှာတယ် ကဲ အလုပ်ပြီးတော့လည်း ပိုက်ဆံတောင်းတယ် တကယ်မမြတ်လို့ မမြတ်ကြောင်း ရှင်းပြတော့လည်း လက်မခံဘူး။ မဖြစ်နိုင်တဲ့ ငွေကြေးကိန်းဂဏန်း တစ်ခုကို ထပ်ခါတလဲလဲ ပြောပြီး တောင်းပါတော့တယ်။ ကျွန်တော် သူတို့ကို ကြည့်ပြီး အံ့သြလွန်းလို့ စကားတောင် မပြောနိုင်ပါဘူး ဒီအတိုင်းပဲ ထိုင်ကြည့်နေလိုက်ပါတယ်။ နောက်ဆုံး သူတို့ ပြောလာပါတယ် စကားထဲက ဇာတိပြလာပါတယ် ပြဿနာရှာမယ် ဘာညာပေါ့လေ။ ကျွန်တော် သည်းခံနိုင်မှု အတိုင်းအတာ ကုန်သွားပါတယ်။ သူတို့ကို သူတို့လိုမျိုး ရန်ပြန်မလုပ်ပါဘူး သူတို့ ကျွန်တော့်ကို ဒုက္ခမျိုးစုံ ပေးတဲ့ပုံတွေကို အသေးစိတ် ပြန်ပြော လိုက်ပါတယ် ပြီးတော့ ထပ်ပြောလိုက်ပါတယ် ကျွန်တော်က ခင်ဗျားတို့လိုတော့ ရန်မလုပ်တော့ဘူး ကျွန်တော့်ကို သိက္ခာချရင် အသရေဖျက်မှုနဲ့ တရားစွဲမယ်လို့ ပြတ်ပြတ်သားသား ပြောလိုက်ပါတယ်။ အဲဒီ့တော့မှပဲ သူတို့ ငြိမ်သွားပါတော့တယ်။ နောက်ထပ် ဘာသံမှ မကြားရတော့ပါဘူး။ ဒါပေမယ့် ကျွန်တော်သူတို့ကို လျော့ပြီး မတွက်ပါဘူး။ အချိန်မရွေး ဒုက္ခပေးနိုင်ပါတယ်။ ခုလည်း ကျွန်တော့်လုပ်ငန်းတွေ အဆင်ပြေတယ် ကြားရင် ဘာတွေ ကြံစည်အုံးမလဲဆိုတာ မပြောတတ်ပါဘူး။ ကဲ အလုပ်လုပ်ရင် သတိသာထားကြပါ ရှယ်ယာလုပ်ရင် အဲလိုမျိုးမဖြစ်အောင် အစထဲကနေပြီး တိကျသေချာတဲ့ မူဝါဒလေးတွေ တာဝန်ခွဲဝေရေးလေတွေ လုပ်ထားပါ လုပ်ငန်းသဘော ပိုပြီး ပီပြင်အောင် စာချုပ်စာတမ်းတွေနဲ့ လုပ်ကြပါလို့ တိုက်တွန်းရင်း ကျွန်တော့် အတွေ့အကြုံလေးကို ဝေမျှလိုက်ပါတယ်။

Read More...

Thursday, February 21, 2008

ပျက်ကျသွားတဲ့ စိတ်

သံသရာကို ကြောက်ရင်
အကုသိုလ်ကို ဝယ်မသုံးနဲ့လို့
လူတွေကို ခဏခဏပြောနေတာ
ငါ့အသံကပဲ တိုးလို့လား
သူတို့နားတွေပဲ မကြားတာလား
စဉ်းစားမရတာ ကြာပြီ။

ဟေ့ကောင် ဟေ့ကောင်
ဘဝကို ရိုးရိုးသားသား ဖြတ်သန်း
အမှန်တရားက
နည်းနည်းတော့ခါးတယ်
ခဏပန်းလောက်ဖြစ်ဖြစ်
ဒုက္ခခံမှ ဘဝဆိုတာ ချိုတာ။

လမ်းပေါ်မှာ ပြန့်ကျဲနေတာ
ဘာတွေလဲလို့ ငါ့ကိုမေး
ဖြေစရာမလိုပါဘူးကွယ်
သိက္ခာတရားကို
အလေးချိန်နဲ့ရောင်းနေတဲ့ ခေတ်မှာ
ခလုတ်တိုက်တိုင်း
အမှန်တရားဆိုတာ ပြုတ်ပြုတ်ကျတာ
အားလုံးအသိပဲ မဟုတ်လား။

ကျိန်စာတိုက်တဲ့ခေတ်က
လူမဖြစ်ခဲ့ပေမယ့်
ကျိန်စာမိတဲ့ခေတ်မှာ
လူလာဖြစ်တော့
တစ်ယောက်နဲ့ တစ်ယောက်
သစ္စာပျက်တာ
ကလေးကစားသလို ဖြစ်နေတာကြာပေါ့။

ရင်တွေလည်း ပူလှပါပြီ
နားတွေလည်း အူလှပါပြီ
ဒုက္ခတွေလည်း ထူလှပါပြီ
အရွယ်နဲ့သောက မမျှတဲ့
ဒီလောကကြီးကို ပြုံးပြရတာ
ကြာတော့ ရွံတယ်။

Read More...

Wednesday, February 20, 2008

ရိုးသားမှုများ

ဘဝမှာ ရိုးသားစွာနေထိုင်တာ အကောင်းဆုံးပဲလို့ ကျွန်တော်ကြားဖူး မှတ်ဖူးပါတယ်။ ကိုယ်တိုင်လည်း အတတ်နိုင်ဆုံး ရိုးသားစွာနေပါတယ်။ လူတွေနဲ့ ဆက်ဆံရင်လည်း ကိုယ့်ဘက်က အမြဲတမ်း ရိုးသားဖို့ ကြိုးစားပါတယ်။ ပြီးခဲ့တဲ့ ဖေဖော်ဝါရီ ပျော်ပွဲရွှင်ပွဲမှာ ကျွန်တော် သင်ခန်းစာတွေ အများကြီးရခဲ့ပါတယ်။ လူတွေကို ကျွန်တော် အရိုးသားဆုံး ဆက်ဆံ ပြောဆိုပါတယ်။ တချို့ကလည်း သဘောပေါက်ပါတယ်။ တချို့ကလည်း ကျွန်တော့်ကိုငတုံးလို့ သတ်မှတ်ပါတယ်၊ တချို့ကလည်း ကျွန်တော့် ရိုးသားမှုကို အခွင့်အရေးယူပါတယ်။ ကျွန်တော် ပွဲတော်ကြီးကို ပင်ပင်ပန်းပန်း ခက်ခက်ခဲခဲ ဖြတ်သန်းခဲ့ရပါတယ်။ ကျွန်တော့်ဘက်က လိုအပ်မှုမှန်သမျှကို မရ ရအောင် ဖြေရှင်းပေးခဲ့ပါတယ်။ သူငယ်ချင်းတွေက ပြောကြပါတယ် ဘာလို့များ လူတွေကို ကိုယ့်စိတ်နဲ့ နှိုင်းပြီး ဆက်ဆံတာလဲတဲ့။ မင်းကောင်းသလောက် မင်းအပေါ် ပြန်ကောင်းကြရဲ့လားတဲ့ မင်းရိုးသားသလောက် သူတို့ ရိုးသား ကြရဲ့လားတဲ့။ စတဲ့ မေးခွန်းပေါင်း များစွာကို ကျွန်တော့်ကို မေးကြပါတယ်။ ကျွန်တော် သူတို့ရဲ့ မေးခွန်းတွေကို ပြန်ပြောခဲ့တဲ့ စကားက "ငါတစ်ယောက် ရိုးသားရင် လောကကြီး လှတာပေါ့ကွာ။ သူများတွေ မရိုးသားတိုင်း သူများတွေ ကောက်ကျစ်တိုင်း ငါ့ဘက်က လိုက်ပြီး အရောင်ပြောင်းရရင် ဘယ်ကောင်းပါ့မလဲ" လို့ ပြောခဲ့ပါတယ်။

ကျွန်တော် ဒီပွဲကြီးကို စလုပ်တော့ အားမာန်အပြည့်နဲ့ လုပ်ခဲ့ပါတယ်။ ကူညီပေးကြတဲ့ သူတွေ အများကြီးပါပဲ။ အကူအညီ ပေးမယ့်သူတွေသာ မရှိရင် ကျွန်တော် ဒီနေ့ ဒီလိုမျိုးတောင် ရပ်တည်နိုင်မှာ မဟုတ်ပါဘူး။ အခက်အခဲ ဆိုတာကတော့ လုပ်ငန်းတိုင်းမှာ ရှိတာပါပဲ။ ကျွန်တော်အရာအားလုံးကို ရိုးသားစွာနဲ့ ကျော်ဖြတ်ခဲ့ပါတယ်။ ကျွန်တော့်ကို အကူညီပေးတဲ့သူတွေကိုရော အနှောက်အယှက်ပေးတဲ့ သူတွေရော အားလုံးကို ကျွန်တော့်ဘက်က ရိုးရိုးသားသား ပြောဆို ဆက်ဆံခဲ့ပါတယ်။ ကျွန်တော်ဟာ သူများတွေလို ပိုက်ဆံ ချမ်းသာလွန်းတဲ့သူ မဟုတ်ပါဘူး အားကိုးလဲ ရှိတဲ့သူ မဟုတ်ပါဘူး။ ကျွန်တော့်မှာ ရှိတာဆိုလို့ ရိုးသားမှု၊ အမှန်တရား၊ သစ္စာတရား ဒါတွေပဲ ရှိတာပါ။ အဲဒါတွေကို အခြေခံပြီး ကျွန်တော် ဒီပွဲကြီးကို လုပ်ခဲ့တာပါ။ ပွဲတော်ကြီးမှာ အနှောက်အယှက် အမျိုးမျိုးကို ကြုံတွေ့ခဲ့ရပါတယ်။ ကျွန်တော် ဒီပွဲကြီး မစခင်မှာ ဘုရားမှာ သစ္စာဆိုခဲ့ပါတယ်။ ကျွန်တော့် ဘဝရဲ့ ပထမဆုံးသော သစ္စာဆိုမှုပါပဲ။ ဗုဒ္ဓရဲ့ အရိပ်ဟာ အေးချမ်းလွန်းပါတယ်။ ဘုရားကို မသွားခင်မှာ ကျွန်တော်ဟာ ပြဿနာအကြီးဆုံးကို တွေ့နေခဲ့ရပြီး အဲဒီ့ပြဿနာသာ မရှင်းနိုင်ရင် ပွဲပါပျက်သွားနိုင်တဲ့ အနေအထားပါ။ ဘုရားကို ရောက်တော့ ကျွန်တော် တကိုယ်လုံး တုန်ရီနေပါပြီ။ ဘုရားမှာ ကျွန်တော် စိတ်တည်ငြိမ်အောင် လုပ်ရင်း ခနနားရပါတယ်။ ပြီးတော့ ကျွန်တော် သစ္စာဆိုပါတယ်။ "အရှင်ဘုရား တပည့်တော်သည် အခု ပြုလုပ်သော ဖေဖော်ဝါရီ ပျော်ပွဲရွှင်ပွဲကြီးကို လူအများ စိတ်ချမ်းသာစေခြင်း အလို့ငှာ ဦးစီး ဆောင်ရွက်ခဲ့ပါသည်။ မည်သူ့ကိုမျှ ယုတ်ညံ့သော စေတနာဖြင့် မဆက်ဆံ မပြောဆိုခဲ့ပါ။ တပည့်တော် ဘဝတွင် မည်သူ တစ်ဦး တစ်ယောက်၏ အကျိုးစီးပွါးကို ပျက်စီးစေလိုသော စိတ်မျိုးမရှိခဲ့ပါ။ တပည့်တော်သည် လူသားအားလုံးကို အရိုးသားဆုံး ဆက်ဆံပြောဆိုခဲ့ပါသည်။ ဤမှန်သော သစ္စာစကားကြောင့် တပည့်တော် ယခု ပြုလုပ်နေသော ဖေဖော်ဝါရီ ပျော်ပွဲရွှင်ပွဲကြီးကို အနှောက်အယှက်ကင်းကင်း အန္တရာယ်ကင်းကင်း ကျင်းပနိုင်ရပါလို၏" ဆိုပြီး သစ္စာဆို ဆုတောင်းခဲ့ပါတယ်။ ကျွန်တော့် သစ္စာ မှန်လို့ထင်ပါတယ် ကျွန်တော့် ပွဲတော်ကြီး အောင်မြင်ခဲ့ပါတယ်။ အခက်အခဲတွေကိုလည်း ကျော်လွှားနိုင်ခဲ့ပါတယ်။

ကျွန်တော့်ရဲ့ ပြဿနာတွေကို သူငယ်ချင်းတွေ မိတ်ဆွေတွေက အပြည့်အဝကူညီ ဖြေရှင်းပေးခဲ့ကြပါတယ်။ ကျွန်တော့် ဖေဖေ နဲ့ မေမေ ဆိုရင်လည်း ကျွန်တော့် အတွက် တော်တော်ကြီးကို သောက ရောက်ခဲ့ကြရပါတယ်။ ဒီပွဲမှာ ကျွန်တော်ဟာ အချိန်မရွေး ပြဿနာတက်ပြီး ဒုက္ခရောက်သွားနိုင်တယ် ဆိုတာ အားလုံး သိကြပါတယ်။ သူတို့တွေရဲ့ မျက်နှာတွေမှာ ကျွန်တော့်အတွက် စိုးရိမ်မှုတွေ အပြည့်နဲ့ဆိုတာ မပြောပဲနဲ့ သိသာပါတယ်။ ကျွန်တော့် ဝန်ထမ်းတွေက အစ ကျွန်တော့် အတွက် စိုးရိမ်ပူပန်ခဲ့ကြပါတယ်။ ကျွန်တော့်အတွက် စိုးရိမ်တဲ့ အထဲမှာ ဘလော့ဂ်ဂါကြီး ကိုစိုးထက်လည်း ပါပါတယ်။ ကျွန်တော်ဟာ မနက်လင်းတာနဲ့ တပြိုင်ထဲ ဒီနေ့ ဘယ်ပြဿနာကို ဘယ်လို ဖြေရှင်းရမလဲဆိုတာနဲ့ စပြီးတွေးမိပါတယ်။ တကယ်တမ်းလည်း တွေးထားသလို ပြဿနာတွေက ရောက်ရောက်လာပါတယ်။ ကျွန်တော့် ဝန်ထမ်းတွေရှေ့မှာ ကျွန်တော့် မိတ်ဆွေ အပေါင်းအသင်းတွေ ရှေ့မှာ ကျွန်တော် အားတင်းပြီး ရပ်တည်ခဲ့ရပါတယ်။ သူတို့ရှေ့မှာသာ ကျွန်တော် မျက်နှာပျက်နေမယ် စိတ်ဆင်းရဲနေမယ်ဆို နောက်က လိုက်လုပ်ပေးနေတဲ့သူတွေ အားပျက်ကုန်မှာ စိုးလို့ပါ။ ပွဲပြီးသွားတဲ့ ၁၄ ရက်နေ့မှာတော့ အားလုံးကို အိမ်ပြန်ပို့ပေးအပြီး ကျွန်တော် ပြန်လာခဲ့ပါတယ်။ အဲဒီ့မှာတော့ တင်းထားသမျှ စိတ်တွေ အားလုံးကို လျှော့လိုက်ပါတယ်။ အိပ်ခန်းထဲကို ရောက်ရောက်ခြင်း ကျွန်တော် ခွေလဲသွားပါတယ်။ ဘယ်သူမှလည်း မသိလိုက်ပါဘူး။ ကျွန်တော် ဗီဒိုရှေ့မှာ ၂ နာရီလောက် ခွေခွေလေးလဲနေပြီး တော်တော်နဲ့ ပြန်မထနိုင်ခဲ့ပါဘူး။ နောက်မှ ဖြေးဖြေးခြင်းထပြီး ကုတင်ပေါ်ကို တက်ခဲ့ရပါတယ်။ ကျွန်တော် မနက်မိုးလင်းတဲ့ အထိ လုံးဝ အိပ်လို့ မပျော်ပါဘူး။ စိတ်လျှော့လိုက်ပေမယ့်လည်း ဘယ်လိုမှ အိပ်မပျော်ခဲ့ပါဘူး။ လူတွေအကြောင်းကို စဉ်းစားရင်း စဉ်းစားရင်း ဝမ်းနည်းမိပါတယ်။ ကျွန်တော့်ဘက်က ရိုးသားစွာ ဆက်ဆံခဲ့ပေမယ့် လုံးဝကို မရိုးသားတဲ့ သူတွေကို ပြန်စဉ်းစားမိပြီး သူတို့ကို သနားလာမိပါတယ်။ သူတို့ဟာ ဘဝမှာ ငွေကြေး၊ ရပိုင်ခွင့်နဲ့ လူလူချင်း ကြီးနိုင်ငယ်ညှင်း လုပ်ဖို့လောက်သာ စဉ်းစားတတ်တဲ့ အတွက် ကျွန်တော် သနားမိပါတယ်။ ဘဝမှာ အသိတရားဆိုတာ နားမလည်တဲ့ အဲဒီ့လူတွေကို ကျွန်တော် ပြောနေကြစကားနဲ့ ပြောရရင် လူဖြစ်ဖို့ တစ်ဆင့် လိုနေပါတယ်။

ဒီပွဲတော်ကြီးမှာ ကျွန်တော် မြင်လိုက်ရတာက လူဖြစ်ဖို့ တစ်ဆင့်လိုနေသေးတဲ့ သူတွေရယ်။ မိတ်ဆွေစစ်ဆိုတာရယ်။ ညှိုးငယ်နေတဲ့ သူတွေရယ်။ အောက်ဆုံးက နင်းပြားတွေရယ်ကို ကျွန်တော် ပြတ်ပြတ်ထင်ထင် မြင်လိုက်ရပါတယ်။ ကျွန်တော် ဒီပွဲ တစ်လျှောက်လုံးမှာ ကျွန်တော့်ထက်နိမ့်ကျတဲ့ သူတွေကို ဦးစားပေးပြီး ဆက်ဆံခဲ့ပါတယ်။ သူတို့တွေကို ပျော်ရွှင်အောင် အဓိကထားပြီး လုပ်ပေးခဲ့ပါတယ်။ သူတို့တွေ ပျော်ကြတာကို မြင်ပြီး ကျွန်တော် ပီတိဖြစ်ရပါတယ်။ သူတို့တွေရဲ့ အပြုံးမျက်နှာတွေကို တွေ့တော့ ကျွန်တော် ပင်ပန်းသမျှ အားလုံး ပျောက်သွားပါတယ်။ ငွေဂုဏ်မောက်ပြီး လူဖြစ်ဖို့ တစ်ဆင့်လိုနေတဲ့ သူတွေကတော့ ကျွန်တော့် လုပ်ရပ်ကို သဘောမကျပါဘူး။ အမြင်မကြည်ပါဘူး။ ကျွန်တော်က သူတို့ကိုလည်း မပုတ်ခတ်ပါဘူး ကျွန်တော် လုပ်နေတာကိုလည်း ရိုးရိုးသားသား ပြောပြပါတယ်။ ဒါကို သူတို့ မကျေနပ်ပါဘူး။ ဒါတော့ ကျွန်တော်လည်း မတတ်နိုင်ဘူး။ မကျေနပ်လည်း နေပေါ့ ဆိုပြီး ပစ်ထားလိုက်ပါတယ်။ အဲဒီ့ အကျိုးဆက်ကတော့ ကျွန်တော့်ကို တောက်လျှောက် ပြဿနာရှာတာပါပဲ။ အဲဒီ့ ပြဿနာတွေကလည်း ကျွန်တော့်ကို မသက်ရောက်စေပါဘူး။ ပန်းနဲ့ ပေါက်သလောက်ပဲ ဖြစ်နေပါတယ်။ ကျွန်တော် ယုံကြည်တာ တစ်ခုရှိတယ် လူတွေကို ရိုးသားစွာ ဆက်ဆံခြင်းက ဘဝမှာ အရာအားလုံးကို အနိုင်ရသွားနိုင်တယ်လို့။ ပြီးတော့ ကိုယ့်ကို ယုတ်မာတဲ့သူကိုတောင် ရိုးရိုးသားသား ဆက်ဆံလိုက်ရင် သူ့ဘက်က ဘာမှ လုပ်မရတော့ဘူး။ နောက်ဆုံးဗျာ လူတိုင်းကို ရိုးသားစွာ ဆက်ဆံလိုက် ဟိုဘက်ကလူ ဘာဆိုတာကို ဘယ်သူမှ မပြောပဲ ချက်ခြင်း သိနိုင်တယ်။ ကဲ နောက်မှပဲ ကျွန်တော် ပွဲတော်ကြီးနဲ့ ပတ်သတ်ပြီး စီကာပတ်ကုံး ရေးပြတော့မယ်။ ခုတော့ ဒီလောက်နဲ့ ကျေနပ်ကြပါလို့။ လူသားအားလုံး ရိုးသားနိုင်ကြပါစေ။

Read More...

Monday, February 18, 2008

အားလုံးပျော်ကြသည် သို့သော်

ဖေဖော်ဝါရီ ပျော်ပွဲရွှင်ပွဲနဲ့ ဈေးရောင်းပွဲတော်ကြီးကတော့ ပြီးသွားပါပြီ။ ဟုတ်ကဲ့ အားလုံးပျော်ကြပါတယ်။ ဒါပေမယ့် မောင်သုည တစ်ယောက်မှာတော့ ပြဿနာပေါင်း သောင်းခြောက်ထောင်နဲ့ ပန်လန်လက် ပက်လက်လန်ပြီး ကျန်ခဲ့ပါတယ်။ ပွဲတော် ၆ ရက်ကာလမှာ ၁၀ ပေါင်လောက်ကျသွားပါတယ်။ နဂိုကထဲကမှ အင်မတန် ဝတဲ့ ခန္ဓာကိုယ်ဆိုတော့ ခုစဉ်းစားသာကြည့်။ ဒီပွဲမှာ စပွန်ဆာလည်းရတယ် ဆိုင်ခန်း ၈၀ နီးပါလည်း ရောင်းထားတယ် ဒါပေမယ့် မောင်သုည မမြတ်ဘူးဆိုတော့ လူတိုင်း အံ့သြကြပါတယ်။ မအံ့သြကြပါနဲ့ ခင်ဗျာ မောင်သုညရဲ့ ပထမဆုံး အတွေ့အကြုံဆိုတာရယ် မောင်သုညဟာ ငွေကြေးထက် သိက္ခာတရားကို တန်ဖိုးထားတယ် ဆိုတာရယ် လူတစ်ဘက်သားကို စိတ်ဆင်းရဲ မခံဘူးဆိုတာရယ် သိရင် လုံလောက်ပါတယ်။ ဒီပွဲကြီးနဲ့ ပတ်သတ်ပြီး အမြတ်ထွက်တာကတော့ နာမည်ကောင်းကျန်ခဲ့တာရယ် လူတွေ အားလုံးပျော်ရွှင်တာရယ် အနုပညာ မောင်နှမတွေ ကျေနပ်နှစ်သိမ့်မှု ရတာရယ်ကတော့ မောင်သုညအတွက် အမြတ်ပါပဲ။ ကိုရွှေကတော့ ပွဲမစခင်မှာ နောက်ပြီးပြောဖူးတယ် တစ်မြို့လုံးပျော်မယ် သုညကြီး ငိုနေမယ်တဲ့။ စကားနောက် တရားပါများ ဖြစ်သွားရော့သလား ဟုတ်ပါရဲ့ တစ်မြို့လုံး ပျော်ပါတယ် မောင်သုည မပျော်လိုက်နိုင်ပါဘူး။

ပွဲတော် ၆ ရက်ဟာ မောင်သုညအတွက် ဆယ်တန်းစာမေးပွဲ ပြန်ဖြေရသလိုပါပဲ။ အဲဒီ့ ၆ ရက်ကို မောင်သုညက မြန်မာစာ၊ အင်္ဂလိပ်စာ၊ သင်္ချာ၊ ဓာတုဗေဒ၊ ရူပဗေဒ နဲ့ ဇီဝဗေဒ လို့ ပြောပြီး ရင်ဆိုင်ခဲ့ပါတယ်။ နေ့စဉ်နေ့တိုင်း ပြဿနာတွေကို ဖြေရှင်းခဲ့ရပါတယ်။ လူတွေ အကြောင်းကို ပိုသိခဲ့ရပါတယ်။ ယုတ်မာခံခဲ့ ရပါတယ်။ ငွေဂုဏ်မောက်တဲ့ သူတွေကို တွေ့ခဲ့ရပါတယ်။ အကူညီပေးတဲ့သူတွေလည်း တွေ့ဆုံခဲ့ရပါတယ်။ ဟိုးတုန်းကထဲက လူတွေနဲ့ ပေါင်းသင်းဆက်ဆံရေးမှာ အဆင်ပြေတယ်လို့ နာမည်ရထားတဲ့ မောင်သုည ခုတော့ ပိုပြီး နာမည်ရသွားပါတယ်။ ကိုယ့်ဂုဏ်ကိုယ်ဖော်နေတာ မဟုတ်ပါဘူး။ အမှန်တကယ်ပြောပြနေတာပါ။ ဒီပွဲတော်ရက် မတိုင်ခင်ကထဲက အလုပ်တွေများလွန်းလို့ ချစ်လှစွာသော ဘလော့ဂ်ကိုတောင် လှည့်မကြည့်နိုင်ခဲ့ပါဘူး။ ခုတော့ နဲနဲအားသွားပြီမို့ ပြန်ရေးပါတော့မယ်။ ပြန်ရေးဖို့ကိုလည်း အားလုံးက တိုက်တွန်းနေပါတယ်။

ပွဲတော်ရက်တွင်း ဖြစ်ပျက်ခဲ့သမျှတွေ၊ စိတ်ခံစားမှုတွေ၊ ပြဿနာဖြေရှင်းခဲ့ရပုံတွေကို အသေးစိတ် ပြန်လည် ရေးသားတင်ပြပါအုံးမယ်။ ဓါတ်ပုံတွေကိုလည်း အဆင်ပြေရင် ပြေသလို တင်ပေးပါ့မယ်။ မောင်သုညကို အမြဲတမ်း အားပေးတတ်တဲ့ ဘလော့ဂ်ဂါကြီး ဒေါက်တာစိုးထက်ကိုလည်း ကျေးဇူးတင်မိပါတယ်။ မောင်သုညတို့ ပြဿနာတက်နေတော့ သူတောင် မနေနိုင်ရှာပါဘူး။ ကူညီပေးပါတယ် (မယုံမေးကြည့်)။ ခုလောလောဆယ်တော့ ရှယ်ယာသမားတွေနဲ့ မောင်သုည နပမ်းလုံးလိုက်ပါအုံးမယ်။ ပြီးမှ အသေးစိတ် ရေးပြပါ့မယ်။ ဘလော့ဂ်ကို ပစ်ထားမိသလို ဘလော့ဂ်ဂါမောင်နှမတွေကိုလည်း ဂရုတစိုက် မလုပ်နိုင်ခဲ့တဲ့ မောင်သုညကို ခွင့်လွှတ်နားလည် ပေးကြပါလို့ ပြောချင်ပါတယ်။ ကဲ အားလုံးပဲ ကျွန်တော် ပြန်လာပါပြီ ဆက်လက် အားပေးကြပါအုံးလို့ . . . . .

Read More...