Wednesday, December 31, 2008

ဖြတ်သန်းခဲ့တဲ့ ၂၀၀၈


သူများတွေတော့ မသိဘူး ကျွန်တော့်အတွက်ကတော့ ၂၀၀၈ တစ်နှစ်လုံးဟာ ဒဏ်ရာတွေ ဗလပွနဲ့ပေါ့။ ဖြတ်သန်းရတာ မောလှပါတယ်။ ပျော်စရာဆိုတာ မရှိသလောက်ကို ရှားပါးခဲ့ပါတယ်။ တိုက်ပွဲတွေဆိုတာ မြင်မကောင်းဘူး။ ကျွန်တော့်အတွက်တော့ ၂၀၀၈ ဆိုတာ အိပ်မက်ဆိုးတစ်ခုလိုပါပဲ။ ကျွန်တော် အဲဒီ့အိပ်မက်ကနေ အမြန်ဆုံး နိုးထချင်နေပါပြီ။ ကိုယ့်သမိုင်းကိုယ်ရေးတာဆိုတော့ ကျွန်တော့်အတွက်တော့ အနာတရဖြစ်စေတဲ့ စာမျက်နှာတွေကိုသာ ၂၀၀၈ ခုနှစ်က ပေးခဲ့ပါတယ်။ ကဲ ကျွန်တော့်ရဲ့ ၂၀၀၈ စာမျက်နှာတွေကို ကြည့်ကြစို့ရဲ့။

ဇန်နဝါရီလ
ကျွန်တော်တို့ ဖိုးဝက ဦးစီးကျင်းပမယ့် ၂၀၀၈ခုနှစ် ဖေဖော်ဝါရီ ပျော်ပွဲရွှင်ပွဲအတွက် ကျွန်တော် အစီအစဉ်တွေရေးနေတယ်။ စပွန်ဆာပေးတဲ့ ကုမ္ပဏီကနေပြီး ငွေတွေထုတ်တယ်။ နောက်တော့ ပျော်ပွဲရွှင်ပွဲအတွက် အဆိုတော်တွေ၊ မင်းသား မင်းသမီးတွေကို လာပြီး ကူညီပေးဖို့ ကျွန်တော်ကမ်းလှမ်းနေရတယ်။ လုပ်မှာက ၆ ရက်ဆိုတော့ အစီစဉ်တွေ မထပ်အောင် ပြင်ဆင်နေရတယ်။ ဆိုင်ခန်းတွေလဲ ရောင်းထွက်အောင် တစ်ဘက်ကနေ မားကတ်တင်းတွေကို သင်ပေးနေရသေးတယ်။ စာနယ်ဇင်းရှင်းလင်းပွဲလဲ လုပ်ဖြစ်တယ်။ ကြော်ငြာတွေလဲ တရစပ်ထည့်ထားတယ်။ လာသမျှဖုန်းတွေကိုလဲ လက်ခံပြီး ဖြေပေးနေရတယ်။ ပွဲအတွက် အတော်တော့ အဆင်ပြေတယ်။ ပင်တော့ပင်ပန်းတယ်။ စိတ်ရောလူရော မနားရဘူးပေါ့။ အဲဒီ့လိုနဲ့ ကျွန်တော် ဇန်နဝါရီလကို ဝရုန်းသုန်းကား ဖြတ်သန်းခဲ့တယ်။

ဖေဖော်ဝါရီလ
ပွဲက နီးနေပြီ။ စမှာက ၉ ရက်နေ့ဆိုတော့ လဆန်း ၁ ရက်နေ့ကထဲက ကန်တော်ကြီးထဲမှာ ဆိုင်ခန်းတွေဆောက်နေပြီ။ ပြီးတော့ စတိတ်စင်တွေကို ပြင်ဆင်နေပြီ။ အဲဒီ့မှာ ရှယ်ယာသမားတွေရဲ့ အက်သံတွေကို ကျွန်တော်ကြားနေရပြီ။ လှည့်မကြည့်အားဘူး။ ပွဲဖြစ်ရေး အဓိကဆိုတော့ ကျန်တာ မစဉ်းစားအားဘူး။ အဲဒီ့အချက်က ကျွန်တော့်ကို နှိပ်စက်တော့တာပဲ။ ပွဲကျင်းပဖို့ ၂ ရက်အလိုမှာ ပွဲမလုပ်နဲ့တော့ဆိုတဲ့ ပုံစံဖြစ်လာတယ်။ အဲဒါကို တော်တော်ကြီးကို ညှိနှိုင်းပြီး လုပ်ခဲ့ရတယ်။ ပွဲအတွင်းမှာ ကုန်ကျစရိတ်တွေက မျှော်လင့်ထားတာထက် ၂ ဆ ၃ ဆ နီးပါး မြင့်တက်သွားတယ်။ ကျွန်တော့်အနေနဲ့ ပွဲတော်ကြီးကို အေးအေးချမ်းချမ်းဖြစ်ရေး အဓိကထားနေရလို့ ကုန်ကျစရိတ်တွေကို ထည့်မစဉ်းစားအားတော့ဘူး။ ပွဲတော်က တော်တော်စည်ကားပါတယ်။ အောင်လဲအောင်မြင်ပါတယ်။ ပြဿနာတွေလဲ နေ့စဉ်ရင်ဆိုင်ခဲ့ရပါတယ်။ ပွဲပြီးတဲ့ ၁၄ ရက်နေ့ညကတော့ ကျွန်တော် ဟန်မဆောင်နိုင်တော့ပဲ ပစ်လဲသွားပါတော့တယ်။ သိပ်ပင်ပန်းသွားလို့ပါ။ တင်းထားတဲ့ စိတ်တွေလျှော့လိုက်တာလဲ ပါတာပေါ့လေ။ ပွဲပြီးတော့ အမြတ်အစွန်း မကျန်ပါဘူး။ စီမံခန့်ခွဲမှု ညံ့ဖျင်းတာရယ် လူတွေရဲ့ လောဘကို ကျွန်တော်လျှော့တွက်မိတာရယ်ကြောင့် နာမည်နဲ့ သိက္ခာသာ အောင်မြင်ခဲ့ပါတယ်။ ငွေကြေးမှာတော့ မရှုံးတာတစ်ခုပဲ ကံကောင်းခဲ့ပါတယ်။ ဒါပေမယ့် ပြဿနာက ပြီးမသွားပါဘူး။ ကျွန်တော့်ကို မျိုးစုံစွပ်စွဲကြပါတယ်။ ကျွန်တော် အပြင်ထွက်ချင်စိတ်ကုန်တဲ့အထိ ဖြစ်ခဲ့ရတယ်။ နောက်ဆုံး တရားစွဲမယ်ဗျာဆိုမှာ ဇာတ်လမ်းတွေ ငြိမ်းပါတော့တယ်။ တရားစွဲရင် ကျွန်တော် နိုင်မှာသေချာပါတယ်။ အဲဒီ့ကျမှ အားလုံး ပါးစပ်ပိတ်သွားပါတယ်။ ကျွန်တော် ဖေဖော်ဝါရီမှာ ပူလောင်ခြင်းအပြည့်နဲ့ လောင်ကျွမ်းခဲ့ရပါတယ်။

မတ်လ
ကျွန်တော့် မွေးနေ့ရှိတဲ့လပါ။ မွေးနေ့တောင် မလုပ်နိုင်ခဲ့ပါဘူး။ အလုပ်ကိစ္စတွေ တောက်လျှောက်များနေပါတယ်။ TV ကြော်ငြာတွေ လက်ခံရိုက်ကူးပေးနေရတာကလဲ ကျွန်တော့်ကို မွေးနေ့ပါမေ့စေတဲ့ အချက်တစ်ခု ဖြစ်စေခဲ့ပါတယ်။ မတ်လမှာ ထူးခြားတာဆိုလို့ ကျွန်တော် TV ကြော်ငြာလေးခုအတွက် စာချုပ်ချုပ်နိုင်ခဲ့တာပါပဲ။ မတ်လထဲမှာပဲ ကြော်ငြာနှစ်ခု ရိုက်ဖြစ်ခဲ့ပါတယ်။ အဆင်ပြေပါတယ်။ အဆင်မပြေတာကတော့ ကျွန်တော်အလုပ်ပေးတဲ့ သူတွေဘက်ကပါပဲ။ မပေါက်တဲ့ဈေးပေးခဲ့တာတောင် ကျွန်တော့်ကို အပြစ်တင်ချင်ကြပါတယ်။ လူတွေရဲ့လောဘကို ကျွန်တော် တော်တော်အံ့အားသင့်ခဲ့ရပါတယ်။ မွေးနေ့ကလဲ ဘာမှ မလုပ်ဖြစ်ခဲ့ပါဘူး။ သူငယ်ချင်းတွေက စုပြီး ဆိုင်မှာထိုင်စောင့်နေမှပဲ ကျွန်တော်မွေးနေ့မှန်း သိပါတော့တယ်။ ပြီးတော့ နောက်လမှာ ရုံးခန်းပြောင်းဖို့ကိစ္စက ကျွန်တော့်ကို တွန်းအားပေးနေသလိုပါပဲ။ မတ်လမှာတော့ ထွေထွေထူးထူး မဖြစ်ခဲ့ပါဘူး။ ဒီလိုနဲ့ လကုန်သွားခဲ့တယ်။

ဧပြီလ
ကျွန်တော့်ရုံးခန်းကို ပြောင်းခဲ့ပါတယ်။ ရုံးခန်းပြောင်းတဲ့အတွက် ADSL မရသေးပါဘူး။ အင်တာနက် မသုံးနိုင်သေးပါဘူး။ သင်္ကြန်ပိတ်ရက်တွေကလဲ ရှိနေပြန်တော့ အလုပ်တွေ ဘာမှ ဟုတ်တိပတ်တိ မလုပ်နိုင်ခဲ့ပါဘူး။ ရုံးပြောင်းလို့ နေရာတွေပြန်ချ မီးတွေပြန်ဆင်နဲ့ ရှုပ်ရှက်ခက်နေရင်း သင်္ကြန်ကိုရောက်သွားပါတယ်။ သင်္ကြန်မှာ ကျွန်တော်ဘုန်းကြီးဝတ်ဖြစ်ပါတယ်။ ဒါပေမယ့် အတက်နေ့မှာ ပြန်ထွက်ခဲ့ပါတယ်။ ကျွန်တော့်ချစ်လှစွာသော သူငယ်ချင်းတစ်ယောက် နိုင်ငံခြားကနေ ပြန်ရောက်လာတာလဲ ပါပါတယ်။ ပြီးတော့ ဘုန်းကြီးကျောင်းမှာ လူများပြီး မွန်းကျပ်လာလို့ ထွက်ဖြစ်သွားပါတယ်။ ဘာပဲပြောပြော ၅ ရက်တော့ ဝတ်ခဲ့ပါတယ်။ သင်္ကြန်အတက်နေ့မှာ ကျွန်တော်နဲ့ မဆုံဖြစ်ခဲ့တဲ့ သူငယ်ချင်းကိုတွေ့ဖို့ ကျွန်တော် အပြင်ထွက်ခဲ့ပါတယ်။ ကံဆိုးပါတယ် မတွေ့ဖြစ်ပါဘူး သူ့အမနဲ့ပဲ တွေ့ဖြစ်ပါတယ်။ အဲဒီ့ညက ကျွန်တော် ကျွန်တော့်သူငယ်ချင်းကားကို မောင်းတာ တိုက်ပစ်လိုက်ပါတယ်။ လမ်းအလယ်ကကျွန်းကိုတိုက်မိတာပါ။ ကားစတီယာရင်က return ပြန်မရတာကို မသိလို့ တိုက်မိသွားတာပါ။ ကားပြန်ပြင်ပေးလိုက်ရလို့ ငွေလဲကုန်သွားပါတယ်။ သူတို့က မလျော်ခိုင်းပါဘူး ကျွန်တော်က မနေနိုင်လုိ့ ပြန်လျော်ပေးလိုက်တာပါ။ ကံဆိုးကံကောင်း ဘာတွေမှန်းကို မသိတော့ပါဘူး။ နောက်ဆုံးပတ်ထဲမှာတော့ ကျွန်တော့်သူငယ်ချင်းလေးနဲ့ တွေ့ဖြစ်ပါတယ်။ ကျွန်တော်တို့ တစ်ယောက်ကို တစ်ယောက် အကူအညီပေးနိုင်ခဲ့ပါတယ်။

မေလ
မြန့်မာ့သမိုင်းမှာ အဆိုးဆုံး နာဂစ်မုန်တိုင်း ဝင်မွှေတဲ့လပေါ့။ လူသားတွေ ကြေကွဲခဲ့ရတဲ့လပေါ့။ ကျွန်တော် နာဂစ်ဖြစ်တဲ့နေ့က အိမ်မှာပါ။ ကျွန်တော့်ကို ညသန်းခေါင်လောက်မှာ အမေကလာနှိုးပါတယ် ကျွန်တော်လဲ ဘာမှ မတတ်နိုင်ဘူးလေဆိုပြီး ပြန်အိပ်နေပါတယ်။ မနက်လင်းတော့ ရုံးသွားမယ်ဆိုပြီး အိမ်အပြင်ထွက်ကြည့်တော့မှ မြို့ပျက်သွားပြီဆိုတာ သိလိုက်ရတယ်။ ကျွန်တော် ညနေဘက်မှာ ရုံးကိုရောက်ခဲ့တယ်။ ထွေထွေထူးထူး ဘာမှ မဖြစ်လို့တော်သေးတယ်။ ဒါပေမယ့် တချို့ ကိစ္စတွေကိုတော့ ကျွန်တော် ဆုံးရှုံးလိုက်ရတယ်။ စိတ်ဓါတ်ကနေတဲ့ အဖေနဲ့အမေကို ဘယ်လို အားပေးရမှန်းမသိခဲ့ဘူး။ နောက်တော့ ကျွန်တော် ရုံးကို ပိတ်ထားလိုက်ပြီး ကယ်ဆယ်ရေး လုပ်ငန်းတွေ လိုက်လုပ်ဖြစ်တယ်။ အဲဒီ့လိုနဲ့ ကိုစိုးထက်အကူအညီတောင်းလို့ ဆရာတော် ရန်ကုန်ကိုကြွလာတော့ ကပ္ပိယလုပ်ရင်း နာဂစ်အလှူတွေလုပ်ဖြစ်ပါတယ်။ ရန်ကုန်မှာ အနေနည်းသွားတယ်။ ဆရာတော် ပြန်ကြွသွားတော့ ကျွန်တော့်အတွက် သင်ခန်းစာတွေ အများကြီးရလိုက်တယ်။ ကျွန်တော့်ရုံးကို ပြန်ဖွင့်လိုက်တယ်။ လိုအပ်ချက်တွေကို ကျွန်တော်ပိုမြင်ခဲ့တယ်။ ကျွန်တော့်လုပ်ငန်းတွေအတွက် Revolution လုပ်ခဲ့ရတယ်။ ဝန်ထမ်းတချို့ ထွက်သွားတယ်။ ကျွန်တော်တချို့ကို ထုတ်ပစ်ခဲ့တယ်။ မေလအကုန်မှာ ရုံးကို ပြန်လည်ပတ်စေခဲ့တယ်။

ဇွန်လ
ဆရာတော် ဒုတိယအကြိမ် ပြန်ကြွလာတယ်။ ဒီတစ်ခါတော့ ရုံးကို ပစ်ထားခဲ့ပြီး တစ်လလုံးနီးပါး ကပ္ပိယအလုပ်ကို လုပ်ခဲ့တယ်။ နာဂစ်မုန်တိုင်းဒဏ်ခံရတဲ့ ဒေသတွေဘက်မှာ ကျွန်တော်ရယ် ဆရာတော်ရယ် လှည့်ခဲ့တယ်။ ဆရာတော်နဲ့အတူ ဧည့်သည်တွေပါ ပါလာလို့ ကျွန်တော် အလုပ်ပိုရှုပ်ခဲ့တယ်။ ပြီးတော့ မြန်မာနိုင်ငံ အထက်ပိုင်းကိုလဲ အလှူသွားလုပ်ခဲ့တယ်။ ဇွန်လမှာတော့ ဆရာတော်နားမှာပဲ နေခဲ့တယ်။ ရုံးကိုတော့ မန်နေဂျာနဲ့ ပစ်ထားလိုက်တယ်။ ပြန်လှည့်မကြည့်အားခဲ့ဘူး။ လကုန်ခါနီးမှ ဆရာတော် ပြန်ကြွသွားတယ်။ အဲဒီ့တော့မှ ကျွန်တော်ရုံးပြန်ရောက်တယ်။ ရုံးမှာ ဖြစ်ချင်တိုင်းဖြစ်နေတယ်။ ပြန်ရောက်တော့ ကျွန်တော် ဝန်ထမ်းတွေကို ဖြုတ်ပစ်လိုက်တယ်။ အလုပ်မဖြစ်တာကို ကြည့်မနေနိုင်တော့ဘူး။ ဝန်ထမ်းအသစ်တွေ ထပ်ခန့်တယ်။ မန်နေဂျာ အသစ်တစ်ယောက် ရှာခဲ့ရတယ်။ တော်တော်နဲ့ မတွေ့ခဲ့ဘူး။ လုပ်ငန်းတွေ အခြေအနေက မကောင်းသေးဘူး အလုပ်အသစ်လုပ်ဖို့ စဉ်းစားခဲ့တယ်။

ဇူလိုင်လ
မန်နေဂျာ အသစ်တစ်ယောက်ရတယ်။ အဆင်ပြေမယ်လို့ ထင်ခဲ့တယ်။ လုပ်ငန်းအသစ်စဖို့ ပြင်ဆင်နေချိန်ဆိုတော့ ပင်ပန်းတယ်။ ကြော်ငြာလုပ်ငန်းတွေ လုပ်ဖို့ ကျွန်တော် အခွင့်အရေးရခဲ့တယ်။ စက်တင်ဘာမှ စမယ့် လုပ်ငန်းအတွက် အခုကထဲက ပြင်ဆင်နေရတယ်။ မားကတ်တင်းအတွက် လူအသစ်တွေ ထပ်ခေါ်ထားရတယ်။ ဝန်ထမ်းအင်တာဗျူးတွေ လုပ်ရတယ်။ ဝန်ထမ်းအသစ်တွေရတော့ Training ပေးရတယ်။ Proposal တွေ Quotation တွေနဲ့ ကျွန်တော် လုံးချာလည်လိုက်နေခဲ့တယ်။ ကြော်ငြာစာအုပ်အတွက် ဒီဇိုင်းတွေထိုင်ရင်း စိတ်တွေလောနေခဲ့တယ်။ လူတွေအများကြီးနဲ့ ဆက်ဆံနေရတယ်။ မန်နေဂျာတွေ လုပ်ငန်းရှင်တွေနဲ့ပေါ့။ ပွဲတွေ တော်တော်များများလဲ သွားဖြစ်တယ်။

သြဂုတ်လ
နောက်လဆိုရင် စာအုပ်ထွက်တော့မှာဆိုတော့ မားကတ်တင်းတွေကို ပိုပြီး အလုပ်လုပ်နိုင်အောင် စီစဉ်ပေးရတယ်။ ဈေးကွက်အနေအထားကို ပြန်ပြီး သုံးသပ်ရတယ်။ ကိုယ်ရင်းနှီးတဲ့ မိတ်ဆွေ အပေါင်းအသင်းတွေကို အကူအညီတောင်းရတယ်။ ဝန်ထမ်း အဝင်အထွက်ကတော့ ကြမ်းတုန်းပါပဲ။ အဝင်အထွက် အရမ်းများတယ်။ အသစ်ခန့်ထားတဲ့ မန်နေဂျာ ထွက်သွားတယ်။ သူလဲ မခံနိုင်တော့ဘူးလေ သြဂုတ်လ ကုန်ခါနီးမှာ ကျွန်တော် အလုပ်တွေ ပိုပိသွားတယ်။ လှုပ်တောင် မလှုပ်နိုင်တော့ဘူး။ စာရင်းဇယားတွေကလဲ အရှုံးကို ပြနေတော့ အမောပိုဆို့စေခဲ့တယ်။ သြဂုတ်လမှာ ထူးခြားဖြစ်စဉ်ဆိုလို့ အလုပ်ကို ၂ ဆလုပ်ရတာရယ် ဝန်ထမ်း ၅ ယောက်လောက် အဝင်အထွက်ဖြစ်တာရယ် ဒါပဲရှိတယ်။

စက်တင်ဘာလ
စာအုပ်စထွက်တဲ့လပေါ့။ ထိုက်သင့်သလောက် အောင်မြင်ခဲ့တယ်။ လုပ်ငန်းတွေနဲ့ စာချုပ်တွေ ချုပ်နိုင်ခဲ့တယ်။ အသိမိတ်ဆွေတွေ ပိုပြီး တိုးလာခဲ့တယ်။ ပြီးတော့ ကျွန်တော့်ကို အကြီးအကျယ်ပြောင်းလဲစေမယ့် ကိစ္စတစ်ခု အတွက် အစပြုတဲ့ အနေနဲ့ တစ်ယောက်သောသူနဲ့ ကျွန်တော် တွေ့ခဲ့တယ်။ ခင်ခဲ့တယ်။ သူရောကျွန်တော်ရော ရည်ရွယ်ချက်တွေတူလို့ ပိုပြီး ခင်မင်ခဲ့တယ်။ အထူးခြားဆုံးက ကျွန်တော်တို့ စီးပွါးရေးအရ သိခဲ့ပေမယ့် အချိန်တိုအတွင်းမှာ ငယ်ပေါင်းတွေလို ဖြစ်သွားခဲ့တာပါပဲ။ ဒါပေမယ့် ကံဆိုတာ ဘယ်သူကများ ကြိုသိနိုင်မှာလဲနော်။ ကျွန်တော့်အလုပ်တွေထဲက TV ကြော်ငြာလုပ်ငန်းအတွက် ချုပ်ထားတဲ့ စာချုပ်ကို တစ်ဘက်က ဖောက်ချင်နေလို့ ခေါ်ပြီး သတိပေးခဲ့ရသေးတယ်။ စက်တင်ဘာလမှာ ပျော်စရာတွေရှိသလို စိတ်ရှုပ်စရာတွေလဲ မလွတ်ခဲ့ပါဘူး။ ဘာပဲပြောပြော ကျွန်တော့်ကို ကူညီပေးမယ့် သူတစ်ယောက်တိုးလို့ ကျွန်တော် အလုပ်လုပ်ရတာ ပိုအားရှိခဲ့တယ်။

အောက်တိုဘာလ
ကျွန်တော် မန်နေဂျာ အသစ်တစ်ယောက်လိုအပ်နေပြီဆိုတာ သေချာသွားတယ် ကျွန်တော် အလုပ်တွေ ပြန့်ကျဲနေတယ်။ ကျွန်တော့်ကို လာကူညီပေးတဲ့ ညီမလေးတစ်ယောက်ရှိတယ် acube ပေါ့။ သူလဲ ကျွန်တော့်ကို မန်နေဂျာခန့်ဖို့ အိုင်ဒီယာပေးခဲ့တယ်။ ကျွန်တော့်ကို ကူညီပေးနေတဲ့ တစ်ယောက်သောသူကို ကျွန်တော် အဲဒီ့ကိစ္စ ဖွင့်ပြီး တိုင်ပင်ခဲ့တယ် သူမကလဲ မန်နေဂျာခန့်ဖို့ ထပ်ပြီး အကြံဥာဏ်ပေးတဲ့ အပြင် သူမကိုယ်တိုင် ရှာပေးခဲ့တယ်။ ဟုတ်တယ် သိပ်တော်တဲ့ မန်နေဂျာတစ်ယောက် ကျွန်တော်ရခဲ့တယ်။ ကျွန်တော် တော်တော်အဆင်ပြေခဲ့တယ်။ အဲဒီ့ရက်ပိုင်းတွေမှာ သူမနဲ့ ကျွန်တော် အလုပ်ကိစ္စတွေ အတွက်သာမက လူမှုရေးအတွက်ပါ တွေ့ချိန်တွေ ပိုပြီး စိပ်ခဲ့တယ်။ ကျွန်တော်တို့ နှစ်ယောက် မတွေ့ဖြစ်တဲ့နေ့ရှားပါတယ်။ အလုပ်မှာလဲ acube လေးက ကူညီပေးနေသလို မန်နေဂျာ အသစ်ကလဲ မျက်နှာလွှဲလို့ရတယ်။ ကျွန်တော် ပင်ပန်းခဲ့တာတွေ အဆုံးသတ်ပြီလို့ ယူဆခဲ့တယ်။ ကျွန်တော် စိတ်တွေလျှော့ချလိုက်တယ်။ ဒါပေမယ့် ကျွန်တော့် ရောဂါက ပိုဆိုးလာခဲ့တယ်။ ဆရာဝန်ရဲ့ သတိပေးမှု ခံနေရပြီ။ ဒါလဲ မမှုဘူး နေချင်သလို နေခဲ့တယ်။ သူမနဲ့ တွေ့ရင် စကားတွေပြောလိုက် ရုံးကိုလဲ သွားလိုက် မသွားလိုက်ပေါ့။ ရောဂါကိုလည်း ကျိတ်မှိတ်ပြီးမေ့ထားလိုက်တယ်။ အပျော်ဆုံး ကာလတွေထဲက တစ်ခုပါပဲ။ ဒါပေမယ့်လဲပေါ့လေ . . .

နိုဝင်ဘာလ
ပြဿနာပေါင်း သောင်းခြောက်ထောင်ဆိုတာထက် ဆိုးပါတယ်။ တစ်သက်နဲ့ တစ်ကိုယ် ဖြစ်မယ်မထင်တာတွေ အကုန်ဖြစ်ခဲ့တယ်။ ဆရာဝန်သတိပေးနေတဲ့ ကြားထဲက ကျွန်တော် လုပ်ချင်တာတွေလုပ်ပြီး ဖြစ်ချင်တာတွေ ဖြစ်ကုန်ပါတယ်။ ပြဿနာတွေလဲ စီပြီးတက်ကုန်ပါတယ်။ သူမနဲ့ကျွန်တော် ကတ္တီပါလမ်းခွဲပါပဲ။ သူမအတွက် ရှက်စရာ ကိစ္စတစ်ခုဖြစ်ခဲ့သလို ကျွန်တော့်အတွက်လဲ နာလန်မထူနိုင်အောင်ဖြစ်ခဲ့ရပါတယ်။ ဘာလို့များ ဖြစ်သွားပါလိမ့်ဆိုတာ ဒီနေ့အထိ အဖြေမရှိပါဘူး။ သူမနဲ့ကျွန်တော့် ကိစ္စတင်မကပါဘူး ကျွန်တော်အားကိုးရတဲ့ မန်နေဂျာပါ ထွက်သွားပါတယ်။ ဒီတစ်ခါကတော့ ကျွန်တော့် အပြစ်ပါ။ ကျွန်တော် လုပ်လိုက်တဲ့ ကိစ္စတစ်ခုကြောင့် အခုလိုတွေဖြစ်ကုန်တာပါ။ ကျွန်တော် နောင်တရပါတယ်။ တစ်သက်နဲ့တကိုယ် နောင်တဆိုတာ မရဖူးပါဘူး။ အခုတော့ ရဖူးသွားပါပြီ။ နောက်တော့ ကျွန်တော် ခရီးထွက်ခဲ့ပါတယ်။ စိတ်ပြေလက်ပျောက်ထွက်တာ မဟုတ်ပါဘူး အလုပ်ကိစ္စတွေအတွက်ပါ။ ကျွန်တော် သေချင်လောက်အောင် စိတ်ဆင်းရဲနေရပါတယ်။ ငါ့ကြောင့် ငါ့ကြောင့်ဆိုတဲ့ အသံက ကျွန်တော့်နားထဲမှာ လျှံထွက်နေပါတယ်။ သူငယ်ချင်းတွေကတော့ ပြောပါတယ် မင်းကျမှ ရွေးဖြစ်တာ မဆန်းတော့ပါဘူးကွာတဲ့။ ဟုတ်ပါတယ် ကံဆိုးမယ်ဆို ထိပ်ဆုံးက ဆိုးတတ်တဲ့ ကျွန်တော့်အတွက် သိပ်တော့ မထူးခြားပါဘူး။ ဒီလိုနဲ့ နိုဝင်ဘာလမှာ ဒဏ်ရာအပြင်းဆုံးရခဲ့ပါတယ်။

ဒီဇင်ဘာလ
ဒဏ်ရာတွေကတော့ အနည်မထိုင်သေးပါဘူး။ အခုထိလဲ ထိခိုက်ခံစားရပါတယ်။ ပြီးတော့ ကျွန်တော့်လုပ်ငန်းတွေကို အသက်ပြန်သွင်းရပါတယ်။ မန်နေဂျာထွက်သွားတော့ ဗရမ်းဗတာ မဖြစ်ရအောင် ကျွန်တော် ပြန်ထိန်းခဲ့ရပါတယ်။ ကံကတော့ဆက်ဆိုးပါတယ်။ ကျွန်တော့် ပြိုင်ဘက်တွေက ကျွန်တော့်ကို တိုင်ကြပါတယ်။ စိစစ်ရေးကို မတင်လို့ဆိုပြီး တိုင်ကြပါတယ်။ ဈေးကွက်ထဲမှာ ကျွန်တော့်ကြောင့် သူတို့ နေရာဖယ်ပေးရတာ မကျေနပ်ကြပါဘူး။ ကံကောင်းလို့ ထောင်မကျတာပါ။ တော်တော်ရှင်းယူလိုက်ရပါတယ်။ ကျွန်တော့်လုပ်ငန်းကို မထိခိုက်အောင် လုပ်ခဲ့ရပါတယ်။ ဒီဇင်ဘာလထဲမှာ ဘလော့ဂ်ပို့စ်တောင် မရေးနိုင်ပါဘူး။ ကဗျာတွေပဲ ရေးဖြစ်ပါတယ်။ လုံးခြင်းတော့ ၂ အုပ်ရေးဖြစ်ပါတယ်။ မမေငြိမ်းတို့ကို ဒုက္ခပေးပြီး ဖတ်ခိုင်းခဲ့ပါတယ်။ အနှစ်ချုပ်ဆိုရင်တော့ ကျွန်တော် စီးပွါးရေးတွေ ထိခိုက်ခဲ့သလို လူမှုရေးလဲ နလန်မထူနိုင်ခဲ့ပါဘူး။ သူငယ်ချင်းတွေကတော့ ဒီလောက်ဖြစ်တဲ့ကောင်ဆိုပြီး တညီတညာထဲ 2008 Men of the Year ဆိုပြီး ပေးခဲ့ကြပါတယ်။ ကျွန်တော်တို့ အုပ်စုက နှစ်စဉ် အဲဒီ့လို ဆုပေးလေ့ရှိတယ်။ တစ်နှစ်လုံး ပေါက်ကရ ဖြစ်တဲ့ကောင် ပြဿနာများတဲ့ကောင်ဆိုရင် ဒီဆုရဖို့ သေချာပါတယ်။ ဟုတ်ကဲ့ ၂၀၀၈ မှာတော့ ကျွန်တော့်ထက် နာမည်ပိုပြီး သတင်းထွက်ခဲ့တဲ့ သူငယ်ချင်းတစ်ယောက်ကို ကျော်ပြီး ကျွန်တော်က ရခဲ့တာပါ။ နက်ဖန် ၂၀၀၉ ဆိုရင် ကျွန်တော့်ဆီကို ဖုန်းနဲ့တစ်မျိုး လူကိုယ်တိုင်တစ်ဖုံ ဆုပေးကြဦးမှာပါ။ နောက်နှစ်တော့ ကျွန်တော်ဒီလို အဖြစ်မျိုးတွေ မကြုံချင်တော့ပါဘူး။ တော်ပါပြီ မှတ်ပါပြီ :D

Read More...

Tuesday, December 23, 2008

ယုံပါ

ငါညာပြောခဲ့တာပါ
နင့်ကို မလွမ်းဘူးဆိုတာ

ငါညာပြောခဲ့တာပါ
နင့်ကို သတိမရဘူးဆိုတာ

ငါညာပြောခဲ့တာပါ
နင့်အနမ်းတွေကို မတမ်းတဘူးဆိုတာ

ငါညာပြောခဲ့တာပါ
နင့်မျက်ဝန်းတွေကို ထပ်မလိုချင်တော့ဘူးဆိုတာ

ငါညာပြောခဲ့တာပါ
နင့်စကားတွေကို မကြားချင်တော့ဘူးဆိုတာ

ငါညာပြောခဲ့တာပါ
နင့်ရနံ့တွေကို မစွဲလန်းဘူးဆိုတာ

ငါညာပြောခဲ့တာပါ
နင့်ကို ငါမချစ်ဘူးဆိုတာ

ငါညာပြောခဲ့တာပါ
ငါမလိမ်တတ်ဘူးဆိုတာ

ယုံပါကွာ
နင့်ကိုမြတ်နိုးတယ်ဆိုတာ
ငါတကယ်ပြောခဲ့တာပါ။

Read More...

Wednesday, December 17, 2008

သတိရခြင်း

သတိရခြင်းမှာ ပန်းတွေမပွင့်ဘူး
ဒါပေမယ့် ရနံ့တွေလွင့်လွင့်နေတယ်

သတိရခြင်းမှာ ငှက်တွေတေးမသီဘူး
ဒါပေမယ့် သီချင်းတွေကြားကြားနေတယ်

သတိရခြင်းမှာ မိုးတွေရွာမနေဘူး
ဒါပေမယ့် ရေတွေစိုစိုရွှဲနေတယ်

သတိရခြင်းမှာ နာရီတွေမရှိဘူး
ဒါပေမယ့် အချိန်တွေတရွေ့ရွေ့ကုန်ဆုံးနေတယ်

သတိရခြင်းမှာ အမုန်းတွေမပါဘူး
ဒါပေမယ့် စကားသံတွေခါးခါးနေတယ်

သတိရခြင်းမှာ အလွမ်းတွေမပါဘူး
ဒါပေမယ့် နှလုံးသားတွေမောမောနေတယ်

သတိရခြင်းမှာ သတိရခြင်းသာရှိတယ်
ဒါပေမယ့်
ဒါပေမယ့် . . .
တစ်ဘက်သတ်သိပ်ဆန်လွန်းနေတယ်။

Read More...

Saturday, December 13, 2008

ချစ်သူတမ်းခြင်း

ဒီအချိန်တွေဆိုရင်
ငါဆောက်တည်ရာမရဖြစ်နေရတာကြာလှပေါ့
ခေါင်းလောင်းလေးတီးသံကြားတိုင်း
နင်များလားလို့ ထွက်ကြည့်ရတာလဲ မောလှပြီ
ဘဝရယ်
ဘယ်လိုကျိန်စာများ သင့်ခဲ့လေသလဲကွယ်

ငါ့နဘေးနားက နင့်ပုံရိပ်တွေ
ညတိုင်းညတိုင်း ခြောက်လှန့်လို့
သွေးပျက်ရတဲ့ ညတွေလဲ များလှပေါ့

ဘယ်အချိန်ထိများ ငါ့အိပ်မက်တွေထဲ
နင် ထပ်တလဲလဲ နှိပ်စက်ဦးမလဲကွယ်
မျက်ဝန်းထဲကမျက်ရည်တွေနဲ့
ငါ့ကိုကျိတ်မှိတ်ပြီးမေ့နေမယ့် နင့်လုပ်ရပ်အတွက်
အပြစ်မဆိုရက်ပါဘူးကွယ်

ရက်စွဲတွေလဲ ပြက္ခဒိန်ထက်က
တဖြည်းဖြည်းကြွေကျလို့
နာရီတွေလဲ တဖြည်းဖြည်းဖြတ်သန်းလို့
နင်ကြားနိုင်ပါစေ
နင်သိနိုင်ပါစေ
နင်မြင်နိုင်ပါစေ
့နှလုံးသားလေး ခုန်လာမယ့်နေ့
အရင်အတိုင်းပဲ ငါစောင့်နေမယ်
ပြန်ခဲ့တော့ကွယ်။

Read More...

Monday, December 8, 2008

ဒီကမ္ဘာပေါ်မှာ

ဒီကမ္ဘာပေါ်မှာ ငါ့ကိုချစ်တဲ့သူ တစ်ယောက်တော့ ရှိမယ်
ဒီကမ္ဘာပေါ်မှာ ငါ့ကိုမုန်းတဲ့သူ တစ်ယောက်တော့ ရှိမယ်
ဒီကမ္ဘာပေါ်မှာ ငါ့ကိုနားလည်တဲ့သူ တစ်ယောက်တော့ ရှိမယ်
ဒီကမ္ဘာပေါ်မှာ ငါ့ကိုခွင့်လွှတ်တဲ့သူ တစ်ယောက်တော့ ရှိမယ်
ဒီကမ္ဘာပေါ်မှာ ငါ့ကိုအပြစ်တင်တဲ့သူ တစ်ယောက်တော့ ရှိမယ်
ဒီကမ္ဘာပေါ်မှာ ငါ့ကိုသနားတဲ့သူ တစ်ယောက်တော့ ရှိမယ်
ဒီကမ္ဘာပေါ်မှာ ငါ့ကိုကြင်နာတဲ့သူ တစ်ယောက်တော့ ရှိမယ်
ဒီကမ္ဘာပေါ်မှာ ငါ့ကိုသိမ်းပိုက်ချင်တဲ့သူ တစ်ယောက်တော့ ရှိမယ်
ဒီကမ္ဘာပေါ်မှာ ငါ့ကိုရက်စက်ချင်တဲ့သူ တစ်ယောက်တော့ ရှိမယ်
ဒီကမ္ဘာပေါ်မှာ ငါ့ကိုနှိပ်စက်ချင်တဲ့သူ တစ်ယောက်တော့ ရှိမယ်
ဒီကမ္ဘာပေါ်မှာ ငါ့ကိုအောင်မြင်စေချင်တဲ့သူ တစ်ယောက်တော့ ရှိမယ်
ဒီကမ္ဘာပေါ်မှာ ငါ့ကိုကျရှုံးစေချင်တဲ့သူ တစ်ယောက်တော့ ရှိမယ်
ဘာပဲပြောပြော . . .
ဒီကမ္ဘာပေါ်မှာ ဒီကမ္ဘာပေါ်မှာ ဒီကမ္ဘာပေါ်မှာ
ငါဆိုတဲ့ငါ တစ်ယောက်ပဲရှိတယ်။

Read More...

Thursday, December 4, 2008

ပါးစပ်ပိတ်ထားတယ်

မှန်တာပြောရင် သစ္စာ
ဒီစကားတော့ လူတွေပြောတတ်သားပဲ
သို့ပေမယ့် အမှန်တရားဆိုတာ
ခါးသီးလေတော့ ဘယ်သူမှ လက်မခံချင်ဘူး
ဒီလိုနဲ့သူ့မှာ လူမုန်းများလာတယ်

ဘဝမှာ မှန်တာပြောရင်
အကုသိုလ်ကင်းတယ်တဲ့
အဲဒီ့ဆုံးမစကားလေးနဲ့
ဘဝကို ကျားကန်ခဲ့ရတာ မောလှပေါ့
ဒဏ်ရာတွေက ထပ်တလဲလဲ
နေစရာမြေတောင် ရှာမတွေ့လို့
သူ့ခမျာ ဘယ်သောင်ဘယ်ကမ်း ကပ်ရမလဲလို့
အကြိမ်ကြိမ်ပူပန်ရ တွေးတောရ

တလောကတော့ စကားတစ်ခွန်း
တစ်ယောက်က လက်ဆင့်ကမ်းသွားတယ်
မုသားမပါ လင်္ကာမချောတဲ့
စဉ်းစားတယ် . . .
ထပ်တွေးတယ် . . .
သုံးသပ်တယ် . . .
သူဘာကိုယုံကြည်ရမှာလဲ
နောက်တော့ သူလင်းသွားတယ်ထင်ပါ့
အဲဒီ့နေ့ကစလို့ လောကကြီးမှာ
စကားမပြောတဲ့ လူတစ်ယောက်တိုးခဲ့တယ်။

Read More...

Wednesday, December 3, 2008

နှင်းတွေကဝေလို့

နှင်းတွေကဝေလို့
မျက်လုံးတွေနဲ့ ရှာကြည့်တယ်
အဲဒီ့နှင်းတွေထဲမှာ
ဘာတွေများပါလာမလဲဆိုတာ။

အို . . .
အလွမ်းတွေ
ဖွေးဖွေးလှုပ်နေပါရော့လား
မသေချာလို့
နောက်တစ်ခါပြန်ကြည့်တယ်
ပြောပြလို့မရတဲ့
စကားလုံးတွေ ပြည့်နှက်လို့။

ငါ့အသံ မင်းကြားပါ့မလားကွယ်
ညနေခင်းလား မနက်ခင်းလား
ဝိုးတဝါးပါပဲ။

ခုနကကြည့်တဲ့ မျက်ဝန်းမှာ
မျက်ရည်တွေရွှဲလို့
မြက်ခင်းပေါ် နှင်းတွေပက်ထားသလိုပဲ။

ဒါဟာ . . .
ကလူ၏သို့မြူ၏သို့ မဟုတ်ဘူး
အလွမ်းတွေကူးခတ်နေတာပါ
ဘာပဲပြောပြောလေ
နှင်းတွေကတော့ဝေလို့ ။

Read More...

Monday, November 24, 2008

Ten Things I Hate About Myself

၁။ အရာရာကို တဇွတ်ထိုးလုပ်တတ်တဲ့အကျင့်
၂။ လူတစ်ဘက်သား မခံနိုင်မှန်းသိပေမယ့် အမှန်ဆိုရင် မပြောပဲမနေနိုင်တဲ့အကျင့်
၃။ တခါတရံ ကိုယ့်ကိုကိုယ်ယုံကြည်မှုလွန်ကဲတဲ့အကျင့်
၎။ အသစ်အဆန်းမဟုတ်ရင် မလုပ်ဘူးလို့ ခံယူထားတဲ့အကျင့်
၅။ ကိုယ်မှန်တယ်ထင်ရင် ပတ်ဝန်းကျင်ကို ဂရုမစိုက်တတ်တဲ့အကျင့်
၆။ လူတွေနဲ့ရောရောထွေးထွေးနေပေမယ့် စိတ်ထဲကကျိတ်ပြီး ရှောင်ချင်နေတဲ့အကျင့်
၇။ ဆေးသောက်ထားပေမယ့် ညဘက်အိပ်မပျော်တဲ့အကျင့်
၈။ မေတ္တာတရားကို တအားငတ်မွတ်တောင့်တတဲ့အကျင့်
၉။ မရနိုင်တာကိုမှ မဖြစ်မနေလိုချင်တဲ့အကျင့်
၁၀။ စိတ်ကူးယဉ်အိပ်မက်တွေနဲ့ မွေ့ပျော်နေတတ်တဲ့အကျင့်

ဆက်ပြီးတက်ဂ်လိုက်မယ်
၁။ သမီးလေးမွန်
၂။ မခင်ဦးမေ
၃။ ကိုသင်ကာ
၎။ ဟန်သစ်ငြိမ်
၅။ ပိစိ
၆။ ကိုလင်းဦး
၇။ မကေသွယ်
၈။ မခင်မင်းဇော်
၉။ Republic
၁၀။ မောင်သုည

Read More...

Thursday, November 6, 2008

အမည်မဲ့

သုံးဆယ့်တစ်ဘုံသားတို့ရဲ့
သက်ပြင်းချသံအဆုံး
တဝုန်းဝုန်းပြိုကျလာတဲ့ ငါ့အတ္တ
ဒုက္ခမုန်တိုင်းတို့ စတင်လေပြီ။

Read More...

Sunday, October 19, 2008

အချစ်ဆိုသည်မှာ . . .


ဟန်သစ်ငြိမ်ကတက်ခ်ထားတဲ့ ပို့စ်ပေါ့။ နောက်တစ်ယောက် ချင်းမလေးကလဲ ရေးပေးပါတဲ့။ ရေးဖြစ်အောင် ရေးမှ ရမည်ဆိုတာကို သိတယ်။ ဒါပေမယ့် ဒါကြီးကိုဆွေးနွေးနေရင် ဆုံးမှာကို မဟုတ်တာလဲ သေချာတယ်။ အမြင်မှ မတူတာ။ ဘာပဲဖြစ်ဖြစ် ကိုယ်မြင်တာကိုယ်ရေးတာပဲ ကိစ္စမရှိဘူးလို့ နှလုံးသွင်းမှ ရေးလို့ရတော့တယ်။ ကဲ ခင်ဗျားတို့ ပြောနေကြတဲ့ အချစ်ပေါ့ဗျာ ဆက်ပြောကြတာပေါ့။ ကျွန်တော့် တသီးပုဂ္ဂလအမြင်သာ ဖြစ်တယ်ဆိုတာ ကြိုပြောထားပါမယ်။ ကြိုက်သလို ကွဲလွဲပိုင်ခွင့်ရှိတယ်။

အချစ်တဲ့ ကျွန်တော့်ပါးစပ်က ထွက်ရဲခဲ့တဲ့ စကားလုံးထဲမှာ ပါပါတယ်။ ပြောရမှာလဲ တခါမှ မကြောက်ခဲ့ပါဘူး။ သူများတွေက ပြောတယ် ခဏခဏ သုံးလို့မရဘူးတဲ့။ ဒါကိုလဲ မယုံပါဘူး။ ကျွန်တော်ကတော့ ပြောတာပဲ သုံးတာပဲ။ ချစ်တယ်ဆိုတာ ကောင်းတဲ့ ခံစားမှုတစ်ခုပဲလေ။ လူတစ်ယောက်က တစ်ယောက်ကို ချစ်တာ အပြစ်မှ မဟုတ်တာပဲ။ ချစ်ပစေပေါ့နော့။ ချစ်ခြင်းမှာ အမျိုးအစားတွေတော့ ကွဲပြားနေကြတာပေါ့။ မိဘ၊ မောင်နှမ ဆွေမျိုးသားချင်းကို ချစ်တဲ့အချစ်၊ သူငယ်ချင်းကို ချစ်တဲ့အချစ်၊ ရည်းစားကို ချစ်တဲ့အချစ်၊ သားသမီးကို ချစ်တဲ့အချစ် အိုပြောမယ်ဆို ကုန်မယ်တောင် မထင်ပါဘူး။ ကိုယ်မွေးထားတဲ့ အိမ်မွေး တိရိစ္ဆာန်လေးတွေကိုတောင် ချစ်တတ်ကြသေးတာပဲလေ ဟုတ်တယ်ဟုတ်။ ချစ်တာ အပြစ်မှ မဟုတ်တာ ရဲရဲဝင့်ဝင့်ချစ်ကြစို့။ ဒါပေမယ့် အခု ပို့စ်က ဘာကိုရေးစေချင်လဲဆိုတာ ရှင်းပါတယ်။ ရည်းစားကို ချစ်တဲ့ အချစ်မျိုးဆိုမလားပဲ။ သဘောကတော့ ၁၅၀၀ အချစ်ပေါ့ဗျာ ကဲ ရေးရသေးသပ။

ကျွန်တော့်ကို အတ္တကြီးတယ်လို့ တချို့က ပြောတယ်။ တချို့ကတော့ မချစ်တတ်တဲ့လူတဲ့။ တချို့ကတော့ ချစ်တယ်ဆိုတာ ခဏခဏပြောတတ်တဲ့သူတဲ့။ ဘယ်လိုပဲစွတ်စွဲပါစေ ကျွန်တော် ခွင့်လွှတ်ထားပါတယ်။ သြော် သူတို့ ငါ့ကို နားမလည်ကြလို့ပဲဆိုပြီး လွှတ်ထားလိုက်တယ်။ ကျွန်တော် ရည်းစားတော်တော်များများ ထားခဲ့ဖူးပါတယ်။ ထားခဲ့သမျှ ရည်းစားအားလုံးကိုလည်း ချစ်ခဲ့တာပါပဲ။ တခါမှ မချစ်ပဲနဲ့ ချစ်တယ်လို့ မပြောခဲ့ပါဘူး။ ဒါပေမယ့် ချစ်ပုံချစ်နည်းတော့ ကွာခဲ့ပါတယ်။ ဘယ်သူ့ကိုမှလဲ ပစ်ပစ်ခါခါ မလုပ်ခဲ့ပါဘူး။ သူတို့ဘာသာ ကျွန်တော့်ကို စွဲချက်မျိုးစုံတင်ပြီး တစ်ဘက်စောင်းနင်း စွပ်စွဲခဲ့ကြတာပါပဲ။ အသဲလဲ မကွဲခဲ့ပါဘူး။ ကျွန်တော်က ချစ်တာကိုး။ ကျွန်တော့်ကို သူတို့တွေ အမြဲမေးတဲ့စကား တစ်ခွန်းရှိတယ်။ ဘာလို့ချစ်တာလဲတဲ့။ ကျွန်တော် အမှန်အတိုင်းဖြေရင် သောက်ပြဿနာတက်ပြီး ကွဲတာများပါတယ်။ သူတို့ဖြစ်စေချင်တာက တလောကလုံးမှာ မေ့ကိုသာ မောင်အချစ်ဆုံး ဆိုတဲ့ အဖြေမျိုးလို့ ကျွန်တော်ယူဆပါတယ်။ ကျွန်တော့် အဖြေက အဲဒါမဟုတ်ပါဘူး။ ချစ်တယ် လို့ပြောခဲ့တယ် မှန်တယ်။ ဘာလို့ချစ်သလဲဆို မင်းရဲ့ လက်ကလေးတွေကို မြင်နေချင်လို့ ဖြေခဲ့ဖူးတယ်။ နောက်တစ်ယောက်ကျတော့ မင်းအသံလေးကို ချစ်လို့။ နောက်တစ်ယောက် မင်းရဲ့ မျက်ဝန်းနက်နက်လေးတွေကို စွဲလန်းလို့။ အဲလိုပဲ ဖြေခဲ့ပါတယ်။ ဟုတ်ပါတယ်။ ကျွန်တော် ချစ်တာ Limitation ရှိပါတယ်။ အလုံးစုံ ဘယ်သူ့ကိုမှ မချစ်နိုင်ပါဘူး။

အချစ်ကို ဘာလို့များ လောဘတကြီး လိုချင်နေကြသလဲ ကျွန်တော် စဉ်းစားလို့ကို မရဘူး။ တစ်ဦးထဲပိုင် ပစ္စည်းတစ်ခုအနေနဲ့ လူတစ်ယောက်ဆီကနေ ထာဝရသိမ်းထားချင်တာမျိုးလား။ မဖြစ်နိုင်ဘူးဗျာ။ လုံးဝကို လက်မခံနိုင်ဘူး။ ချစ်တယ်ဆိုတာ အချိန်တွေ နေရာတွေ ပုံစံတွေ ကွဲနေနိုင်သေးတယ်လေ။ ချစ်လွန်းလို့ ခွင့်လွှတ်လိုက်တယ်ဆိုတာ သိပ်တော့ သဘာဝမကျဘူး။ ချစ်တာက ချစ်တာတစ်ပိုင်းပဲ ခွင့်လွှတ်တာတွေ စွန့်ပစ်တာတွေ သည်းခံတာတွေက တစ်ပိုင်းပဲ။ ချစ်တယ်ဆိုတာ ခံစားမှု တစ်ခု သက်သက်ပဲ သူ့နောက်ကို တခြားအရာတွေနဲ့ ရောထွေးလုံးတင်လိုက်တာတော့ ကျွန်တော် သဘောမတွေ့လှဘူး။ ဥပမာ ဆိုကြပါစို့ ကျွန်တော် ကော်ဖီသောက်နေကြ ဆိုင်လေးမှာ ကျွန်တော့်ကို သတင်းစာလာလာပေးတဲ့ ကောင်မလေးတစ်ယောက်ရှိတယ် သူ့ကိုဆို ကျွန်တော်ချစ်တယ်။ ဒါပေမယ့် သတင်းစာပို့ပေးတာ တစ်ခုထဲကိုပဲ ပြောတာနော် အဲဒီ့အချိန်လေးပဲ ပြောတာ။ ကျန်တာဘာမှ မပါဘူး။ စိတ်ထဲမှာ သာယာမှု တစ်ခုပဲလေ။ ဒါအမှန်ပဲ။ စိတ်သာယာမှု နောက်မှာ ချစ်တယ်ဆိုတာ ကပ်ပါလာတယ်။ စိတ်သာယာမှုကို ချစ်တယ်လို့ အနက်ဖွင့်ကြတယ်လို့ပဲ ယူဆတယ်။ နောက်တစ်ခု ကျွန်တော့်ကို နောက်နောက်နေတဲ့ ကလေးမလေးတစ်ယောက်ရှိတယ် သူ့ဆိုလဲ အဲလိုပဲ သူနောက်တဲ့ ဟာလေးတွေကို ချစ်တယ်။ ကျွန်တော်ပြောတဲ့ ချစ်တယ်ဆိုတဲ့ထဲမှာ တဏှာမပါဘူး။ အားလုံးကို ချစ်နိုင်တယ်။

ခက်နေတာက လောကကြီးမှာ ချစ်တယ်လို့ ပြောလိုက်တာနဲ့ တပြိုင်ထဲ မင်္ဂလာတန်းဆောင်ပြီး တူတူနေ အိမ်ထောင်ပြု အဲဒီ့အဆင့်ထိကိုပဲ လူတွေတန်းပြီး တွေးလိုက်ရော။ အဲဒီ့တော့ ခုနကလို ကျွန်တော်က အဲဒါလေးတွေ ချစ်တယ်လို့ ပြောတော့ အားလုံးကို ယူရမယ့် အပေါက်ဖြစ်ကုန်ရော။ မဆိုင်လိုက်တာလေ။ ချစ်တယ်ဆိုတာ နေရာကွာတယ်လို့ ပြောခဲ့ပါရောလား။ ခင်တယ်လို့လဲ ပြောကြတယ်။ ခင်တယ်ဆိုတာ ချစ်တယ်ကနေ လာတာပါပဲ။ သုံးကောင်းအောင် ခွဲပေးလိုက်တဲ့ သဘောဖြစ်မယ်။ ဒါပေမယ့် အရင်းအမြစ်က ချစ်တယ်ဆိုတာကနေ လာနေတော့ အရင်းအမြစ်ကိုပဲ တည်ပြီးပြောနေရတာပေါ့။ ဆိုခဲ့တဲ့အတိုင်း ကျွန်တော်က မြင်မြင်လေရာကို ချစ်တော့ ပြဿနတာက တက်ရော။ ပြီးရင် မနေနိုင် မထိုင်နိုင် ရည်းစားရှေ့မှာ ပြောမိရင် ပြတ်ရော။ ကျွန်တော်က သူတို့ကို မေးဖူးတယ် ဘာဖြစ်တာလဲ ငါနင့်ကို ချစ်တာက ဒီလို ခုနက ကလေးမလေးကို ချစ်တယ်ဆိုတာ ဒီလို မတူဘူး လုံးဝမတူဘူး ဒါပေမယ့် ချစ်တယ်ဆိုတဲ့ စကားတော့ သုံးလို့ရနိုင်တာပဲလို့ ပြောရင်။ ကျွန်တော့်ကို အမျိုးစုံ ကောတော့တာပါပဲ။ ကျွန်တော် စကားပြောမတတ်တာလဲ ပါမှာပေါ့နော်။ ဒါပေမယ့် ကျွန်တော့်ဘက်ကလဲ ချစ်တယ်ဆိုတဲ့ စကားအနက်နောက်မှာ ကျန်တာတွေနဲ့ ဖြည့်ဖြစ်တတ်တဲ့ လုံးထွေးပစ်တတ်တဲ့ စကားတွေကို စိတ်မဝင်စားဘူး။ အဲဒီ့တော့ သုံးမြဲအတိုင်း သုံးတယ်။ လမ်းမှာသွားရင် သူတို့လဲ ပြောတာပဲ ဟယ် ဟိုကောင်လေးက ချစ်စရာလေးတဲ့ အေးလေး ဘာဖြစ်လဲ ဟုတ်တယ် ချစ်ပေါ့ နင့်မျက်လုံးထဲ ချစ်ဖို့ကောင်းတာ ငါက ဘာတတ်နိုင်မှာတုန်းလို့ ပြောရင် နင်လိုကောင်ကို ကြိုက်မိတာ မှားတယ်တဲ့။ တခါမှလဲ သဝန်မတိုဘူးတဲ့။

အဲဒါလဲ မဟုတ်သေးဘူးလေဗျာ လူပဲ လွတ်လပ်ပိုင်ခွင့်ရှိတာပေါ့။ သူ့လိုမျိုးပဲ ဟာ ဟိုကောင်မလေး ဆံပင်ပုံစံလေးက ချစ်စရာလေးနော် လို့ပြောလိုက်မိရင်။ ဘာလဲ နင်အဲဒီ့မိန်းမကို ကြိုက်နေတာလား ဘာညာ လာပြန်ရော။ ကျွန်တော်က ချစ်ဖို့ကောင်းလို့ ချစ်စရာပဲ ချစ်တယ်ပြောတာ ဘာလဲဟဆိုရင် ပြီးသွားရော ၂ ရက်လောက် စကားမပြောတော့ဘူး ကြာလာတော့ ပြတ်။ အေးတာပဲလို့ ထင်တယ်။ ကျွန်တော့်ကို သူ့သူငယ်ချင်းတွေက လာမေးရင် နင်သူ့ကို မချစ်ဘူးလားဆိုရင် ချစ်သားပဲ သူ့ရဲ့ ဘယ်လိုပုံစံကိုပဲ ချစ်တာ ဘယ်ပုံစံကိုတော့ မချစ်ဘူး။ သူဖြတ်လဲ ငါ့ဘက်က ချစ်တာက ဒါပဲ ဘာမှ မပြောင်းလဲဘူးဆိုတော့။ ဘဝင်မကျ ကြပြန်ဘူး။ ကဲ ဒီတော့ ဘာလုပ်ပေးရမလဲ လိမ်ပေးရမလား။ လိမ်ပြောမှ ရမှာလား။ လိမ်ပြောတာကို ကျေနပ်တယ်ဆိုတာ အင်မတန်ဆိုးဝါးပါတယ်။ ကျွန်တော် မလိမ်တတ်ဘူး။ ကျွန်တော် လိမ်တာကို အားမပေးဘူး။ အမှန်အတိုင်းပဲ ပြောတတ်တယ်။ အမှန်ပြောတာကို သစ္စာလို့မည်တယ်။ ဒါပေမယ့် ဒီအချစ်ကိစ္စမှာ လိမ်မှ ဖြစ်မယ်ဆိုတဲ့ သီအိုရီက သတ်မှတ်ပေးနေသလိုပဲ။ ကိုယ့်ဘာသာလဲ ပြန်စဉ်းစားကြည့် တခါတလေ ကိုယ့်ရည်းစားကို ကိုယ့်မိန်းမကို ကိုယ့်ယောက်ျားကို အရာတိုင်း ချစ်နေတာ ဟုတ်မဟုတ်။ အဲဒီ့လိုချစ်နေတယ်ဆိုရင်ဖြင့် ခင်ဗျားရဲ့ စံနှုန်းဟာ အဲဒီ့လူမှာ အကုန်ရှိနေတာပေါ့။ အင်းပေါ့ သိပ်ကံကောင်းတဲ့သူပေါ့နော့။ ကျွန်တော်ကတော့ အဲဒီ့လိုလူကို ပြေးတွေ့လိုက်ချင်တယ်။ တစ်ခုခုတော့ မချစ်ပဲဖြစ်နေရမယ်ဗျာ မယုံရင် သေချာပြန်စဉ်းစားကြည့်။ အလုံးစုံ ချစ်လို့ရတယ်ဆိုတာ ကိုယ့်ကိုကိုယ်ပဲ ရှိတယ် ကျန်တဲ့သူအပေါ်မှာ မဖြစ်နိုင်ဘူးလို့ ကျွန်တော်ယုံကြည်တယ်။

ကဲ အဲဒီ့တော့ ကျွန်တော်တို့တွေ အားလုံး ချစ်ကြတာ အပြစ်မဟုတ်ဘူးဗျ။ ချစ်သာချစ်ကြ ကိုယ့်ပေါ်လစီနဲ့ကိုယ်ပေါ့။ ကျွန်တော်လဲ ကျွန်တော့် ပေါ်လစီနဲ့ ကျွန်တော်ပဲ ချစ်ချင်သလို ချစ်မယ် လာလဲ မတားနဲ့ တားလဲမထူးဘူး။ ကိုယ်ယုံကြည်ရာ ကိုယ်လုပ်တဲ့ကောင်လေ ခေါင်းမာတာတော့ လာမေးမနေနဲ့ ပင်ပန်းတာပဲ အဖတ်တင်မယ်။ သူငယ်ချင်းတွေကို နောက်ပြီး ပြောတဲ့ စကားရှိတယ်။ ငါ့နှလုံးသားက အကြီးကြီးကွ အခန်းခွဲတွေ အများကြီးနဲ့ ဖွဲ့ထားတာ ဘော်ဒါဆောင်လိုပဲ အားလုံးကို ချစ်လို့ရတယ်လို့ ပြောတော့ ဆဲလိုက်ကြတာ ပွက်ပွက်ကိုထရော။ တတ်နိုင်ဘူးလေ ကိုယ့်ဘာသာ မလိမ်ပဲပြောပြတာ။ အမှန်ပြောတာ ကောင်းတာပဲလေနော့။ ချစ်တယ်ဆိုတာလဲ ကောင်းတာပဲလေ။ အဲဒီ့တော့ အမှန်အတိုင်းပဲ ချစ်ကြတာပေါ့ မလိမ်တမ်း မဝှက်တမ်း မကောက်ကျစ်တမ်း ချစ်ကြတာပေါ့။ ကိုယ့်လိပ်ပြာကိုယ်လုံစွာ ချစ်နိုင်ကြပါစေဗျာ။

Read More...

Friday, October 10, 2008

ငါမဟုတ်တဲ့ငါ

၁။ လက်ညှိုးထိုးပြီး စွပ်စွဲစရာ မရှိဘူး
၂။ ငိုစရာ မျက်ဝန်းတွေ မရှိဘူး
၃။ ပြောစရာ စကားလုံးတွေ မရှိဘူး
၎။ သတိရစရာ အောင်မြင်မှုမရှိဘူး
၅။ အစားထိုးစရာ အခြေအနေမရှိဘူး
၆။ စွန့်လွှတ်ဖို့အတွက် အင်အားမရှိဘူး
၇။ ပူပင်ပေးမယ့် ပတ်ဝန်းကျင်မရှိဘူး
၈။ ခွင့်လွှတ်ဖို့အတွက် အကြောင်းအရာမရှိဘူး
၉။ ပြန်လည်တည်ဆောက်ဖို့ အသစ်မရှိဘူး
၁၀။ တောက် . . . . အဲဒီ့ကောင် ငါမဟုတ်ဘူး

zeRoTraSh
10th, October, 2008

Read More...

Wednesday, October 8, 2008

တစ်ကိုယ်ထဲနှစ်ယောက်

သက်တူရွယ်တူပါပဲ
နက္ခတ်တစ်ခုထဲမှာ ယှဉ်မွေးလာတာ
မိနစ်တောင် မခြားဘူး
တုန့်ပြန်ပုံတွေကတော့ ဆန်းတယ်။

တစ်ယောက်ကတော့ ကိန်းဂဏန်းတွေနဲ့ မွေ့ပျော်လို့
တစ်ယောက်ကတော့ စကားလုံးတွေနဲ့ မွေ့ပျော်လို့

တစ်ယောက်ကတော့ တည်တည်ငြိမ်ငြိမ်တွေးလို့
တစ်ယောက်ကတော့ ပေါ့ပေါ့ပါးပါးဖြတ်သန်းလို့

တစ်ယောက်ကတော့ ဖြစ်တည်မှုအပေါ်ယုံကြည်လို့
တစ်ယောက်ကတော့ အိပ်မက်တွေကိုမက်လို့

တစ်ယောက်ကတော့ ပွင့်ပွင့်လင်းလင်းပြောလို့
တစ်ယောက်ကတော့ မပွင့်တပွင့်ဆက်ဆံလို့

တစ်ယောက်ကတော့ စနစ်တကျနေထိုင်လို့
တစ်ယောက်ကတော့ ပျော်ပျော်ပါးပါးရှင်သန်လို့

တစ်ယောက်ကတော့ သံသယတွေပြည့်နှက်လို့
တစ်ယောက်ကတော့ ယုံကြည်လွန်းတတ်လို့

တစ်ယောက်ကတော့ ကျောက်ရုပ်လိုခံစားလို့
တစ်ယောက်ကတော့ သိပ်ပြီးသိမ်မွေ့လွန်းနေလို့

အဲဒီ့နှစ်ယောက်ကို ပေါင်းစပ်လို့ မရတာကြာပြီ
အဲဒီ့နှစ်ယောက်ကို တွဲထုတ်လို့ မရတာကြာပြီ
အဲဒီ့နှစ်ယောက်ကို
တစ်ကိုယ်ထဲ တွေ့တွေ့နေရတော့ ခက်တယ်။
zeRoTraSh
8th, October, 2008.

Read More...

Tuesday, September 30, 2008

သေတယ်ဆိုတာတဲ့လား


သမီးလေးမွန်လေးက ဒက်ဒီလေးကို တက်ဂ်ထားတယ်တဲ့ ရေးပေးပါတဲ့။ သူမရေးခင်ကထဲကလဲ ဂျီတော့ပေါ်မှာ ဂျီကျသွားတယ် ရေးရမယ်တဲ့ သိချင်တယ်တဲ့။ သေခါနီး ၁၀ ရက်အလိုကို သိနေတဲ့ အချိန်မှာ ဘာတွေလုပ်မလဲဆိုတာကို ရေးပေးပါတဲ့။ သူကပြောတော့ အေးပါဆိုပြီးပဲ ပြောခဲ့တယ် တကယ်ရေးဖို့ အချိန်ရောက်တော့ ကျွန်တော်က မအားပြန်ဘူး။ ဒါနဲ့ ဟိုလှည့်ဒီလှည့်ပဲ။ အခုတော့ ရေးပေးလိုက်ပါတယ် သမီးလေးလဲ သူသိချင်တာ သိရတာပေါ့။ ဒက်ဒီလေးဘာလုပ်မလဲဆိုတာ သိချင်တဲ့ သမီးလေးအတွက်ပါ။ တကယ်တော့ သမီးရေ ဒက်ဒီလေးက တစ်ခါသေခဲ့ဖူးပြီပဲကွယ် သေရွာကနေ တခါပြန်လာခဲ့ဖူးပါပြီ။ သမီးလေး ပြောတဲ့ ခေါင်းစဉ်နဲ့ နည်းနည်းများကွဲလွဲမလား ဒါပေမယ့် နီးစပ်မှုတစ်ခုတော့ ရမှာပါ။ ပြောပြမယ်သမီးရေ နားထောင်နော်။

သေတယ်။ ဆုံးသွားတယ်။ ကွယ်လွန်တယ်။ ကံကုန်တယ် စသည်ဖြင့် အမျိုးမျိုး အဓိပ္ပါယ်တွေ ဖွင့်ကြတယ်။ ဒက်ဒီလေးလဲ အဲဒါကို သေချာလိုက်တွေးဖူးတယ် ဘာလဲဟပေါ့။ ဒါပေမယ့် နောက်ဆုံး အကြိုက်ဆုံး စကားလုံးကို ရှာတွေ့သွားတယ်။ ကျေးဇူးရှင်မန်လည်ဆရာတော်ကြီး အဓိပ္ပါယ်ဖွင့်သွားတဲ့ စကား။ သေတယ်ဆိုတာ ဒီဘဝမှာ နောက်စိတ်မဖြစ်တာတဲ့။ ကောင်းလိုက်တဲ့ စကား။ အမှန်ပဲ သေခြင်းရဲ့ တစ်ဘက်ကမ်းကို ဒက်ဒီလေး မစဉ်းစားတော့ဘူး။ သေတယ်ဆိုတာ ဘာလဲ မမေးတော့ဘူး။ သိချင်စိတ်လဲ ကုန်သွားတယ်။ ငယ်ငယ်ထဲက ဒက်ဒီလေးက အဖွားကိုလဲ မေးဖူးတယ် တော်တော်များများကိုလဲ မေးဖူးတယ် အဲဒီ့သေတယ်ဆိုတာကြီးကိုပေါ့။ အဖြေက တခါမှကျေနပ်အောင် မတွေ့ခဲ့ဖူး မန်လည်ဆရာတော် ဟောတာ ဖတ်ရမှပဲ ရှင်းသွားတော့တယ်။ ဒါပဲလေ။ သေတယ်ဆိုတာ ဒါပဲ။

သမီးရေ သမီးကတော့ သေမယ်ဆိုတဲ့ အချိန်ကို ပြင်ဆင်ပုံလေးရေးတယ်။ ဒက်ဒီလေးအတွက်ကတော့ ဘာမှ မထူးခြားလို့ မပြင်ဆင်တော့ပါဘူး။ နေ့တိုင်း အချိန်တိုင်းမှာ လူ့လောကကို နှုတ်ဆက်သွားနိုင်တာပဲကိုး။ ဒီစိတ်ရဲ့ နောက်ဆုံးအချိန်ကို ဒက်ဒီလေးတို့ မသိနိုင်ဘူးလေ။ ဒါပေမယ့် သိရမယ်ဆိုရင်လဲ ဒက်ဒီလေးကတော့ မပြင်ဆင်တော့ပါဘူးကွယ်။ ကြိုးစားပြီး လုပ်မှာလေးတွေတော့ ရှိတာပေါ့ သမီးရယ်။ သမီးရယ် လူတစ်ယောက်သေလို့ အဲဒီ့လူအတွက် ငိုမယ့်လူတွေကို ဒက်ဒီလေးတော့ သနားမိတယ်။ ဒက်ဒီလေးသေရင်တော့ မငိုစေ့ချင်ဘူး။ ဒါက သဘာဝပဲလေ။ ဒါပေမယ့်လဲ တားမရပါဘူး ငိုမယ့်လူက ငိုမှာပါပဲ။ ကိုယ်တိုင်တောင် ကိုယ်ချစ်တဲ့လူ ခင်တဲ့လူ သေရင်ငိုဦးမှာပဲကိုး။ တရားနဲ့ဖြေဆိုပေမယ့် ဖြေနိုင်မယ်မထင်ပါဘူး။ အနည်းအကျဉ်းပဲ ရမှာပေါ့။ ကိုယ်က အရိယာပုဂ္ဂိုလ်မှ မဟုတ်တာပဲ။ တတ်နိုင်သလောက်တော့ ထိန်းရမှာပေါ့။ တရားနဲ့ ဖြေတယ်ဆုိုတာထက် ဒါဟာ နိယာမတစ်ခုဆိုတာကို လက်ခံဖို့ ပြင်ဆင်တာ အကောင်းဆုံးပါပဲ။ သူလဲ သေသလို ကိုယ်လဲ သေနိုင်တာပဲလေ။ အခုတခြားတစ်ယောက်သေလို့ ငိုနေရင်း ကိုယ်တိုင်ပါသေသွားနိုင်တယ်။ မထူးဆန်းဘူး သမီးရယ်။

သမီးကို ပြောပြရဦးမယ် အခု သမီးလေး သိတဲ့ ဒက်ဒီလေးက တခါတုန်းက လွန်ခဲ့တဲ့ ၉ နှစ်လောက်တုန်းက တစ်ခါသေခဲ့ဖူးတယ်ဆိုတာကိုပဲ။ အဲဒီ့တုန်းကလေ ညနေပိုင်းတစ်ခုမှာပေါ့ လူငယ်လေးတစ်ယောက် ဆေးရုံကို သတိလုံးဝမရှိတော့ပဲ ရောက်ခဲ့တယ်တဲ့။ အသက်ကြီးကြီး လူကြီးတစ်ယောက်က သူ့သားလေးကို ကယ်ပါဦးဆိုပြီး ဆေးရုံကို ပြောဆိုတောင်းပန်ပြီး အတင်းကို ကုခိုင်းတာတဲ့။ ရဲတွေရော လူတွေရော ဆရာဝန် ဆရာမတွေရော အကုန်လုံး ရှုပ်ရှက်ခက်ကုန်တယ်တဲ့။ နာရီဝက်လောက် စောရောက်တဲ့ အတွက် ခင်ဗျားသား အသက်ကယ်လို့ရတယ်လို့ ဆရာဝန်ကြီးတွေက ပြောတယ်တဲ့။ ဒါပေမယ့် ကောင်လေးက ၂ ရက်လောက်တော့ သတိရတစ်ချက် မရတစ်ချက်ပါပဲ။ အဲဒီ့ကောင်လေး ဘာလို့ဆေးရုံရောက်လဲ သိလားသမီး။ အဲဒီ့ကောင်လေးက လောကကြီးမှာ လုပ်စရာကုန်ပြီ စိတ်ညစ်စရာပဲ ဘာညာဆိုပြီး အကြောင်းပြချက်တွေနဲ့ သူ့ကိုယ်သူ သတ်သေတာလေ။ ဆေးတွေကို တရားလွန်သောက်ပြီး ငြင်ငြင်သာသာ သေမယ့်လမ်းကို ရွေးတာတဲ့သမီးရေ။ ဘယ်လောက်များ မိုက်လုံးကြီးသလဲ စဉ်းစားကြည့်စမ်းပါဦး။ အရှုံးပေးတာလေ ဒါအရှုံးပေးတာပေါ့။ သူ့ထက်မိုက်တဲ့ကောင်တောင် သူ့လောက်မမိုက်ဘူး သမီးရေ။ အဲဒီ့ကောင်လေးက သူ့ကိုယ်သူ သေကြောင်းကြံခဲ့တဲ့ အချိန်မှာ အိပ်ယာလေးပေါ်မှာ အိပ်နေရင်း ဘေးက သူငယ်ချင်းက မုန့်စားဖို့ လာအနှိုးမှာမှ လုံးဝသတိမလည်တော့လို့ အိမ်မှာ အော်ဟစ် အကူအညီတောင်းပေးရတာတဲ့ သမီးရေ။ ပါးစပ်မှာလဲ အမြှုပ်တွေထနေပြီတဲ့။ အဖေလုပ်တဲ့လူက သားကြီး သားရေလို့ အော်ပြီး ကားပေါ်ကို ပွေ့တင် ကားကို တရကြမ်းမောင်းပြီး ဆေးရုံကို ပြေးခဲ့ရတာ။ အဲဒီ့ကောင်လေးရဲ့ သူငယ်ချင်းသာ မတွေ့ခဲ့ရင် အဲဒီ့ကောင်လေး သေချာတယ် သေပြီလေ။ အဲဒီ့ မိုက်လုံးကြီးတဲ့ လောကကို အရှုံးပေးခဲ့တဲ့ ကောင်လေးက အခုသမီးလေး ခင်တဲ့ ချစ်တဲ့ ဒက်ဒီလေးပေါ့။

အဲဒီ့အချိန်ကစပြီး ဒက်ဒီလေးဟာ လူ့လောကထဲကို လူအသစ်တစ်ယောက် အနေနဲ့ ပြန်ရောက်လာတာပါ သမီးရေ။ ဒက်ဒီလေး ဆေးရုံမှာ သတိရတဲ့ အချိန်မှာ ဘေးမှာ အဖွားက အိပ်လို့ နပ်စ်မလေးက သွေးပေါင်တွေ တိုင်းပေးလို့ တစ်ခန်းလုံး တိတ်နေတာပဲ။ ဒက်ဒီလေး သတိရလို့ တစ်ချက်လူးလိုက်တော့ အဖွားက ချက်ခြင်းနိုးလာပြီးတော့ သားကြီးတဲ့ မျက်လုံးမှာလဲ မျက်ရည်တွေ ပြည့်လို့။ ဒက်ဒီလေးက စကားတောင် သေချာ မပြောနိုင်သေးဘူး ခေါင်းပဲ ညိတ်ပြနိုင်တယ်။ ဒက်ဒီလေး အမေရောက်လာတော့ နင်တော့လား တော်တော်လေး ဒုက္ခပေးတဲ့ကောင်ဆိုပြီး ပြောရင်းငို အဖေကတော့ အမေ့ကို မင်းတော်တော့ သွားစမ်း သားနေကောင်းအောင်နေ ဒါပဲပြောတယ်။ ဒါပေမယ့် သူတို့တွေ အားလုံးအတွက် သူတို့ ထင်တားတာထက် ထူးဆန်းတဲ့ သားတစ်ယောက် လောကကြီးထဲကို ပြန်ရောက်လာတာကိုတော့ အခုချိန်မှာ အဖေရော အမေပါ ကျေနပ်နေကြပါပြီ။ အဲဒီ့ အချိန်မှာ ဒက်ဒီလေး မျောနေတယ်လို့ ပြောရမလား။ သူများတွေလိုတော့ ဟိုရောက်ဒီရောက်တွေ မမှတ်မိဘူး။ မှတ်မိတာ တစ်ခုက ကိုယ့်ကိုကိုယ်သတ်သေတဲ့ အချိန်က စိတ်က တစ်ခု ပြန်ပြီး သတိရလာတဲ့ အချိန်မှာ ဖြစ်လာတဲ့ စိတ်က တစ်ခုဆိုတာ သေချာသွားတယ်။ အပြောင်းလဲကြီး ပြောင်းလဲသွားတယ်။ လူ့လောကထဲကို ပြန်ရောက်တဲ့ အချိန်မှာ ပထမဆုံး ကိုယ့်ဘာသာပြန်ပြောမိတာက ငါအသက်ရှင်တာ ငါ့အတွက်တင်မဟုတ်ဘူး ငါဟာ အရှုံးပေးတတ်တဲ့သူ မဟုတ်ဘူး လောကမှာ ငါလိုချင်တာကို ငါရအောင်လုပ်မယ် ဒါတော့ စိတ်ထဲမှာ အကြိမ်ကြိမ်ပြောဖြစ်တယ်။ အစကဆို လူမှုရေးကို သိပ်စိတ်ဝင်စားတာ မဟုတ်ဘူး အခုလဲ သိပ်စိတ်ဝင်စားတယ်တော့ မဟုတ်ဘူး။ ဒါပေမယ့် လူပီသအောင်တော့ နေတတ်နေပြီထင်တာပဲ။ အဲဒီ့နောက်ပိုင်း သိလာတာကတော့ သိစိတ်နဲ့ မသိစိတ်ရဲ့ Crisis တွေပါပဲ။

တကယ်လဲ အခုချိန်ထိ အဲဒီ့နှစ်ခုပြိုင်နေတာကို ထိုင်ကြည့်နေမိတယ်။ သိစိတ်ကိုတော့ Angel လို့ ခေါ်ပြီး မသိစိတ်ကိုတော့ Devil လို့ ပေးထားတယ်။ တခါတလေမှာ Angel က Devil ကို မလှန်နိုင်တာရှိသလို တခါတလေမှာလဲ Devil က Angel ကို အနိုင်မရပါဘူး။ ဒါပေမယ့် ကိစ္စအားလုံးအတွက် သူတို့က ပြိုင်နေကြတာပါပဲ။ ဆုံးဖြတ်ချက်တိုက်ပွဲပေါ့ သမီးရယ်။ သူတို့ နှစ်ယောက်က စိတ်ဝင်စားဖို့ကောင်းတယ်။ သူတို့ ပူးပေါင်းမိပြီဆိုရင်လဲ ဘယ်အရာကမှ တားလို့ မရဘူး။ အရင်က သူတို့ ရန်ဖြစ်နေတာကို ကြည့်နေပြီး တည့်မှ တည့်ပါ့မလားလို့ တွေးမိတယ်။ တကယ်တော့ သူတို့ကို အကောင်းဆုံး ပေါင်းစပ်ပေးနိုင်ရင် အဖြေလေးတွေက ကျေနပ်အံ့သြစရာဆိုတာ သိလာပါတယ်။ Angel ကတော့ တည်ငြိမ်သလို ရှိပေမယ့် Devil ကတော့ အမြဲတမ်း လှုပ်ရှားနေလေရဲ့ Devil ရဲ့ လှုပ်ရှားမှုက တခါတခါ ကိုယ်တောင် မသိလိုက်ရဘူး သမီးရေ။ ဘွားကနဲပေါ်လာတတ်တယ်။ တခါတလေ Angel က သူတော်ကောင်းယောင်ဆောင်တတ်တယ် ဒါပေမယ့် Devil ကတော့ အဲဒါကို ပွင့်ပွင့်လင်းလင်း ဟောဟောဒိုင်းဒိုင်း ပြောချလိုက်ပြန်ရော အဲဒီ့ကျတော့ ထငြိပြန်ရော။ အခုတော့ သူတို့ တည့်နေလေရဲ့။ နေ့တိုင်းရန်ဖြစ်သလို နေ့တိုင်းလဲ တည့်တည့်ရှုရှုနေတတ်ပါတယ်။ ဒက်ဒီလေးကတော့ အဲဒီ့ အကောင်လေးတွေကို လိုက်ဖမ်းရင်း သေခြင်းတရားကို သူတုိ့နှစ်ယောက် ရင်ဆိုင်ပုံလေးတွေကို သတိထားလိုက်မိတယ်။

အစကတော့ သေတော့မယ်ဆိုရင် ဆိုပြီးတွေးကြည့်ပေမယ့် ကိုယ်က တကယ်ဖြစ်ခဲ့ဖူးပြီဆိုတော့ မထူးတော့ပါဘူးကွာဆိုတာ ဖြစ်သွားရော။ အဲဒီ့တော့ ဒက်ဒီလေးက ဘာမှ မပြင်ဆင်တော့ဘူး။ ခုနက ဒက်ဒီလေးရဲ့ Angel လေးနဲ့ Devil လေးကိုပဲ တစ်ယောက်တစ်လှည့်စီ တိုက်နေတာကို ပိုပြီး အချိန်ပေးပြီး စောင့်ကြည့်တော့မယ် သမီးရေ။ အခုလဲ အဲဒီ့လိုပဲ နေတော့တယ်။ ဆိုတော့ကား ထူးပြီး ပြင်စရာ မရှိဘူးပေါ့ သမီးရယ်။ ဒက်ဒီလေးပို့စ်က သမီးလေး ရေးခိုင်းတာနဲ့ လွဲသွားတော့ စိတ်များဆိုးမလားမသိ။ ဒါပေမယ့်လဲ သမီးရယ် လောကမှာ သိစိတ်နဲ့ မသိစိတ်ကို မှတ်တာ အထိ အတွေ့ အနံ့ အရသာ အို အကုန်ပါပဲ မှတ်နေရတာပဲ မဟုတ်လား။ ကိုယ်ဒါလုပ်လို့ ငါဒါလုပ်နေတာပါလား ဆိုတာလေး သိရင် ပြည့်စုံပါတယ် သမီးရယ်။ သေမယ်ဆိုရင်လဲ ငါအသက်ရှုနေလား ရပ်သွားလားဆိုတာလေးပဲ နောက်ဆုံး အချိန်ထိ နှလုံးလေးသွင်းပြီး သေလိုက်ချင်ပါတယ်။ ဝင်လေ ထွက်လေကို မမှတ်နိုင်ရင်တောင် ထိတယ် သိတယ် ဒီလောက်တော့ မှတ်နေရင်း သေသွားချင်ပါတယ်။ ဘာမှ မသိပဲနဲ့ ရုတ်တရက် ငါသေတော့မှာပါလားဆိုတာတော့ အဖြစ်မခံချင်ဘူး။ အဲဒီ့တော့ ဆယ်ရက်လဲ ဒက်ဒီလေးအတွက်က တူတူပဲ ဆယ်မိနစ်လဲ တူတူပဲ ဘာမှ မထူးလို့ ပြင်ဆင်မယ့် အကြောင်း မရေးဖြစ်တာနော်။ ခုနက ပြောပြထားတာတွေကတော့ နေ့တိုင်း အချိန်တိုင်း ပြင်ဆင်နေတဲ့ အရာတွေပါပဲ သမီးလေးရေ။ မန်လည်ဆရာတော်ဘုရား ဟောသလိုပါပဲ သေတယ်ဆိုတာ ဒီဘဝမှာ နောက်စိတ်မဖြစ်တာပါ။

Read More...

Saturday, September 20, 2008

ကျွန်တော်ချစ်တဲ့ ကောင်မလေး

ကျွန်တော်ချစ်တဲ့ ကောင်မလေးက
နည်းနည်းတော့ ချို့တဲ့တယ်
ကျွန်တော်ချစ်တဲ့ ကောင်မလေးက
သိပ်တော့ အပြစ်ကင်းလှတာ မဟုတ်ဘူး
ကျွန်တော်ချစ်တဲ့ ကောင်မလေးက
အချောအလှကြီးတော့ မဟုတ်ပေမယ့် ကြည့်ကောင်းတယ်
ကျွန်တော်ချစ်တဲ့ ကောင်မလေးက
စိတ်ကောက်တတ်ပြီး ကလေးဆန်တယ်
ကျွန်တော်ချစ်တဲ့ ကောင်မလေးက
တခါတခါ စိတ်အားငယ်တတ်တယ်
ကျွန်တော်ချစ်တဲ့ ကောင်မလေးက
ဦးနှောက်ထပ် နှလုံးသားကို ပိုသုံးတတ်တယ်
ကျွန်တော်ချစ်တဲ့ ကောင်မလေးက
အနက်ရောင်ဆို သိပ်မုန်းတတ်တယ်
ကျွန်တော်ချစ်တဲ့ ကောင်မလေးက
ကျွန်တော့်ကို ချစ်တော့ချစ်တယ်တဲ့
ကျွန်တော်ချစ်တဲ့ ကောင်မလေးက
ကျွန်တော့်ကို မုန်းလဲမုန်းသတဲ့
ကျွန်တော်ချစ်တဲ့ ကောင်မလေးက
ကျွန်တော့်ကို ကြောက်တယ်လို့လဲ ပြောတယ်
ကျွန်တော်ချစ်တဲ့ ကောင်မလေးက
ကျွန်တော်ချစ်တဲ့ ကောင်မလေးကလေ
တနေ့ကတော့ ပြောသွားတယ်
သိပ်ချစ်လို့ စွန့်လွှတ်ပါရစေတဲ့ . . . .
အဲဒါ ကျွန်တော်ချစ်တဲ့ ကောင်မလေးလေ . . .။

zeRoTraSh
20th, September, 2008.

Read More...

Wednesday, September 17, 2008

ကျွန်တော်ကြိုက်တဲ့ ဖဲကစားနည်း


ဖဲကစားနည်းလို့ပြောလိုက်တာနဲ့ လူတွေစိတ်ထဲမှာ မကောင်းမှုတစ်ခုလို့ မြင်ကြတာ သဘာဝပါပဲ။ အင်းလေ ဒါကလဲ လောင်းကစားနည်းတစ်ခုပဲကိုး။ ဖဲသမားဆိုရင် နှာခေါင်းရှုံ့ချင်ကြတာ ဓမ္မတာပါပဲ။ ဘယ်ဂုဏ်သရေရှိ လူကြီးလူကောင်း စာရင်းထဲမှာမှ ဖဲသမားမပါပါဘူး။ ဘယ် Casino ပိုင်ရှင်ကိုမှလဲ ဂုဏ်သရေရှိစာရင်းထဲထည့်မထားတာ သေချာသလောက်ပါပဲ။ ကျွန်တော်ကလဲ ဖဲကစားခြင်းကို အားပေးအားမြှောက်လုပ်ချင်လို့၊ ဖဲသမားကို အမွှန်းတင်ချင်လို့ ဒါကို ရေးတာ မဟုတ်ဘူးဆိုတာ ကြိုပြောထားပါရစေ။ ဒါပေမယ့် အဲဒီ့ လောင်းကစားဆန်မှု ဖဲကစားနည်းတွေထဲက ကျွန်တော် နှစ်သက်တဲ့ ဖဲကစားနည်းတစ်မျိုး၊ တနည်းအားဖြင့် ကျွန်တော့်ကို အတွေးမြင်သစ်တွေ ဖြစ်စေခဲ့တဲ့ ဖဲကစားနည်းတစ်မျိုးကို ပြောပြချင်ယုံသက်သက်ပါပဲ။

ကဲ ကျွန်တော်ကြိုက်တဲ့ ဖဲရိုက်နည်းကို မပြောခင် ကျွန်တော်ဖဲချပ်တွေနဲ့ ရင်းနှီးပုံကို ပြောပြပါ့မယ်။ ကျွန်တော်တို့မိသားစု အထူးသဖြင့် အဖိုးရှိတုန်းကပေါ့ တစ်ပတ်တစ်ခါ မိသားစုလိုက် အပျော်တမ်းဖဲကစားလေ့ရှိတယ်။ ကစားတာကတော့ နည်းမျိုးစုံပါပဲ။ ကျွန်တော်ဖဲနဲ့ ဘယ်လိုရင်းနှီးသလဲဆိုတော့ ၃ နှစ်သားလောက်ကထဲက အဖိုးပေါင်ပေါ်ထိုင်ရင်း ဂျိုကာတွေ့ရင်ထနမ်းတဲ့အထိ၊ ဒါဘာလဲဆိုဂျိုကာလို့ ပီပီသသပြောတတ်တဲ့ ကောင်ပါ။ ကဲစဉ်းစားကြည့် ငယ်ငယ်ထဲက အဲဒီ့လိုစတာ။ ၅ နှစ်သားလောက်ကျတော့ ၁၃ ချပ်ကစားနည်းလို့ ခေါ်တဲ့ ပိုကာကို ကျွန်တော် ကောင်းကောင်းကစားတတ်နေပြီ။ လူကသာ စာမတတ်သေးတာ ဖဲကတော့ ကောင်းကောင်းရိုက်တတ်နေပြီ။ ကျွန်တော်လူပျိုပေါက်အချိန်မှာတော့ ဖဲရိုက်နည်း မျိုးစုံနည်းပါးကို ရိုက်တတ်နေပါပြီ။ သူငယ်ချင်းတွေနဲ့ဆုံရင်၊ ခရီးသွားရင်၊ ဖဲကစားတတ်တဲ့ အိမ်တွေရောက်ရင် ကျွန်တော်ရိုက်လေ့ရှိပါတယ်။ ကျွန်တော်အကြိုက်ဆုံး ဖဲကစားနည်းကတော့ Show လို့ခေါ်တဲ့ တစ်ချပ်မှောက် ကစားနည်းပါပဲ။ အဲဒီ့ တစ်ချပ်မှောက် ဖဲဝိုင်းက ကျွန်တော့်ကို အများကြီး သင်ပေးလိုက်ပါတယ်။

Show ကစားနည်းကို ဖဲရိုက်တတ်တဲ့ လူတော်တော်များများ သိပြီးသားပါ။ သူကတစ်ချပ်မှောက် ထားပြီး လေးချပ်ပြထားတာပါ။ တကယ်တမ်း အသက်ကတော့ မှောက်ထားတဲ့ ဖဲတစ်ချပ်ပါပဲ။ အဲဒီ့ မှောက်ထားတဲ့ ဖဲတစ်ချပ်ကို ခန့်မှန်းတွက်ဆပြီးမှ အနိုင်အရှုံးပေါ်တာပါ။ ဒီနေရာမှာ Show ကစားနည်းကို ရေးပြလိုက်ရင် ပြီးမှာ မဟုတ်တော့ပါဘူး။ (မကစားတတ်သေးသူများ ကိုယ့်ဘာသာ နီးစပ်ရာ ကစားတတ်တဲ့သူများ ထံတွင် လေ့လာရန် ဤကား စကားချပ်) ပြောချင်တာက ဒီကစားနည်းရဲ့ ထူးခြားချက်တွေကိုပါ။ ဒီကစားနည်းမှာ လူငါးယောက်အထိ တချို့လဲ ခြောက်ယောက်အထိ ကစားကြပါတယ်။ အသင့်တော်ဆုံးကတော့ ငါးယောက်ကစားတာပါပဲ။ ဘယ်လိုပဲဖြစ်ဖြစ် အဲဒီ့လူအားလုံးဟာ ကိုယ့်ရဲ့မှောက်ထားတဲ့ တစ်ချပ်မှောက်ဖဲအတွက် တိုက်ပွဲဝင်ကြရတာပါပဲ။ ဖဲက စုစုပေါင်း ၅ ချပ်ဝေပါတယ်။ ဒါပေမယ့် အဲဒီ့ ၅ ချပ်ကို တစ်ခါထဲ တစ်ထိုင်ထဲ ချက်ခြင်းဝေလိုက်တာမျိုး မဟုတ်ပါဘူး။ တစ်လှည့်မှာ တစ်ချပ်နှုန်းပဲဝေတာပါ။ တစ်ချပ်ဝေလိုက်တိုင်း ဖဲပေါ်မူတည်ပြီး အကြီးဆုံးလူက စိန်ခေါ်မှုအနေနဲ့ ပိုက်ဆံထည့်ပြီါ် ကျန်တဲ့လူတွေကို ခေါ်ရပါတယ်။ တစ်ယောက်က ခေါ်လိုက်ပေမယ့် ကျန်တဲ့သူက လိုက်ချင်ရင် လိုက်လုိ့ရပါတယ်။ မလိုက်ချင်ရင် မလိုက်ပဲနဲ့ အဲဒီ့ပွဲကနေ ထွက်လို့ရပါတယ်။ ဒါမှ မဟုတ် သူခေါ်တဲ့ ပမာဏထက် ၂ ဆ၊ ၃ ဆ ပိုဆောင်းထပ်ပြောပြီး စခေါ်တဲ့လူကို ကန်ကြည့်လို့ရပါတယ်။ စခေါ်တဲ့လူရဲ့ ငွေကြေးက အတည်မဟုတ်ပါဘူး။ ကန်ခွင့်ပေးထားပါသေးတယ်။ ဒါက ဘာနဲ့တူသလဲဆိုရင် Challenge လုပ်တာနဲ့တူပါတယ်။ ကျွန်တော်တို့တတွေ စီးပွါးရေးလုပ်ငန်းတွေ၊ လူမှုဘဝတွေထဲမှာလဲ အဲဒီ့လိုမျိုးနေ့စဉ် Challenge တွေနဲ့ ဆုံတွေ့နေကြရတာပါပဲ။ ဒီလိုစခေါ်တဲ့လူရှိလို့ ကျွန်တော်တို့တွေ လိုက်မလား ပြေးမလား၊ ဒါမှမဟုတ် သူ့ကိုထပ်ပြီး ပြန်ကန်မလား ကြိုက်တဲ့လမ်းကို ရွေးလို့ရပါတယ်။ ဘယ်သူကမှ ချုပ်ချယ်မထားပါဘူး။ ကိုယ့်ဆုံးဖြတ်ချက်နဲ့ ကိုယ်ပါပဲ။

ဒီလိုမျိုး Show ကစားလို့ ဇာတ်ရှိန်အမြင့်ဆုံး ဖြစ်တဲ့ ၅ ချပ်လုံးပြည့်သွားတဲ့ အချိန်ဟာ စိတ်ဝင်စားစရာ အကောင်းဆုံး အချိန်ပါပဲ။ လူ ၅ ယောက်လုံးက လိုက်ခဲ့တယ် ဖြစ်စေ၊ ဒါမှ မဟုတ် ၂ ယောက်ပဲကျန်ခဲ့တယ် ဖြစ်စေ။ အလယ်က ပိုက်ဆံပုံအတွက် ယှဉ်ရပါတော့တယ်။ ဒီအချိန်မှာ တစ်ယောက် မျက်နှာ တစ်ယောက်အကဲ ခတ်ကြပါတယ်။ Show ကစားနည်းမှာ Emotional ကိုခန့်မှန်းရတာလဲ ရင်ခုန်စရာပါ။ တစ်ယောက်ရဲ့ မှောက်ထားတဲ့ တစ်ချပ်ကို နောက်တစ်ယောက်က အပြန်အလှန်ခန့်မှန်းရတဲ့ ပြိုင်ပွဲတစ်ခုပါပဲ။ ကိုယ်ကသူများကို ခန့်မှန်းသလို ကိုယ့်ကိုလည်း သူများက ခန့်မှန်းနေတာပါပဲ။ အဲဒီ့မှာ ဖဲရဲ့အဆင်တွေ၊ ဖြစ်နိုင်ခြေတွေ၊ လက်ကျန်ဖဲ အခြေအနေတွေ၊ မြင်နေရတဲ့ဖဲတွေ ဒါတွေအားလုံးကို စုပေါင်းဆက်စပ်ပြီး ခန့်မှန်းကြရပါတယ်။ အဲဒီ့ထက်ပိုဆိုးတာက ဖဲဝိုင်းမှာ တောက်လျှောက်ကစားလာတဲ့ သူတို့တွေရဲ့ အမူအကျင့်နဲ့ ဖဲပေါ်တွက်ချက်မှု အဲဒါတွေပါ ပါလာပါတယ်။ ကိုယ့်ရဲ့ခန့်မှန်းချက်တစ်ချက် လွဲချော်သွားတာနဲ့ အားလုံးဆုံးရှုံးသွားနိုင်ပါတယ်။ ကိုယ်ခန့်မှန်းတာ မှန်သွားပြီဆိုရင်လဲ အနိုင်ရမှာက ကိုယ်ပါပဲ။

ကိုယ့်ဖဲက တစ်ကယ်တမ်းတော့ ဒုတိယဦးစားပေး အကောင်းဆုံး၊ ကိုယ့်ပြိုင်ဘက်က ပထမဦးစားပေး ဒါမျိုးဆိုရင် သူ့ကို ခေါ်ဖို့ အလှည့်ပေးရပါတယ်။ အဲဒီ့မှာ သူကကိုယ့်ကို ခေါ်လိုက်ပြီ ဆိုရင် ဒါမှမဟုတ် Show လိုက်ပြီဆိုရင် ကိုယ်က လိုက်မလိုက်စဉ်းစားရပါပြီ။ ကိုယ်မလိုက်ပဲလဲ ထွက်လို့ရပါတယ်။ ဒါဆိုရင်တော့ သူ့ဘက်က အဲဒီ့ငွေတွေကို ဘာမှ လျှောက်လွှဲချက်ပေးစရာ မလိုပဲ တနည်းအားဖြင့် သူ့မှောက်ထားတဲ့ဖဲကို ပြစရာမလိုပဲ စားလိုက်လို့ ရပါတယ်။ တကယ်လို့ အဲဒီ့ လူဟာ ပထမဦးစားပေးဖဲနဲ့ ရှိနေပေမယ့် သူဟာရှေ့မှာ ဖဲကို ဟောက်ပြီး ကစားလာတဲ့လူဖြစ်လို့ ကိုယ်က အယုံအကြည်မရှိပဲ လိုက်ရင်လဲရပါတယ်။ မှောက်ထားတဲ့ ဖဲက အဓိကပါပဲ။ ရှေ့ကပွဲတွေမှာ တောက်လျှောက်ဟောက်လာတယ် (လိမ်စားတယ်ပေါ့လေ) ဒါပေမယ့် ဒီတစ်ကြိမ်က တစ်ကယ့် အမှန်ဆိုလဲ ကိုယ်က ခံလိုက်ရမှာပါ။ အဲဒါကြောင့်ပြောတာပါ လူရဲ့ Character ရော Emotion ရောကိုပါ ထည့်တွက်ရတဲ့ ကစားနည်းပါလို့။

ဒီကစားနည်းက အိုင်ဒီယာကို အဓိကဖြစ်သလို၊ တွက်ချက်မှုကလဲ အရေးပါပါတယ်။ ကိုယ့်ကို ဘယ်သူမှ တားလို့မရသလို အခြေအနေအားလုံးကိုလဲ ကိုယ်တိုင်ပဲ တွက်ချက်မှန်းဆနိုင်ပါတယ်။ ကျွန်တော်တို့ လက်တွေ့ဘဝတွေနဲ့ အနီးစပ်ဆုံး ဖဲကစားနည်းပါပဲ။ ကျွန်တော်တို့ နေ့စဉ်ရင်ဆိုင်နေရတဲ့ ခက်ခဲနေတဲ့ ပြဿနာတွေဟာလဲ ဟိုဘက်က မှောက်ထားတဲ့ ဖဲချပ်ကို ခန့်မှန်းရတဲ့ အဖြစ်နဲ့ ဆင်တူနေပါတယ်။ အလုပ်လုပ်ရင်းလဲ ကိုယ့်ပြိုင်ဘက်ကို အမြဲတမ်း ခန့်မှန်းနေကြရတာပါပဲ။ အဲဒီ့မှာ ခုနကလို ဖဲအဆင်တွေလိုပေါ့ သူ့ရဲ့လုပ်ငန်းသဘာဝကို ကိုယ်က မြင်တွေ့နေရတာပါပဲ။ တစ်ခုပဲ သူ့အိုင်ဒီယာကို ကိုယ်ကတွက်နိုင်ဖို့ပဲ။ အဲဒါကလဲ သူ့ရဲ့မှောက်ထားတဲ့ ဖဲတစ်ချပ်ပဲလေ။

နောက်တစ်ခုက ဖဲဝိုင်းမှာလိုပဲ သူနဲ့ တူတူရိုက်လာတဲ့ အချိန်တစ်လျှောက်လုံး သူ့ရဲ့လှုပ်ရှားပုံ ဆုံးဖြတ်ပုံ အဲဒါတွေကို ခန့်မှန်းရသလို ကိုယ့်လုပ်ငန်းပြိုင်ဘက်ရဲ့ လုပ်လာတဲ့ ပုံစံ၊ သက်တမ်း၊ ပစ္စည်းအနေအထား၊ အမူအကျင့် ဒါတွေကို ခန့်မှန်းရတာခြင်း တူညီနေပါတယ်။ ကိုယ့်ပြိုင်ဘက်ကို လျှော့တွက်လို့ မရသလို၊ ပိုတွက်လို့လဲ မရပါဘူး။ တခါတရံမှာ သူ့မှာ ဘာမှ မရှိပါပဲနဲ့ ကိုယ့်ကို ဈေးကွက်ထဲက၊ အသိုင်းအဝိုင်းထဲက ဟောက်ထုတ်ပစ်ဖို့ လုပ်တတ်သလို၊ ကိုယ့်ကို ရှေ့တစ်ကွက်တိုးစေပြီး နောက်ဆုံးကျမှ သူ့လျှို့ဝှက်ချက်ကို ပြပြီး ကိုယ့်ကို မောင်းထုတ်လိုက်တာလဲ ရှိပါသေးတယ်။ ဘာပဲပြောပြောကိုယ့် ဆုံးဖြတ်ချက်ကသာ အဓိကပါပဲ။ သူနဲ့ကိုယ် ဥာဏ်ခြင်းယှဉ်ကြတာပါပဲ။ တခါတလေသူ့ဖဲက အရမ်းကောင်းလွန်းလို့ ကိုယ်ကလွှတ်ပေးလိုက်ရသလိုပဲ စီးပွါးရေးမှာလဲ လွှတ်ပေးလိုက်ရတယ်ဆိုတဲ့ အကြိမ်တွေရှိပါတယ်။ ဒါဟာ ဒီပွဲကိုသာ အရှုံးပေးတာဖြစ်ပြီး တစ်ဝိုင်းလုံးစာ အရှုံးပေးလိုက်တာ မဟုတ်ပါဘူး။ တကယ်လို့သာ အလျှော့ပေးသင့်ပါလျှက်နဲ့ ကိုယ်က မပေးခဲ့ဘူးဆိုရင် ဝိုင်းထဲကနေထပြန် သွားရလောက်အောင် ရှုံးသွားတတ်ပါတယ်။ လောကကြီးမှာလဲ တူတူပါပဲ တစ်ကြိမ်အလျှော့ပေးလိုက်တာဟာ တစ်ဘဝစာ အလျှော့ပေးလိုက်တာ မဟုတ်သလို နောက်တစ်ကြိမ်အတွက် အားမွေးတာနဲ့တူတူပါပဲ။ တစ်ကြိမ်တစ်လေမှာတော့ ကိုယ့်ဘက်က သိပ်ခိုင်မာနေရင် သူ့ကိုပြန်ပြီး စိန်ခေါ်လို့ ရပါတယ်။ ဒါပေမယ့် သူ့ကိုရှေ့မှာ ရှုံးထားတဲ့ အရှုံးကြောင့်၊ ဒါမှမဟုတ် ငွေကြေးအင်အားနည်းလာတာကြောင့် ပြေးခဲ့မယ်ဆိုရင် ကိုယ်ဟာဘယ်တော့မှ အဲဒီ့ဝိုင်းထဲမှာ ဝင်ဆန့်အောင်ဆက်ကစားဖို့ ငွေကြေးပြန်မရနိုင်သလို စိတ်ဓါတ်မှာပါ ပျက်ပြားသွားစေနိုင်တယ်။ ဥပမာ ငါကံမကောင်းသေးဘူးလို့ တွေးမိတာမျိုးပေါ့။

ကိုယ့်ဘက်က သေချာနေပြီ ပိုင်နိုင်နေပြီဆိုရင် ပြိုင်ဘက်ကို ပြန်စိန်ခေါ်ဖို့ ဝန်လေးစရာ မရှိပါဘူး။ တကယ်လို့ သူကမယုံကြည်လို့ လိုက်လာခဲ့ရင်တောင်မှ ဒါမှမဟုတ် သိပ်နိုင်နေလို့ ငွေပေါနေလို့ လိုက်လာခဲ့ရင်ဆိုရင်တောင် ကိုယ်ကသေချာနိုင်နေပြီပဲ ဘာများ ကြောက်စရာလိုလို့လဲ။ မှောက်ထားတဲ့ ဖဲချပ်ကို လှန်ပြပြီး သတ္တိရှိရှိ လောင်းကြေးအကုန်လုံး စားလိုက်ရုံပေါ့။ အဲဒီ့မှာတင် ကိုယ့်ယုံကြည်ချက်က ခိုင်မာသွားပြီ ဖြစ်သလို ပြိုင်ဘက်ကိုလဲ အသာစီးရလိုက်ပြီး အလဲထိုးလိုက်နိုင်ပါပြီ။ လုပ်ငန်းသဘာဝမှာလဲ ထိုနည်း ၄င်းပါပဲ။ ကိုယ်က ဓနအင်အားချို့တဲ့လို့၊ ကိုယ်က သေချာနေရက်နဲ့ အရှုံးပေးစရာမလိုပါဘူး။ ခုနကကိုယ့်ရဲ့ မှောက်ထားတဲ့ ဖဲချပ်လေး ပြလိုက်သလို ကိုယ့်အလုပ်ကို ပြလိုက်ပါ။ ပြိုင်ဘက်ရဲ့ အရှိုက်ကို တည့်တည့်ထိပြီး အနိုင်ရပါလိမ့်မယ်။ ဒါပေမယ့် ကိုယ့်ဘက်က သူ့ကို နိုင်မယ်ဆိုတာ သေချာရပါမယ်။ ကိုယ့်ဘက်က အခြေခိုင်ရင် ဘာမှ ကြောက်စရာ မလိုပါဘူး။ show ကစားရင် ကိုယ့်ရဲ့ စိတ်လှုပ်ရှားမှုကို အတတ်နိုင်ဆုံး ထိန်းရပါတယ်။ ဖဲမကောင်းလို့ စိတ်ပျက်သွားတာ၊ ဖဲကောင်းလို့ အူမြူးနေတာ၊ နိုင်မယ်သေချာလို့ စိတ်လှုပ်ရှားနေတာ ဒါတွေကို အပြင်ကို ထုတ်မပြရပါဘူး။ ဒီလိုပြနေတဲ့ လူဆိုရင် တစ်ဘက်လူက ကိုယ့်ရဲ့ အမူအကျင့်ကို ကြည့်လိုက်ရုံနဲ့ ကိုယ့်ဖဲဘာဆိုတာ တန်းပြီး မှန်းလို့ရသွားမှာပါ။ မတုန်မလှုပ် ကျောက်ရုပ်ဆိုရင်တော့ အင်မတန် ခန့်မှန်းရခက်ပါတယ်။ စီးပွါးရေး လောကမှာရော နေ့စဉ်ဘဝမှာပါ ဒီအတိုင်းပါပဲ။ စိတ်လှုပ်ရှားလွယ်တဲ့လူကို စိတ်တည်ငြိမ်တဲ့လူက အလွယ်တကူ ခန့်မှန်းနိုင်ပြီး အနိုင်ယူလို့ ရပါတယ်။

ကဲ Show ကစားနည်းအကြောင်းကို ပြောပြီးပြီ အဲဒီ့အထဲက ကျွန်တော် ဘာတွေရခဲ့သလဲဆိုရင်တော့ အောက်ပါအချက်အလက်တွေကို ရခဲ့ပါတယ်။ အဲဒါတွေကတော့ . . .
1. Competative Management
2. Risk Management
3. Time and Space Management
4. Emotional Management
5. Financial Management
6. Vision
7. Idea
8. Self Confidence
9. Guessing Power နဲ့အတူ ကျွန်တော်ခေါင်းစဉ်မတပ်တတ်တဲ့ အရာတွေ ရခဲ့ပါသေးတယ်။ Show ကစားဖို့ အားပေးအားမြှောက် ပြောနေတာမဟုတ်ပေမယ့် ကိုယ်သာ Show ကစားတဲ့ သူဆိုရင် အဲဒါလေးတွေ ရမရ ပြန်ချိန်ကြည့်စေချင်တာပါပဲ။ ဖဲကစားတိုင်း မကောင်းတာ မဟုတ်သလို ယူတတ်ရင် ရတယ်ဆိုတာ ပြောချင်တာပါ။ ခင်ဗျားသာ Show မကစားတတ်သေးသူ တစ်ယောက်ဆိုရင် သိရုံလောက်တော့ စမ်းကစားပြီး ခုနက အချက်တွေ ဟုတ်မဟုတ် သုံးသပ်ကြည့်ပေါ့။ ဖဲသမား ဖြစ်သွားရင်တော့ တာဝန်မယူဘူးနော်။ ကြိုပြောထားပါရဲ့။ ကဲ ခုတော့ တော်သေးပြီ။

Read More...

Saturday, September 13, 2008

ကပ္ပိယတစ်ယောက်ရဲ့ ကျောက်ထွင်းရာဇဝင် (၃)


ကျွန်တော့်ရဲ့ ကပ္ပိယပို့စ်တွေဖတ်ပြီး သဘောကျတယ်လို့ ပြောကြတော့ ပျော်မိပါတယ်။ ဆက်တိုက်ရေးချင်ပေမယ့် အချိန်ကမရတော့ တော်တော်နဲ့ မရေးဖြစ်ဘူး။ ကျွန်တော်က ၁၊ ၂၊ ၃ စသည်ဖြင့် နံပါတ်တပ်ရေးပေမယ့် အဆက်အစပ် ရှိချင်မှလဲ ရှိပါ့မယ်။ ကျွန်တော် ပြောချင်တာတွေကို ရေးနေရတာဆိုတော့ အဆက်အစပ် မရှိနိုင်ပါဘူး။ သတိရတာလေးတွေ အဲဒီ့အချိန်မှာ ရလိုက်တာလေးတွေကို အတွေ့အကြုံအနေနဲ့ ရေးပေးတာပါ။ အခုလဲ ဆရာတော်နားမှာ နေခဲ့တဲ့ အချိန်မှာ ကျွန်တော့်အတွက်ရလိုက်တာလေးတွေ ကျွန်တော်ထပ်ရေးပြချင်စိတ် ပေါ်လာလို့ ထပ်ရေးလိုက်ပါတယ်။

ဆရာတော်နားမှာ ကပ္ပိယအနေနဲ့ နေလိုက်တာ ကျွန်တော့် ဘဝမှာ အလှည့်အပြောင်းတစ်ခု အနေနဲ့ မှတ်တမ်းတင်ထားချင်ပါတယ်။ ကပ္ပိယတစ်ယောက် အနေနဲ့ နေခဲ့ရပေမယ့် ကျွန်တော်ရလိုက်တဲ့ သင်ခန်းစာတွေက ဒီနေ့ထက်ထိ သုံးလို့ကို မကုန်နိုင်သေးပါဘူး။ ကပ္ပိယ အဖြစ်တစ်လလောက် လုပ်လိုက်တာ ကျွန်တော့်အတွက် တန်ဖိုးမဖြတ်နိုင်တဲ့ အတွေ့အကြုံတွေ အတွေးအခေါ်တွေကို ရရှိစေခဲ့တယ်ဆိုတာ ကျွန်တော်သိလိုက်ပါတယ်။ ဆရာတော့်နားမှာ ကျွန်တော်နေ့တိုင်း ဝတ်ဖြည့်ပေးရင်းနဲ့ ကျွန်တော့်ဘဝအတွက် တန်ဖိုးရှိတဲ့ ဆုံးဖြတ်ချက်တွေကို ချမှတ်နိုင်အောင် လေ့လာခွင့်တွေ ရခဲ့ပါတယ်။ ပထမဆုံး ကျွန်တော် ရုံးကို ပြန်ရောက်တဲ့နေ့က သတိထားလိုက် မိပါတယ်။ ငါ့ရုံးတော့ သွားပြီဆိုတာကိုပါပဲ။ ဘာဖြစ်လို့လဲဆိုတော့ ကျွန်တော် ဆရာတော်နောက်လိုက်တုန်း ရုံးကို ပစ်ထားလိုက်တာပါ အဲဒီ့မှာ ပြန်လာလာချင်း ကျွန်တော့်ရုံးရဲ့ အဓိက အားနည်းချက်ကြီးကို သွားတွေ့ပါတယ်။ အရင်ကဆို သတိထားမိချင်မှ ထားမိမှာပါ။ အခုတော့ ချက်ခြင်းကို သတိထားမိလိုက်ပါတယ်။ ဖိနပ်ချွတ်မှာ ဖိနပ်တွေ အတုန်းအရုန်း သဲတရှပ်ရှပ်နဲ့ ဖြစ်ချင်တိုင်းကို ဖြစ်နေတော့တာပါပဲ။ အဲဒီ့မှာတင် ကျွန်တော် သိလိုက်ပါတယ်။ ငါ့ management အင်မတန်ဖျင်းတယ်ဆိုတာပါပဲ။ ချက်ခြင်းပဲ မန်နေဂျာကို ခေါ်ပြီးပြောပါတယ် revolution လုပ်ကိုလုပ်ရတော့မယ် မလုပ်လို့ မရတော့ဘူး ကျွန်တော်တို့ ရုံးပျက်နေပြီလို့။ အဲဒီ့လိုစလိုက်တဲ့ ကျွန်တော့် revolution ဟာ ၂ လအတွင်းမှာပဲ ဝန်ထမ်း ၈ ယောက်ထွက်သွားတဲ့ အထိဖြစ်ခဲ့ပါတယ်။ ကျွန်တော် ခေါ်ပြောတဲ့ မန်နေဂျာကိုယ်တိုင် resign လုပ်သွားပါတယ်။ ကျွန်တော်ရုံးကို ရောက်ရောက်ခြင်း management ပိုင်းကို ပြန်စိစစ်ပြီး ကျွန်တော် Rules and Regulation တွေကို ပိုသေချာအောင် ချခဲ့တယ်။ ကျွန်တော် စည်းကမ်းပိုင်းမှာ တင်းကျပ်ပေးလိုက်ပါတယ်။ အဲဒါက ဘယ်ကရသလဲဆိုတော့ ဆရာတော်နားမှာ နေတုန်းက ရခဲ့တာပါ။ ဆရာတော်က သိက္ခာဝိနည်းနဲ့ အညီနေထိုင်ပါတယ်။ ကျွန်တော်ကလဲ ရိုသေတော့ စည်းကမ်းတကျနေခဲ့ပါတယ်။ ကျွန်တော်မှားနေရင် ဆရာတော်က ချက်ခြင်းဆိုဆုံးမပါတယ်။ အဲဒါရဲ့ အကျိုးဆက်ကတော့ ခုနကလို ကျွန်တော် management ပိုင်းကို ပြင်ရတဲ့ အတွေးဝင်လာတာပါပဲ။ စည်းကမ်းပိုင်းကို ချမှတ်တတ်သွားပါတယ်။

ဆရာတော်နားမှာနေတော့လေ ဆရာတော်ကို ဒကာ၊ဒကာမတွေက ဆွမ်းကပ်ဖို့ အမြဲတမ်းပြောနေကြတာ ကပ္ပိယဖြစ်တဲ့ ကျွန်တော်ကလဲ မှတ်ရတာပေါ့။ အဲဒီ့မှာ Time Management ကိုပါ ထပ်ရလိုက်ပါတယ်။ ဆရာတော်ရဲ့ အချိန်တွေဟာ အမြဲတမ်းတန်ဖိုးရှိပါတယ်။ ဆွမ်းကပ်ချင်ကြပေမယ့် ကျွန်တော့်မှာ နေရာဒေသကိုကြည့်ပြီး လက်ခံရပါတယ်။ ဥပမာ မြောက်ဒဂုံမှာ အရုဏ်ဆွမ်းစားပြီး မြို့ထဲမှာ နေ့ဆွမ်းစားရမယ်ဆိုရင် လမ်းမှာတင် ကျွန်တော်တို့ အချိန်တော်တော် များများကုန်သွားမှာပါ။ အဲဒါကြောင့် နီးစပ်ရာကိုလက်ခံပါတယ်။ မြောက်ဒဂုံမှာ အရုဏ်ဆွမ်း ပါရမီမှာနေ့ဆွမ်းဆိုရင် အင်မတန်အဆင်ပြေသွားပါတယ်။ အချိန်တွေလဲ save လုပ်ရာကြပါတယ်။ ဆရာတော်က ကျွန်တော့်ကို ပြောနေကြစကားရှိပါတယ် အချိန်တွေကို save လုပ်ပါတဲ့။ ဟုတ်ကဲ့ အဲဒါရဲ့ အဖြေက ကျွန်တော်ရုံးမှာ အလုပ်လုပ်ရင်း Time saving ကိုဘယ်လိုလုပ်ရမယ်ဆိုတာ သွားတွေ့ပါတော့တယ်။ အဲဒီ့နောက်ပိုင်း ကျွန်တော်ဟာ အရင်ကထပ် အလုပ်ပိုများလာပြီး အရင်ကထပ်ပိုပြီး အချိန်ရှားပါးသွားပါတယ်။ အချိန်တိုင်းဟာ ကျွန်တော့်အတွက် လုပ်စရာတွေ ပြည့်နှက်နေပါတော့တယ်။ ဖုန်းပြောတာကအစ အပိုအလို မပြောတော့ပါဘူး (ဆရာတော် ဆုံးမတဲ့ အထဲမှာလဲ အဲဒါပါပါတယ် ဒါလဲ time saving တစ်မျိုးပါပဲ)။ သူများရဲ့ အချိန်တွေကို တန်ဖိုးထားတတ်သလိုမျိုး ကျွန်တော့်ရဲ့ အချိန်တွေကိုလဲ သူများတွေက တန်ဖိုးထားလာပါတယ်။ ဒါက ကပ္ပိယလုပ်ခဲ့ရတဲ့ အထဲက ရခဲ့တဲ့ အမြတ်တွေပေါ့။

ဆရာတော်က ဒီမှာလာပြီး အလှူဒါနလုပ်တာပါ။ ဆရာတော်က ဝတ္ထုငွေကို လက်နဲ့တောင် မထိပါဘူး လက်လဲမခံပါဘူး။ ကပ္ပိယဖြစ်တဲ့ ကျွန်တော့်ဆီမှာပဲရှိပါတယ်။ လှူလာရင်လဲ ကျွန်တော်လက်ခံပေးရပါတယ်။ ကိုစိုးထက်ကြီးက ဟိုကနေပြီးငွေလွှဲရင်လဲ ကျွန်တော်က တာဝန်ယူပြီး ထိန်းသိမ်းပေးရပါတယ်။ ဆရာတော် လှူမယ့်နေရာရောက်မှ ကျွန်တော်ကလှူပေးရပါတယ်။ ဆရာတော်ကို လှူတဲ့ စာရင်းတွေပါသလို နာဂစ်အတွက်လှူတဲ့ စာရင်းတွေလဲရှိပါတယ်။ အဲဒါတွေကို ကျွန်တော်ခွဲမှတ်ပေးရပါတယ်။ ဆရာတော်ပြန်ကြွတဲ့ အခါမှ အဲဒီ့စာရင်းတွေကို ကိုစိုးထက်ဆီ ပို့ပေးရပါတယ်။ ကိုယ့်ပိုက်ဆံမဟုတ်တဲ့ အတွက် ကျွန်တော်တို့ စာရင်းတွေကို အတိအကျဖြစ်အောင် လုပ်ပေးရပါတယ်။ အဲဒါကလဲ ကျွန်တော့်ကို ရုံးမှာ ငွေစာရင်းတွေ သေချာပြန်စစ်တတ်အောင် ကျင့်ပေးလိုက်တာပါပဲ။ အရင်ကထက် ကျွန်တော်ပိုပြီး စာရင်းဇယားမှာ ပိုတိကျလာပါတယ်။ ငွေကို လွယ်လွယ်မထုတ်ပေးတော့ပါဘူး။ ကားခကအစ ကျွန်တော်သေချာ စိစစ်ပါတယ်။ ကုမ္ပဏီဆိုတာ ကျွန်တော်ပိုင်ပါတယ်ဆိုပေမယ့် ရှယ်ယာသမားတွေ ရှိပါသေးတယ် သူတို့ကို ကျွန်တော်လေးစားသောအားဖြင့် ကျွန်တော့်စာရင်းတွေကို အရင်ကထက်ပိုပြီး တိကျအောင် ကျွန်တော်လုပ်ပါတယ်။ အဲဒီ့တော့ ဘာသံထွက်လာသလဲဆိုရင် လူတွေက ကျွန်တော့်ကို ငွေစကားပြောတယ်လို့ ပြောလာပါတယ်။ ဟုတ်ပါတယ် ဝန်ခံပါတယ်။ ကျွန်တော် စီးပွါးရေးလုပ်နေတဲ့ အတွက် ငွေစကားပြောပါတယ်။ အဲဒီ့အတွက် ကျွန်တော်မှန်တယ်လို့ ထင်ပါတယ်။ သူတို့ကို ပြောပြပါတယ် ငွေစကားပြောတယ် ဟုတ်တယ် စီးပွါးရေးလုပ်နေတဲ့လူ တစ်ယောက်က ငွေစကား မပြောဘူးဆို လွဲနေမှာပေါ့လို့ အရင်က မပြောခဲ့ဘူး အခုပြောတယ် ပြောသင့်တဲ့ အချိန်ရောက်လို့ ပြောတယ်။ မှားနေတာ သိရင် ချက်ခြင်းပြင်ရမယ် အခုပြင်တယ် ဒါကြောင့် ကျွန်တော်မှန်တယ်လို့ ထင်တယ်လို့ ပြောတော့မှ ပါးစပ်တွေ ပိတ်သွားပါတယ်။ ကျွန်တော့်စာရင်းတွေဟာ အရင်ကထက် ပိုတိကျလာသလို စာရင်းကိုင်အပြင် စာရင်းစစ်တွေပါ ကျွန်တော် ထပ်ခန့်လိုက်ပါတယ်။ ကျွန်တော့်ကုမ္ပဏီရဲ့ ငွေကြေးစီးဆင်းပုံကြီးကို ကျွန်တော် ထင်ထင်ရှားရှား မြင်လိုက်ရတဲ့အပြင် ကျွန်တော်ဘာတွေ ဆက်လုပ်ရမယ်ဆိုတာပါ ကျွန်တော်ပိုသိလာပါတယ်။

Marketing အတွက်အသုံးဝင်မယ့် ကိစ္စတွေအားလုံးကို ဆရာတော် တရားဟောတဲ့ နေရာကနေ ကျွန်တော်ရခဲ့တယ်ဆိုရင် အားလုံးအံ့သြကြမလားပဲ။ တကယ်ပြောတာပါ ကျွန်တော်ဆရာတော် ဘယ်နားမှာ တရားပေးပေး သေသေချာချာနားထောင်ဖြစ်ပါတယ်။ ဆရာတော်က စကားလုံးတွေကို အဆက်စပ်နဲ့ပြောတတ် ဟောတတ်ပါတယ်။ ဆရာတော်က ပုံပြင်တွေ ဥပမာတွေ ပေးရင်တောင် တရားနာပရိတ်သတ်တွေနဲ့ အဆင်ပြေမယ့် မျက်စိထဲ မြင်ယောင်နိုင်မယ့် ကိစ္စမျိုးနဲ့ ဥပမာပေးပြီး တရားပေးပါတယ်။ အဲဒါက အဓိကပါပဲ သူတို့အားလုံး မျက်လုံးထဲ ကွက်ကွက်ကွင်းကွင်း မြင်သွားပြီ သိသွားပြီဆိုတာနဲ့ သူတို့ ဒီတရားကို သေချာရလိုက်တာ ဖြစ်သွားပါပြီ။ ဟုတ်ကဲ့ ကျွန်တော့် marketing ကအဲဒါပါပဲ။ ကျွန်တော့်ပစ္စည်းတွေ အပေါ်မှာ ကျွန်တော့်လုပ်ငန်းတွေပေါ်မှာ ကျွန်တော်အဲဒီ့နည်းအတိုင်းပဲ ရှင်းပြ ပြောပြခဲ့ပါတယ်။ နောက်ပြီး customer ကိုလိုက်ပြီး သူနားလည်လောက်မယ့် မြင်ယောင်နိုင်လောက်မယ့် ဥပမာတွေကို ပေးနိုင်ခဲ့ပါတယ်။ အဲဒါတကယ့်လက်တွေ့မှာ အလုပ်ဖြစ်တယ်ဆိုတာ ကျွန်တော်တွေ့ခဲ့ရပါတယ်။ အဲဒါကြောင့် marketing အစိတ်အပိုင်းတွေကို ဆရာတော်ရဲ့ တရားဟောပုံ နည်းစနစ်ကနေ ကျွန်တော် အတုယူနိုင်ခဲ့ပါတယ်။

နောက်တစ်ခုက ကျွန်တော့်ဘဝမှာ တန်ဖိုးရှိတဲ့ ကျွန်တော်စိတ်ဝင်စားတဲ့ management တစ်မျိုးကို သိလိုက်ရတာပါပဲ။ အဲဒါကတော့ risk management ပါပဲ။ ဆရာတော်နဲ့လိုက်ပြီး ကျွန်တော်တို့ နာဂစ်မုန်တိုင်းသင့်တဲ့ နေရာတွေ အပြင် တခြားနေရာတွေမှာပါ အလှူတွေသွားလုပ်ပါတယ်။ တခါတခါ ကျွန်တော်က သနားလွယ်လို့ လှူချင်ပေမယ့် ဆရာတော်က ဒါလှူရင်ဘာ ဒါလှူရင်ဘာဆိုတာကို ရှင်းပြပေးပါတယ်။ ဆရာတော်က သူလှူခိုင်းတဲ့ နေရာအားလုံးကို သုံးသပ်ပြပါတယ်။ ဟုတ်ပါတယ် အနာဂတ်အတွက် လှူခဲ့တဲ့ နေရာတွေရှိသလို တကယ်ကို လိုအပ်တာကို လှူပေးခဲ့တာတွေကိုပါ တွေ့ရပါတယ်။ အဲဒါက ကျွန်တော့်ကို ကောင်းကောင်းကြီး မီးမောင်းထိုးပြသွားပါတယ်။ ကျွန်တော် အလုပ်တွေလုပ်တဲ့ အခါမှာ လုပ်သင့်လို့လုပ်တာလား မလုပ်သင့်ပဲလုပ်တာလား ယူသင့်တဲ့ risk လား မယူသင့်တဲ့ risk လားဆိုတာတွေကိုပါ သိသိသာသာကြီး မြင်စေလာပါတယ် (လှူတယ်ဆိုတာလဲ ကိုယ့်ပိုက်ဆံတွေကို သူများကို ပေးလိုက်ရတာပဲလေ အလုပ်အသစ်လုပ်ရင်လဲ အဲလိုပဲ ပိုက်ဆံတွေကို ရင်းရတာပါပဲ။ အဲဒါကြောင့်အလှူလုပ်တာလဲ risk အနေနဲ့ ကျွန်တော်မြင်ပါတယ်။ ကိုယ်လှူတဲ့ ပိုက်ဆံ အကျိုးရှိမရှိသုံးသပ်တာပါ။)။ ဆရာတော်ရဲ့ ကျေးဇူးသိပ်ကိုကြီးမားလွန်းပါတယ်။ ဒါတွေက ဆရာတော်ပြန်သွားတဲ့နောက် ကျွန်တော်စဉ်းစားသုံးသပ်မိတာတွေပါ။ ဘာလို့ ဒီလိုသုံးသပ်ရသလဲဆိုရင် တချို့နေရာတွေမှာ ကျွန်တော်ပြောင်းလဲသွားလို့ပါပဲ။ ပြောင်းလဲရခြင်းရဲ့ အဓိကအကြောင်းရင်းထဲမှာ ကပ္ပိယဘဝကလာတဲ့ သင်ခန်းစာတွေကများပါတယ်။ ခေါင်းထဲမှာ စွဲမြဲနေပါတယ်။ ကျွန်တော်က မှားတယ်လို့ သိရင် ချက်ခြင်းပြင်တတ်ပါတယ်။ မှားတာကို ဆက်မလုပ်တတ်ပါဘူး အမှန်ကိုသိနေမှ အမှားကို ဆက်လုပ်ရင် လူမိုက်ပေါ့။ လောကမှာ အဲဒါထက် မိုက်တဲ့ကောင် မရှိနိုင်တော့ဘူးလို့ ယူဆပါတယ်။ အခုလဲ ဆရာတော့်ကျေးဇူးတွေကို ဒီပို့စ်လေးရေးပြီး ကျန်တဲ့လူတွေကို မျှဝေပေးပါတယ်။ နောက်မှ ကျွန်တော်ထပ်ရေးပါဦးမယ်။

Read More...

Saturday, September 6, 2008

လတ်တလော ခံယူချက်တွေ


ဟန်သစ်ငြိမ် tag လုပ်တော့ ပြန်ရေးပေးလိုက်တယ်။ ဒါရေးလိုက်ရတော့ စိတ်ထဲ ပေါ့သွားတယ်။ မဆိုးပါဘူး ပျော်စရာကောင်းသားပဲ။ လတ်တလော အကြောင်းအရာလေးတွေပေါ့ဗျာ။ ကဲ အပျင်းပြေလေး ဖတ်ကြည့်ပေါ့။

ကိုယ့်ရဲ့နာမည် ………… zeRoTraSh (စာလုံးအား ထိုအတိုင်းပေါင်းရန် သြော် ကိုသင်ကာကတော့ သုညလွတ်ဆိုပဲ :D)
ကိုယ်ကိုသူငယ်ချင်းတွေကဒီလိုခေါ်တယ် ………… ဟေ့ရောင် (သောက်ကြစို့တဲ့)
ကိုယ်ဒီမှာနေတယ်………… ခုထိတော့ အမေ့အိမ်မှာ ကပ်နေရတုန်း
ကိုယ့်ဆီဖုန်းဆက်ချင်ရင်………… ဆက်မနေပါနဲ့ ဘာလုပ်မလဲ ပိုက်ဆံကုန်တယ် ကျုပ်လဲ ပြန်မပြောချင်ဘူး

ကိုယ့်ရဲ့အကြိုက်ဆုံးတွေက
အရောင်ဆိုရင်………… နီနီရဲရဲ ပြဲပြဲကြီး
အ၀တ်အစားဆိုရင်………… ဝယ်ပေးရင် ဝတ်လိုက်တာပဲ သိပ်ဂျီးမများဘူး (branded တော့ဝယ်ပေးနော်)
အစားအစာဆိုရင်………… အရက်နဲ့မြည်းလို့ရသမျှ ပိုကြိုက်တယ်
ပစ္စည်းဆိုရင်………… အနာအဆာမပါအောင် အရင်စစ်တာပေါ့ တခါတလေတော့လဲ အနာပါပေမယ့် ကိုယ်လိုရင် သုံးရတာတွေတော့ရှိတယ်
သီချင်းဆိုရင်………… ခုလောလောဆယ်တော့ yellowcard နဲ့ coldplay နားထောင်နေတယ်
စာရေးစာဆရာ………… ကျော်ဝင်း၊ ဒေါက်တာသန်းထွန်း၊ မင်းလူ၊ မြသန်းတင့်၊ ချစ်ဦးညို
စာအုပ်………… Rich Dad and Poor Dad, End of Poverty,
Life style………… လွတ်မြောက်နေတဲ့လူအဖြစ်နေနေတယ် (လူကလွတ်နေတာ မဟုတ်ဘူးနော်)
ကိုယ့်ရဲ့ဝါသနာ………… ဆရာလုပ်ခြင်း (ဟန်သစ်နဲ့ ဒီနေရာတော့ တူတယ်)
အလိုချင်ဆုံးလက်ဆောင်………… အလကားရရင်ယူလိုက်တာချည်းပဲ (အလိုချင်ဆုံးပြောပြရင် အားလုံးမေတ္တာပို့မှာစိုးလို့ မပြောတော့ဘူး)
ကိုယ့်ရဲ့ အချစ်ဆုံးသူက………… သေသွားပြီ (အဖွား)
ကိုယ့်ရဲ့ အလေးစားဆုံးသူက………… သခင်အောင်ဆန်း
ကိုယ့်ရဲ့ အခင်ဆုံးသူငယ်ချင်းက………… အရက်တိုက်တဲ့ကောင်ပေါ့
ကိုယ့်ကို အများဆုံးနားလည်မှုပေးနိုင်သူက………… ဘော်ဒါတွေနေမှာပေါ့ (ကိုယ်သောက်တာလဲ ဒင်းတို့ပဲ ထိန်းနိုင်တာကိုး)
ကိုယ့်ရဲ့ အမုန်းဆုံးသူက………… မရှိပါဘူး အားအားယားယား
ရင်အခုန်ဆုံးအချိန်………… ယှဉ်ပြိုင်နေရတဲ့ အချိန်၊ ဦးနှောက်ထဲမှာ အကြံစည်သစ် တစ်ခုခုပေါ်လာတဲ့ အချိန်
အကြောက်ဆုံးအချိန်………… အဖေနဲ့အမေ အိမ်ပေါ်ကနှင်ချမယ့် အချိန် (သူတို့နှင်ချရင် နေစရာ ခုထိမရှိသေး)
အပျော်ဆုံးအချိန်………… အားလုံးအဆင်ပြေတဲ့အချိန်
အမှတ်တရနေ့………… ကိုယ့်မွေးနေ့တောင် တခါတခါမေ့နေသေးတာ အမှတ်တရနေ့ဆိုတာ မရှိဘူး
ဆုတောင်းတိုင်းသာပြည့်မယ်ဆိုရင်တောင်းမဲ့ဆု………… အဖွားပြန်ရှင်လာရင်တော်ပြီ
အချစ်ဆိုတာ………… ၁၅၀၀ တန်တွေက အများကြီးရယ် ဟီး ဟီး ဟီး
အမုန်းဆိုတာ………… မသိဘူး
အလွမ်းဆိုတာ………… ကုန်ကြမ်းတွေပေါ့
သံယောဇဉ်ဆိုတာ………… အဲဒီ့စကားနဲ့ပဲ လုပ်စားလာတာ
ဘ၀ဆိုတာ………… ချစ်စရာလေးလေ (ငါ့ဘဝမှငါမချစ် ဘယ်သူချစ်မလဲ ကဲ ပြော . . .)
သူငယ်ချင်းဆိုတာ………… သောက်သောက်စားစား လူ့မင်းသားကွ
ချစ်သူဆိုတာ………… ပြောပြီးပါရောလား အများကြီးရယ်လို့ ဟီး ဟီး ဟီး (လူချစ်လူခင်ပေါတယ်လေ :D)
ကိုယ့်ကိုကိုယ်ဒီလိုထင်တယ်………… ငါဆရာပါ
ကိုယ့်ရဲ့လက်ဆွဲဆောင်ပုဒ်က………… ထွင်ရင်ထွင် မထွင်ရင်သေ
အပြောချင်ဆုံးစကားတစ်ခွန်း………… အရွယ်နဲ့သောက မမျှတာကြာပြီ

ကဲ ကဲ ကိုယ့်တာဝန်ကျေပြီဆိုတော့ ကျန်တဲ့လူတွေ ဆက်ပြီး မေတ္တာထားတဲ့ အနေနဲ့ tag လိုက်ဦးမယ်။ ဖြေကြနော် ဖြေကြ ချစ်လွန်းခင်လွန်းလို့ tag လိုက်တာ ဟီး ဟီး . . . .
- မခင်မင်းဇော်
- BlackDream
- ညိမ်းညို
- ကေသွယ်
- မဗေဒါ
- မွန်လေး
- Republic
- ဘလော့ဂ်မရေးဖြစ်တော့တဲ့ ကိုစိုးထက်ကိုတော့ ခွင့်လွှတ်လိုက်ပါတယ် ဒါပေမယ့် အီးမေးလ်ကနေ တစ်ဆင့်တော့ ဖြေလို့ရသေးတယ်။

Read More...

Saturday, August 23, 2008

တစ်နှစ်ပြည့်တဲ့ Blog


ကျွန်တော် Part Of zeRoTraSh (PORTS) ဆိုပြီးတော့ ဒီဘလော့ဂ်လေးကို ၂၃ ရက်၊ သြဂုတ်လ၊ ၂၀၀၇ ခုနှစ်မှာ စတင်ပြီးတည်ဆောက်ခဲ့ပါတယ်။ ကျွန်တော် ဘလော့ဂ်တွေ အကြောင်းသိတာတော့ ကြာခဲ့ပါပြီ။ သူများတွေ ရေးထားတာကိုပဲ သွားသွားပြီး ဖတ်ဖြစ်နေပါတယ်။ ကိုယ်တိုင်ကတော့ မရေးဖြစ်ခဲ့ပါဘူး။ ရေးဖို့ အချိန်မရခဲ့သလို သိပ်စိတ်မဝင်စားခဲ့လို့ပါ။ နောက်ပိုင်းတော့ ကျွန်တော် web 2.0 ရဲ့ ပေါက်ကွဲမှုအားကိုကြည့်ပြီး user participation ကိုပိုပြီး စိတ်ဝင်စားလာပါတယ်။ အဲဒီ့အတွက် ကျွန်တော့်လုပ်ငန်းတွေကိုလည်း အထောက်အကူပြုအောင် ဘလော့ဂ်တွေရဲ့ သဘာဝကိုလည်း သိရအောင် ကျွန်တော် စပြီးရေးဖို့ အကြံရခဲ့ပါတယ်။ တကယ်တမ်း ဘလော့ဂ်ရေးတဲ့အခါမှာတော့ ကျွန်တော် စိတ်ဝင်စားစရာတွေကို ပိုတွေ့ခဲ့ပါတယ်။ Technology ကတော့ရင်းနှီးပြီးသားမို့ ကျွန်တော့်အတွက် ထူးထူးခြားခြားခက်ခဲမှု မရှိသလောက်ပါပဲ။ ဘာတွေ ရေးမလဲ ဘယ်လိုအကြောင်းအရာတွေကို ရေးမလဲလို့ စဉ်းစားရတာကတော့ တော်တော်ပင်ပန်းပါတယ်။ နောက်ဆုံးတော့ ရေးချင်တာရေးမယ်ကွာ ငါ့ဘာသာလုပ်တာပဲ ဘာဖြစ်တုန်းဆိုပြီး သဘောထားလိုက်မှ အေးသွားပါတယ်။

ကျွန်တော် profile မှာရေးထားသလိုပါပဲ Blog ကိုလက်ဆော့ရင်း ရပ်မရတော့လို့ ဆက်ရေးနေတာပါ ဆိုတဲ့အတိုင်းပါပဲ။ ကျွန်တော်ရေးရင်းနဲ့ ရပ်မရတော့ပါဘူး။ စာရေးတာလဲ ဝါသနာကပါတာကိုး။ အစကတော့ သိပြီးရင်တော်ပြီလို့ တွေးထားပေမယ့်။ တကယ်တမ်း ကိုယ့်ဘလော့ဂ်ကို ကိုယ်မရပ်ဖြစ်ပါဘူး။ c-box မှာလာအားပေးတဲ့ စာလေးတွေ ကော်မန့်လေးတွေကိုကြည့်ပြီး ပီတိဖြစ်မိတယ်။ နောက်ပြီး ကိုယ်ကိုတိုင်လဲ သူများ ဘလော့ဂ်တွေကို သွားပြီး ဝင်အော် ကော်မန့်ရေးလုပ်ရတာကို သဘောကျလာပါတယ်။ ဘာနဲ့တူလဲဆိုတော့ ရပ်ကွက်ထဲမှာလိုပါပဲ လူမှုအဖွဲ့အစည်းလေးတစ်ခုကို အွန်လိုင်းပေါ်မှာ သပ်သပ်ရပ်ရပ်တွေ့နေရသလိုပါပဲ။ တကယ်တမ်းလဲဟုတ်ပါတယ်။ နောက်ပိုင်းတော့ ရပ်ကွက်ထဲမှာလိုပဲ ကလော်တုတ်တာတွေ ထဆဲတာတွေ သမီးရည်းစားတွေ အဲလို အဲလိုတွေ အများကြီးတွေ့တော့ သြော်ဟုတ်တယ်နော် ဆိုတာပဲ စဉ်းစားမိခဲ့ပါတယ်။ (ရပ်ကွက်ထဲက လူတွေဆိုပြီး ပန်ဒိုရာ သုံးထားတာကို သဘောကျပါတယ် ဤကားစကားချပ်)

ကျွန်တော် ပထမဆုံး စရေးဖြစ်တဲ့ ပို့စ်က မြင်လှည့်ပါအမေ ဆိုတဲ့ ကဗျာလေးပါ။ ဘာတင်ရမှန်းမသိလို့ အဲဒီ့ကဗျာလေးကို လက်တမ်းရေးပြီး ချက်ခြင်းတင်ခဲ့ပါတယ်။ ဘယ်သူမှ ကော်မန့်ပေးတဲ့သူ မရှိပါဘူး။ စစချင်းကိုး။ c-box မှာတော့ လာလာပြီး အားပေးသွားကြတာတွေ့ပါတယ်။ ဒါပေမယ့် ဘယ်သူ စစခြင်းရောက်လာတာလဲဆိုတာတော့ မမှတ်မိတော့ပါဘူး။ အဲဒီ့တုန်းက လာနေကြတွေထဲမှာတော့ ခုထိသိနေတာ ရန်အောင်တို့ မခင်မင်းဇော်တို့ ကိုစိုးထက်တို့ များတော့များပါတယ်။ သြော် သင်ကာကြီးလဲ ပါသေးတယ် သူနဲ့ ကျွန်တော် ဘလော့ဂ်လုပ်တဲ့ သက်တမ်း သိပ်မကွာဘူးထင်တာပဲ။ ထားပါ သေချာတော့ မမှတ်မိတော့ဘူး။ c-box ကို ရာဇဝင် ပြန်မလှန်နိုင်တော့လို့။ ပထမဆုံး ကွန်မန့်ပေးတာကတော့ ထူးမြတ်ပါ။ ကျွန်တော့်နားပေါက်လေး ဆိုတဲ့ ပို့စ်မှာ စပြီး ကွန်မန့်ပေးသွားတာပါ။ နောက်ပိုင်းမှာတော့ ရန်အောင်တို့ သမုဒယနွယ်တို့က ကွန်မန့်တွေလာပေးတာ တွေ့ရပါတယ်။ အဲဒီလိုနဲ့ ကျွန်တော် ဘလော့ဂ်ရွာထဲမှာ ချာလပတ်လည်ပြီး ရုန်းမထွက်နိုင်ခဲ့ပါဘူး။

ကျွန်တော် ဘလော့ဂ်ဂါတွေနဲ့သိပ်မသိပါဘူး။ သိပ်လည်း မရင်းနှီးပါဘူး။ ကျွန်တော်က စာသွားဖတ်ဖြစ်လဲ တခါတခါမှ ကွန်မန့်ပေးဖြစ်ခဲ့ပါတယ်။ တခါတခါမှ c-box မှာ နှုတ်ဆက်ဖြစ်ခဲ့ပါတယ်။ ဒါပေမယ့် ပုံမှန်တော့သွားဖြစ်ပါတယ်။ ကျွန်တော် စိတ်ဝင်စားတဲ့ ဘလော့ဂ်တွေဆို ပုံမှန်ဖတ်ဖြစ်ပါတယ်။ နောက်ပိုင်း ဘလော့ဂ်လောကမှာ Tag တယ်ဆိုတာ အစက ကျွန်တော်သဘော မပေါက်ခဲ့ပါဘူး။ ကျွန်တော့်ကိုလဲ ဘယ်သူမှ tag မလုပ်ပါဘူး။ ဒါနဲ့ ကျွန်တော်က စပြီး Tag လုပ်ဖို့ ငါ . . . ဘာကောင်လဲ ဆိုပြီးရေးလိုက်ပါတယ်။ အဲဒီ့ပို့စ်ကို စတင်ပြီး သိပ်မကြာပါဘူး ကျွန်တော် Tag လုပ်လိုက်တဲ့ထဲက ကိုစိုးထက်က စစချင်းရေးပါတော့တယ်။ သူကတော့ ခေါင်းစဉ်လေးပြောင်းပြီးရေးတာပါ။ ငါဆိုတာကို သူ့အနေနဲ့ ရင့်သီးတယ်ထင်လို့ ကျွန်တော်ဘယ်လိုလူလဲဆိုပြီး ရေးသွားတာကို မှတ်မိနေပါသေးတယ်။ အဲဒီ့လို သူ့ကိုသွားပြီး Tag လိုက်မိကထဲက ကျွန်တော်နဲ့သူ အတော်ခင်သွားတယ် ဘယ်လောက်ခင်သွားတုန်းဆို ဘုန်းကြီးတစ်ပါးထဲကို ကပ္ပိယတူတူလုပ်ပေးတဲ့ အထိပါပဲ။ ဒီနေ့ထက်ထိလဲ ပတ်သတ်နေတုန်း။ သူ့မိသားစု အကုန်လုံးနဲ့ ကျွန်တော် အတော်ကို ရင်းနှီးပါတယ်။ သူနဲ့ကျွန်တော် ခုထက်ထိလူခြင်း မစုံဖူးပါဘူး။ ဓါတ်ပုံတွေပဲမြင်ဖူးသေးပါတယ်။ ကျွန်တော့်ဘဝမှာ လူတစ်ယောက်ကို မမြင်ဖူးသေးပဲနဲ့ ခင်မင်ပြီး ကူညီပေးခဲ့တာ ကိုစိုးထက်ပါပဲ။ ချစ်ကိုကြီး Cheers !

ဘလော့ဂ်ဂါတွေကို အပြင်မှာ မမြင်ဖူးပါဘူး။ ပထမဆုံး အပြင်မှာစုံဖူးတဲ့ ဘလော့ဂ်ဂါကတော့ သင်ကာပါ။ သူဗမာပြည်လာတုန်း ပန်းဆိုးတန်းမှာ သွားပြီးတွေ့ဖြစ်ခဲ့ပါတယ်။ ဘီယာပါတူတူသောက်ခဲ့ပါတယ်။ အမှန်က ရုံးချိန်ကြီးပါ ကျွန်တော်က နေ့လည်ဆို သောက်လေ့မရှိပါဘူး။ သူ့ကိုအားနာလွန်းလို့ ခင်လို့သာ သောက်ခဲ့တာပါ။ ကဲ ကိုဘုန်းသိပြီလားကွ :D။ Online မှာ Gtalk စပြောဖြစ်တဲ့ ဘလော့ဂ်ဂါကတော့ ချစ်မကြီး မခင်မင်းဇော်ပါပဲ။ သူ့ဓါတ်ပုံကိုလည်း အရင်ဆုံးမြင်ဖူးတာပါ ဟုတ်တယ်နော် ချစ်မကြီး :D။ ကျွန်တော့်အကြောင်းကို ပို့စ်တစ်ခု စရေးတာကတော့ မိုးစက်ဆိုတဲ့ ဘလော့ဂ်ဂါပါ။ ကျွန်တော့်ရဲ့ ကိုယ်တိုင်ဗျူးတွေကို ဖတ်ပြီး သူက ကျွန်တော်နဲ့ အင်တာဗျူးလုပ်တဲ့ပုံမျိုးရေးပြီး ကျွန်တော့်ဆီပို့ပေးခဲ့ပါတယ်။ သူရေးပေးတာကို ကျွန်တော်က ခေါင်းစဉ်လေးပေးခဲ့ပါတယ်။ မောင်ဇီးရိုးကိုဖွင့်ဖတ်သွားတဲ့ မိုးစက် ဆိုပြီး ပေးခဲ့ပါတယ်။ ခုတော့ မောင်မိုးစက် ဘလော့ဂ်မရေးအားပါဘူး ဗမာပြည်ပြန်ရောက်ပြီး သင်တန်းတက်နေရပါတယ်။ ကျွန်တော့်ဆီ ဖုန်းတော့ မကြာမကြာ ဆက်တတ်တယ်ဗျ။

သြော်မေ့နေလို့ ကိုမောင်လှဆီကလည်း ဖုန်းနံပါတ်စရဖူးတယ် သူရန်ကုန်လာတုန်း ဘီယာတူတူသောက်မယ်လုပ်ပြီးမှ မသောက်ဖြစ်ခဲ့တာ မှတ်မိသေးတယ်။ ဘလော့ဂ်ဂါထဲမှာ ကျွန်တော် အကူအညီစပေးခဲ့ရတာကတော့ Rapster88 ဆိုတဲ့ ညီလေးပါ ပေးရမှာပေါ့ လဒလေးက တစ်ရုံးထဲ တူတူလုပ်တာကိုး။ သူလဲ ရေးချင်တယ်ဆိုလို့ ကျွန်တော့် Template ကြီးပေးလိုက်သေးတယ် အဟက်ဟက်ဟက်။ နောက်ပြီးတော့ ကျွန်တော့်ကို ဘလော့ဂ်ထဲမှာ contributor စလုပ်ဖို့ လှမ်းပြောတာကတော့ ရန်အောင်ပေါ့။ ၃ နေရာအတွက် တထိုင်ထဲလှမ်းဖိတ်တာ MMbloggerhelpdesk၊ သံစဉ်လှိုင်း၊ English For Success ရယ် သုံးခုပေါ့။ အားတော့နာတယ် ရန်အောင်ရယ် သံစဉ်လှိုင်းမှာပဲ ၂ ပုဒ်လားရေးပေးဖူးတယ် နောက်တော့ ထပ်ရေးတာပေါ့နော့ အဟက်ဟက်ဟက်။ သူများဘလော့ဂ်ထဲမှာ မေးလ်ပို့ပြီးရေးဖြစ်တာကတော့ ဇီးကွက်ဆီက သိုင်းလောကပေါ့ဗျာ။

ဒီလိုနဲ့ ဒီလိုနဲ့ ကျွန်တော် ဘလော့ဂ်ရွာကြီးထဲမှာ တော်တော်ချာလပတ်ရမ်းနေရင်း ခုထိရပ်မရသေးပါဘူး။ နောက်ပိုင်းမှာ ဘလော့ဂ်တွေ တစ်ဦးနဲ့တစ်ဦးဆော်ကြ တီးကြ အော်ကြ ဟစ်ကြမြင်တော့ စိတ်ကုန်သွားပါတယ်။ ဒါပေမယ့်လဲ သံယောဇဉ်က မဖြတ်နိုင်ပါဘူး။ ကိုယ့်ဘာသာ လုပ်ချင်ရာ လုပ်ကြပါစေဆိုပြီးပဲ ထိုင်ကြည့်နေလိုက်တယ်။ ဟုတ်တယ်လေ ကိုယ့်သားသမီးတွေမှ မဟုတ်တာ။ ကိုယ့်သဘောကိုယ်ဆောင်တာပဲ လုပ်ပေါ့။ ကျွန်တော်တားလည်း ဘာထူးမှာတုန်း ဟုတ်တယ်ဟုတ်။ ကျွန်တော့်ဘလော့ဂ် အခုတော့ တစ်နှစ်ပြည့်ပြီ နောက်ပိုင်း ဆက်ရေးဖြစ် မရေးဖြစ်ကတော့ မသေချာဘူး။ မရေးပဲလဲ နေတော့မနေနိုင်ဘူး အားလဲမအားဘူး အားရင်ရေးမယ် ကောင်းဘူးလား။ ကျွန်တော့်ဆီကို လာတဲ့အားပေးနေတဲ့ ဘလော့ဂ်ဂါတွေ အကုန်လုံးကို ကျွန်တော်ကျေးဇူးအထူးတင်ပါတယ်။ နောက်လည်း ဆက်ပြီးအားပေးပါအုံး အားမပေးလဲနေဗျာ ရေးမှာပဲ တားနဲ့ အဟက်ဟက်ဟက်။

ကဲ ကဲ တစ်နှစ်ပြည့်ဆိုပြီး ဘာမှလဲ ဧည့်မခံဖြစ်ဖူး ရေးချင်တာ လျှောက်ရေးနေပြန်ပြီနော့။ အင်းလေ အဲဒါကိုက ကျွန်တော့်ပုံစံပဲကိုး။ ကော်မန့်လေးဘာလေး ရေးပြီး ဆုတောင်းပေးပေါ့ ဆဲမသွားရင် ပြီးတာပဲ။ ကျန်တာကတော့ သဘော။ ဆဲသွားတော့ ဖတ်ရတာ အာရုံနောက်လို့။ ထူးခြားချက်က တစ်ခါမှတော့ အဆဲမခံဖူးသေးဘူး။ လူချစ်လူခင်ပေါလို့လားဆိုတော့ အဲလိုလဲမဟုတ်ဘူး။ သိပါဘူးဗျာ။ ဘလော့ဂ်လောကမှာ နာမည်တော့ ရလာပြီထင်တယ် လူသောက်ညင်ကပ်တဲ့ထဲ ပါနေတယ် ပြောတာပဲ။ ကြားမိတာပါ။ ဟုတ်မဟုတ်မသိဘူး။ ကဲ ခုတော့ တော်သေးပြီ နောက်မှပဲ ဆက်ပြီးရေးတော့မယ် ခုဒီပို့စ်မှာ ပေးခဲ့မယ့် ကော်မန့်တွေကိုလည်း စုပြီး နောက်ပို့စ်အနေနဲ့ တင်အုံးမယ် ကျွန်တော့်ကို ဘယ်လိုအကြောင်းနဲ့ ကွန်မန့်ပေးပေး ဒီဘလော့ဂ်ကို ဘာကြောင့်ဖတ်လဲဆိုတာပါ ထည့်ရေးပေးပါ ဒါကလည်း ဒီရွာထဲမှာ ပြောနေသလို ဆားချက်တာပါ။ ကဲ အားလုံးပဲ မင်္ဂလာပါဗျာ။

zeRoTraSh
23rd August 2008

Read More...

Wednesday, August 20, 2008

တံဆိပ်များ

သူကိုယ်တိုင်က ဘာမှမပြောခဲ့
နိုင်ငံရေးအကြောင်း ဆွေးနွေးတော့လည်း တုံဏိဘာဝေ
ပညတ်တွေ ပရမတ်တွေ ပြောတော့လဲ အသံမထွက်
မော်ဒန် ပို့စ်မော်ဒန် ဒါတွေလဲ သူမသိ
စီးပွါးရေး ဒဿန အတွေးခေါ် စိတ်ဝင်စားပုံမပြ
သိချင်တာရှိလားလို့မေး

ဘာမှပြန်မဖြေတော့ခက်တယ်
လူတွေက တံဆိပ်အမျိုးမျိုးကပ်ကြတယ်
အသက်ကတရွေ့ရွေ့ကြီးလာတယ်
သူကိုယ်တိုင်က ဘာမှမပြောခဲ့
သူကိုယ်တိုင်က ဘာမှမသိခဲ့
တနေ့ကတော့ သူ့အသံထွက်လာတယ်
“ငါ” ပျောက်နေတာ ကြာပြီတဲ့
နောက်ထပ်တံဆိပ်ကပ်သွားကြတယ်
သူကအတ္တကြီးသတဲ့ကွယ်။

zeRoTraSh

Read More...

Wednesday, July 30, 2008

ခုံပူကြီးပေါ်ကလူ (၁)


“ ခင်ဗျားအလုပ်ကအေးဆေးပဲနော်။ သက်သက်သာသာပဲ။ ကျွန်တော်တောင် အဲလိုလုပ်ရကောင်းမလားပဲ ဟား ဟား ဟား . . . ”

“ မင်းကိုတော့ အားကျတယ်ကွာ။ အခန်းထမြှာ အဲကွန်းလေးနဲ့၊ စားပွဲ ကုလားထိုင်နဲ့၊ ကွန်ပျူတာနဲ့ ဘာမှ ပူစရာမလိုဘူး။ တို့မှာတော့ တနေ့တနေ့ ပြေးလွှားနေရတာ။ မင်းလိုမျိုး သက်သာတဲ့ အလုပ်တော့ လုပ်ချင်သားပဲ ”

“ အကိုက အခန်းထဲမှာ အေးဆေးလေးနေရတာလေ။ သမီးတို့က ရင်ဆိုင်နေရတာလေ။ အကို့လိုတော့ တခါတခါ နေရရင် ကောင်းမှာပဲလို့ တွေးမိတယ် ”

“ သူက ဘာသိမှာတုန်း ရုံးထဲမှာ ထိုင်ပြီး ဟိုလူ့ခိုင်း ဒီလူ့ခိုင်းနဲ့ သူ့လိုတော့ လူတိုင်း လုပ်တတ်တယ် ပြောမကောင်းလို့သာ ဟွန်း ”

အဲဒီ့အသံတွေကို ကျွန်တော်ကြားနေကျဖြစ်သွားတော့ ရိုးသွားတယ်။ ပျင်းသွားတယ်ပေါ့ဗျာ။ ကျွန်တော်ထင်ပါတယ်။ အရာရှိတော်တော်များများ၊ CEO တော်တော်များများ၊ ပိုင်ရှင်တော်တော်များများ ဒီလို အသံတွေကို ကြားတိုင်းပြုံးကြလိမ့်မယ်လို့။ ဒီအသံတွေက အဲဒီ့လူတွေအတွက် နေ့စဉ်နေ့တိုင်းနီးပါး “မင်္ဂလာပါ” လို့နှုတ်ခွန်းဆက်နေသလို ဖြစ်နေမယ်ဆိုတာ သံသယဖြစ်စရာ မလိုပါဘူး။ ဒါဟာ ပတ်ဝန်းကျင်က ရုတ်တရက်ကြည့်ပြီးဖြစ်စေ၊ သေချာမသိလို့ဖြစ်စေ ဝေဖန်ကြတဲ့ ပြောဆိုနေကြတဲ့ စောင်းမြောင်းနေကြတဲ့ စကားသံတွေပါပဲ။ ဟုတ်ကဲ့ သူတို့တွေ အဲဒီလိုသာ ပြောနေကြတာပါ အဲဒီ့နေရာရဲ့ တကယ့်အစစ်အမှန် အရသာ၊ အစစ်အမှန် အတွေ့အကြုံတွေကို မကြုံဖူးကြသေးလို့ပါ။ အဲဒီ့နေရာတွေကို မရောက်သေးလို့ပါ။ တကယ်တမ်း အဲဒီ့နေရာတွေကို ရောက်သွားတဲ့ လူတစ်ယောက်၊ အဲဒီ့တာဝန်တွေကို ယူရတဲ့လူတစ်ယောက် ဖြစ်ခဲ့ရင် ဒီစကားမျိုး ဘယ်တော့မှ ထွက်လာမှာ မဟုတ်ဘူးဆိုတာ ကျွန်တော် ကျိန်းသေပြောရဲပါတယ်။ အဲဒီ့လူ အားလုံးစီကနေ တညီတညာထဲ ထွက်လာမယ့် အသံက တစ်ခွန်းထဲပါ “ ထိုင်ကြည့်စမ်းပါ ဒီနေရက ခုံပူကြီးရယ် ” အဲဒီ့စကားပဲ ပြောဖြစ်မှာပါ။ ဗေဒင်မေးရင် ဆန်ကုန်တယ်။

“ အပင်မြင့်ရင် လေပိုတိုက်ခံရတယ် ” အဲဒီ့စကားကို ကျွန်တော် တော်တော်နှစ်သက်ပါတယ်။ တကယ်လည်း မှန်တဲ့စကားပါ။ ရာထူးကြီးလာလေလေ တိုက်ခိုက်ခံရတာ များလာလေလေပါပဲ။ လူတွေ အမြင်မှာ အဲဒီ့လူတွေဟာ ဘာမှမသိတဲ့ သူတွေလို၊ ကိုယ်ချင်းစာတရား မရှိတဲ့လူတွေလို၊ သက်တောင့်သက်သာ နေချင်တဲ့ သူတွေလို ထင်မြင်နေကြတာပါ။ တကယ်တော့သူတို့ တာဝန်တွေဟာ သူများတွေထင်တာထက် ပိုပြီးကြီးပါတယ်။ CEO တစ်ယောက်၊ ပိုင်ရှင်တစ်ယောက်ဟာ သူကျင်လည်နေရတဲ့ Organization တစ်ခုလုံးရဲ့ ဝင်ရိုးပါ။ သူဟာ အဓိက အကျဆုံး အပိုင်းကနေ လှုပ်ရှားနေတာပါ။ သူထလုပ်မှ အလုပ်လုပ်တာ မဟုတ်ပါဘူး။ ထိုင်နေရင်းကလဲ သူအလုပ်လုပ်နေတာပါပဲ။ သူတို့မှာ သူများတွေထက်ပိုပြီး pressure များပါတယ်။ သူတို့ဟာ ကျန်တဲ့သူတွေထက် ပိုပြီး reponsibility ပိုများပါတယ်။ သူတို့တွေဟာ စကားတစ်ခွန်း၊ ဆုံးဖြတ်ချက်တစ်ခု အဲဒါတွေကို လွယ်လွယ်ကူကူ ပြောလို့၊ ဆုံးဖြတ်လို့ မရပါဘူး။ ဒါကိုသူတို့အောက်က ဝန်ထမ်းတွေ သူတို့ပတ်ဝန်းကျင်ကလူတွေ သတိထားမိချင်မှ ထားမိပါမယ်။ သိချင်မှလည်း သိပါလိမ့်မယ်။ သတိမထားမိတာ၊ မသိကြတာများပါတယ်။ ဒါကြောင့်လဲ ခုနကလို စကားသံတွေ ထွက်လာတာပေါ့။

ကိုယ့်ထက်သာရင် မနာလိုတာ လူ့သဘာဝပါ။ ဝန်ထမ်းတော်တော်များများဟာ ကိုယ့်အထက်ကလူဆိုရင် မုန်းတတ်ကြပါတယ်။ CEO အဆင့် ပိုရှင်အဆင့်ဆိုရင်တော့ ဆိုဖွယ်ရာမရှိပေါ့။ အဲဒီ့လူတွေဆိုရင် ရွံကြောက်ကြီး ဖြစ်ကြတာများပါတယ်။ ကိုယ့်ထက်ရာထူးကြီးတော့ ကြောက်တယ်။ ကိုယ့်ကိုခိုင်းတော့ မုန်းတယ်ရွံတယ်။ သူတို့မတွေးတဲံ အချက်တစ်ချက်ကိုတော့ ပြောပြချင်ပါတယ်။ အဲဒီ့လူတွေက သူတို့ကို ဦးဆောင်နေပြီ ဆိုကထဲ အဲဒီ့လူတွေမှာ သူတို့ထက်သာတဲ့ အချက်တွေရှိတယ်ဆိုတာကို မတွေးတော့ပါဘူး။ အဲဒီ့လူတွေဆီကနေ ကိုယ့်မှာလိုအပ်နေတဲ့ ပညာတွေ၊ ကိုယ့်ထက်သာနေတဲ့ အချက်တွေကို ဓမ္မဓိဌာန်ကျကျ သင်ယူဖို့၊ လေ့လာဖို့ မစဉ်စားတော့ပဲ ကွယ်ရာမှာ အပြစ်တွေပြော၊ ဘယ်လိုပြန်ပြီး အကြောင်းပြရမလဲ ဒါပဲအချိန်ပြည့်စဉ်းစားနေကြလို့ သူတို့လိုနေရာမျိုးမရောက်ပဲ သူတို့ကို အတင်းပြောနေရတဲ့ ဘဝမှာပဲ ရပ်တန့်နေကြရတာပါ။ ဒါလေးကို သေချာ သတိပြုမိစေချင်ပါတယ်။ တကယ်လို့ ခင်ဗျားဟာ ခင်ဗျား အထက်ကလူကို နေ့စဉ် ဒါမှမဟုတ် အလုပ်တစ်ခုပေးတိုင်း ကျိန်ဆဲမိနေပြီဆိုရင်တော့ အပြန်ဆုံးရပ်ပြီး ကျွန်တော်ပြောတာကို တစ်ချက်ပြန်စဉ်းစားကြည့်ပါ။ အဖြေတစ်ခုတော့ ရပါလိမ့်မယ်။ အဲဒီ့အဖြေကို သေချာသုံးသပ်နိုင်ရင် ခင်ဗျားမှာ တက်နေတဲ့ ပြဿနာတွေ အနည်းနဲ့အများ ဆိုသလို ပြေပျောက်သွားပါလိမ့်မယ်။ မယုံရင်စမ်းကြည့ပါ။ လက်တွေ့အကျိုးရှိပါလိမ့်မယ်။

ခုံပူကြီးပေါ်ကလူတွေဟာ အောက်ကလူတွေရဲ့ တီးတိုးသံတွေ၊ အမူအယာတွေ၊ အပြုအမူတွေကို မသိမရှိပါဘူး။ တနည်းနည်းနဲ့တော့ သိကြတာပါပဲ။ ထုတ်ပြောချင်မှပြောကြမှာပါ။ တခါတလေလဲ စကားကြုံလို့ ပြောသလို ပြောကြပါလိမ့်မယ်။ ဒါမှမဟုတ် တခြားတစ်ခုခုနဲ့ ဥပမာပေးပြီး ပြောကြပါလိမ့်မယ်။ ပြောချင်မှလဲ ပြောလိမ့်မယ်။ သူတို့က ပေါ်တင်ထုတ်ပြောလာတာမျိုးလဲ ရှိပါလိမ့်မယ်။ အဲဒါတွေကတော့ သူတို့တွေအခြေအနေနဲ့ ကိုင်တွယ်ပုံတွေမှာ စဉ်းစားပြီး ပြုမူဆောင်ရွက်ကြတာပါ။ တစ်ဦးနဲ့တစ်ဦးတော့ မတူနိုင်ပါဘူး။ ဒါပေမယ့် သိတာတွေကတော့ တူကြပါတယ်။ ကိုယ်က သူမသိဘူးထင်လို့ ပြောတာဖြစ်စေ၊ လုပ်တာဖြစ်စေ လုပ်ပြီးလို့ အဲဒီ့လူကို ခုံပူကြီးပေါ်ကလူတွေက ခေါ်ပြောလိုက်ရင် အံ့သြသွားကြတာများပါတယ်။ မအံ့သြပါနဲ့ သူတို့တို့တွေ အဲဒီ့လို သိနိုင်ကြားနိုင်လုပ်နိုင်လို့လဲ အဲဒီ့နေရာတွေမှာ မြဲနေကြတာပါ။ မျက်စိတစ်သိန်း၊ နားတစ်သိန်းရှိကြပါတယ်။ မပြောရင်သာ ရှိမယ် သိပြီး ကြားပြီးသားပါ။

ရာထူးကြီးလာလေလေ ခုံပေါ်က မထရလေလေ။ ခုံကပိုပြီး ပူလာလေလေပါပဲ။ သူတို့ဟာ သင်္ဘောကပ္ပတိန်တွေနဲ့ ပိုပြီးတူပါတယ်။ သင်္ဘောစထွက်ရင် ထိပ်ဆုံးကတက်ရသလို၊ သင်္ဘောဆိုက်ရင် (သို့) သင်္ဘောပျက်ရင် နောက်ဆုံးမှ ဆင်းရသူတွေပါပ။ အောက်ခြေက တက်လာသမျှပြဿနာတွေ အားလုါံ်ဟာ ကြီးကျယ်လာတာနဲ့ အမျှ ခုံပူကြီးပေါ်ကလူက ပိုပြီး ပင်ပန်းသလို သူကပဲ အဖြေထုတ်ပေး၊ တာဝန်ယူပေးရတာပါ။ သူဝင်ပါရမယ့် အချိန်၊ သူဖြေရှင်းပေးရမယ့် အချိန်ကို ခုံပူကြီးပေါ်ကလူက အမြဲတမ်းစောင့်ကြည့်နေတာပါ။ ဒါကို တချို့က ဘာမှ မလုပ်သေးဘူး၊ မလုပ်တတ်ဘူးလို့ ထင်မြင်ယူဆကြတာကတော့ အံ့သြစရာပါပဲ။ ခုံပူကြီးပေါ်ကလူဟာ သူဝင်ပါရမယ့် အချိန်၊ သူကိုင်တွယ်ရမယ့် ချိန်ကို အမြဲတမ်းသိပါတယ်။ ခုံပူကြီးပေါ်ကလူဟာ သူဝင်ပါရပြီဆိုကထဲက အဖြေထုတ်ပေးရပါပြီ။ အဲဒီ့အတွက် သူ့မှာ တာဝန်တွေ၊ ဆုံးဖြတ်ချက်တွေ၊ ကတိတွေ ပါပြီးသားပါ။ သူလွယ်လွယ်ကူကူ ဝင်မပါတတ်ပါဘူး။

ခုံပူကြီးပေါ်ကလူတွေ အကြောင်းကို သေချာမသိ၊ အဲဒီ့လိုနေရာကိုသာ လိုချင်နေဲ့လူတွေကို မြင်တိုင်း ရီ(ရယ်)ချင်ပါတယ်။ အဲဒီ့လူခိုင်းတာကိုတောင် မလုပ်နိုင်သေးပဲနဲ့ သူ့နေရာ၊ သူ့အလုပ်တွေ တာဝန်တွေကို ယူချင်တယ် ဆိုရင်တော့ လှေကားထစ်ကို ပထမထစ်ကနေ စပြီးမတက်ပဲ ထိပ်ဆုံးတန်းရောက်ချင်တဲ့ သူလိုဖြစ်နေပါလိမ့်မယ်။ “ စိုင်ကော်လို့ ခြုံပေါ်ရောက်တဲ့ လူ” တွေအတွက်တော့ မပြောတတ်ဘူးပေါ့လေ။ ဒါပေမယ့် အဲဒါကလဲ သေချာစဉ်းစားကြည့်ပါအုံး။ စိုင်ကော်လိုက်လို့ အမြင့်ပေါ်ရောက်သွားတယ်ပေါ့လေ။ ဒါပေမယ့် ရောက်တဲ့ အမြင့်ကလဲ ခြုံ။ ခြုံဆိုမှတော့ ဘယ်မှာလာပြီး အောက်ခြေခိုင်ပါ့မလဲ။ အင်း အဲဒီလိုလူတွေ ခြုံပေါ်က ပြုတ်ကျရင် “ဘုန်း” ကနဲ အသံကြီးကြားရပြီး အကျနာတတ်ပါတယ်။ သတိထား စေချင်ပါတယ်။ ကျွန်တော်ပြောနေကျ စကားတစ်ခွန်းရှိပါတယ် “ ထိုင်ကြည့်လေ၊ ဒါပေမဲ့ ခုံကတော့ပူတယ် ” လို့။ ကျွန်တော့်လိုပဲ ခုံပူကြီးပေါ်က လူတွေလဲ ပြောကြမယ်လို့ထင်ပါတယ်။ နောက်မှပဲဆက်ပြီး အဲဒီ့အတွေ့အကြုံတွေကို ဆက်ရေးပါ့မယ့်။ အခုတော့ ဒီလောက်ပဲပေါ့။ တော်သေးပြီ။

Read More...

Wednesday, July 23, 2008

အော် . . . မွေးနေ့တွေလား :D


လူတစ်ယောက်က တစ်ခုခုကို လုံးဝမှတ်လို့ မရဘူးဆိုတာ ခင်ဗျားတို့ ကြုံဖူးမှာပါနော့။ တချို့က တယ်လီဖုန်းနံပါတ်၊ တချို့က လမ်း၊ တချို့က လူနာမည် အဲလိုပေါ့ဗျာ အမျိုးမျိုးပါပဲ။ ကျွန်တော်ကတော့ အတော်မေ့တတ်တယ် မှတ်လို့ကိုမတတ်တာ များလွန်းတယ်။ လမ်းတွေဆိုရင် တော်တော်မှတ်ယူရတယ် ဒါပေမယ့် နောက်ပိုင်းတော့ မှတ်မိသွားပါတယ်။ ကိုယ်တိုင် အဲဒီ့လမ်းကို ၂ ခါလောက် ကားမောင်းပြီး သွားလိုက်ရင်တော့ မှတ်မိသွားပါတယ်။ အဲ တကယ်မှတ်လို့ မတတ်တာကတော့ မွေးနေ့ပါပဲဗျာ။ ဘယ်လောက်မေ့လဲဆိုရင်တော့ ကိုယ့်မွေးနေ့ပါကိုယ် တခါတခါ မေ့နေတတ်တယ်။

အဖေ့မွေးနေ့ ခုထိမမှတ်မိဘူး။ အမေ့မွေးနေ့ ရေးတေးတေးပဲ။ ကျန်တဲ့လူကတော့ ဆောရီး။ ဟီး ဟီး ဟီး။ ပြဿနာက အဲဒီ့မှာစတာပါပဲ။ ကျွန်တော်တစ်ယောက်ကို ကတိပေးခဲ့မိတယ် အင်း ကြာပါပြီ။ ခုသတိရလို့ ပြန်ရေးတာ။ အဲဒီ့တုန်းကပေါ့ ကျွန်တော် သူ့မွေးနေ့ကို အလေးအနက်ထားပြီး မှတ်ပါတယ်။ ပြီးတော့ ပြောလိုက်ပါတယ် ကိုသေချာ မှတ်ထားတယ် အဲဒီ့နေ့မှာ တစ်ခုခုထူးခြားစေချင်တယ်ပေါ့။ ပြီးတော့ ဘာညာသာရကာ နေကြာကွာစေ့ပေါ့။ တကယ်ပါ တကယ်လုပ်ပေးချင်တာတွေ ထိုင်ပြောနေတာ သူ့ခမျာ မျက်လုံးလေး အဝိုင်းသားနဲ့ ထိုင်နားထောင်နေပြီးတော့ ပျော်စရာကောင်းမယ်နော်လို့ မပြောပေမယ့် ပြောနေပုံပါပဲ။ သူ့မွေးနေ့မှာ တခါမှ ထူးထူးခြားခြား မလုပ်ဖူးဘူးတဲ့။ ကျွန်တော် လုပ်ပေးချင်စိတ်ပေါက်သွားတယ်။ ကျွန်တော့်မွေးနေ့မှာဆိုရင် ကျွန်တော်က သတိမရပေမယ့် သူငယ်ချင်းတွေက သတိရတတ်တယ် ပြီးရင် ဖုန်းဆက်ပြီး လှမ်းနှုတ်ဆက်တတ်တယ်။ ဒါပေမယ့် အဲဒါက ညဘက်မှ အဲဒီ့အချိန်မှ ဆက်ကြတာက ဘီယာဆိုင်ကို ချီတက်ဖို့ ကျွန်တော့်ကို တိုက်ခိုင်းကြတာလေ။ ပိုက်ဆံမရှိဘူးဆိုရင်တောင် သူတို့စိုက်ပြီး လုပ်တယ် ကျွန်တော့်မွေးနေ့ကို။ အဟက်ဟက်ဟက်။

ကျွန်တော်သူမမွေးနေ့ကို တစ်ခုခုထူးထူးခြားခြားလေး လုပ်ပေးမယ်ဆိုပြီး အားခဲထားပါတယ်။ တကယ်လဲ လုပ်ပေးချင်တာကိုး မွေးနေ့က ဝေးနေသေးတော့ ကဲ နီးမှပဲ ပြန်စဉ်းစားတော့မယ်ပေါ့။ ဒီလိုပဲ လွှတ်ထားလိုက်တယ်။ မေ့မှာဆိုးလို့ reminder တွေမှာသေချာ setting လုပ်ထားလိုက်တယ်။ ဒီတစ်ခါတော့ မလွဲတော့ဘူးပေါ့လေ။ ဒီလိုနဲ့ ကျွန်တော်လဲ ဟိုသွားဒီသွားနဲ့ သူ့ကို ပစ်ထားသလို ဖြစ်သွားသေးတယ် နောက်မှ အားတော့မှ ဖုန်းပြန်ဆက်တော့ ဘာမှတော့ မပြောဘူး အရင်လိုပဲ စကားတွေပြောနေကြသေးတယ်။ ကျွန်တော်လဲ အေးအေးပဲပေါ့။ အဲ တစ်ရက်တော့ ဖုန်းဆက်နေရင်းနဲ့ ကျွန်တော်ကသူ့ကို မုန့်ဝယ်ကျွေးလို့ နောက်လိုက်မိတယ်။ သူပြန်ပြောတယ် မုန့်ဝယ်ကျွေးရမယ့်ရက် ကျော်သွားပြီတဲ့။ ကျွန်တော် ရုတ်တရက် နားမလည်လိုက်ဖူး။ ဘာလဲပေါ့ ဘာကိုကျော်တာတုန်းဆိုတော့ ဘာမှ မပြောတော့ပဲ ဖုန်းချသွားတယ်။

ကျွန်တော်နဲနဲတော့ ကျွဲမြီးတိုသွားတယ် စကားပြောနေရင်းက ဖုန်းကိုအဲလို ချပစ်ရင် ကျွန်တော် စိတ်တော်တော်ဆိုးတယ်။ ဒါနဲ့ ပစ်ထားလိုက်တယ်။ နောက်ရက်မှ ဖုန်းပြန်ခေါ်တော့ ပြောနေရင်း တနေ့က အကြောင်းကိုရောက်တော့ ဘာလဲ ထပ်မေးမိတယ်။ လူဆိုတာ ကိုယ်ပြောတာကိုယ်မေ့ထားတတ်တာမျိုးလားတဲ့ သူမေးတာနော် ကျွန်တော့်ကို ပြီးတော့ပြောတယ် ပုံပြောကောင်းတယ်ဆိုတာ ခုမှ ယုံတယ်တဲ့။ အဲဒီ့အထိလဲ ကျွန်တော် စဉ်းစားလို့ကို မရတာ။ နောက်မှ သတိရပြီး reminder တွေလိုက်ဖွင့်ရတယ်။ ဟုတ်ပါရဲ့ သူမမွေးနေ့ လွန်သွားတာ ၁၁ ရက်တောင် ကျော်သွားပြီ။ ပြတ်ကရောပေါ့ မောင်ဇီးရိုးရယ် ဟုတ်ဘူးလား သေစမ်းဟဲ့ပေါ့။ ကျွန်တော်က မမေ့အောင် reminder ထဲမှတ်ထားတယ် ပြီးတော့မှ reminder ကို ပိတ်ထားလိုက်တယ် ကဲ ဒီလောက်မိုက်တဲ့ကောင် ရှိပါအုံးမလား။ ကျွန်တော့်မှာ နည်းမျိုးစုံနဲ့ ပြန်တောင်းပန်ရတယ်။ နောက်နှစ် မဖြစ်စေရပါဘူးပေါ့။ ဟဲ ဟဲ ဟဲ လုံးဝကိုတောင်းပန်ပစ်လိုက်တာ။ အင်း ထင်သလားနောက်နှစ်ကျတော့ မဖြစ်ဘူးလို့ :D

Read More...

Thursday, July 17, 2008

Phobia ! ! ! ! !


Phobia တဲ့ ကျွန်တော့်ကို တစ်ယောက်က မေးတယ်။ ကျွန်တော် ပြန်စဉ်းစားတယ် ကျွန်တော့်မှာ ကြောက်တတ်တဲ့ ရောဂါရှိသလားပေါ့။ phobia က သတ္တဝါတမျိုးမျိုးကို ကြောက်တတ်တာမျိုး မဟုတ်ဘူးလေ။ အဲဒီ့တော့ ကျွန်တော် စဉ်းစားတယ် ပထမတော့ မရှိဘူးလို့ ထင်တယ်။ ပြန်မဖြေသေးပဲနဲ့ ခနလေး စဉ်းစားမယ်လို့ ပြောလိုက်တယ်။ ကိုယ့်ဘာသာကိုယ် အပြန်ပြန်အလှန်လှန် သုံးသပ်ကြည့်ရတာပေါ့ဗျာ။ ငါ ဘာကို တွေးပြီးကြောက်တတ်သလဲဆိုတာမျိုးပေါ့။ အင်း နောက်ဆုံးတော့ ထွက်လာတယ် အဖြေက။ ဟုတ်ပါ့ ကြောက်တတ်သမှ သိပ်ကိုကြောက်တတ်တာပါလား။ အဆိုးဝါးဆုံး ကိစ္စက ဘဝမှာ အဲဒါဖြစ်နေတာကိုး။

သာမန်အားဖြင့် တွေးရင် ကျွန်တော်က ဘာမှ ကြောက်တတ်တဲ့ ကောင်မဟုတ်ဘူး။ လုပ်ချင်ရာ စွတ်လုပ်တာ။ ဘယ်သူ့မှလဲ ဂရုမစိုက်တတ်ဘူး။ ဒါပေမယ့် တကယ်ပြန်သုံးသပ်ကြည့်တော့ အဲဒါမှားနေတယ်။ ကျွန်တော် သိပ်ကြောက်တတ်တယ်။ အထူးသဖြင့် ပတ်ဝန်းကျင်ကို ကြောက်တတ်တယ်။ အသိုင်းအဝိုင်းကို ကြောက်တတ်တယ်။ ကျွန်တော်လိုကောင်က ဒီစကားပြောတော့အံ့သြမယ်။ ဟုတ်တယ် ကျွန်တော် တကယ်ကြောက်တတ်တယ်။ (အသဲလည်းငယ်တယ် ဤကား စကားချပ် :D)။ ဆိုကြပါစို့ရဲ့ ကျွန်တော် လူတွေကြားမှာနေပြီး ငါ လူတွေကို ဂရုမစိုက်ဘူးလို့ ပြောကထဲက သေချာတယ် ဂရုစိုက်နေမိတာ။ ပြီးတော့ ငါမှန်တယ်ထင်ရင် ဘယ်သူ့မှ မကြောက်ဘူးကွလို့ ပြောတော့ မှန်အောင်ကို လိုက်လုပ်နေရတာလေ မှားမှာ ကြောက်တာကိုး ဟုတ်ဘူးလား။

နောက်တစ်ခု ကျွန်တော် အားနေမှာ သိပ်ကြောက်တယ်။ ကျွန်တော်အားနေရင် ထိုင်စဉ်းစားနေရင် တစ်ခုမဟုတ်တစ်ခု တွေးမိပြီး ကြောက်နေတတ်တယ်။ အလုပ်လုပ်လို့ တွေးနေတာမျိုးကို ပြောတာမဟုတ်ဘူး။ ပြီးတော့ loneliness အရမ်းကြောက်တယ်။ တစ်ယောက်ထဲ နေရမှာ သိပ်ကြောက်တယ်။ ဒါပေမယ့် တစ်ဘက်ကပြန်တွေးတော့လဲ အဲဒီလို တစ်ယောက်ထဲနေနေရတာကို ကြောက်ပေမယ့် အဲဒီ့အချိန်မျိုးရောက်အောင် ကြိုးစားနေတယ်။ ခက်ကုန်ပြီ။ ကြောက်တယ်လဲ ပြောသေး ဒါဆို ဘာလို့ အဲလိုနေရတာလဲ ဆိုတာ မေးစရာ ဖြစ်လာပြန်ရော။ အဲဒီမှာ နောက်တစ်ခုထပ်တိုးလာတယ်။ လူတွေကို ကျွန်တော် မယုံဘူး။ ကျွန်တော်က မယုံသလို လူတွေကလဲ ကျွန်တော့်ကို မယုံဘူးပေါ့ မဟုတ်ဘူးလား။ မှန်လိုပဲလေ လောကကြီးက ဟုတ်တယ်ဟုတ်။ ဥပမာဗျာ ကျွန်တော် အချိန်ပြည့် နီးပါး ရုံးမှာနေတယ်။ ရုံးပိတ်လဲ နေတယ်။ ဘာလို့ အိမ်မှာမနေတုန်း အိမ်ကလူတွေနဲ့ နေရတာ ကိုယ့်ကိုယ်ကို ကျဉ်းကျပ်တယ် ခံစားရတယ်။ သူတို့တွေရဲ့ သံသယတွေကို မုန်းတယ်ဗျာ။ အလိုမကျတာတွေ များလာတယ်ဗျာ။ အဲဒီ့တော့ ရုံးမှာ တစ်ယောက်ထဲ အေးအေးဆေးဆေး သွားနေတယ်။ အဲ ရုံးရောက်ပြန်တော့လည်း တစ်ယောက်ထဲ ဖြစ်နေပြီး ဟိုတွေးဒီတွေးနဲ့ ကြောက်လာပြန်ရော။ အဲဒီ့တော့ လူတွေများတဲ့ နေရာတွေ ဆိုလိုတာက အပေါင်းအသင်းတွေ ရှိတဲ့နေရာတွေ သွားတယ်။ အဲဒီလိုကျတော့ ပြောသလားလို့ မေးစရာရှိတယ်။ သူငယ်ချင်းတွေလဲ သူတို့ ကိစ္စတွေနဲ့ သူတို့ဆိုတော့ ကျွန်တော့်ကို ဂရုမစိုက်အားဘူး။ အမြဲတမ်းလဲ သူများအိမ်သွားနေတာ မကောင်းဘူးလေ။ အဲဒီ့တော့ ရုံးပြန်လာ တစ်ယောက်ထဲ ပြန်ဖြစ် ပြန်ပြီး ဟိုတွေးဒီတွေးလုပ် ပြန်ပြီးကြောက်နေပြန်ရော။ မခက်ဘူးလားဗျာ။

ကျွန်တော့် ပတ်ဝန်းကျင်မှာ ရှိတဲ့သူတွေက ကျွန်တော့်ကို နားလည်မှုမရှိဘူးလို့ တဖြေးဖြေးမြင်လာပြီးတော့ ကျွန်တော် အားလုံးနဲ့ ပိုပိုဝေးသွားတယ်။ သူတို့နဲ့ဝေးလေ ကျွန်တော် လုပ်ချင်တာတွေ လျှောက်လုပ်လေ သူတို့က ကျွန်တော့်ကို နားလည်မှုပိုနည်းလာလေပေါ့ဗျာ။ ကြက်ဥအစပျောက်သလို လုံးလည်ချာလည်ကို လိုက်နေတာပဲ။ နောက်ပိုင်းကျတော့ အွန်လိုင်းမှာ စာတွေရေး အလုပ်တွေကို ဖိလုပ်နဲ့ ကျွန်တော် ကိုယ့်ဘာသာကိုယ် မအားအောင် လုပ်ထားလိုက်တယ်။ လုံးဝမအားတော့ မစဉ်းစားတော့ဘူး။ အချိန်မရတော့ဘူးလေ ဘာမှကို လုပ်ဖို့ အချိန်မရတော့တာ။ အချိန်မရတော့ ဘာထပ်ဖြစ်လဲဆိုတော့ အာ ဒီကောင် အလုပ်ပဲ လုပ်နေတယ် လူမှုရေး မလုပ်ဘူး ဖြစ်ပြန်ရော ကဲ စဉ်းစားကြည့် ပတ်လိုက်တဲ့တိုင်ဆိုတာ မူးတောင် မူးလာတယ်။ အဟက်ဟက်ဟက်။

ပွင့်ပွင့်လင်းလင်းပြောရရင် ကျွန်တော် လူတွေကိုကြောက်တတ်တယ်။ ကျွန်တော့်ကို ပစ်ထားမှာကို ကြောက်တယ်။ တစ်ယောက်ထဲ ဖြစ်နေရမှာကို မလိုလားဘူး။ ဒါပေမယ့် အဲဒါတွေကို မသိစိတ်က တမ်းတနေပြန်တယ်။ ကျွန်တော် ရူးနေပြီထင်ပါရဲ့။ အင်းလေ လူတိုင်းက တစ်ယောက်တစ်မျိုးတော့ ရူးကြတာပဲကိုး။ ကျွန်တော်က ကျွန်တော့်ကို ဂရုစိုက်ရင် အရမ်းကြိုက်တယ် လူတွေကိုလည်း ကျွန်တော် တတ်နိုင်သလောက် ဂရုစိုက်တယ်။ ဒါမဲ့ ကျွန်တော် ဂရုစိုက်ရင် သူတို့တွေက အပိုလုပ်တယ်ထင်ကြတယ်။ အပိုလုပ်တယ်ထင်တော့ ပေါက်ကရပြောလာရော အဲဒီ့တော့ သူတို့ကို ရှောင်မိပြန်ရော တစ်ယောက်ထဲ ပြန်ဖြစ်သွားပြန်ရောပေါ့ဗျာ။ ခုထိ ကျွန်တော့်ကို ၁၀၀% နားလည်ပေးနိုင်တဲ့သူ မတွေ့ဖူးသေးဘူး။ အင်း တစ်ယောက်တော့ ရှိခဲ့ဖူးတယ် ခုတော့ ဆုံးသွားပြီ။ ကျွန်တော့် အဖွားလေ။ ကျွန်တော့်အဖွားလောက် လောကမှာ ကျွန်တော့်ကို နားလည်မှုပေးနိုင်တဲ့သူ မရှိဘူး။ အဖေနဲ့ အမေတောင် ကျွန်တော့်ကို လုံးဝနားမလည်ဘူး။ မင်းဘာလုပ်နေတာလဲလို့ အကြိမ်ကြိမ်ဖွင့်မေးရတယ်။

အဖွားဆုံးသွားပြီးကထဲက ကျွန်တော့်ကြောက်တတ်တဲ့ရောဂါ ပိုဆိုးလာတယ် ထင်ပါရဲ့ဗျာ။ အဖွားဆုံးသွားတာ ခုဆို ၅ နှစ်ကျော်ပြီ။ ကျွန်တော့် စိတ်တွေ ကယောက်ကယက်ဖြစ်နေတာလဲ အဲဒီ့လောက်ဖြစ်နေပြီပေါ့။ ဒါကို ကုသလို့ရမယ့် နည်းလေးများမရှိဘူးလား ပြန်စဉ်းစားမိတယ်။ တရားထိုင်တယ် တရားမှတ်တယ်။ အင်း ပိုပြီး လူတွေနဲ့ သံယောဇဉ်ကင်းလာတယ်။ ဘုန်းကြီး ကပ္ပိယ ဖြစ်လာတော့ အင်း ထင်ပါတယ် မကြာခင်ဘုန်းကြီးများ ဝတ်ဖြစ်တော့မလားပဲ အဟက်ဟက်ဟက်။

Read More...

Monday, June 30, 2008

ကပ္ပိယတစ်ယောက်ရဲ့ ကျောက်ထွင်းရာဇဝင် (၂)


ဘုန်းကြီးနောက်လိုက်ရတာ ကောင်းတော့ကောင်းပါရဲ့ အဆင်မပြေတာတွေလဲ ရှိပါရဲ့ ခံစားချက်ကတော့ မျိုးစုံပါပဲ။ ကျွန်တော် ဆရာတော်နောက်လိုက်တာ ကုသိုလ်တော့ အတော်ရတယ်ဗျ။ ဗမာပြည်က ထင်ရှားပေ့ဆိုတဲ့ ဆရာတော်ကြီးတွေကိုလည်း အေးအေးဆေးဆေး ထိပ်တိုက်ဖူးရတယ်။ လူအများကြီးနဲ့ မဟုတ်တော့ သိပ်အေးချမ်းတာပဲ။ ပြီးတော့ ဆရာတော်ကြီးတွေရဲ့ သြဝါဒတွေကိုလည်း နားထောင်ရတယ်။ အဲလို အချိန်ဆိုရင်တော့ ကိုစိုးထက်ကို စိတ်ထဲကနေ ခနခန ကျေးဇူးတင်ကြောင်း ပြောမိတယ်။ ဟုတ်တယ်လေ ဆရာတော်ကြီးတွေကို အဲဒီ့လို ဖူးတွေ့ခွင့်ရဖို့ သိပ်မှ မလွယ်တာ။ နာမည်ကြီးလေ ပိုဆိုးလေပဲ။ သူတို့မှာ အချိန်နည်းပါးကြတာကိုး။ အလုပ်ကလည်း အလွန်များကြတော့ ဝင်တွေ့ဖို့ရာ ခက်တာပေါ့။ ခုတော့ ဆရာတော်နောက် ကပ္ပိယအနေနဲ့လိုက်ရတော့ တွေ့ရတာ ဖူးရတာ အဆင်ကိုပြေလို့ ဆရာတော်ကလည်း မောင်ရင် ဟိုဟာလေးကပ် ဒီဟာလေးကပ်ဆိုပြီး ကပ်ခိုင်းတော့ အလိုလိုနေရင်းကို ပိုပြီးကုသိုလ်တွေရတာပေါ့လေ။

ဘုန်းကြီးနဲ့ ခရီးရော သွားဖူးကြသလား။ ဝိနည်းနဲ့ အညီနေတဲ့ ဘုန်းကြီးနဲ့ ခရီးသွားရတာ လွယ်တဲ့ ကိစ္စမဟုတ်ဘူး။ စပယ်ရှယ်တိုင်ပတ်တယ်။ အသက်ရှူပါကျပ်တယ် တခါတခါ တကယ်ပြောတာ။ ဒီတစ်ခေါက် (ဒုတိယအကြိမ်မြောက်) ပြန်ကြွလာတော့ ဆရာတော်နဲ့ ခရီးတွေ တော်တော်များများလိုက်ဖြစ်တယ်။ ကျွန်တော် မပါတဲ့ ခရီးကို မရှိဘူး။ ဘုန်းကြီးကလည်း ကျွန်တော်မပါရင် ဘယ်မှ မသွားဘူး ဟုတ်တယ်လေ သူလည်း ကပ္ပိယမပါရင် တိုင်ပတ်တယ်။ သွားတဲ့ ခရီးတွေထဲက တစ်ခုကို ပြောပြမယ်။ နားထောင် . . .

ကယ်ဆယ်ရေးကိစ္စတွေ ပြီးတော့ ကျိုက်ထီးရိုး၊ မော်လမြိုင်၊ မုဒုံ၊ ကျိုက်ခမီ ခရီးစဉ်ကို စီစဉ်ခိုင်းလို့ စီစဉ်ရတယ်။ ဘုန်းကြီးနဲ့ အတူ နိုင်ငံခြားသား ဧည့်သည် ၃ ယောက်လဲပါတယ်။ ကျွန်တော်ရယ်၊ ဘုန်းကြီးအကိုရယ်၊ ကျွန်တော့်ဘော်ဒါ သူကြီးရယ်၊ ဘုန်းကြီးကျောင်းသားတစ်ယောက်ရယ်၊ နိုင်ငံခြားသား ၃ ယောက်ရယ်၊ ဘုန်းကြီးရယ် အားလုံးပေါင်း ၈ ယောက် ကား ၂ စီးနဲ့ ထွက်လာခဲ့တယ်။ ကံကောင်းချင်တော့ ဘုန်းကြီးရယ် နိုင်ငံခြားသား စုံတွဲရယ်က တည်းတဲ့ ဘုန်းကြီးကျောင်းက ကားနဲ့ သွားတယ် ကျွန်တော်တို့က နောက်ကနေပြီး ကိုယ့်ကားနဲ့ကိုယ် လိုက်တယ်။ ၄ ယောက် ၄ ယောက်စီ အေးဆေးပေါ့။ ကားပေါ်မှာ နိုင်ငံခြားသား တစ်ယောက်ပါတယ်။ အဲဒီ့ကောင်က ကုလား။ ကျွန်တော်တို့နဲ့တော့ အတော်ခင်နေပါပြီ။ လူငယ်ပိုင်းဆိုတော့ ပေါက်ကရ ပြောနေကြ။ သို့ပေမယ့် လဒက သက်သက်လွတ်သမား သူ့အတွက်တော့ စီစဉ်ရတာ ပင်ပန်းတယ်။

ခရီးထွက်ကထဲက ကျွန်တော် ပျော်နေတာ ဘာလို့လဲဆိုတော့ ကျွန်တော့်တသက်နဲ့တကိုယ် ကျိုက်ထီးရိုးမရောက်ဖူးလို့လေ။ တကယ်ပြောတာ အသက်ကဖြင့်ကြီးနေပြီ တခါမှ မရောက်ဖူးဘူး။ သွားမယ်လို့ စီစဉ်တိုင်းလဲ ပျက်တယ်။ ခုတော့ ရောက်ရတော့မယ်ဆိုပြီး ပျော်နေတာ။ နေ့ဆွမ်းစားပြီးထွက်လာတာ စိမ်းလဲ့တင်ရောက်တော့ ညနေဖြစ်နေပြီ။ အဲဒီ့မှာ စီစဉ်ပေးမယ့် ပုဂ္ဂိုလ်က နောက်ကျနေပြီ မိုးကလည်းသဲနေပြီ နက်ဖန်မှ တောင်ပေါ်တက်ပါဆိုလို့ စိမ်းလဲ့တင်မှာပဲ တစ်ညအိပ်ဖို့ ပြင်ရတော့တယ်။ ဒါနဲ့ အိပ်ခန်း ၄ ခန်းယူလိုက်တယ်။ ကျွန်တော်နဲ့ သူကြီးက တစ်ခန်း၊ ဆရာတော်နဲ့ ကုလားက တစ်ခန်း၊ တရုတ်လင်မယားက တစ်ခန်း၊ ဆရာတော် အကိုနဲ့ ကျောင်းသားက တစ်ခန်း။ အားလုံးကို အိုကေလို့။ ကျွန်တော်လည်း စိမ်းလဲ့တင်ဆိုတော့ အေးဆေး အနားယူလိုက်တယ်။ မနက်ကျတော့ တိုင်က နဲနဲပတ်ချင်နေပြီ။ ဘုန်းကြီးက နိုးနေပြီ။ ကျွန်တော်တို့က မနိုးသေးဘူး။ အိပ်ကောင်းတုန်း။ ဒါနဲ့ ၆ နာရီလောက်မှာ ဇွတ်ထပြီး ဘုန်းကြီးဘာလိုလဲ ထွက်မေးတယ်။ ဘုန်းကြီးက ဘာမှ ပြန်မပြောတော့ ခပ်တည်တည်နဲ့ အခန်းပြန်ဝင်ပြီး အိပ်နေလိုက်တာ ၇ နာရီလောက်ရောက်တော့ လာနှိုးကြရော။

မထလို့လဲ မရတော့ဘူး အားလုံးက အဆင်သင့်ဖြစ်နေပြီ။ ကိုယ်တွေ နှစ်ယောက်ပဲကျန်တော့တာ ဒါနဲ့ထပြီး ဝါးတီးဆွဲ ပြီးတော့ တောင်ပေါ်တက်ဖို့လုပ်ရတာပေါ့။ ၈ နာရီလောက်မှာ တောင်ပေါ်ကို ကားနဲ့တက်တယ် သိပ်မကြာဘူး တောင်ပေါ်ရောက်သွားတယ်။ တစ်လမ်းလုံးလဲ အဆင်ပြေတယ်။ ကျွန်တော့်အတွက်ကတော့ အတွေ့အကြုံအသစ်ဆိုတော့ ပျော်နေမိတယ်။ တောင်ပေါ်ရောက်တော့ ဘုရားဝတ်ပြုကြတယ်။ တခါမှ မရောက်ဖူးတော့ ကျိုက်ထီးရိုးရဲ့ အလှအပက ကျွန်တော့်ကို ဖမ်းစားသွားတယ်။ ဓါတ်ပုံလိုက်ရိုက်တာကတော့ လျှပ်စီးလက်သလား မှတ်ရတယ်။ တိမ်တွေကြားထဲ ရောက်နေတော့ ကိုယ့်ဘာသာ အရှင်လတ်လတ် နတ်ပြည်ရောက်နေတယ်လို့တောင် ထင်မိသေးတယ်။ ဘုန်းကြီးက ကျိုက်ထီးရိုးရဲ့ ထူးခြားချက်တွေကို လက်တွေ့ပြပေးတယ်။ နိုင်ငံခြားသားတွေရော ကျွန်တော်ရော ပျော်နေကြတာပေါ့။ ပြီးတော့ ဝါးတီးတိုင်းမ် ရောက်နေပြီ စီစဉ်ပေးတဲ့ ပုဂ္ဂိုလ်က ဒီနေရာတော့ အတော်ဖျင်းတယ်။ ၁၂ နာရီကထိုးတော့မယ် ဘာမှ မစီစဉ်ရသေးဘူး။

နေ့ဆွမ်းကပ်ချိန်က ကျော်တော့မယ် ကျွန်တော်လည်း ဘာလုပ်ရင် ကောင်းမလဲ စဉ်းစားနေတာနဲ့ ခေါင်းပူနေပြီ။ ဟိုလူကိုမေးတော့ လုပ်နေတယ်ခင်ဗျတဲ့။ ဘုန်းကြီးက လှည့်ကြည့်တော့ ကျွန်တော်လည်း ကြံရာမရတာနဲ့ နားနေဆောင်ထဲ ခေါ်သွားပြီး သီတင်းသုံးခိုင်းလိုက်ရတယ်။ ကဲ ၁၂ နာရီကျော်ရင် ကိုယ်တော်တော့ တိုင်ပတ်သွားမယ်။ သိရင်လည်း ဆွမ်းကဘုန်းတော့မှာ မဟုတ်ဘူး။ ကိုယ့်ဘုန်းကြီး ဆွမ်းတနပ်ငတ်မယ့် အရေး မတွေးရဲအောင်ပဲ။ ခရီးတွေက တောက်လျှောက်သွားနေရတာ။ ဒီလို စဉ်းစားနေရင်း ကျောင်းသားနဲ့ တိုင်ပင်လိုက်တယ် နာရီလှည့်လိုက်မယ်ဆိုပြီးတော့ပေါ့ ဒုက္ခရောက်ခြင်းရောက် ကိုယ်တွေရောက်ပေါ့ ဘယ်တတ်နိုင်မတုန်း။ ကပ္ပိယဆိုတာ ဒီလိုပဲ တခါတခါလုပ်ပေးရတတ်တယ်။ နာရီလှည့်တယ်ဆိုတာ သိကြလား။ မသိရင် ပြောပြမယ် ၁၂ နာရီ ထိုးမယ်ဆိုတာ သိပေမယ့် ဘုန်းကြီး မသိအောင် မမြင်အောင် ခိုးပြီး နာရီကို နောက်ပြန်လှည့်ထားတာ ဘုန်းကြီးမေးရင် လှည့်ထားတဲ့ အတိုင်းလျှောက်ရတာ ဒါမှ ကိုယ်တော်က ဘုန်းလို့ရမှာလေ။

နာရီလှည့်ပြီးတော့ နိုင်ငံခြားသားတွေကို သွားခေါ်ပြီး ထုတ်ရသေးတယ်။ အပြင်မှာနေဆိုပြီးတော့ပေါ့။ တော်ကြာ ဒင်းတို့က လျှာသွားရှည်ရင် အကုန်ရှုပ်ကုန်မှာစိုးလို့။ ၁၂ နာရီ ထိုးခါနီးလောက်မှာ ဆွမ်းပွဲအသင့် ဖြစ်သွားတယ်။ ဒါနဲ့ ဘုန်းကြီးကို ဆွမ်းကပ်ပြီး ကိုယ်တွေက အပြင်မှာ ငုတ်တုတ်လေးတွေပေါ့။ ဘုန်းကြီးပြီးတော့မှ လူတွေအလှည့်။ ဒီကြားထဲ နိုင်ငံခြားသားတွေက မေးသေးတယ် ဘယ်တော့ ဝါးတီးလဲတဲ့။ ဖြေရသေးတယ် လာမယ် ကြာမယ် ခနစောင့် မစောင့်နိုင်ရင် ရေသောက် ပါးစပ်ပိတ် အေးအေးနေ။ ဒါပဲလေ ဟုတ်ဘူးလား ကျွန်တော်လည်း ဆာတာပဲ။ သူတို့မှ ဆာတတ်တာမဟုတ်ဘူး။ ဘုန်းကြီးပြီးတော့ ကိုယ်တွေအလှည့် ကိုယ်တွေ ဝါးတုန်းရှိသေးတယ် နောက်ထပ် နိုင်ငံခြားသားနှစ်ယောက် ဧည့်ခန်းထဲ ရောက်နေသံကြားလို့ ဘုန်းကြီးနား ပြေးကြည့်တော့ ဆရာတော်က ဟေ့ကောင်သူတို့ကိုပါ ခေါ်ကျွေးလိုက်တယ်။ ဟိုက် ငတ်ပြီ ဒီမှာက ကိုယ်တာက ကွက်တိနီးပါး။ အဲဒီ့နှစ်ယောက်က ကားပေါ်မှာ ခင်ခဲ့တဲ့ အမေရိကန်နှစ်ယောက်။ မိန်းမတစ်ယောက် ယောက်ျားတစ်ယောက်။ ကဲ မထူးပါဘူးလေဆိုပြီး ခေါ်ကျွေးလိုက်တယ်။

စားတယ်ဗျာ ဒင်းတို့ကလည်း ဘာမှ မရှိတာကို ဖြစ်သလိုစားသွားတယ်။ ကိုယ်တွေလည်း ရှယ်ယာနည်းတော့ သိပ်မတွယ်လိုက်ရဘူး။ ဆိုင်ကို ထပ်မှာနေရင်လည်း ထပ်သွားရမယ့် ခရီးစဉ်နဲ့ ကြာသွားမှာစိုးတော့ ငြိမ်နေလိုက်ရတယ်။ ဒီကောင်တွေကလည်း ကျွန်တော့်ကို ဘာထင်တယ် မသိဘူး။ ဘယ်နိုင်ငံကလဲတဲ့။ ဗမာပဲလို့ပြောတော့ သိပါဘူးတဲ့ နိုင်ငံခြားကပဲမှတ်နေတာတဲ့။ (သွားသမျှခရီး အားလုံးနီးပါးတွင် ကျွန်တော့်ကိုသာ နိုင်ငံခြားသားမှတ်ပြီး ခနခန ပိုက်ဆံ အကောက်ခံရပါကြောင်း ဤကားစကားချပ်) ဒီလိုနဲ့ သူတို့နဲ့ ကျွန်တော် လိပ်စာကဒ်တွေလဲ စကားတွေပြောပြီး ဝါးတီးကိစ္စပြီးသွားတယ် တကယ်တမ်းတော့ ကျွန်တော်တို့တွေ ဗိုက်မဝကြသေးဘူး။ မဝလဲ မရတော့ဘူး တောင်အောက်ကို ဆင်းရမှာ ပြီးရင် မော်လမြိုင်ကို ဆက်ဒိုးရမှာဆိုတော့။ အူနှိပ်ပြီး ပြန်လာခဲ့ရတယ်။

ကဲတောင်အောက်ကို ဆင်းတော့ ရသေ့တောင်မှာ ကားပြောင်းစီးဖို့လုပ်ကြတယ်။ အဲဒီ့မှာလည်း စီစဉ်တဲ့ ပုဂ္ဂိုလ်ဘယ်လိုလုပ်သလဲတော့ မသိဘူး။ ကွိုင်က တက်နေပြန်ရော ကျွန်တော်တို့က ၈ ယောက် နောက်တစ်ဖွဲ့လည်း ၈ ယောက် တောင်အောက်ကို ဆင်းကြမှာ။ ရာသီချိန်မဟုတ်တော့ ကားကပုံမှန် မရှိဘူး။ စင်းလုံးငှားရမှာ။ စင်းလုံးငှားတော့ ဘာဖြစ်သလဲ ငှားပေါ့။ အဲဒါကို အနှီပုဂ္ဂိုလ် ဘယ်သို့လုပ်လိုက်သည်မသိ ကားဂိတ်မှာ နောက်အဖွဲ့နဲ့ ငြိပါလေရောလား။ ဘုန်းကြီးကိုတော့ လက်ဘက်ရည်ဆိုင်မှာ ခနသီတင်းသုံးခိုင်းထားလိုက်တယ်။ ကျန်တဲ့ လူတွေလဲ လက်ဘက်ရည်သောက်ပေါ့ ကျွန်တော့်မှာသာ ဟိုပြေးဒီပြေးလုပ်နေရတာ။ ကြာလာတော့ ဘုန်းကြီးက ခေါ်မေးတယ် ဟေ့ကောင် ဆင်းမယ်လေတဲ့။ တင်ပါ့ တပည့်တော် သွားကြည့်လိုက်မယ်လို့ ပြောပြီး ထွက်ခဲ့ရတယ်။ လူအုပ်ကြီးနားရောက်တော့ ဒေါသထွက်နေတဲ့ ကျွန်တော့်ဘော်ဒါ သူကြီးရယ် စီစဉ်သူ အူကြောင်ကြောင် ဘဲကြီးရယ် မျက်နှာတွေက မသာမယာနဲ့။ ဒါနဲ့ ဘာဖြစ်တာလဲမေးတော့ ဟိုဘက်ကလူတွေကို ညှိတာတဲ့ တစ်ယောက်တစ်ဝက်လို့ ပြောတာ ဒင်းတို့က မပေးဘူးတဲ့။ ကျွန်တော်က ကားခ ဘယ်လောက်တုန်းလို့ မေးတော့ ၆၅၀၀၀ ကျပ်တဲ့။ သူတို့ ဘယ်လောက်ပေးလဲဆိုတော့ ၂၀၀၀၀ ကျပ် ပေးမယ်ပြောတယ်တဲ့။ သက်သက်လူပါးဝတာတဲ့။ ကဲ ထားလိုက် ငါကြည့်ရှင်းမယ်လို့ ပြောပြီး သူတို့ကို နောက်ဆုတ်ခိုင်းလိုက်တယ်။ဟိုဘက်အဖွဲ့က ခေါင်းဆောင်လုပ်တဲ့ လူက တရုတ်တစ်ယောက်။ ကျွန်တော့်ကို တွေ့တော့ ညီးပြတယ် သူတို့ပိုက်ဆံတွေ တော်တော်ကုန်နေလို့ ခင်ဗျားတို့ ပိုခံလိုက်တဲ့။ ပြောပုံက အထက်စီးဆန်တယ် ကျွန်တော် အစကတော့ သီးခံပြီး စိုက်ပေးမလို့ပါ စကားပြောသံ မကြိုက်တာနဲ့ ပုံစံပြောင်းလိုက်တယ်။ ဂိတ်ကလူကို ခေါ်လိုက်တယ်။ ကဲ ကျုပ်တို့ဆင်းမယ် ကားစင်းလုံး ငှားရင်ဘယ်လောက်လဲပြောဆိုတော့ ဂိတ်ကလူက ၆၅၀၀၀ ကျပ်တဲ့။ ဟုတ်ပြီပေးမယ် ဆင်းမယ်လို့ပြောတော့။ ခုနက တရုတ်က ခင်ဗျား အကုန်ပေးမှာလားတဲ့။ ဟုတ်တယ်ပေးမယ်လို့ပြောလိုက်တော့ ကျွန်တော်တို့ကိုရော ခေါ်မှာလားတဲ့။ ခပ်ပြုံးပြုံးပဲပြောလိုက်တယ် မခေါ်ဘူးလို့။ သူအဲဒီ့မှာတင် ရှူးရှူးရှဲရှဲဖြစ်သွားတယ်။ ကျုပ်လဲ ပိုက်ဆံတတ်နိုင်တယ် ပေးမယ်ဆိုပဲ။ ဒါနဲ့ ကျွန်တော်က ခင်ဗျားဘာသာ ငှားစီးလေ ဒါဆိုလဲဆိုတော့။ သူခက်သွားတယ် ခက်မှာပေါ့ ဂိတ်ကို ကျွန်တော်တို့ အရင်ရောက်တာ ကားက တစ်စီးထဲ သူငှားနိုင်ရင်တောင် တောင်အောက်က ကားလာတဲ့ အထိစောင့်ပေတော့။ တရုတ်ငြိမ်သွားတယ် ကျွန်တော် လိုက်ပါရစေတဲ့ တဝက်ခံပါ့မယ်တဲ့။ ကဲဒါဆိုလဲ သွားမယ်လာခဲ့ဆိုပြီး ညှိလိုက်မှ ပြီးတော့တယ်။ ဘုန်းကြီးက ပြီးတော့ မေးတယ် မင်းတို့ဘာတွေ ဖြစ်နေတာတုန်းတဲ့ ဘာမှ မဟုတ်ဘူး ဘုရား တပည့်တော်တို့ သူ့ကို တရားပေးနေတာပြောတော့ ဆရာတော်ပြုံးသွားတယ်။ သူသိပါတယ် ကွိုင်တက်သွားတယ်ဆိုတာ။ ဘာမှတော့ ဆက်မမိန့်ဘူး။ သွားကြစို့လို့ပဲပြောတယ်။

ဒီလိုနဲ့ တောင်အောက်ရောက်တော့ ကဲ မော်လမြိုင်ဆက်မယ်တဲ့။ သေပြီပေါ့ ဗိုက်ကဆာနေတုန်း ဘာမှ ထပ်မစားရတော့ဘူးဆိုတော့ လူတွေက အီလည်လည်နဲ့ တိုင်ပတ်ပြီး လိုက်သွားကြရတယ်။ လမ်းမှာလည်း ကားရပ်ပြီး စားလို့မရဘူး။ ဆရာတော်က ကား၂စီးကို ကပ်ရပ်မောင်းခိုင်းတာ ကျန်ခဲ့ရင် စောင့်ခိုင်းတယ်။ ကျွန်တော့်မှာတော့ အူခေါက်နေပြီ။ တော်သေးတယ် ဒါတောင် ဒီအကြောတွေ သိနေလို့ ပေါင်မုန့်ထုပ်လေးဝယ်ပြီး ဆောင်ထားလို့။ အစာပြေလေး ရေနဲ့ မျှောလိုက်ရသေးတယ်။ ကဲ အခုတော့ ဒီလောက်ပဲပေါ့ဗျာနော် နောက်မှ ထပ်ရေးမယ်။ :D

Read More...

Sunday, June 29, 2008

ကပ္ပိယတစ်ယောက်ရဲ့ ကျောက်ထွင်းရာဇဝင် (၁)

အဲဒီ့ကိစ္စစတာက ကိုစိုးထက်။ ကျွန်တော်က ကိုယ့်ဘာသာ ဘလော့ဂ်နေတာ။ သူနဲ့ရင်းနှီးသွားပြီးနောက်ပိုင်း ဝက်ဘ်ဆိုဒ်လေးအတွက် ဟိုစတင်လေးအလှူပေးမိပါတယ်။ နောက်ပိုင်းအတော်ခင်သွားတော့ ပြောမနာဆိုမနာတွေ ဖြစ်လို့ပေါ့။ ဒီလိုနဲ့ နာဂစ်ကြီး ဗမာပြည်ဝင်ဆောင့်တော့ အလုပ်တွေများနေခဲ့တယ်။ အဲဒီ့အချိန်မှာပဲ သူနေတဲ့ ဘုန်းကြီးကျောင်းက ဆရာတော် ရန်ကုန်ကိုကြွမယ်တဲ့ ရန်ကုန်မှာ ကပ္ပိယမရှိလို့ ကူပေးနိုင်မလားတဲ့။ ကျွန်တော်ကလည်း အင်တာနက်မရ အလုပ်မဖြစ် ထိုင်နေတုန်းဆိုတော့ ရပါတယ် လုပ်ပေးမယ်ဆိုပြီး ကတိပေးလိုက်တာ အဲဒီ့မှာ စတွေ့တော့တာပဲ။ ဆရာတော်ကို သေချာ စောင့်ရှောက်ပေးပါတဲ့ ကိုယ့်ဆရာက မှာတော်မူတာနဲ့ ပေးအပ်တဲ့ တာဝန်ကျေပွန်အောင် ထမ်းဖို့ ဆုံးဖြတ်လိုက်ပါတယ်။ (ယခုအခါ ဆရာတော်၏ ရန်ကုန်ကပ္ပိယ အရင်းခေါက်ခေါက်ဖြစ်နေပြီး ကိုစိုးထက်နှင့် စီနီယာ၊ ဂျူနီယာ ဖြစ်နေလေပြီ ဤကားစကားချပ်)

ဆရာတော်ရဲ့ ပထမဆုံး ခရီးစဉ်မှာ ကျွန်တော် ကပ္ပိယစဖြစ်ပါတော့တယ်။ ရန်ကုန်အပြည်ပြည်ဆိုင်ရာ လေဆိပ်ကြီးမှာ တခါမှ သေချာမတွေ့ဖူးတဲ့ ဘုန်းကြီးတစ်ပါးကို တစ်ခါမှ မမြင်ဖူးတဲ့ ဘလော့ဂ်ဂါတစ်ယောက်ရဲ့ တောင်းဆိုမှုကြောင့် တစ်ခါမှ မမြင်ဖူးတဲ့ တခြားသူတွေနဲ့ အတူ အကြိုတော်ထွက်ခဲ့တယ်။ လေဆိပ်ရောက်တော့ မဒမ်စိုးထက်နဲ့ တွေ့တယ် စကားပြောနေတုန်း ဘေးမှာ တခြားသူတွေ တွေ့တော့ ဘယ်သူတွေတုန်းလို့ မေးကြည့်တာ ဘုန်းကြီး အမျီုးတွေတဲ့။ ဟုတ်ကဲ့ပေါ့ တွေ့ရတာ ဝမ်းသာပါတယ် ဘာညာပေါ့။ တော်ကီတွေ ပစ်နေတုန်း လေယာဉ်စိုက်လာပြီဆိုတော့ အထဲကိုဝင် ဘုန်းကြီးကို ကြိုဖို့လုပ်။ Phoenix Service ကိုအပ်လိုက်တယ် ကိုယ်လဲဘာမှ သိတဲ့ကောင်မဟုတ်တော့ စကထဲလွဲရင် မကောင်းဘူးလေ။ လေယာဉ်ဆိုက်ပြီး သိပ်မကြာဘူး ဆရာတော် ကြွလာတယ် ခက်တာက ဘုန်းကြီး ၃ ပါးလောက်ဖြစ်နေတော့ ဘယ်တစ်ပါးလဲ သိဘူးဖြစ်နေသေးတယ် နောက်မှ ဘေးမှာ ပါလာတဲ့ ဘုန်းကြီးအကိုကိုမေးတော့မှ သိရတယ်။ ပြောရအုံးမယ် ကိုယ်ကသာခပ်တည်တည်နဲ့ လူတတ်ကြီးလုပ်ပြီး ဟိုလိုလုပ်မယ် ဒီလိုလုပ်မယ်နဲ့ စီစဉ်နေတာ နောက်မှ သိရတယ် ဘုန်းကြီး အကိုတွေက အရင်က ကာစတန်တွေတဲ့။ သေစမ်းဟဲ့ပေါ့ ခုနက ဆရာလုပ်ထားတာတွေ ရှက်လိုက်တာ။ ထူးပါဘူးလေဆိုပြီး မျက်နှာပြောင်ပြောင်နဲ့ ဆက်နေလိုက်တယ်။ ဒီလိုနဲ့ ကိုယ်တော်ရန်ကုန်ကို ရောက်လာတယ်။ ဘုန်းကြီးက တွေ့တွေ့ချင်း မောင်စိုးထက်ပြောတဲ့ ဒကာလေးက မင်းလား ဆိုတော့ ဟုတ်ကဲ့ဆိုပြီးပြော ပြီးမှ အဲ တင်ပါ့ဘုရားပေါ့။ တခါမှ ဘုန်းကြီးတွေနဲ့ ဆက်ဆံဖူးတာမဟုတ်တော့ ခက်ကုန်ရော။ လေယာဉ်ကွင်းကအထွက် ဘုန်းကြီးက ပစ္စည်းတွေ ရွေးထားလိုက်ပြီးရင် ကျောင်းလိုက်ခဲ့ဆိုပြီး ကြွသွားတယ်။ နောက်ကနေပါတဲ့ ပစ္စည်းစာရင်းကို တွက်ပြီးတော့ ပါရမီက ကျောင်းကို လိုက်သွားလိုက်တယ်။

ဆွမ်းစားချိန်နီးနေတော့ ဆရာတော်လည်း ကျောင်းရောက်ရောက်ခြင်း ဆွမ်းစားဖို့ ပြင်ရတယ်။ ကျွန်တော်ကတော့ ယောင်တောင်တောင်နဲ့ ဘာဆက်လုပ်ရမယ်မှန်းလဲ မသိဘူး ငုတ်တုတ်လေးထိုင်နေတယ်။ ဘုန်းကြီးက ဒကာလေး ဒါကို ဒီလိုလုပ် ဟိုဟာဟိုလိုလုပ်ဆိုမှ ထပြီးဟိုစပ်စပ် ဒီစပ်စပ်လုပ်မိတယ်။ စိတ်ထဲကလည်း ကိုစိုးထက်ကို မေတ္တာတွေပို့ပေါ့ ကျေးဇူးရှင်ကြီး ကျန်းမာပါစေဆိုပြီး။ မဒမ်စိုးထက်ခမျာလည်း မအားရရှာပါဘူး ကျွန်တော်က အသီးတွေဘာတွေ မခွဲတတ်တော့ သူ့ပဲလှိမ့်ပြီးပြောရတာပေါ့ လုပ်ပါအုံးဗျ ဘာညာနဲ့။ ဒီလိုနဲ့ ကိုယ်တော် ဆွမ်းချိန်အပြီး ကိုယ်တော့်အမျိုးတွေကပါ လာသား ဒီမှာ တခါတည်းဝိုင်းလိုက် စားကြရအောင်ဆိုတော့ ပျော်လိုက်တဲ့ဖြစ်ခြင်း လူကဗိုက်က အတော်ဆာနေပြီလေ ဘာပြောကောင်းမလဲ ဝါးတာပေါ့။ ဒါပေမယ့် မျက်နှာစိမ်းတွေ ကြားမှာဆိုတော့ ဟန်ဆောင်ပြီးစားရတော့ သိပ်မဝချင်ဘူး။ စိတ်ထဲကလည်း တောက် ငါကွာ မဝသေးဘူး
ဟွန်းဆိုပြီး ဖြစ်နေလိုက်သေးတယ်။

ဝါးတီးလဲ ပြီးရော ဘုန်းကြီးနားကို သွားပြီး အရှင်ဘုရား ဒီနေ့ဘယ်ကြွမလဲလို့မေးတော့ တော်ပြီတဲ့ ဒီနေ့တော့ နားမယ် နက်ဖန်မှတဲ့ ဒါနဲ့ နက်ဖန်ရော အရှင်ဘုရားဆိုတော့ ငြိမ်ပြီးစဉ်းစားနေသေးတယ်။ ဒါနဲ့ကိုယ်ကပဲ မနေနိုင် မထိုင်နိုင် မနက် ၉ ခွဲလောက်လာခဲ့ရမလား ဘုရားဆိုတော့ ဘုန်းကြီးက မျက်လုံးပြူးပြီး ဟကောင်ရ နောက်ကျတာပေါ့ ၇ နာရီလောက်လာခဲ့တဲ့။ သေပြီဆရာ လုံးဝကို သေပြီဆရာပဲ။ စိတ်ထဲကလည်း ကိုစိုးထက်ကွာတောက် ဆိုပြီးထပ်ဖြစ်နေသေးတယ်။ တသက်လုံး အစောကြီးထတဲ့ ကောင်မှ မဟုတ်တာ ရုံးရှိရင်တောင် အေးအေးအောအော ၉ နာရီမှ ထတာ။ ခုတော့ ၇ နာရီလာတဲ့။ ကျွန်တော်က အိပ်ယာနိုးပြီးပြီးချင်း ၁ နာရီလောက်ကြာအောင် ဟိုလုပ်ဒီလုပ် လုပ်သေးတာဆိုတော့ အနည်းဆုါံ် မနက် ၆ နာရီမှာ ထရတော့မယ်။ သေပြီဆရာပေါ့။ ဒါပေမယ့် တတ်နိုင်ဘူးလေ တာဝန်ယူထားပြီးပြီပဲ ခုမှတော့ ထရတော့မှာပေါ့။ (မနက် ၇ နာရီဆိုသည်မှာ နောက်ပိုင်းတွင် ကျွန်တော့်အတွက် နောက်အကျဆုံး ချိန်းသည့်အချိန်ဖြစ်လာသည်ကို သင်တို့ တွေ့ရပါလိမ့်မည် ဤကားစကားချပ်)

ဒီလိုနဲ့ ကျွန်တော်နောက်နေ့ဘုန်းကြီးကျောင်းကို မနက် ၇ နာရီကျော်ကျော်လောက်မှာ ရောက်သွားတယ် ဆရာတော်က လမ်းတောင်လျှောက်ပြီးလို့ အသင့်စောင့်နေတယ်။ ဒါနဲ့ ဘယ်ကိုကြွမလဲဆိုတော့ ပရိယတ္တိသာသနာ့ တက္ကသိုလ်တဲ့ ကမ္ဘာအေးဘုရားထဲမှာလေ။ ပထမဆုံးအကြိမ် အဲဒီ့ကို ရောက်ဖူးခြင်းဖြစ်ပါသည်။ (နောင်တွင် ထိုတက္ကသိုလ်သည် ကျွန်တော်အတွက် နားနေရာ နားခိုရာ ပျော်စရာ ဗိမာန်ကြီးဖြစ်လာလေသည် ဤကားစကားချပ်) တက္ကသိုလ်ထဲရောက်တော့ အပင်တွေလဲထားတာမြင်မကောင်းဘူး အမိုးတွေကလဲ လန်လို့။ ဆရာတော်က သူ့ဘော်ဒါတွေကို ရှာကြည့်ပြီး သတင်းတွေမေးပေါ့ နောက်ပြီးတော့ နာဂစ်ထိသွားတဲ့ ရွာတွေကို သွားဖို့ စနည်းနာ ဟုတ်တယ်လေ ဒါအဓိကနဲ့လာတာကိုး အင်ဖော်မေးရှင်း ယူရတာပေါ့။ ပြီးတော့ သူ့အနေနဲ့ ပိုက်ဆံလုံးဝမကိုင်တော့ ကပ္ပိယကျွန်တော်က တာဝန်ယူရတယ်။ လှူလိုက်တဲ့ နဝကမ္မတွေကို ထိန်းရတာတစ်မျိုး စာအိတ်တွေထဲ ထည့်ပြီးလှူရတာက တစ်ဖုံ စာရင်းတွေ ပြုစုရတာက တစ်နည်း တစ်ယောက်ထဲကို ပတ်ချာလှည့်သွားတော့တယ်။ အရင်တုန်းက ဒါမျိုးဆိုသူများကို ခိုင်းနေကြ ခုတော့ ကိုယ်တိုင်လုပ်နေရတာ ဆိုတော့ တိုင်ကိုပတ်နေတာပဲ။ ဒီကြားထဲ လာတဲ့ဖုန်းတွေဖြေရတာက တစ်မျိုးလုံးဝကို မအားဘူး။ စိတ်ထဲကလည်း ကိုစိုးထက် ကိုစိုးထက်နဲ့ ရေရွတ်နေမိတာ သူခနခနခလုတ်တိုက်လောက်တယ် မယုံရင်မေးကြည့်ကြ။

ဆရာတော်က ၇ ရက်လောက်ပဲ အချိန်ရတယ် လို့မိန့်တယ် ပြီးမှ ထပ်လာမယ်တဲ့။ ဒါနဲ့ ရတဲ့အချိန်လေးအတွင်းမှာ မုန်တိုင်းဒဏ်ခံရတဲ့ ရွာတွေကို သွားဖို့ စီစဉ်ရ ဟိုပြေးဒီပြေးနဲ့ လူကိုဖတ်ဖတ်ကို မောရောပဲ။ ဘုန်းကြီးက စိတ်မြန်လိုက်တာဆိုတာလဲ ပြောမနေနဲ့။ မနည်းလိုက်ယူရတယ်။ စိတ်မြန်သလိုပဲ စီမံခန့်ခွဲမှုကလည်း ကောင်းမှကောင်း ဘယ်နေရာကမှ မလွတ်စေရဘူး။ သူမသိတာလည်း သိပ်မရှိဘူး။ တစ်သက်လုံး ကိုယ့်ဘာသာ အဟုတ်ကြီးမှတ်လာတာ ဆရာတော်နဲ့ တွေ့မှ ကားကနဲ ဖြစ်ရော။ ဆရာတော်က အချိန်ကိုလည်း တန်ဖိုးထားတတ်တယ်။ အပိုအလုပ်လဲ မလုပ်ဘူး။ ပြီးတော့ သူက ညစာလဲ မစားတော့ ကျွန်တော့်မှ ညနေဆိုရင် ငတ်ပြီ။ မနက်စာကတော့ အလျှံအပယ်အုပ်ရတယ်။ ဘုန်းကြီးပွဲဆိုတော့ သိတဲ့အတိုင်းပဲ လန်ထွက်နေတာ။ ညနေဆိုရင်သာ သူကကိုယ့်ကို ၈ ပါးသီလ ယူထားတယ် မှတ်သလားမသိဘူး ညစာစားချိန်ကို မပေးဘူး။ တောက်လျှောက်ကို ကြွတာ။ ညဆို ၉ နာရီလောက်မှ ကျောင်းပြန်ကြွတယ်။ အဲဒီ့မှ ကျွန်တော်က သူနဲ့ နောက်နေ့ကိစ္စလေးတွေပြော တခါတခါဆရာတော်က တရားပါဆက်ဟောတော့ အနည်းလေး ည ၁၀ နာရီမှ အိမ်ပြန်ဖြစ်တယ်။ လူက ဆာနေတာ ပြောမနေနဲ့တော့ အိမ်ရောက်တော့လည်း ထမင်းစားပွဲကို ကြည့်ပြီး ဟင်းက ဒါပဲလားလို့ ပြောမိလို့ အမေထဆဲတာ ခနခန။ ဟုတ်တယ်လေ နေ့ခင်းဆို ဘုန်းကြီးဝိုင်းကဟာတွေ စားရတော့ ဟင်းခွက်က အမျိုးစုံ ရှယ်ဆွဲရတာ အိမ်မှာကကြတော့ ၁ ခွက် ၂ ခွက် ဒီတော့ လူကမေ့ပြီး မေးမိရော။ အဲလိုပဲ နေ့တိုင်း သောက်ပြဿနာတက်တာပေါ့။ (နောင်တွင် ကပ္ပိယပါးဝသွားသော အခါမည်ကဲ့သို့ လုပ်ဆောင်သည်ကို ဖတ်ကြရလိမ့်မည်)

ဘုန်းကြီးနောက်လိုက်ရတာ တချို့တွေကပြောတော့ လွယ်တယ်တဲ့။ ထပ်သရီး ဘယ်ကလွယ်ရမှာတုန်းဟ ပိုတောင် ပင်ပန်းသေးတယ်။ ဘုန်းကြီးဆိုတော့ ကိုယ်ကလေးစားရတယ်။ ဦးစားပေးရတယ် စဉ်းစားရတာတွေက အများကြီး ပင်ပန်းသလားတော့ မမေးနဲ့ (မယုံရင်လာခဲ့ ဂျူတီချိန်းပေးမယ်)။ အရေးထဲ ဟိုအိမ်က ဆွမ်းပင့်ချင် ဒီကအိမ်ကဆွမ်းပင့်ချင်နဲ့ အဲဒီ့ပြဿနာကို ရှင်းရသေးတယ်။ ဆရာတော်က ကပ္ပိယကိုမေးဆိုတော့ ဆက်လိုက်ကြတဲ့ ဖုန်း တဂွမ်ဂွမ်နဲ့။ ဖြေလိုက်ရတဲ့ အဖြေ။ ကြည့်လိုက်ရတဲ့ Schedule။ လူကိုယ် တိုင်တင်မဟုတ်ဘူး ကမ္ဘာပါပတ်နေရော မအားလို့ ဆွမ်းကပ်ရက် မရရင် ကပ္ပိယကို တင်းချင်ကြသေးတယ် (အဲလို အဖြစ်တွေရှိတယ် မယုံရင် ကိုစိုးထက်မေးကြည့်) ဒီလိုနဲ့ ဘုန်းကြီးဘေးမှာ ကပ္ပိယလုပ်ရင်း တခြားဘုန်းကြီးတွေနဲ့ပါ ရင်းနှီးပြီး အခုဆို ကပ္ပိယခန့်ချင်တဲ့ ကိုယ်တော် အတော်များနေကြောင်း ပြောကြားလိုပါတယ်။ ထပ်ပြီးရေးပါအုံးမယ်။

Read More...

ဝန်ခံခြင်း

ရိုးရိုးသားသား ဝန်ခံပါရစေ
ကိုစိုးထက်လိုလဲ လူချစ်လူခင်မများဘူး
ဟန်သစ်ငြိမ်လိုလဲ အတွေးမကောင်းဘူး
ပန်ဒိုရာလိုလဲ စာအရေးမကောင်းဘူး
မွန်လေးလိုလဲ ချစ်စရာမကောင်းဘူး
ဇီးကွက်လိုလဲ စည်းရုံးရေးမကောင်းဘူး
ရန်အောင်လိုလဲ နည်းပညာမသိဘူး
ဟန်နီလိုလဲ ကဗျာမရေးတတ်ဘူး
သင်ကာလိုလဲ မတင်ပြတတ်ဘူး
ခင်မင်းဇော်လိုလဲ မဆွေးနွေးတတ်ဘူး
ညီလင်းဆက်လိုလဲ နာမည်မကြီးဘူး
ညိမ်းညိုလိုလဲ စကားလုံးတွေမလှပဘူး
ဂျူလိုင်ဒရင်းလိုလဲ မနွေးထွေးတတ်ဘူး
တီးလိုမျိုးလဲ လူမှုရေးမကောင်းဘူး
ဂျေလိုမျိုးလဲ ဟာသဥာဏ်မရှိဘူး
လင်းလိုမျိုးလဲ အမှတ်တရမရှိဘူး
လေးမလိုလဲ လေ့လာရေးမကောင်းဘူး

အဲဒီ့လို အဲဒီ့လို
ဘာမှ မတတ်တဲ့ကောင်
ဘာမှ မသိတဲ့ကောင်
ကျုပ်ဆီကို လာလာလည်ကျတာ
အံ့သြပါရဲ့ . . . . . . . . . . . . . .
သုညဆိုတဲ့ အတိုင်း
ဗလာနတ္ထိဘာမှမရှိတဲ့ကောင်ကို
ခင်ကြတာ ဆန်းတယ် :D ။

Read More...

Wednesday, June 25, 2008

ငါ့ကိုယ်ငါလွမ်းတယ်

မနက်နိုးတော့
အရုံဦးဟာ မျက်နှာသစ်ပြီးနေပေါ့
ခေါက်ရိုးကျိုးနေတဲ့ ငါ့ဘဝကို
ပုံစံခွက်ထဲကဆွဲထုတ်ဖို့
ကော်ဖီခါးခါးတစ်ခွက်တော့ လိုတယ်

လွတ်လပ်တယ်ဆိုတာ
ပါးစပ်ကပြောရုံနဲ့ ဖြစ်လာမယ်ဆိုရင်
ငါ့ဘဝက လှနေတာကြာပြီ
တနေ့တနေ့ ကြီးလာတဲ့အသက်တွေ
ရပ်မရတဲ့ ဖြစ်တည်မှုတွေ
အဲဒါတွေကြားမှာ ပျောက်နေတာကဘာလဲ?
သံသရာမှာ
မီးခွက်ထွန်းရှာမှ
ငါ့ကိုယ်ငါပြန်မတွေ့တာ သေချာတော့တယ်
စကားမစပ်မိလဲ
ပြောပြလိုက်တော့မယ်
ငါ့ကိုယ်ငါ လွမ်းတယ် လို့။

Read More...

Monday, June 16, 2008

How Independent Are You?




Your Independence Level: High



You are extremely self reliant and autonomous.

You are definitely into doing your own thing.

But you also wouldn't turn down help if you needed it.

You follow your own path, but you don't do so blindly.



ခုတလော မအားတာနဲ့ ပို့စ်မတင်ဖြစ်ဘူး။ အဲဒါနဲ့ ခုဟာလေးကိုပဲ ဆားချက်ပြီး တင်ပေးလိုက်တယ်ဗျာနော်။ ခင်ဗျားတို့လည်း အပျင်းပြေ စမ်းကြည့်ပါလား။ လင့်လေးပေးလိုက်မယ် ဒီကနေပြီးတော့ သွားကြည့်ပေါ့နော့။
ဒီကနေနှိပ်လိုက် :D

Read More...

Saturday, June 7, 2008

What is going on ? ? ?


ကဲ ခုတလော Blog တွေမှာ တိုင်ပတ်နေကြတာတွေ့ရတော့ စိတ်ကနောက်လာတယ်။ တစ်ယောက်နဲ့ တစ်ယောက်ကလော်တုတ်နေကြတာကိုး။ ကျန်တဲ့သူတွေတော့ မသိဘူး။ ကျုပ်တော့ အဲဒါမျိုးတွေမြင်ရတာ အော်ဂလီဆန်တယ်။ လွတ်လပ်ချင်လို့ ဘလော့ဂ်ရေးတယ် အဲဒါမှထပ်ပြီး မလွတ်လပ်ရရင် သေရောပေါ့။ အွန်လိုင်းဆိုတာ ဒီမိုကရေစီ အပြည့်အဝရထားတဲ့နေရာလေ။ ကိုယ့်အသိစိတ်နဲ့ ကိုယ်နေနေကြတာ မဟုတ်ဘူးလား။ ဘယ်သူဘာလုပ်လုပ်ပေါ့။ ဘာလို့များ အပြစ်တွေတင်ချင်နေကြတာလဲ မပြောတတ်ဘူး။ ကျုပ်ကိုကဥာဏ်မမှီတာလဲ ဖြစ်ကောင်းဖြစ်နိုင်တယ်။ ဒါပေမယ့် မြင်ရတာကြာတော့ စိတ်ကုန်လာတယ်။

နိုင်ငံရေးသမားတွေလဲ ကျုပ်တို့ကလေးစားပါတယ်။ လူကြီးသူမတွေလဲ လေးစားပါတယ်။ ဒါပေမယ့် ဆဲရေးတိုင်းထွာနေကြတာတော့ ရှက်စရာပဲ။ မြန်မာဘလော့ဂ်ဂါတွေ ခုထိလည်း မစည်းလုံးကြသေးဘူး။ အင်းလေး ဘလော့ဂ်ဂါတွေတင် မဟုတ်ပါဘူး အားလုံးပါပဲ မစည်းလုံးကြသေးလို့ ဒီနေ့ဒီအချိန်ထိ ဒုက္ခရောက်နေကြတာပေါ့။ ဒုက္ခဆိုတာ နှစ်၂၀လောက်ကြာတော့ ချိုများနေကြသလားမပြောတတ်ဘူး။ အပြင်ကနေအော်တဲ့သူတွေလဲ အော်နေလေကြရဲ့ အထဲကအော်တဲ့လူတွေလဲ အော်နေလေကြရဲ့။ စိတ်ထဲထင်တာကတော့ အထဲမှာဆို စက္ကူနဲ့ထွက်လာတဲ့ သတင်းစာကအော်သလို အပြင်မှာက ဘလော့ဂ်တွေကအော်နေကြတယ်။ ကဲ ဟိုဘက်အိမ် ဒီဘက်အိမ် မိန်းမကြီးနှစ်ယောက်ရန်ဖြစ်နေတာနဲ့ မတူဘူးလား။ ကြားထဲက အိမ်ကကောင်တွေက စိတ်နောက်တာပေါ့။ ခက်တယ် သိပ်ခက်တယ်။

တကယ့်ဒုက္ခကို တကယ်ဒုက္ခရောက်နေသူသာသိတယ်။ ဆက်ဆံနေရတဲ့ ပတ်ဝန်းကျင်အရ ခံပြောလို့မရတဲ့သူတွေရှိတယ်။ ငုံ့ခံနေတိုင်းလဲ လူကြောက်လို့ မတွေးပါနဲ့။ သူ့မှာလဲ သူ့အကြောင်းနဲ့သူ ရှိမှာပါ။ အော်ကျယ် အော်ကျယ်လုပ်တိုင်းလဲ ကိုယ့်ဘာသာ လူစွမ်းကောင်းမထင်လေနဲ့ တကယ်တွေ့မှ ထွက်ပြေးတဲ့ကောင် အများကြီး။ အားလုံးရဲ့ ရည်ရွယ်ချက်ကဘာလဲ ကောင်းစားစေချင်တာ မဟုတ်လား။ အဲဒါဆို ဒါကိုပဲဦးတည်လေ ဘာလို့ ပုတ်ခတ်ချင်နေကြသလဲ။ အဲလိုတောပြောတောင်ပြောနဲ့ ဖြစ်နေရင် ကြားထဲက ဖတ်နေတဲ့လူငယ်တွေ အသိမှားနိုင်တယ်။ လူငယ်ဆိုတာ အနာဂတ်ရဲ့ အလင်းရောင်ပါ။ အဲဒါကိုတော့ သတိချပ်စေချင်တယ်။ ဘလော့ဂ်ဂါထဲမှာ ဦးဦး၊ ဒေါ်ဒေါ်၊ ကိုကို၊ မမ နဲ့ ညီလေး ညီမလေး အရွယ်စုံပါပဲ။ အားလုံးဘလော့ဂ်နေကြတာပဲ ကိုယ့်ဘာသာလွတ်လွတ်လပ်လပ် ဘလော့ဂ်နေကြတာပဲ မဟုတ်လား။ လုပ်ပစေပေါ့ မကျေနပ်ရင် သွားမဖတ်နဲ့ပေါ့။ ခုတော့ အဲလိုမဟုတ်ဘူး ကလော်တုတ်နေကြတယ်။ ပျင်းစရာ အလွန်ကောင်းတယ်။ လွတ်လပ်တာကြိုက်ကြတယ် မဟုတ်လား လွတ်လွတ်လပ်လပ်နေချင်တယ် မဟုတ်လား ဒါဆိုသူများရဲ့ လွတ်လပ်မှုကိုလည်း မပုတ်ခတ်နဲ့လေ မတိုက်ခိုက်နဲ့လေ။ သူများကို လက်ညှိုးထိုးဖို့ ကိုယ့်ဘက်ကို ပြန်ရောက်နေတဲ့ လက်ချောင်းတွေကို ကြည့်ပါအုံး။

နာဂစ်လဲအပြီး ဘလော့ဂ်ထဲမှာလည်း မုန်တိုင်းထန်နေပြန်ရော။ လူတွေကို ကယ်ချင်တာလား ကိုယ့်ကိုကိုယ်ဖော်ပြီး နာမည်ကြီးအောင်လုပ်ချင်တာလား ကိုယ့်ဘာသာပြန်စဉ်းစား။ အပြင်ကလူတွေအနေနဲ့ အလှူငွေတွေ ကောက်ခံပေးတယ်။ ကိုယ်တိုင်မလာပေမယ့် အဲဒီ့လိုလုပ်ပေးလို့ သိပ်ကျေးဇူးတင်တယ်။ လိုနေတဲ့ ငွေပမာဏတွေက နည်းတာမှမဟုတ်တာ။ နိုင်ငံတကာအကူအညီဆိုတာ စာရွက်ပေါ်မှာပဲ မြင်မြင်နေရတယ်။ ဒီလိုပြောလို့ စော်ကားတာမဟုတ်ဘူး အပြည့်အဝမရတာကိုပြောတာ။ လိုနေတဲ့နေရာတွေ ဒုနဲ့ဒေး။ အဲဒါကတော့ တကယ်သွားဖူးရောက်ဖူးတဲ့လူမှ သိလိမ့်မယ်။ အထဲကလူတွေကလည်း ရသလောက်တတ်နိုင်သလောက် လုပ်ပေးနေကြတာတွေ့ရတော့ ကျေးဇူးတင်တယ်။ ဒါပေမယ့် ပျော်ပွဲစားထွက်သလို အပျော်အလုပ်လို လုပ်နေတာတွေကိုတော့ သဘောမတွေ့လှဘူး။ စိတ်ကုန်တယ်။ လူဆိုတာ စဉ်းစားနိုင်တဲ့ တွေးတောနိုင်တဲ့ သတ္တဝါပဲလေ ဟုတ်ဖူးလား။ အဆင့်မြင့် သတ္တဝါပဲ။ ခက်တာက အဲဒီ့အဆင့်မြင့် သတ္တဝါတွေပဲ ပြဿနာတက်တက်နေတာ။

ကျုပ်ကခုလိုဝင်ပြောတော့ စိတ်ဆိုးကြအုံးမယ် မတတ်နိုင်ဘူး မြင်တာကြားတာသိတာပြောရတာပဲ။ ခုဒီမှာ တကယ်ဖြစ်နေတဲ့ အချို့သော အကြောင်းအရာတွေကို ပြောပြမယ်။ NGO တွေလုပ်နေကြတယ် ကယ်နေကြတယ်။ တကယ်လုပ်နေတဲ့ အဖွဲ့တွေကိုတော့ မပြောလိုပါဘူး။ ဒါပေမယ့် တချို့တချို့တွေက လူတွေကို ကယ်ချင်တာထက် သူတို့လိုဘတွေကို အရင်ဖြည့်နေတာတွေ့ရတော့ မြင်ရတာ အော်ဂလီဆန်တယ်။ ကျုပ်ကတော့ အဖွဲ့အားလုံးကို တွေ့တယ် ပြောပြတယ် ရှင်းပြတယ်။ ဖတ်ဖတ်ကိုမောနေတာပဲ။ Donar ရှိတယ် လှူမယ် ရှင်းပြပေးပါတဲ့ ရပါတယ်ပေါ့။ ဒါပေမယ့် တကယ့် Donar နဲ့တော့ မတွေ့ပါဘူး အဖွဲ့အစည်းတွေကို အရင်ရှင်းပြရတယ်။ ဒါလဲ ပြဿနာမဟုတ်ပြန်ဘူး။ ပြဿနာကဘာလဲဆိုတော့ အဖွဲ့တစ်ဖွဲ့ကိုရှင်းပြ တင်ပြပြီးပြီ သူတို့စဉ်းစားကြတယ် ဘာကိုစစဉ်းစားသလဲဆိုတော့ ပိုက်ဆံကဘယ်လောက်ရမယ် လှူဖို့အတွက်ဆိုတာထက် သူတို့အတွက် ကားတွေ၊ ဖုန်းတွေ အစားအစာတွေ ဒါတွေအရင်တွက်တယ် မတွက်နဲ့လို့မပြောပါဘူး ကယ်ဆယ်မဲ့ကောင်လည်း အသက်ရှိတာပဲ ဟုတ်တာပေါ့ တွက်ရမှာပေါ့ ဒါပေမယ့် သူတို့ အသုံးစရိတ်က လှူမယ့်ပမာဏထက် များများနေတာ တွေ့နေရတော့ စိတ်ကိုကုန်ရောပဲ။ ပြီးရင် တကယ်သွားရမယ့်နေရာကိုကျတော့ ပင်ပန်းမယ်ထင်တယ်နော် ခြင်ပေါလား ရေကအဆင်မပြေလောက်ဘူး အဲဒါတွေစဉ်းစားနေလိုက်တာ ၁ ပတ်လောက်ကြာတယ်။ နောက်တော့ လှူမယ့်အလှူရှင်ကလည်း အတင်းမေးနေတော့ လိုက်လာကြတယ်။ အဲလောက်အချိန်ကကြန့်ကြာသွားတော့ မသေသင့်တဲ့လူတွေ ထပ်သေကုန်ရော။ ပြောလိုက်ရင်တော့ လူတွေကို ဘယ်လိုကယ်မှာ ဘယ်လိုလုပ်ချင်တာ ချောနေတာပဲ။ လက်တွေ့ကြတော့ ကားယား။ သိပ်ရီရတဲ့သူတွေပဲ။ အလှူခံကာနီး ပြောတဲ့စကားနဲ့ လုပ်ခါနီးပြောတဲ့စကား ယှဉ်ပြလိုက်ချင်ပါရဲ့။

ပြောရင်းနဲ့ စကားကချော်တောငေါ့သွားပြန်ပြီ။ ကဲ ဘလော့ဂ်ကိစ္စပဲ ဆက်ပြောကြတာပေါ့။ အခုတလော ဘလော့ဂ်ဂါတွေကြားထဲမှာ ပြဿနာတက်နေကြပြန်တယ်။ မြင်နေရတာ စိတ်မချမ်းသာဘူး။ ဘယ်သူမှန်တယ် မှားတယ် အသာထားစမ်းပါ ကိုယ်ဘာလုပ်နေလဲ ပြန်စဉ်းစားတာ ပိုကောင်းမယ်။ ကိုယ်မှန်တယ် ထင်ရင်လုပ်ပေါ့။ ကျုပ်လဲ တစ်သက်လုံး ကိုယ်မှန်တယ်ထင်ရင် လုပ်လာတာပဲ။ အသိလေး သတိလေးနဲ့ကိုယ့်ဘာသာ ထိန်းတယ်။ ဒါပဲလေ ဟုတ်ဖူးလား လိုတာက ကိုယ့်ဘာသာသိဖို့ပဲ။ လူဆိုတာ ကိုယ့်အကြောင်းကိုယ် အသိဆုံးပဲ။ ဘလော့ဂ်ထဲမှာ အသက်အရွယ်တွေ အဖြူအမဲတွေ အထီးအမတွေ ဆိုတာမရှိဘူး အဓိကကဘလော့ဂ်ပဲလေ။ လွတ်လပ်ချင်တာ မဟုတ်လား လွတ်လပ်ပါစေ။ အခုတော့ မလွတ်မလပ်နဲ့ တစ်ယောက်ကို တစ်ယောက်ပြဿနာရှာနေကြတယ်။ ပျင်းစရာကြီး ဘာလုပ်မလဲ။

ကျုပ်ကစဉ်းစားထားတာက Blog Community လေးတစ်ခုလောက်ကို စဉ်းစားထားတာ ဒီပုံနဲ့ဆို မလွယ်ပြန်ဘူး။ ကျုပ်တို့ဆီကလူတွေက ဘယ်တော့မှ အသင်းအဖွဲ့လုပ်လို့ ရမယ့်ပုံမပေါ်ဘူး။ စည်းမှမစည်းလုံးတာကိုး။ တို့ဗမာအစည်းအရုံးနောက်ပိုင်း အင်း ဘာမှကို ပေါ်မလာတော့တာ ထင်တာပဲ။ ထင်တာပြောတာနော် ရှိချင်လဲရှိမယ်။ ဒီမှာရှိတဲ့ အသင်းအဖွဲ့တွေကို စိတ်ကုန်လို့ Online ပေါ်မှာဆိုရင်တော့ ကောင်းမှာပဲလို့ စဉ်းစားမိတာ ခုတော့ အင်း မလွယ်ပြန်ဘူး ထင်ပ။ ဒီမှာရှိတဲ့ဟာတွေလဲ ကြည့်အုံးလေ အဝေးကြီးမကြည့်နဲ့ ပညာရှင်များအသင်းတို့ လုပ်ငန်းရှင်များအသင်းတို့ ဘာမှ မထူးဘူး။ လက်ညှိုးထောင် ခေါင်းညိမ့် ဒါနဲ့ ပြီးနေတာ။ အဲဒါတွေကို စိတ်ကုန်လို့ အော် Online ပေါ်ဆိုရင်တော့ ဒါမျိုးမဖြစ်လောက်ဖူးဟဲ့ တွေးမိတာ ဒီပုံနဲ့ဆို ဝေးပါသေးရဲ့။ အင်းလေ ဒါမျိုးတွေမပြောနဲ့ ဘောလုံးအသင်းတောင် ခုထိလူမညီလို့ ရှုံးရှုံးနေတာ အားလုံးအသိ။ ကဲ ကျုပ်တို့ သိပ်ကို မြင်ချင်နေကြတဲ့ လွတ်လပ်တဲ့ နိုင်ငံဆိုတာကို ကျုပ်တို့တွေက အွန်လိုင်းပေါ်မှာတောင် မတည်ထောင်နိုင်သေးရင် အပြင်မှာဆိုရင်တော့ ခက်ပြီ။ အကောင်းပြောတာပါ ဥာဏ်မှီသလောက်လေးပြောတာ ဟုတ်ချင်မှဟုတ်မယ် မဟုတ်ချင်မဟုတ်ဘူး ထင်တာလေးပြောရတာနော့ လုပ်စမ်းပါ စည်းစည်းလုံးလုံးလေး သေသေသပ်သပ်လေး ကိုယ့်ကိစ္စလေးကိုယ်လုပ်ကြရအောင်ပါ။ တော်ပြီဗျာမောတယ် နောက်မှ ထပ်ပြောတော့မယ်။

Read More...