Thursday, May 22, 2008

တောက် . . . ဒီကော်နက်ရှင်နဲ့ကတော့ကွာ


အင်တာနက်ကို အားကိုးပြီး အလုပ်လုပ်နေရတဲ့ ကျွန်တော့်အတွက် အကြီးမားဆုံး ထိုးနှက်ချက်ကတော့ ကော်နက်ရှင်ပုံမှန် မရတဲ့ ကိစ္စပါပဲ။ ကျွန်တော် အင်တာနက် ကော်နက်ရှင်အတွက် အမျိုးအစား အတော်တော်များများကို သုံးစွဲခဲ့ဖူးပါတယ်။ IP Star, Bagan DSL, MPT DSL (Korea), MPT DSL (India) အကုန်လုံးပါပဲ။ ခုလက်ရှိ သုံးနေတာက MPT DSL (India) ပေါ့ဗျာ။ ဒါက ခုနောက်ဆုံး ဒီမှာ MPT က ချပေးနေတဲ့ ဟာပေါ့။ သူ့ထူးခြားချက်က အင်တာနက် ကော်နက်ရှင်ရဖို့အတွက် LOG IN ဝင်ပေးရတယ်။ ဘာကြောင့် အဲဒီ့ System ကိုလုပ်ထားတာလဲဆိုတာ တိတိကျကျမသိပေမယ့် ကြားတာကတော့ Billing အတွက်လို့ ပြောတာပဲ။ ထားပါ ဒါက သူတို့ ကိစ္စ ကိုယ့်ကိစ္စမှမဟုတ်တာ။ ကိုယ့်ကိစ္စက ဘယ်လို ISP ဖြစ်ဖြစ်၊ ဘယ်လို အမျိုးအစားဖြစ်ဖြစ် အင်တာနက် ကော်နက်ရှင် မြန်မြန်ဆန်ဆန်ရဖို့ ပုံမှန် အသုံးပြုနိုင်ဖို့ပဲ။ အလုပ်တွေအားလုံးက ကော်နက်ရှင်ပေါ်မှာ မှီခိုနေရတာကိုး။

ပြောရတာလဲ မကောင်းပါဘူးဗျာ။ အဆင်ကို မပြေဘူး အင်တာနက်ကော်နက်ရှင်က ဒီနေ့အထိပဲ။ ဒုက္ခအပေးဆုံးပဲ။ ခုလဲ ပျက်နေပြန်တယ်။ ကဲ ဘယ်လိုအလုပ်လုပ်ကြမလဲ။ တမင်သက်သက် နှိပ်စက်ခံနေရသလိုပဲ။ သိပ်စိတ်ပျက်ဖို့ကောင်းတယ်။ ဘယ်သူ့ကို ပြောရမှန်းလဲ မသိဘူး။ အရင်တုန်းက ပုဂံဆိုက်ဘာနဲ့ ဆက်ဆံရတုန်းက တော်သေးတယ် တစ်ခုခုဖြစ်ရင် အနည်းဆုံး Help Desk ကို လှမ်းမေးလို့ ရတယ်။ Service အတွက်ဆို Technician လာပေးတယ်။ ခုများတော့ MPT မှာ ဘယ်သူ့ကို ပြောရမယ်မှန်း ဘယ်သူ့ကိုမေးရမယ်မှန်း တိတိကျကျ မရှိဘူး။ ဖုန်းတစ်လုံးကို ဆက်ရင် နောက်နံပါတ်ပေးတယ်။ အင်း အဲဒီ့နံပါတ်ကိုဆက်ရင် သူတို့က ဘယ်အပိုင်းကိုင်တာ ဘယ်အပိုင်းဆို သူတို့နဲ့ မဆိုင်ဘူး ဂွပ်ဆိုပြီး ဖုန်းချသွားတာပေါ့။ ကဲ မခက်ဘူးလား။ ကိုယ်က Customer လေ မေးမှာပေါ့ တစ်ခါက နှစ်ခါဆို စ်ိတ်တွေက မရှည်ကြတော့ဘူး။ ဟောက်ချင်သလိုလို ဘာလိုလိုနဲ့ ဘယ့်နှယ့်လုပ်ရပါ့။

ပြောပြအုံးမယ် ကျွန်တော့် အဖြစ်သနစ်လေးကို အရင်ရုံးတုန်းက ကျွန်တော့် ဖုန်းနံပါတ်က MPT DSL (Korea) လိုင်းကို သုံးလို့ရတယ်။ ခုရုံးခန်းအသစ်မှာ အဲဒီ့လိုင်းကို သုံးမရတော့ MPT DSL (India) ဖြစ်သွားတယ်။ လူတိုင်းသိတယ် Korea လိုင်းက ပိုကောင်းတယ်ဆိုတာ Log in တွေ ဘာတွေ မဝင်ရဘူး။ အလုပ်မရှုပ်ဘူးဆိုတာ။ India လိုင်းက stable မဖြစ်ဘူး သုံးလို့ မကောင်းဘူးဆိုတာ လူတိုင်းပြောတယ်။ ဒါပေမယ့် ကျွန်တော်က ရုံးခန်းပြောင်းတော့ ဖုန်းနံပါတ်ပါ ပြောင်းသွားတာ ရွေးချယ်စရာ မရှိဘူး ရတာသုံးရမှာပဲ။ စိတ်ထဲမှာလဲ အစွဲအလန်းသိပ်မထားပါဘူး။ ဘာပဲ ဖြစ်ဖြစ် အဆင်ပြေရင် ပြီးတာပဲလို့ ဆုံးဖြတ်ထားတယ်။ အဲဒီ့တော့ Relocation တင်ထားတာ ၁ လကြာမယ်ဆိုတာ ၂ လဖြစ်သွားတယ်။ အဲဒါလည်း သည်းခံနိုင်ပါတယ် ရပါတယ်ပေါ့ဗျာနော့။ စာရွက်လေးတစ်ရွက် အပေါ်ထပ်အောက်ထပ် အတင်အချလုပ်ရတာ ဒီလောက်တော့ ကြာပေမပေါ့နော့ ဟုတ်ဘူးလား နားလည်ပါတယ် မြန်မာနိုင်ငံမှာ နေလာတာ ကြာပြီပဲ ဟဲ ဟဲ ဟဲ။ အင်း ၂ လလောက်ကြာတော့ အဲဒီ့စာရွက်လေးကို ကျွန်တော့်ရုံးက မန်နေဂျာကို လွှတ်ပြီး အပေါ်အောက် ပြောင်းခိုင်းလိုက်တယ် ဟုတ်တယ်လေ သူ့တို့မှာ အပေါ်အောက် သွားမယ်လူ မရှိဘူးဗျ မအားကြဘူးလေ အဲဒီ့တော့ တာဝန်သိတဲ့ ပြည်သူတစ်ယောက်အနေနဲ့ ကိုယ့်ဘာသာ သွားတင်ပေးရတာပေါ့။ အဲဒီ့ကျတော့ ရသွားတယ်ပေါ့ဗျာ အင်း အဲဒီ့မှာ Reinstall လုပ်ပေးဖို့အတွက် ၅ ရက်လောက်ထပ်စောင့် ပေးလိုက်ရတယ်။ Technician မရှိလို့တဲ့။ ရပါတယ်ပေါ့ဗျာ သူတို့အားတဲ့ တစ်ရက်ကျတော့ ကျွန်တော်တို့က သွားကြိုပေးရတယ် ဟုတ်တယ်လေ သွားမကြိုပေးရင် သူတို့ ဘယ်လိုလာမလဲ ကြိုပေးရတာပေါ့။ အင်းရောက်လာတော့ ဟိုလုပ်ဒီလုပ် မရတော့ လှည့်ပြောတယ် ဘာဖြစ်လဲ မသိဘူးတဲ့ အင်း သူတို့တောင် မသိတာ ကျွန်တော်တို့လို ငတုံးတွေက ဘယ်သိမလဲနော်။ သူက သူ့ရုံးကို ဖုန်းတွေဆက်ပြီးပြော ဘာညာသာရကာပေါ့။ ကျွန်တော့်ဆီမှာလုပ်ပေးတာ မရတော့ သူပြန်မယ်တဲ့ ကျွန်တော့်ကို တပ်ဆင်ပြီးကြောင်း စာရွက်လေးမှာ လက်မှတ်ထိုးခိုင်းတယ်။ ကျွန်တော်က မရသေးတော့ မထိုးပေးနိုင်ဘူး ဆိုတော့ ရမှာပါ အကိုရယ် ကျွန်မ နက်ဖန်ပြန်လာလုပ်ပေးမယ် ရမှာ သေချာတယ်တဲ့ အော် ကျွန်တော်လည်း တော်ကြာ ကိုယ်က လက်မှတ်မထိုးပေးရင် နောက်ခက်ကုန်မှာ ဆိုးတာနဲ့ ထိုးပေးလိုက်တယ် AM Form ဆိုလား ဘာလားပဲ သိဘူး။

အင်း သူကပြန်လာမယ်ပြောတော့ ကိုယ့်ဘက်ကစောင့်ရတာပေါ့။ အဲလိုနဲ့ နောက်၂ ရက်လောက်ကြာတော့ ပြန်လာပါတယ်။ ဒီကြားထဲ ဖုန်းလေးတွေတော့ ခနခနဆက်ပေးရတာပေါ့နော် နေကောင်းလား ဘာညာပေါ့ တော်ကြာ နေထိုင်မကောင်းဖြစ်နေမှာ စိုးလို့လေ။ ဖျားနာနေရင် ခက်မယ် ပြီးတော့ သူလာမယ်ဆိုရင် သူပဲလာမှာ ကျန်တဲ့သူတွေ လာပေးမှာမဟုတ်ဘူး အဲဒီ့တော့ ဂရုစိုက်ရတာပေါ့နော်။ အင်း အဲဒီ့နေ့ ရောက်လာပြီးတော့ လုပ်ပေးတယ် ကျွန်တော်လည်း တစ်ခွန်းတော့ ပြောလိုက်တယ် ခင်ဗျားကို ကျွန်တော်လက်မှတ်ထိုးပေးထားတယ် အဲဒီ့တော့ ဒီနေ့ ရမှဖြစ်မယ်လို့။ ဟုတ်ကဲ့ မရ ရအောင် လုပ်ပေးသွားပါတယ်။ အဲဒီ့နေ့ ရတော့ ကျွန်တော်တို့မှာ ပျော်လိုက်ကြတာ အင်တာနက်ပြန်ရပြီပေါ့ တစ်ရုံးလုံးပျော်ကြတယ်။ ဟုတ်တယ်လေ အင်တာနက် မရတုန်းက ဆိုက်ဘာကဖေးမှာ သွားသွားပြီး သုံးနေကြရတာကိုး။ ကျွန်တော်က အလုပ်ပျက်မခံနိုင်တော့ သူတို့ကို ဆိုက်ဘာကဖေးမှာ သွားသုံးခိုင်းရတာပေါ့။ အဲဒီ့တော့ တခါတခါ သူတို့လေးတွေ ရုံးပြန်နောက်ကျတာပေါ့။ ခုတော့ ကိုယ့်ရုံးမှာကိုယ် အိနြေ္ဒရရသုံးလို့ ရသွားပြီလေ။ အင်း အဲဒီ့အပျော်လေးကဗျာ ၂ ရက်ပဲ ခံတယ်။ ၃ ရက်မြောက်မှာ ပျောက်သွားပါရောလား။ ပြောရရင်တော့ အင်တာနက်ကြီး ကျကွဲသွားတယ်ပေါ့လေ။ ဘယ်လိုမှကို သုံးလို့ မရတော့တာ။ စိတ်လည်းတော်တော်လေသွားတယ်။ ခုပဲရတယ် ခုပဲပျက်တယ် ကဲ ဘယ်လို အလုပ်လုပ်စားမလဲနော်။ စဉ်းစားကြည့်။

အဲဒါကြောင့် MPT ကို ဖုန်းဆက်ရတာပေါ့။ ပျက်နေတယ်ဆိုတော့ ဟဲ ဟဲ ရီတယ်ဗျ။ ပေါ့ပေါ့ပါးပါးပါပဲ ဘာမှ ပြန်မပြောဘူး။ ဘယ်လိုမရတာလဲတဲ့ မရတဲ့ အကြောင်းကို ပြောပြတော့ အဲလိုဆို မဖြစ်နိုင်ဘူးဆိုပဲ။ အော် ဖြစ်တဲ့သူက ဖြစ်နေတယ်ပြောတော့ ယုံချင်ကြဘူး။ ဒါဆိုလည်း လာစစ်ပေးပါဆိုတော့ အားဘူးတဲ့။ သေရော ဒါနဲ့ သူတို့ပြောတဲ့ အတိုင်း လုပ်ပါတဲ့ လုပ်လိုက်ပါတယ်။ လုပ်လို့ရတော့ browsing နှေးတယ်လို့ ပြောတော့ နောက်ဖုန်းနံပါတ် တစ်ခုထပ်ပေးတယ် ဆက်လိုက်တဲ့ အဲဒီ့ကို ပြောတဲ့။ အပေါ်ထပ်တဲ့ ကဲ ဟုတ်ပြီပေါ့ ဆက်တာပေါ့။ အဲဒီ့မှာ ဖုန်းလာကိုင်တဲ့ ကောင်မလေးကပြောတယ် သူတို့ဆီမှာတော့ ကောင်းနေတယ်တဲ့။ ဘုရား ဘုရား Gateway မှာတော့ ကောင်းမှာပေါ့ client က သုံးမရတာ ဘယ်နှယ့်လုပ်ရမလဲ။ သူတို့ဆီမှာကောင်းတယ်ဆိုတော့ ကျွန်တော်တို့ဆီမှာ မကောင်းဘူးလို့ပြောတော့ ဘာမှ ပြန်မပြောဘူး ဖုန်းချတယ် ဂွပ်တဲ့။ လူကို နင်သွားတာပဲ။ အဲဒါ အရင် ဖုန်းတစ်ခု ပြန်ဆက်ပြီးပြောတော့ သူတို့က IP ရမရ အထိပဲ ဆိုင်တယ်တဲ့။ အင်း နောက်ဆုံး IP လဲ မရတော့ဘူးဆိုတော့ ဘာမှ ပြန်မပြောတော့ဘူး။ အဲလိုနဲ့ နေလိုက်တာ နောက်ထပ် ၂ ရက်။ ကြာတော့ လူက သည်းမခံနိုင်တော့ဘူး။ ကြာတယ်ကွာဆိုပြီး နေပြည်တော်ကို ဖုန်းဆက်လိုက်တယ်။ ဟုတ်တယ်လေ ဘယ်ကို ဆက်ရမယ်မှန်းမှ မသိတော့တာ။ ရန်ကုန်က မရှင်းနိုင်ရင် နေပြည်တော်က လူကြီးတွေ ရှင်းပေးမှာပေါ့ဆိုပြီး ဆက်လိုက်တယ်။ အားကိုးတကြီးပေါ့ဗျာ။ ဒီတခါတော့ မှန်တယ်ပြောရမလား။ သေသေချာချာ နားထောင်သွားတယ် သေချာမှတ်သွားတယ်။ ကျွန်တော်လည်း ပြောလိုက်တယ်လေ ကျွန်တော်တို့က customer တွေပါလို့ help desk ဘယ်မှာလဲ ဘယ်လိုဆက်သွယ်ရမလဲ သိချင်တယ်လို့။ အဲဒီ့လို ပြောလိုက်တော့ သေချာနားထောင်သွားပါတယ်။ ပြီးတော့ ကျွန်တော့်ဆီက Record ယူသွားပါတယ်။ နောက် ခနနေတော့ ကျွန်တော့်ဆီကို ဖုန်းပြန်ဆက်ပြီး လိပ်စာတောင်းပါတယ်။ ကျွန်တော် ပေးလိုက်ပါတယ်။ အဲဒီ့အချိန် ကျွန်တော် အပြင်ရောက်နေပါပြီ။ အစည်းအဝေးတစ်ခု သွားနေတာပါ။ ညနေ ရုံးဆင်းခါနီးမှ ပြန်ရောက်တယ် အင်း ရုံးမှာ ဘာထူးသေးလဲမေးတော့ ဘာမှ မထူးဘူးတဲ့။ ကျွန်တော်လည်း လုပ်စရာ ရှိတာလေးတွေ လုပ်နေလိုက်တာ ည ၇ နာရီလောက်မှ ပြန်မယ်လုပ်တုန်း MPT က ဖုန်းလာပါတယ်။ အင်တာနက် မရဘူးဆိုတဲ့။ ဟုတ်ကဲ့ မရလို့ပါလို့ပြောတော့ ဘယ်လိုမရတာလဲတဲ့ ကျွန်တော်လည်း မရတဲ့အကြောင်းကို သေချာပြန်ပြောပြပါတယ်။ ပြီးတော့ ကျွန်တော်သိချင်တာလည်း ပြန်မေးလိုက်ပါတယ်။ ကျွန်တော်က End User မဟုတ်ကြောင်း ပြောပြပါတယ်။ ကျွန်တော့်ဘက်ကလည်း အင်တာနက် ပြန်ရဖို့အတွက် ဘယ်လို ပူးပေါင်းပါဝင်ရမလဲဆိုတာ မေးလိုက်ပါတယ်။ ခနနေတော့ နောက်တစ်ယောက် ဖုန်းပြောင်းကိုင်ပါတယ်။ အင်တာနက် မရတာနဲ့ နေပြည်တော်ကို ဖုန်းဆက်သလားတဲ့။ ဟုတ်ကဲ့ ဆက်ပါတယ်လို့ ပြောလိုက်ပါတယ်။ ကျွန်တော် ဒီမှာ ဖုန်းနံပါတ် ၂ ခု ၃ ခု ဆက်ပြီးပြီ ဘယ်သူမှ အရေးတယူ မရှိလို့ ကျွန်တော့်ကို အရေးတယူ ရှိမယ့်နေရာကို ဆက်ပါတယ်လို့ ပြောလိုက်တယ်။ တော်တော် စိတ်ဆိုးသွားပုံရပါတယ်။ ရှုးရှုးရှဲရှဲ ဖြစ်နေရှာပါတယ်။ ကျွန်တော့်မှာ သနားလိုက်တာဆိုတာ ပြောမနေနဲ့ အဆူခံကြရတယ် ထင်ပါ့။ ကိုယ်ကလည်း သူများ အဆူခံရအောင် လုပ်တာ မဟုတ်ပါဘူး ကိုယ့်အခက်အခဲ ပြောပြတာပဲလေ။

သူတို့ကို ကျွန်တော် ထပ်ရှင်းပြပါတယ်။ အင်တာနက် မရတဲ့အတွက် ကျွန်တော့်မှာ တနေ့တနေ့ အရှုံးစာရင်း ပြနေပါတယ်။ ဟုတ်ပါတယ် တကယ်လည်း ကျွန်တော့်အတွက် အင်မတန် နစ်နာပါတယ်။ အလုပ်အသစ် လုပ်လို့ မရသလို ရှိရင်းစွဲ အလုပ်တွေကိုတောင် ဆက်လုပ်လို့ မရပါဘူး။ Customer တွေနဲ့လဲ စာအဆက်အသွယ် ပြတ်နေပါတယ်။ ဒုက္ခကတော်တော် ကြီးပါတယ်။ အဲဒီ့တော့ သူတို့ကို ထပ်ရှင်းပြပါတယ်။ ကျွန်တော် အားအားယားယား ဆက်နေတာ မဟုတ်ပါဘူးလို့ မရလို့ ဆက်တာပါလို့။ ပြန်ပြောတဲ့ စကားလေး မှတ်သားစရာပါ။ User ထောင်ဂဏန်း ရှိပါတယ်တဲ့ ရာဂဏန်းပဲ မရတာဖြစ်နေတာပါတဲ့။ ကျွန်တော် ပြန်ပြောလိုက်ပါတယ် User သိန်းဂဏန်း ရှိလည်း တစ်ယောက်က မရရင် မရတာပဲလို့ အဲဒါ solution လိုချင်လို့ ဆက်နေတာ service လိုချင်လို့ ဆက်နေတာပါလို့ ပြောလိုက်တော့ ဟုတ်ပါတယ် ဘာညာ ပြန်ဖြစ်သွားပါတယ်။ ကလေးမလေး ငယ်အုံးမယ်ထင်ပါတယ်။ အသံနားထောင်ကြည့်တာနဲ့ သိပါတယ်။ ကျွန်တော်လည်း စိတ်မကောင်းပါဘူး customer တစ်ယောက်ကို အဲလို ဆက်ဆံတာ စိတ်အင်မတန်မကောင်း ဖြစ်ရပါတယ်။ ကျွန်တော့်ရုံးက ကျွန်တော့် ကလေးတွေသာ customer တွေကို အဲလိုသာ ဆက်ဆံရင် ကျွန်တော်နဲ့ ပြဿနာတက်သွားပါလိမ့်မယ်။ ဘာလို့လဲဆိုတော့ ကုမ္ပဏီ သိက္ခာကျလို့ပါ။ သူတို့ ကျွန်တော့်ကို ပြောပါတယ် စမ်းကြည့်ပါအုံးတဲ့ စမ်းကြည့်ပါတယ် မရပါဘူး။ နောက်တော့ ဖုန်းပြောနေရင်းကနေ အနောက်က အိန္ဒိယ technician ကို လှည့်ပြောတာ ကြားနေရပါတယ်။ ဘာညာ သာရကာပေါ့။ ကျွန်တော် အဲဒီ့ India Technician ကို ပြေးပြီး တွေ့လိုက်ချင်ပါတယ်။ တကယ်ပါ မေးလိုက်ချင်ပါတယ် မင်းတို့ ဘာလုပ်နေတာလဲလို့ မင်းတို့ provide လုပ်ထားတာ မကောင်းတာကို မင်းတို့ တာဝန်ဘယ်လိုယူမလဲလို့ မေးလိုက်ချင်ပါတယ်။ ဟုတ်တယ်လေ သူတို့တွေ ကျွန်တော်တို့ နိုင်ငံကို ပိုက်ဆံယူပြီး service လာလုပ်နေကြတာ မဟုတ်လား သူတို့မှာ တာဝန်ရှိတာပေါ့။ အသဲတော်တော်ယားသွားပါတယ်။ တကယ်ပါ အဲဒီ့ကောင်နဲ့ ကျွန်တော်နဲ့တွေ့ရင်တော့ ပွဲက ပြတ်လောက်ပါတယ်။ သူ့နိုင်ငံမှာဆိုရင်ရော သူဒီလို နေရဲမလား။ အဲဒီ့လို customer ကို ပစ်ပြီးထားရဲမလား သေသွားမှာပေါ့ အလုပ်ပါ တန်းပြီး ပြုတ်သွားနိုင်တယ်။ ကျွန်တော် မေးချင်တာ ပါးစပ်ကို ယားနေပါတယ်။ Connection မတည်ငြိမ်တာ သူတို့မှာ တာဝန်ရှိပါတယ်။ အဲဒါကို သူတို့ သိသင့်ပါတယ်။ မြန်မာ technician တွေကိုလည်း လက်တွဲခေါ်သင့်ပါတယ်။ ခုတော့ ကျွန်တော် တွေ့သမျှ technician တွေက မေးလိုက်ရင် IP ဆိုတာတောင် ဝါးတားတားရယ်။ ပြောရင် ကြိုက်ကြမှာ မဟုတ်ဘူး။ ဒါပေမယ့် ပြောမှာပဲ ဟုတ်တယ်လေ လုပ်နေတာနဲ့ သိတာနဲ့ လွဲနေတာကိုး ပြီးတော့ ဆက်ဆံရေးကလည်း အတော်ကြီးကို ဆိုးဝါးပါတယ်။ ကျွန်တော်တို့က customer တွေပါ Customer is always right ဆိုတာ သူတို့ ကြားဖူးပုံတောင် မပေါ်ပါဘူး။ ကျွန်တော်တို့မှာ ကိုယ့်ပိုက်ဆံနဲ့ကိုယ် မျက်နှာငယ်ရပါတယ်။ ပိုက်ဆံလဲပေးပြီး ဝယ်ရသေးတယ် ကောင်းလည်းမကောင်းဘူး ဘာ့ကြောင့်လဲ မေးရင်လည်း ရန်လုပ်နေသလို ပြန်ဖြေတယ်။ မခက်ဘူးလားဗျာ။

နောက်ရက်ကျတော့ သူတို့ဆီက လူတစ်ယောက်ကို လွှတ်ပေးပါ့မယ်တဲ့ လာခေါ်ပါတဲ့ ဟုတ်ကဲ့ခေါ်ပါတယ် ပြဿနာမရှိပါဘူး ဒီကလည်း သိပ်ကို လာစေချင်နေတာ ပြချင်နေတာလေ ဘယ်လို အခက်အခဲ ဖြစ်နေလဲဆိုတာကို ဒါမှ ပြီးမှာကိုး။ အဲဒီ့မှာ ကျွန်တော် မအားတာနဲ့ မန်နေဂျာကို ဖုန်းဆက်ခိုင်းလိုက်တယ် ဘာဖြစ်တယ်ဆိုလားပဲ "ခင်ဗျားတို့ထက် အရေးကြီးတဲ့သူ ရှိတယ် သွားရအုံးမယ် ပြီးမှ လာမယ်တဲ့" ပြောတဲ့ အသံက တော်တော် မောက်မာတယ်တဲ့။ သူအရေးကြီးတယ် ပြောတာကလည်း မြန်မာပြည် သူဌေးထဲက တစ်ယောက်ပါ။ အော် လို့ပဲ ကျွန်တော် ပြောချင်ပါတော့တယ်ဗျာ။ တကယ်ပါ ညနေစောင်းတော့ ရောက်လာပါသတဲ့။ ဘာမှ မထူးပါ။ ကျွန်တော့် ရုံးကိုလိုက်မလာပါ။ ဖိုင်ဘာ ပြတ်နေသတဲ့ အော် ဖိုင်ဘာပြတ်နေတာ ခုမှ သိရှာတာကိုး စိတ်မကောင်းလိုက်တာဗျာ။ မအားရင်လဲ ပြောပေါ့ဗျာ ကြည့်ပေးထားမှာပေါ့ ဟုတ်ဘူးလား။ ကိုယ်က သုံးချင်တဲ့ကောင်ပဲ ဒီလောက်တော့ လုပ်ပေးနိုင်ပါတယ်။ ရုံးပိတ်ရက်တွေက ခံသွားပြန်တော့ နောက်ကျအုံးမယ်ဆိုတာ မှန်းလို့ရပါတယ်။ ဒီလိုပဲ စိတ်ရည်သည်းခံ အမြင်မှန်ဆိုပြီး စောင့်ကြည့်နေလိုက်ပါတယ်။ ဖုန်းတော့ ထပ်မဆက်ချင်တော့ပါဘူး ကျွန်တော်ရှက်လို့ပါ သူတို့တော့မသိဘူး ကျွန်တော်က ပြောရလွန်းလို့ ရှက်နေပါတယ်။ အင်း နောက်ဆုံးတော့ ဖုန်းလာတယ် ဖိုင်ဘာ ပြန်ကောင်းရင် ပြန်ရမယ်တဲ့။ အင်းလေ အဲဒါ အစကထဲကများ ဘာဖြစ်တယ်ဆိုတာ စစ်ထားလိုက်ကြရင် ကျွန်တော်လည်း စိတ်မပင်ပန်းရသလို ဘယ်သူ့ကိုမှလည်း ဖုန်းဆက်ပြောစရာ မလိုဘူးပေါ့ဗျာနော့။ ခုတော့ အားလုံးပင်ပန်းရသလို ကျွန်တော့်မှာလည်း စီးပွါးရေးအရ ထိခိုက်မှုတွေ ရှိပါတယ်။

နောက်နေ့ကျတော့ ရပါတယ် မှတ်မှတ်ရရ မေလ ၂ ရက်နေ့မှာ ရပါတယ်။ နေ့လည်ပိုင်းမှာ ရသွားပါတယ်။ ဟုတ်ကဲ့ ကျွန်တော်လည်း ပျော်ရွှင်စွာနဲ့ အင်တာနက် ပြန်သုံးနေတုန်း မုန်တိုင်းသတင်းလေး ဖတ်နေမိတယ်။ ညနေကျတော့ ကလေးတွေကို စောပြန်ခိုင်းလိုက်ပြီး ကျွန်တော်နဲ့အတူ ကလေးတစ်ယောက်ကျန်ခဲ့ပါတယ်။ သူကလည်း လုပ်လက်စမပြတ်သေးဘူးဆိုတာနဲ့ ဆက်လုပ်နေတာ ကျွန်တော်ကလည်း မဟာကော်နက်ရှင်ကြီး ပြန်ရတော့ ပျော်ပျော်ပါးပါး ထိုင်သုံးနေတာ ညစာစားဖို့မေ့ အိမ်ပြန်ဖို့မေ့တဲ့အထိပါပဲ။ ည ၉ နာရီထိုးခါနီးမှာ ကျွန်တော့်ဆီ ဖုန်းတွေဝင်လာပါတယ် ပြန်တော့ နာဂစ်လာမယ်တဲ့။ အဲဒါနဲ့ ကျွန်တော်လည်း ပြန်လိုက်ပါတယ်။ ပြန်တော့ လမ်းမှာတောင် တော်တော်ရှင်းနေပါပြီ။ အိမ်ပြန်ရောက်ပြီးတော့ ညဘက်မှာ နာဂစ်သောင်းကျန်းတာကို ထိုင်ငေးနေရင်း တနေ့ကုန်သွားပါတယ်။ နောက်နေ့မှာ ရန်ကုန်၊ ဧရာဝတီတိုင်းတို့ နာဂစ်လက်ချက်နဲ့ ပန်လန်လက်ပြီး လန်ထွက်ကုန်ပါတော့တယ်။ ကဲ အဲဒီ့တော့ဗျာ အင်တာနက်ဆိုတာ စိတ်ကူးတောင် ယဉ်စရာမလိုတော့ဘူးပေါ့။ နာဂစ်မလာခင်လေးတင် သုံးလိုက်ရတယ် တစ်ရက်တောင် မပြည့်ချင်ဘူး။

ကဲ နောက်တစ်ပတ်လောက်ကြာတော့ ရုံးပြန်ဖွင့်တယ်။ ဖုန်းကောင်းတယ် မီးလာပြီ အင်တာနက် မရပါ။ သူများတွေ တော်တော်များများ အင်တာနက် ပြန်ရနေပါပြီ။ စုံစမ်းကြည့်တော့ MPT က user တွေပြန်ရနေပြီတဲ့။ ဒါနဲ့ကိုယ်လည်း ရလိုရငြားစမ်းကြည့်တော့ မရပါဘူး။ ဒီတော့ ထုံးစံအတိုင်း ဖုန်းဆက်။ သွားခေါ်လုပ်ပေါ့။ လိုက်လာရှာပါတယ်။ ကျွန်တော့်သူငယ်ချင်း သွားခေါ်ပေးတယ်။ သူပဲ တချိန်လုံး လိုက်လုပ်တယ် မရဘူး။ DSLan down နေတယ်တဲ့။ ပြီးတော့ ဖိုင်ဘာပြတ်နေပြန်တယ်တဲ့။ ကဲ အဲဒီ့တော့ ဖိုင်ဘာသမားဆက်မှ ဖြစ်မယ်တဲ့။ ဟုတ်ကဲ့ ဖိုင်ဘာအဖွဲ့က အဲဒီ့နေ့ပဲ ရောက်လာပြီးဆက်သွားပါတယ်။ ဖိုင်ဘာအဖွဲ့ကို နောက်နေ့ ဖုန်းဆက်ကြည့်တော့ ဖိုင်ဘာအဖွဲ့က သူတို့ အပိုင်းပြီးပြီတဲ့ DSLan down နေတာတဲ့။ ကဲ MPT ကို တစ်ခေါက်ထပ်ဆက်။ သူတို့ခမျာ ဖိုင်ဘာပြန်ဆက်ပြီးတာတောင် မသိကြရှာဘူး။ ဖိုင်ဘာပြတ်တယ်ပဲ ထိုင်ပြောနေတယ်။ ကျွန်တော်က ဖိုင်ဘာအဖွဲ့ ဆက်ပြီးပြီဖြစ်ကြောင်းပြောပြတော့မှ အော်ဟုတ်လားတဲ့။ ကဲ တစ်ဌာနထဲ အလုပ်လုပ်နေတာ မသိကြဘူးဆိုတော့ မခက်ဘူးလား။ ဒါတောင် သူတို့က ပြောသေးတယ် သူတို့ လူကြီးဆီဆက်ပါလားတဲ့။ ကျွန်တော်ပြောလိုက်တယ် အဲဒါ ကျွန်တော့်အလုပ်မဟုတ်ဘူး ခင်ဗျားတို့ အလုပ်လို့။ ကျွန်တော့်ကိစ္စက အင်တာနက် သုံးချင်တာ ရအောင်လုပ်ပေးပါလို့။ ဘာမှပြန်မပြောဘူး ဖုန်းကို ဂွပ်ကနဲ ချသွားတယ်။

မနေ့ကတော့ စိတ်ဆိုးလွန်းလို့ မနက်စောစောဖုန်းဆက်လိုက်တာ ကုလားတစ်ယောက်လာကိုင်တယ် ဒီကောင် မြန်မာလို မတတ်ဘူး။ စကိုင်လိုက်ကထဲက မြန်မာမဟုတ်မှန်းသိတယ်။ ကျွန်တော်လည်း ဒေါသကတော်တော် ထွက်နေတာနဲ့ တော်တော်ပြောပစ်လိုက်တယ်။ ငါ adsl မသုံးရတာ ၃ လကြာပြီ မင်းတို့ ဘယ်လိုလုပ်ပေးမှာလဲလို့ မေးတော့။ သူကတအားအံ့သြနေပါတယ်။ သူလုံးဝမသိဘူးတဲ့ သူတို့ဆီကလူတွေ မရှင်းပြဘူးလား ဘာညာနဲ့ ကျွန်တော့်ကို ပြန်မေးနေတယ်။ ကျွန်တော်ကလည်း ဖြစ်သမျှအကြောင်းကို ပြန်ပြောတော့ သူကျွန်တော့်ကို တောင်းပန်တယ်။ သူလုံးဝမသိကြောင်းထပ်ပြောပြီးတော့ ခနကိုင်ထား စမ်းကြည့်မယ်လို့ပြောတယ်။ ကျွန်တော်လည်း ဖုန်းနံပါတ်ပေးပြီးပြောတော့ သူသွားစစ်ပုံပေါ်တယ်။ ဟုတ်တယ် အဲဒီ့ဘက်မှာ ဖြစ်နေတယ် ပျက်နေတယ်တဲ့။ ကျွန်တော်ပြောလိုက်တယ် ကဲ ပျက်ရင်ပြင်ပေါ့လို့ မင်းတို့က customer ကို ဆက်ဆံပုံမဟုတ်သေးဘူးလို့ ပြောတော့ သူကကျွန်တော့်ကို သူ့ဖုန်းနံပါတ်ပေးပြီး သူ့ကို direct contact လုပ်ပါလို့ ပြောပါတယ်။ သူလည်း ကျွန်တော့်ဖုန်းနံပါတ်ယူသွားပါတယ်။ သူလည်း ပြန်ဆက်သွယ်ပါ့မယ်တဲ့။ ခုထိတော့ မရသေးပါဘူး။ ဖုန်းထပ်ဆက်တော့ ကြိုးစားနေပါတယ်တဲ့။ ခုထိလုံးဝကို မရသေးပါဘူး။ နာဂစ်ကို လွှဲချဖို့ ကြိုးစားပါသေးတယ်။ အော် နာဂစ်နဲ့ ဒီဘက်အခြမ်းက တစ်ခြားစီပါ။ Bagan DSL တွေတောင် ပြန်သုံးလို့ ရနေပါပြီ။ ခုထိ ဒီဘက်မှာ MPT DSL သုံးလို့မရသေးပါဘူး။ သံသယတောင် ဝင်မိသေးတယ်။ ငါ့ကိုများတမင်သက်သက် ညစ်ထားသလားလို့။ အဲလိုတွေးမိတယ်။ အဲဒီ့လို တကယ်သာဆိုရင်တော့ တော်တော်အောက်တန်းကျတယ်လို့ ထင်ပါတယ်။

နောက်ထပ်နေပြည်တော်ကို ဆက်ဖို့ စဉ်းစားနေရပါတယ်။ တော်ကြာတိုင်တယ်ဖြစ်အုံးမယ် ထပ်ပြီးငြှိုးနေမှ ခက်နေမယ်။ ကိုယ့်မှာက ဒါလေးရမှာ ဝါးတီးမှန်တာလေ။ နေပြည်တော်က ညီမလေးတစ်ယောက်ကတော့ ဖုန်းဆက်ပြီး မေးရှာပါတယ်။ သူတို့ဆီမှာတော့ Complaint လာရင် ချက်ခြင်းလုပ်ပေးတယ်တဲ့။ ရန်ကုန်မှာ မလုပ်ပေးဘူးလားတဲ့။ ကျွန်တော်လည်း မလုပ်ပေးဘူးလို့ ပြောတော့ အံ့သြနေရှာတယ်။ သိပ်ခက်တယ်ဗျာ ခုထိ Customer Service ဆိုတာ နားမလည်သေးဘူး ထင်ပါရဲ့။ လူတွေကို လူလိုမဆက်ဆံချင်ဘူး။ လာရင်လည်း လက်ဘက်ရည်တိုက် ဘာညာသာရကာ နေကြာကွာစိ ရှူပ်လွန်းတယ်။ ကိုယ့်ပိုက်ဆံနဲ့ကိုယ် မျက်နှာအတော်ငယ်ရတယ်။ ကျွန်တော်သူတို့ကို မေးကြည့်သေးတယ် ပိုက်ဆံပြန်အမ်းမလားလို့။ အဲဒီ့လို အမ်းရင်တော့ ကျွန်တော်ပိုက်ဆံပြန်ယူမယ် သူတို့ service ဒီလောက်ညံ့တာ ဘာလို့ဆက်သုံးမလဲ။ နေပြည်တော်က လူကြီးတွေ မသိဘူးဆို သိအောင် ပြောပြချင်တယ်။ ဒီမှာ အလုပ်လုပ်နေကြတဲ့ပုံကို ကျွန်တော်သာ အဲဒီ့ဌာနကို ပိုင်ရင်အားလုံး တန်းဆီပြီး ဖြုတ်ပစ်မယ်။ လခညာယူနေကြတာ အလကား ဟာတွေ ဘာမှ သုံးမရဘူး။ တိုင်းပြည်နာတယ်။ ဌာနနာမည်ပျက်တယ်။ တကယ်ပါဗျာ ရန်ကုန်က အင်တာနက် User တွေကို ကူညီပေးမယ့် Help Desk လေးတစ်ခု 106 လိုပေါ့နော် ပေါ်လာမယ်ဆို အတိုင်းထက်အလွန် ဝမ်းသာရမှာပါ။ ကျေးဇူးလည်း တင်မှာပါ။ ဖြစ်နိုင်ရင် ကူညီကြပါလို့။ ဖြစ်နိုင်ရင် ပြန်လည် စိစစ်ပေးကြပါလို့ ဒီနေရာကနေ တိုက်တွန်းပါတယ်။ ခုတော့ ကျွန်တာ့်မှာ တနေ့တနေ့ တောက် . . . ဒီကော်နက်ရှင်နဲ့ကတော့ကွာ ဖြစ်နေရပါကြောင်း။

Read More...

Monday, May 12, 2008

နာဂစ်နဲ့ဂျာရစ်


အမရေ၊ အဘရေ နိုးကထဲက ရှာလို့မရသေးပါဘားနော်။ ငါအော်နေတာ အသံတောင်ကုန်တော့မယ်။ မနက်ကျရင် လာခေါ်မယ်ပြောပြီး ခုထိလဲ မလာသေးဘူး။ ခဏခဏအော်တော့ ဆရာတော်ကြီးက မုန့်စားတဲ့။ အင်းလေ ငါလဲဗိုက်ဆာပြီဆိုတော့ စားလိုက်တာပေါ့။ ဆရာတော်ဘရားကြီးက ငါတို့ကလေးတွေ အားလုံးကို ဘီစကစ်တစ်ချပ်နဲ့ ငှက်ပျောသီးတစ်လုံး ကျွေးတယ်သိလား။ ဒါနဲ့ငါတို့တွေလဲ မုန့်စားပြီး ငြိမ်ငြိမ်လေး နေရတာပေါ့။ တော်ကြာဆရာတော် စိတ်ဆိုးရင် ကြိမ်လုံးနဲ့ဆော်နေအုံးမယ်။ မနေ့ညကထ့က အဘနဲ့အမက ငါ့ကို ဆရာတော်ကျောင်းကို လိုက်ပို့ထားတာ။ အင်းအဲလိုပါပဲ ရွာကကလေးတွေတော်တော်များများ ကျောင်းထဲမှာရောက်နေတာ။ ညကလေတွေ မိုးတွေရွာနေတုန်း လိုက်ပို့တာ။ ငါပျော်လိုက်တာလေ မိုးတွေရေတွေထဲသွားရတာ သွားရတာ။ ဆော့ချင်တာ အဘက မဆော့ရဘူးဆိုလို့သာ ငြိမ်နေရတာ။ ငါ့ကိုပို့ပြီးတော့ အမရော အဘရော ဆရာတော်ကို ကန်တော့ပြီးပြန်သွားတယ်။ အိမ်သွားပြီး အထုပ်သိမ်းအုံးမယ်တဲ့။ ဆရာတော်က မြန်မြန်ပြန်လာလို့တော့ ပြောသံကြားသားပဲ။ ခုထိကို ပြန်မလာကြသေးဘူး။ ဟွန်းစိတ်ဆိုးချင်လာပြီ။ လာရင်တော့ စိတ်ကောက်ပြအုံးမယ်။

ဟင် အိမ်ဘေးက ဦးခွေးကြီးလာပြီ။ အမတို့ မလာသေးဘူး။ ဆရာတော်ကို ပြောနေတယ် ညက အခြေအနေ အတော်ဆိုးတယ်တဲ့။ ရေတွေကလဲ ကြီးတယ်ဆိုပဲ။ ပြောရင်းနဲ့ ငိုနေပြန်ပြီ။ ယောက်ျားဆိုတာ မငိုရဘူးတဲ့ အဘကပြောဖူးတယ် ဦးခွေးက ယောက်ျားကြီးတန်မဲ့ ငိုတယ်နော်။ ဘာလို့လဲ မသိဘူး။ ရွာကလူတွေ တော်တော်များများ နာဂစ်နဲ့ ပါသွားပြီတဲ့။ နာဂစ်ဆိုတာ ဘယ်သူလဲဟင်။ ဆရာတော်လည်း မျက်နှာမကောင်းပါလား။ အာ နေ့လည်ရောက်တော့မယ် ဗိုက်က ပြန်ဆာလာပြီ။ ဦးခွေးကြီးကို မေးမှပဲ အဘတို့လာသေးဘူးလားလို့။ ဟင် ငါမေးတာ ဖြေလဲမဖြေဘူး။ မျက်ရည်တွေနဲ့ လူကြီးဖြစ်ပြီး ငိုနေပြန်ပြီ။ ဧကန်န ဆရာတော်ဆူလိုက်သလား မသိဘူး။ ဘာတဲ့ အဘရော အမပါ နာဂစ်နဲ့ ပါသွားတယ်။ ခက်တော့တာပဲ ငါ့ကျတော့ မခေါ်ဘူး။ ဒါဆို ညနေမှ လာမှာလား မသိဘူး။ ဟော ဆရာတော်က နေ့လည် ထမင်းစားခိုင်းနေတယ်။ ပွတာပဲ ဘုန်းကြီးကျောင်းမှာက ဟင်းကောင်းတတ်တယ်။ ဟင် ဒီတခါ ဟင်းလဲ မကောင်းဘူး။ တတ်နိုင်ဘူးလေ ရတာ စားရမှာပေါ့။ ဗိုက်ကဆာနေတာကိုး။

အဘနဲ့အမ ငါ့ကို လာမခေါ်တာ ၂ ရက်ရှိပြီး ဆရာတော်ကို မေးတော့လဲ နာဂစ်ပဲ ထပ်ပြောတယ်။ အမတို့ အဘတို့ ရက်စက်ပါ့ ငါ့ထက် နာဂစ်ကို ပိုပြီးဂရုစိုက်နေကြတယ်။ အင်း ခုလဲ ဆရာတော်ဆီကို လူကြီးတွေလာနေကြတယ်။ အမလာမှ ပြောရအုံးမယ်။ အဲဒီ့လူကြီးတွေကလေ တို့ရွာမှာ ရေတွေကြီးနေတာကို ပြောနေတယ်။ ရေကြီးတာ ဘာဖြစ်လဲနော် လှေနဲ့သွားပေါ့။ ငါတို့လဲ အရင်က ဒီလိုပဲ သွားနေကျပဲလေ။ အဲဒီ့လူကြီးတွေတင် မဟုတ်ဘူး ရွာနောက်ဘက်က လူတွေလဲ ဒီမှာ ရောက်နေကြတယ်။ အမရေ ဆရာတော်ကျောင်းထဲမှာ ခုဆိုလူတွေ အတော်များနေကြပြီဗျ။ ငါမနေတတ်တော့ဘူး မြန်မြန်လာခေါ်ပါတော့။ ဒီလောက် လူများပုံထောက်ရင် အလှူရှိတယ် ထင်တယ်နော်။ ဒါပေမယ့် ဒီတခါ အလှူလုပ်မယ့်ပုံကတမျိုးကြီးပဲ။ ဘယ်သူမှလဲ ပျော်ပျော်ရွှင်ရွှင် မတွေ့ရဘူး။ မနေ့ညနေကလေ ကျောင်းအောက်နား ဆင်းကြည့်တာ ရွာဘက်ကို မျှော်ကြည့်တော့ ရေတွေချည်းပဲ။ အိမ်တွေတောင် မမြင်ရဘူး။ ဆရာတော်ကျောင်းထဲကနေ အရင်တုန်းက ကြည့်ရင် ရွာကိုမြင်ရတယ် ခုတော့ ရေတွေချည်းပဲ။ အဲဒါကပ္ပိယကြီးကို မေးတော့ နာဂစ်ကြောင့်တဲ့။ လာပြန်ပြီ နာဂစ် ဘာမှန်းလဲ မသိဘူး ဒါပဲပြောနေကြတယ်။

အမရေ ဒီနေ့တော့ မြို့ကလူတွေ မုန့်တွေလာဝေကြတယ်ဗျ။ သူတို့ကလေ မုန့်ဝေမယ်ပြောလို့ ကျောင်းဝန်းထဲမှာ တန်းစီပြီးစောင့်နေကြတာ အများကြီးပဲ။ သူတို့က မုန့်ဝေမယ်လဲပြောသေးတယ် နေ့လည်အထိလဲ မဝေဘူး။ ဟိုဟာလုပ်လိုက် ဒီဟာလုပ်လိုက်နဲ့ စိတ်မရှည်ချင်တော့ဘူး။ သူတို့က ရွာဦးကျောင်းနားအထိ လှေတွေနဲ့လာတာတဲ့။ အထုပ်တွေ အများကြီးပဲသိလား။ ဒါပေမယ့် ကျောင်းဝန်းထဲကို ယူလာတာနဲနဲလေးရယ်။ အဲဒီ့လူကြီးတွေက သောက်ညင်ကပ်စရာကြီးတွေဗျ သိလား။ အင်္ကျီအဖြူ၊ ပုဆိုးအစိမ်းတွေနဲ့ လက်မှာလဲ အစည်းတွေစည်းထားသေးတယ်။ ငါတို့ကလေးတွေကိုလဲ ငြိမ်ငြိမ်နေဆိုပြီး အော်သေးတယ်။ မနက်ကထဲက စောင့်နေရတာ ဗိုက်က အတော်ဆာနေပြီ။ ဒီနေ့ ဆရာတော်က ဘာမှလဲ မကျွေးဘူး။ ကပ္ပိယကြီးက မုန့်တခြမ်းပဲ ငါဗိုက်ဆာတယ်ဆိုလို့ ကျွေးတယ်။ သူကပြောတယ် မုန့်တွေ မရှိတော့ဘူးတဲံ။ ခုမြို့ကလူတွေ မုန့်လာဝေတော့ ငါတို့ စားရတော့မှာပေါ့နော်။ ဒါပေမယ့်လေ သူတို့က ဟိုစာရွက်လှန်လိုက် ဒီစာရွက်လှန်လိုက်နဲ့ အကြာကြီးပဲ။ ပေးတော့လဲ ရေတစ်ဗူးရယ် မုန့်နှစ်ထုပ်ရယ်ပဲ။ ခေါက်ဆွဲထုပ်တဲ့။ ငါဘယ်လိုစားတတ်မှာလဲဟာ။ အဲဒါ ငါက ဗိုက်ဆာတယ် ထမင်းစားချင်တယ်ဆိုတော့ အဲဒီ့ထဲက လူကြီးတစ်ယောက်က ငါ့ကို နာဂစ်ကြောင့် စိတ်ညစ်ရတဲ့အထဲ ဒါပဲစားလို့ ပြောတယ်သိလား။ အဲဒါ ဦးခွေးကြီးက ကလေးပဲဗျာ ဘယ်သိပါ့မလဲလို့ ပြောတော့။ သူက ဦးခွေးကြီးကိုပါ လှည့်မန်သွားသေးတယ် သိလား။ သူကျတော့ ထမင်းဗူးဖွင့်စား နေတယ် ငါတို့ကျတော့ မကျွေးဘူး။

သူတို့တွေက ပြောသေးတယ် နောက်နေ့ လာမှ ထပ်စားရမယ်တဲ့။ အဲလိုပြောသွားတယ်။ ငါတို့တွေ အားလုံးထဲမှာလေ အဝတ်အစား သပ်သပ်ရပ်ရပ်နဲ့ ရှိနေတဲ့ ရွာနောက်ပိုင်းက လူတွေနဲ့ သူတို့ မုန့်တွေပေးတာ ဓါတ်ပုံတွဲရိုက်သွားကြတယ် သိလား။ ငါတို့ကျတော့ ရိုက်ပေးဘူး။ အင်း ခုမှ သတိရတယ် အမတို့ ငါ့ကို ထားခဲ့ကထဲက ဒီအင်္ကျီပဲ ခုထိမလဲရသေးဘူး။ တော်တော်တောင် နံနေပြီ။ ဒါမဲ့ ဘာတတ်နိုင်မှာလဲ သူများတွေလဲ ငါ့လိုပဲ နံနေတာပဲ။ အိမ်မှ ပြန်လို့ မရသေးတာနော်။ ဒီတခါ ဘုန်းကြီးကျောင်းမှာ နေရတာ အကြာဆုံးပဲနော်။ အမနဲ့အဘလဲ ခုထိလာမခေါ်သေးဘူး။ အမရေ ခုရင်ပိုင်းတွေ ငါတို့ ဘာမှမစားရဘူး။ ဗိုက်ဆာလို့ ငိုရင်တောင် နဲနဲခြင်းစီပဲ စားရတယ်။ ဦးခွေးကြီးတို့တွေဆို ရေတောင် သိပ်သောက်တာ မတွေ့ဘူး။ ငါတို့ ကလေးတွေကိုတော့ တိုက်ပါတယ်။ ဒါမဲ့ အရင်လို အများကြီး မတိုက်ဘူး နဲနဲခြင်းစီ တိုက်တာသိလား။ အိမ်မှာနဲ့တော့ အပုံကြီးကွာတယ်။ အိမ်ပြန်ချင်တယ် အမရာ။ လာခေါ်ပါတော့ မြန်မြန်လေး။ ရွာကလူကြီးတွေလဲ ဆရာတော်နဲ့ စကားပြောလိုက် ဟိုပြေးဒီပြေးလုပ်လိုက်နဲ့ ဘာတွေရှုပ်နေမှန်းကို မသိဘူး။ ဒီနေ့လဲ ဟိုနေ့က လူကြီးတွေ ပြန်လာတယ် အမရ။ သူတို့က ဆရာတော်ကို ပြောတယ် တပည့်တော်တို့ ထောက်ပံ့ကြေးတွေစုနေသေးလို့တဲ့။ ဒီတခါ တို့တွေကို မုန့်မပေးဘူး သိလား။ လှေပေါ်မှာတော့ မုန့်ထုပ်တွေတွေ့လိုက်တယ်။ သူတို့ မပေးတော့ ငါတို့လဲ မစားရဘူးပေါ့။

အမရေ ငါထမင်းမစားရတာ ဒီနေ့နဲ့ဆို ၂ ရက်ရှိပြီ ဗိုက်ကတအား ဆာတာပဲဟာ။ ငိုလဲ မငိုချင်တော့ဘူး ငိုရင်ပိုပြီးဆာလို့။ ရေလဲ ကောင်းကောင်း မသောက်ရဘူး။ ဟော အမရေ လာပြန်ပြီ နောက်တဖွဲ့။ အမရေ ဒီတခါလာတဲ့ လူတွေကလေ ရုပ်ရှင်ထဲကလို ပုံမျိုးတွေဗျ။ ဘောင်းဘီတွေ ဘာတွေနဲ့သိလား။ အကိုကြီးတွေ အမကြီးတွေဗျ။ သူတို့က ငါတို့ကို ရောက်ရောက်ခြင်း ရေတိုက်တယ် မုန့်တွေကျွေးတယ် သိလား။ ပြီးတော့လေ ကျောင်းနောက်ဘက်မှာ ထမင်းချက်မှာလို့ပြောတယ်။ ရွာထဲက လူကြီးတွေလဲ ပြုံးနေတာပဲ သိလား။ ဟိုတခါလူတွေနဲ့ မတူဘူးသိလား။ ငါတို့ကို တစ်ယောက်က ပုံပြင်တွေတောင် ပြောပြသေးတယ်။ ပြီးရင် ထမင်းကျွေးမှာတဲ့။ ပြီးတော့ ငါတို့တွေ အားလုံးကို ဓါတ်ပုံလဲ ရိုက်ပေးတယ်။ အင်္ကျီတွေလဲ ပေးသေးတယ်။ သူတို့က ပြောတယ်သိလား နေ့တိုင်း ထမင်းစားရမှာတဲ့။ အဲဒါ ထမင်းစားချိန်ရောက်တော့ ငါတို့ ကလေးတွေကို အရင်ကျွေးတယ် ပြီးတော့ လူကြီးတွေရော သူတို့တွေရော စားကြတယ်။ ညနေစာလည်း ကျွေးမှာတဲ့။ အဲဒီ့ထဲမှာလေ ဦးဦးဆရာဝန်ဆိုတဲ့ လူကြီးလဲပါတယ် သိလား။ ငါတို့ကို ဆေးပြားလေးတွေသောက်ခိုင်းတယ်။ ငါကမသောက်ချင်ဘူးလို့ပြောတော့။ သောက်ပါတဲ့ သောက်ပြီးရင် ချိုချဉ်ကျွေးမယ်တဲ့ အဲဒါ ငါလည်းသောက်လိုက်တယ်။ ပြီးတော့ ချိုချဉ်စားရတယ်ဗျ။

ညနေရောက်တော့လေ ဟိုတနေ့ကလာတဲ့ လူကြီးတွေ ရောက်လာတယ် သိလား။ ပြီးတော့ ငါတို့ကို ထမင်းကျွေးတဲ့ ဦးဦးတွေကို ပြန်ခိုင်းတယ်။ အဲဒီ့ဦးဦးတွေ သနားပါတယ်ဟာ။ အဲဒီ့လူကြီးကို ဝိုင်းတောင်းပန်ကြတယ် သိလား။ နာဂစ်အကြောင်းလဲ ပြောတယ်။ ပြီးတော့ သူတို့က ဒီမှာ နေ့တိုင်း အလှူလုပ်မှာလို့ ပြောတာ ဟိုလူကြီးက အတင်းပြန်ခိုင်းတာပဲ သိလား။ အမပြောတာ ပြန်သတိရမိတယ် သူများ အလှူလုပ်မှာကို ဖျက်ရင် ပြိတ္တာဖြစ်တယ်ဆိုတာလေ။ ညနေထမင်းကျက်တော့ ဟိုဦးဦးတွေ ပြန်သွားတယ်သိလား။ ဟိုလူကြီးက ဦးဦးတို့ မပြန်ရင် ဦးဦးတို့ကို တုတ်နဲ့ရိုက်မှာလို့ ငါ့ကို တိုးတိုးလေးပြောတယ်။ ဦးခွေးကြီးက အံတကြိတ်ကြိတ်နဲ့ သိလား ဆရာတော်ကတော့ ကျောင်းအောက်တောင် ဆင်းမလာတော့ဘူး။ ထမင်းကျွေးတဲ့ ဦးဦးတွေနဲ့ ပါလာတဲ့ မမကြီးတွေ ငါတို့ကို ကြည့်ပြီးငိုကြတယ်။ ပြီးတော့ ပြန်သွားကြတယ်။ နောက်နေ့မှ ရောက်အောင် လာခဲ့မယ်တဲ့။ ငါတို့ကို မုန့်လေးတွေ ပေးသွားသေးတယ် သိလား။ ဒါပေမယ့် အမရာ ပြန်မလာပါဘူးသိလား။ ဟိုလူကြီးတွေပဲလာတယ် ငါတို့ကိုဦးဦးတို့လို မုန့်လဲ မကောင်းကောင်းမကျွေးဘူး သိလား။ အော်ငေါက်နေတာပဲ ကျွေးတော့လဲနဲနဲလေး။ ဟိုဦးဦးတွေက အဲဒီ့လူကြီးတွေ ရိုက်မှာစိုးလို့ မလာတာထင်တယ်နော်။ ငါသာ လူကြီးဆိုသူတို့ကို ပြန်ရိုက်မှာ ဟုတ်တယ်လေ ထမင်းကျွေးတဲ့ ဒီလောက်စေတနာကောင်းတဲ့ ဦးဦးတို့ကို သူမို့နှင်ရက်တယ်။ ဦးခွေးကြီးကို သွားပြောတော့ သူလဲ ဘာမှ မတတ်နိုင်ဘူးတဲ့။ အမရာ နာဂစ်နဲ့ မနေနဲ့ဟာ ပြန်လာခေါ်တော့ ငါရေလဲဆာတယ် ဗိုက်လဲဆာတယ်။ ငါထိုင်ထိုင်ငိုနေတော့ လူကြီးတွေက မငိုပါနဲ့ ဂျာရစ်ရယ်ပဲပြောတယ်။ ငါဗိုက်ဆာပြီဟာ ပြန်လာခေါ်တော့ဟာနော်။ ဒါမှမဟုတ်လဲ နာဂစ်ကိုပြောလိုက်ပေါ့ ဂျာရစ်လေး သနားပါတယ်လို့ သူ့ကိုပါ ခေါ်ထားရအောင်လို့ ပြောလိုက်ပေါ့ဟာနော်။ ငါတစ်ယောက်ထဲ မနေချင်ဘူး အမရာ။ မြန်မြန်ပြန်လာခေါ်တော့နော်။ ဗိုက်လဲဆာတယ် ရေလဲဆာတယ် သိလား။

Read More...

Sunday, May 11, 2008

ပြင်မရတဲ့ကောင်

စိတ်နဲ့လူ မကပ်တော့
ညတွေက ပိုမှောင်လာသလို
တနေ့သိနိုးသိနိုးနဲ့
အချိန်တွေက ငါ့ကိုစောင့်နေသလား
ဒါမှမဟုတ်
ငါကပဲ အချိန်တွေကိုစောင့်နေသလား
အသံထွက် ရွတ်ကြည့်တော့မှ
ငါ့နာမည်က
ပေါ့ပျက်ပျက်ဆန်နေပါရော့လား
ကိုယ့်ဘာသာကိုယ်တောင်
အရသာပျက်နေသေးရင်
ပတ်ဝန်းကျင်က ခါးတာမဆန်းပါဘူး။


"မနက်ဖန်ကစပြီး ကျွန်တော်လိမ္မာတော့မယ်"
ဆိုတဲ့စကား
ဘယ်နှစ်ကြိမ်များ ပြောခဲ့ပြီးပြီလဲ။
သံသရာ တစ်လျှောက်လုံး
ဒီအပြောမျိုးတွေနဲ့ ဒုက္ခရောက်ခဲ့တာ
ဒါပါနဲ့ဆို အရေအတွက်
အတော်များလောက်ရောပေါ့။

အသိရှိစမ်းပါ သတိရှိစမ်းပါ
မနေ့ကလိုမနေရင်
နက်ဖန်ဆိုတာ ပိုကောင်းလာမှာပဲ
ခက်နေတာက
ဒီနေ့တိုင်းမှာ ပြင်မရတာလေ။

ထွေရာလေးပါးပြောတိုင်း
ထည့်ထည့်ပြောနေတဲ့ စာရင်းထဲ
တနေ့ ငါရောက်တော့မှာလား
ဘ၀မှာ သမိုင်းကို ပြောင်းပြန်လှန်ဖို့
စဉ်းစားခဲ့တဲ့ သတ္တိတွေ
ဘီယာဆိုင်ရောက်မှ ကြွကြွလာတာခက်တယ်။

Read More...

Friday, May 2, 2008

လွင့်ကျသွားသူ

လွှတ်ချလိုက်ပါတယ်
လက်ထဲက
စွဲစွဲမြဲမြဲကိုင်ထားတဲ့
မီးအိမ်လေးကို။

လွှတ်ချလိုက်ပါတယ်
အာရုံထဲက
စွဲလန်းတမ်းတနေတဲ့
ပုံရိပ်လေးကို။

လွှတ်ချလိုက်ပါတယ်
ဦးနှောက်ထဲက
သံမှိုလိုဆွဲထားတဲ့
ခံယူချက်တွေကို။

လွှတ်ချလိုက်ပါတယ်
နှလုံးသားထဲက
အခိုင်အမာတည်ရှိနေတဲ့
မင်းလေးကို။

လွှတ်ချလိုက်ပါတယ်
ရင်ထဲက
ညတိုင်းမက်တဲ့
ကိုယ့်ရဲ့ အိပ်မက်လေးကို။

အို . . .
လွှတ်ချလိုက်တာ
မဟုတ်ရပါလားကွယ်
တကယ်တော့
ကိုယ်ဟာ
ဘဝတစ်ခုလုံး
လွင့်ကျသွားသူပါ . . . ။

Read More...