သူငယ်ချင်းတွေ (၅)

ကျွန်တော့အခေါ် = ကုလား
ချစ်စနိုးအခေါ် = ကုလားလေး၊ အင်ကုလိ
စတင် ပေါင်းသင်းသည့် ခုနှစ် = ၂၀၀၁ ခုနှစ်
ထူးခြားချက် = အရပ်ပုသည်၊ နှာခေါင်းနဲ့ လျှာ ထိနိုင်သည်၊ သူငယ်ချင်းတွေအပေါ် အမြဲအနစ်နာ ခံတတ်သည်။
အလုပ်အကိုင် = Network Administrator (Brunei ISP)


ဒီကောင်က တမျိုးဗျ။ လူကောင်လေးက ပုတက်တက်။ နှာခေါင်းလေးက ချွန်ချွန်လေး။ အမြဲတမ်း ရီနေတတ်တယ်။ ဒီကောင့်ကို မြင်မြင်ချင်းတုန်းက ကျွန်တော် အတော်လေး သောက်မြင်ကပ်မိသေးတယ်။ ပြုံဖြီးဖြီနဲ့ ပုတက်တက် ကောင်ကို ကြည့်မရဘူး။ ဒီကောင့်ကို ကျွန်တော် ဆယ်တန်းနှစ်မှာ ကျောင်းရှေ့မှာ တွေ့ဖူးတာ။ သူနဲ့ ကျွန်တော်က ကျောင်းချင်းလည်း မတူပါဘူး။ သူက သူ့တခြားသူငယ်ချင်းတွေဆီ လာလာလည်တာလေ။ ကျူရှင်တ၀ိုင်းထဲ တက်တဲ့ ကောင်မလေးတွေပေါ့။ ကျွန်တော့်သူငယ်ချင်းတွေပါပဲ။ သူတို့က ကျွန်တော့်ကို မိတ်ဆက်ပေးမယ်ဆိုပေမယ့် မဆုံဖြစ်လိုက်ဘူး။ ဒီလိုနဲ့ ဒီကောင့်ကို မေ့မေ့ပျောက်ပျော် ဖြစ်သွားတာပေါ့။ ဒီကောင့်ကို ကျွန်တော့်ဆီ ပြန်သယ်လာတဲ့ ကောင်တွေက ငသော် နဲ့ မောင်သက်။ သူတို့နဲ့ ဒီကောင်နဲ့ ကွန်ပျူတာ တက္ကသိုလ်မှာ ခင်လာကြတာ။ အဲဒီ့နှစ်ကောင် ကုလားကို တင်သွင်းလာတော့ ကျွန်တော်နဲ့ ပေါင်းဖြစ်သွားတာပေါ့။ သူငယ်ချင်းတွေက ပြောဖူးတယ်။ ဟေ့ကောင် မင်းသောက်မြင်ကပ်တဲ့ ကောင်တွေက နောက်ဆုံး မင်းနဲ့ အလွမ်းသင့်ပြီး တတွဲတွဲပဲတဲ့။ ဟုတ်ပါ့ ကျွန်တော် သိပ်ကြည့်မရဘူး ဆိုတဲ့ ကောင်တွေနဲ့ ကျွန်တော် နောက်ဆုံး ပေါင်းဖြစ်သွားတာ များပါတယ်။

ကုလားနဲ့ ပေါင်းဖြစ်ကာစက သိပ်သတိမထားမိဘူး။ ဒီလိုပဲ ဘာသိဘာသာပဲ။ တွေ့ရင်ခေါ်တယ် ပြောတယ်။ နောက်ပိုင်း ဆိုင်ထိုင်တော့ ဒီကောင်က ကျွန်တော်နဲ့ ဘေးချင်းကပ် ထိုင်တာများတယ်။ သူငယ်ချင်းတွေ မူးလာရင် ဖြစ်ဖြစ် အသစ်ပေါင်းတဲ့သူ ကုလားနဲ့ သိပ်မသိသေးတဲ့ သူ ဖြစ်ဖြစ် ပါလာရင်။ ကုလားကို နှိပ်စက်လေ့ရှိတာ တစ်ခုရှိတယ်။ အဲဒါကတော့ ဒီကောင့်ကို သူ့လျှာနဲ့ သူ့နှာခေါင်း ထိပြခိုင်းတာလေ။ ခင်ဗျားတို့ အံ့သြသွားလား စမ်းကြည့်လေ ရလား၊ မရဘူး မဟုတ်လား။ ကုလားက ရတယ်ဗျား။ ကျွန်တော်နဲ့ စပြီး သောက်တဲ့နေမှာပဲ မောင်သက်က အတင်းပြောပြီး ထိပြခိုင်းတာ ကျွန်တော် အံ့သြသွားတယ်။ ဟုတ်ပါ့ ထိတယ်ဗျာ ရတယ်။ နောက်ပိုင်း ခင်သွားပြီးတော့ လူအသစ်ပါလာရင် ကျွန်တော်ကပဲ စပြီး ကုလား လုပ်ပြလိုက်စမ်းပါ ဆိုပြီး ဒီကောင့်ကို နှိပ်စက်တော့တာပေါ့။ မယုံတဲ့သူတွေရှိရင် ကျွန်တော်တို့က အလောင်းအစားလေးပါ လုပ်လိုက်သေးတယ်။ ကျွန်တော်တို့ ဘက်က သေချာနေတာကိုး။ ကုလားကို ကျွန်တော် အဲဒီ့လို အမြဲ နှိပ်စက်ပေမယ့် ကုလားကျွန်တော့်ကို ခင်ပါတယ်။ စိတ်မဆိုးပါဘူး။ ဒီကောင့်ကို မြင်မြင်ချင်း သောက်မြင်ကပ်တဲ့ အကြောင်း ပြောပြတော့လဲ သူက ရီနေတာပဲ။ တကယ်တမ်း ကျွန်တော်နဲ့ ကုလား ပေါင်းဖြစ်တော့ ကျွန်တော် ကုလားကို သိပ်ခင်သွားတယ်။ ကျွန်တော့်လိုပဲ ဒီကောင့်ကို ငသော်ရော၊ မောင်သက်ပါ သိပ်ခင်ကြတယ်။ ကျွန်တော်ရယ် မောင်သက်ရယ် ငသော်ရယ် ကုလားရယ် ၄ ယောက်က အရက်သောက်လည်း အတူတူ လျှောက်ကဲလဲ တူတူပဲ။ ကျန်တဲ့ ကောင်တွေတောင် တခါတခါ မပါဘူး။ ကျွန်တော်တို့ ၄ ယောက်က တစ်ယောက်နဲ့ တစ်ယောက် အပေးအယူမျှပြီးသား။ ညှိစရာမလိုဘူး။ တစ်ယောက်က ဒါဆို ဒါပဲ။ ဖြစ်တယ် အကုန်ဖြစ်တယ်။ ပြောရဆိုရ လက်ပေါက်မကပ်ဘူး။

ကုလားနဲ့ ကျွန်တော် တူတူတွဲဖြစ်သွားတဲ့ နောက်ပိုင်း ကျွန်တော်မူးရင် ကုလားက ထိန်းနေကြ သူ ကျွန်တော့် အထာကို သိပြီးသား။ မူးရင် ဘာလုပ်မယ်ဆိုတာ သဘောပေါက်ပြီးသား။ ကျွန်တော်မူးလာရင် တခြားတစ်ယောက်ကို ပြဿနာရှာရင် ကုလားက ရှင်းပေးနေကြလေ။ သူမူးလာရင်တော့ ဘယ်သူ့မှ ပြဿနာမရှာဘူး ခေါင်းကြီးငိုက်ပြီး ထိုင်နေတော့တာပဲ။ ကုလားမူးလာရင် ကျွန်တော်က ပုခုံးဖက်ပြီး ကဲလာ ဦးကုလား ဒိုးမယ်ဆို ငိုက်စိုက်ငိုစိုက်နဲ့ ပါလာတော့တာပဲ။ ဒီကောင် သူငယ်ချင်းတွေ အပေါ်မှာ တော်တော်ကြီးကို သည်းခံနိုင်တယ် တခါတခါဆို ကျွန်တော် သူ့အစား ဒေါသပါထွက်တယ်။ သူ့ကို တစ်ယောက်ယောက်က နှိပ်ကွပ်လဲ သူက ဟဲ ဟဲ လုပ်နေတာ ကျွန်တော်သာ မနေနိုင်လို့ ၀င်ကောမိတာ။ မောင်မင်းကြီးသားက ကျွန်တော် ၀င်ကောရင်တောင် မင်းကလဲ ထားလိုက်ပါကွာ လုပ်သေးတာ။ အဲဒီ့လောက် သည်းခံနိုင်တယ်။ ကုလားလေးက ကျွန်တော်နဲ့ အတိုင်အဖောက်လဲ ညီတယ်။ တခါတခါ တချို့ကောင်တွေက ဒီကောင့်ကို ခေါ်သွားပြီး သူတို့ ရည်းစားအတွက် ပစ္စည်းတွေဘာတွေ သွားဝယ် ပြီးရင် ဘယ်သူ့မှ မပြောနဲ့ဆိုပြီး နှုတ်ပိတ်ဖို့လုပ်။ ဒါမျိုးဆို မရဘူး ကုလားက သူတို့ ကျွေးတာဘာမှ မစားတော့ဘူး ကျွန်တော့်ဆီ ဖုန်းလှမ်းဆက်ပြီး ရောက်လာရော။ ပြီးတော့ ကျွန်တော်နဲ့ အဲဒီ့ကောင်တွေ အကြောင်းပြောပြီးဟား။ နောက်နေ့ ဘီယာဆိုင်မှာတွေ့ရင် ကျွန်တော်က ဟိုကောင်ကို နှိပ်ကွပ် ကုလားက ၀င်ထောက်ပေး အဆင်ကို ပြေနေရောပဲ။ အဲလိုဆို နှိပ်ကွပ်ခံရတဲ့ ကောင် မျက်နှာကြီးနီ ရှက်သွားတာကို ဦးကုလားနဲ့ ကျွန်တော်က လက်ချင်းရိုက်ပြီး ဟီး ဟီး ဟား ဟား လုပ် အင်မတန် ပျော်စရာ ကောင်းတဲ့ အချိန်တွေပေါ့။

ကုလားက အရပ်သာပုတာ။ သူ့ကို ကြိုက်တဲ့သူတော့ အများသား (သူ့ပြောစကားအရ)။ ကဲ ဖြည်ပြီ အထုပ်။ ဒီကောင့် ကောင်မလေးတွေနဲ့ ကျွန်တော် ခင်တာကတော့ မခင်ပါဘူး။ ဒါပေမယ့် ဒီကောင် လာလာကြွားတတ်တော့ သိနေတာပေါ့။ တခါကတော့ ဒီကောင် ကောင်မလေးတစ်ယောက်နဲ့ ချိန်းတွေ့တာ ကျွန်တော်ဆိုင်မှာ။ ပြီးတော့ ကောင်မလေးက အပြင်သွားမယ်ဆိုတော့ ဒီကောင် လိုက်သွားတယ်။ မကြာဘူး ကျွန်တော့်ဆီ ပြန်တက်လာတယ် သူ့မှာ ပိုက်ဆံအိတ် မေ့ခဲ့လို့တဲ့။ ကျွန်တော့်ဆီက ပိုက်ဆံယူသွား ပြီးတော့ ကောင်မလေးနဲ့ ဒဂုံစင်တာလား ဘယ်လားတော့ မသိဘူး သွားလေရဲ့။ ညနေပြန်ရောက်လာတော့ ကျွန်တော်က သူ့ကို စတာပေါ့။ ပိုက်ဆံ မပါရင် ငါသာ မင်းအနား မရှိရင် ဘယ်လို လုပ်မလဲလို့ မေးတော့ လဒလေးက ရပါတယ်တဲ့ ကောင်မလေးကို ပြောပြလိုက်ပြီး သူ့စိုက်ခိုင်းမှာပေါ့တဲ့။ အဲဒါမှ လက်မခံရင် နောက်ဆို မတွဲပဲနေမှာတဲ့။ ကျွန်တော့်မှာ ရီလိုက်ရတာ အူကိုနာရောပဲ။ သူကသာ စွတ်ပြောနေတာ ဟိုကဖြင့် သူ့အရပ် ၂ ဆလောက်ရှိတယ်။ ကျွန်တော့်မှာ သတိပေးရသေးတယ် မင်းနော် ဟိုက စိတ်ဆိုးလို့ ထရိုက်ရင် အသက်ပါ ပါသွားမယ်လို့။ သူကသာ ပုတာ တွဲလိုက်ရင်ဖြင့် သူ့ထက် အရပ်မြင့်တာ တွေများသား။ ဒီကောင်က အမြဲပြုံးနေတတ်တော့ ကောင်မလေးတွေက အဲဒါကြည့်ပြီး ကြွေတယ်ထင်တာပဲ (ဤသည်ကား စကားချပ်)။

ခုတော့ ကျွန်တော့်ဘော်ဒါကြီး ကုလား တိုင်းတပါးမှာ Network Administrator လုပ်နေလေရဲ့။ သူ့မှာ ပြန်လာချင်တာ ပြန်လာပြီး ကဲချင်တာ တပိုင်းကို သေနေရော ဒါပေမယ့် စာချုပ်မိနေရှာတော့ ပြန်မလာနိုင်ဘူး။ ကျွန်တော်က ဒီမှာ သောင်းကျန်းတာလေးတွေ ပြောပြရင် ထိုင်ထိုင်ပြီး ဆဲနေရုံကလွဲလို့ ဘာမှ မလုပ်နိုင်ရှာဘူး။ အော် ခုမှ သတိရတယ်။ ဒီကောင် နိုင်ငံခြား သွားတဲ့ ကိစ္စနဲ့ ပတ်သတ်လို့ ပြောရအုံးမယ်။ ဒီကောင် ကျွန်တော်နဲ့ ငသော့် ကျိန်စာ မိသွားသေးတယ်။ ပထမ တစ်ခေါက်က စင်ကာပူသွားတာ။ ပြီးတော့ ဘာဖြစ်လဲ မသိဘူး တစ်ခေါက်ပြန်လာရော။ ဟိုက ပြန်ခေါ်မယ်ဆိုလို့ စောင့်နေတာလို့ ပြောတယ်။ အဲဒါ ကျွန်တော့် မွေးနေ့နား နီးနေပြီး ဒီကောင့်ကို ကျွန်တော်က နေပါအုံးကွာ ငါ့မွေးနေ့တော့ သောက်ပါအုံးဆိုတော့ ဒင်းက ဟာ မဖြစ်ဘူးထင်တယ် ဟိုက ခေါ်တော့မှာတဲ့။ ပြောပေမယ့် သူမသွားဖြစ်ပြန်ဘူး။ ဒါနဲ့ ကျွန်တော့် မွေးနေ့ မှီသွားရော။ နောက်တစ်ခါ ထပ်ပြီး သွားဖို့ လုပ်ပြန်ရော အဲဒီ့အခါကျတော့ ငသော်က ငါ့မင်္ဂလာဆောင် နေပါအုံးတဲ့။ ဒီကောင်က တော်ပြီ သွားရမယ်ထင်တယ်တဲ့။ မသွားဖြစ်ပြန်ဘူး မင်္ဂလာဆောင် မှီတယ်။ အဲဒီလို နေလာလိုက်တာ ကျွန်တော်တို့ ဒီကောင့်ကို ဟိုဟာ ရှိတယ် နေအုံး ဒီဟာ ရှိတယ် နေအုံး ဆိုပြီး ပြောလိုက် ဒီကောင် မသွားဖြစ်လိုက်နဲ့ ကြာတော့ ဒီကောင် သွားမယ့်ကိစ္စ ကျွန်တော်တို့ ရှေ့သိပ်မပြောရဲတော့ဘူး။ ခုနောက်ဆုံး တကယ်သွားဖြစ်ကာနီး လာပြောတော့ ငသော်က ငါ့ကလေး မွေးတော့မှာ နေပါအုံးတဲ့ ကုလားလဲ အကြောက်အကန်ကို ငြင်းတော့တာပဲ။ တော်ပြီတဲ့ မင်းတို့ ကျိန်စာ ငါမိနေတာတဲ့ မပြောနဲ့တော့တဲ့ ကျွန်တော်တို့မှာ သဘောကျလိုက်ရတာ။ ဒါပေမယ့် ဒီတခါတော့ ဒီကောင် သွားဖြစ်ပါတယ်။ ဟိုမှာလည်း အလုပ်က ကောင်းတာကိုး ပြီးတော့ ကံလည်းကောင်းပါတယ်။ နေစရာ စီးစရာ ကားကအစ အားလုံးရတာကိုး။ ဒီကောင့်အတွက် ကျွန်တော် ပျော်ပါတယ်။ ကျွန်တော် ဟိုတလောက အရေးတကြီး ငွေလိုတော့ ဒီကောင်ပဲ ကျွန်တော့်ဆီ လှမ်းပို့ပေးတာ။ အဲဒီ့လို ချစ်ဖို့ကောင်းတဲ့ ကောင်ပေါ့။ ၂၀၀၉ ခုနှစ်မှ ဒင်းက ပြန်လာမှာလေ ဒါတောင် ဒီကောင်က ၀၈ ထဲမှာ ဘန်ကောက်လာဖို့ ကျွန်တော့်ကို ဆွယ်နေသေးတယ်။

ပြီးခဲတဲ့လကတော့ ဒီကောင့်အတွက် အကြီးမားဆုံး ဆုံးရှုံးမှု တစ်ခု ဖြစ်သွားခဲ့တယ်။ မနက်ပိုင်းကြီး ဒီကောင် ကျွန်တော့်ဆီ ဖုန်းဆက်လာတယ် ကျွန်တော် အိပ်ချင်မူးတူးနဲ့ ဖုန်းကိုင်တော့ ဒီကောင် ၀မ်းပန်းတနည်း ငိုနေတယ်။ ကျွန်တော် ပြာသွားတာပေါ့။ ဟေ့ကောင် ဘာဖြစ်တာတုန်းဆိုတော့ သူ့အမေ ဆုံးသွားပြီတဲ့။ သူပြန်လာလို့ မမှီတော့ဘူး အသုဘက ချတော့မယ်ဆိုတော့ ကျွန်တော့်ဆီ ဖုန်းဆက်ပြီး သူဘာလုပ်ရမလဲ ပြောတယ်။ ကျွန်တော်လည်း ပြန်မလာနဲ့ကွာလို့ ပြန်လာလည်း မထူးတော့ဘူးလို့ ပြောပြီး ချော့ရတာပေါ့။ အဲဒီ့နေ့က ကျွန်တော် ဖျားနေတာ။ နေ့လည်ချမယ်ဆိုတော့ သူငယ်ချင်းတွေနဲ့ သွားဖို့ပြင်တာပေါ့။ ကျွန်တော် နေ့လည်ပိုင်းမှာ ရုံးမှာ ထိုင်နေရင်း အကြီးအကျယ်ဖျားနေတယ်။ ဒါပေမယ့် နာရေးဆိုတော့ သွားမယ်လုပ်တာပေါ့။ ငသော်က ကျွန်တော့်ကို ကြည့်ပြီး မင်းမလိုက်နဲ့တဲ့ ဒီလောက်ဖျားနေတာ အပြင်ထွက်ရင် လဲလိမ့်မယ်ဆိုပြီး အတင်းထားခဲ့တယ်။ ကျွန်တော်လည်း ရုံးမှာနေပြီး ကုလားနဲ့ ဖုန်းပြောလိုက် ချော့လိုက်လုပ်နေရတာပေါ့။ သူ့ရင်ထဲမှာ ဘယ်လောက် ခံစားရမယ်ဆိုတာ ကျွန်တော်နားလည်တယ် သူ့လိုပဲ ကျွန်တော်လည်း ခံစားရပါတယ်။ ဟိုကောင်တွေ နာရေးက ပြန်လာတော့ အဆင်ပြေလားမေး ပြီးတော့ ကုလားနဲ့ ဖုန်းထပ်ပြော။ သူ့ကို ဒီပြန်မလာဖို့ ပြီးတော့ စိတ်အေးအေးထားဖို့ သူအားရှိအောင် မျိုးစုံပြောရတာပေါ့။ ခုတော့ ဒီကောင်လည်း နေသားကျသွားပါပြီ။ သူက မိဘကို လုပ်ကျွေးမယ့် အချိန်မှာမှ ဒီလို ဖြစ်သွားရတယ်ဆိုတော့ ခံစားရတာပေါ့လေ။ သူ့ရင်ထဲက အရာတွေကို ကျွန်တော်မြင်ရပါတယ်။ ကျွန်တော့်သူငယ်ချင်းတွေ တော်တော်များများက သောက်သာ သောက်ကြတာ ခြုံကြည့်ရင် လိမ္မာတယ်လို့ ပြောလို့ရတယ်။ မိဘကို မိဘမှန်းသိတယ် ပွင့်လင်းကြတယ် မလိမ်တတ်ဘူး။ ဒါက ကျွန်တော်တို့ အုပ်စုရဲ့ ပုံစံပေါ့။ ကျွန်တော်တို့က ဆိုးတာ မရိုင်းဘူး။ ကဲ ဒီလောက်ဆို ကုလား ဒီပို့စ်ကို ဖတ်ပြီး ဆဲလို့ အဆင်ပြေ လောက်ပါပြီ :D။ နောက်အလျည်းသင့်မှာ ဒီကောင့် အထုပ်တွေ ထပ်ဖြည်အုံးမယ်။