ရိုးရိုးသားသား ဝန်ခံပါရစေ
ကိုစိုးထက်လိုလဲ လူချစ်လူခင်မများဘူး
ဟန်သစ်ငြိမ်လိုလဲ အတွေးမကောင်းဘူး
ပန်ဒိုရာလိုလဲ စာအရေးမကောင်းဘူး
မွန်လေးလိုလဲ ချစ်စရာမကောင်းဘူး
ဇီးကွက်လိုလဲ စည်းရုံးရေးမကောင်းဘူး
ရန်အောင်လိုလဲ နည်းပညာမသိဘူး
ဟန်နီလိုလဲ ကဗျာမရေးတတ်ဘူး
သင်ကာလိုလဲ မတင်ပြတတ်ဘူး
ခင်မင်းဇော်လိုလဲ မဆွေးနွေးတတ်ဘူး
ညီလင်းဆက်လိုလဲ နာမည်မကြီးဘူး
ညိမ်းညိုလိုလဲ စကားလုံးတွေမလှပဘူး
ဂျူလိုင်ဒရင်းလိုလဲ မနွေးထွေးတတ်ဘူး
တီးလိုမျိုးလဲ လူမှုရေးမကောင်းဘူး
ဂျေလိုမျိုးလဲ ဟာသဥာဏ်မရှိဘူး
လင်းလိုမျိုးလဲ အမှတ်တရမရှိဘူး
လေးမလိုလဲ လေ့လာရေးမကောင်းဘူး
အဲဒီ့လို အဲဒီ့လို
ဘာမှ မတတ်တဲ့ကောင်
ဘာမှ မသိတဲ့ကောင်
ကျုပ်ဆီကို လာလာလည်ကျတာ
အံ့သြပါရဲ့ . . . . . . . . . . . . . .
သုညဆိုတဲ့ အတိုင်း
ဗလာနတ္ထိဘာမှမရှိတဲ့ကောင်ကို
ခင်ကြတာ ဆန်းတယ် :D ။
Sunday, June 29, 2008
ဝန်ခံခြင်း
Wednesday, June 25, 2008
ငါ့ကိုယ်ငါလွမ်းတယ်
မနက်နိုးတော့
အရုံဦးဟာ မျက်နှာသစ်ပြီးနေပေါ့
ခေါက်ရိုးကျိုးနေတဲ့ ငါ့ဘဝကို
ပုံစံခွက်ထဲကဆွဲထုတ်ဖို့
ကော်ဖီခါးခါးတစ်ခွက်တော့ လိုတယ်
လွတ်လပ်တယ်ဆိုတာ
ပါးစပ်ကပြောရုံနဲ့ ဖြစ်လာမယ်ဆိုရင်
ငါ့ဘဝက လှနေတာကြာပြီ
တနေ့တနေ့ ကြီးလာတဲ့အသက်တွေ
ရပ်မရတဲ့ ဖြစ်တည်မှုတွေ
အဲဒါတွေကြားမှာ ပျောက်နေတာကဘာလဲ?
သံသရာမှာ
မီးခွက်ထွန်းရှာမှ
ငါ့ကိုယ်ငါပြန်မတွေ့တာ သေချာတော့တယ်
စကားမစပ်မိလဲ
ပြောပြလိုက်တော့မယ်
ငါ့ကိုယ်ငါ လွမ်းတယ် လို့။
Monday, June 16, 2008
How Independent Are You?
Your Independence Level: High |
 You are extremely self reliant and autonomous. You are definitely into doing your own thing. But you also wouldn't turn down help if you needed it. You follow your own path, but you don't do so blindly. |
ခုတလော မအားတာနဲ့ ပို့စ်မတင်ဖြစ်ဘူး။ အဲဒါနဲ့ ခုဟာလေးကိုပဲ ဆားချက်ပြီး တင်ပေးလိုက်တယ်ဗျာနော်။ ခင်ဗျားတို့လည်း အပျင်းပြေ စမ်းကြည့်ပါလား။ လင့်လေးပေးလိုက်မယ် ဒီကနေပြီးတော့ သွားကြည့်ပေါ့နော့။
ဒီကနေနှိပ်လိုက် :D
Saturday, June 7, 2008
What is going on ? ? ?
ကဲ ခုတလော Blog တွေမှာ တိုင်ပတ်နေကြတာတွေ့ရတော့ စိတ်ကနောက်လာတယ်။ တစ်ယောက်နဲ့ တစ်ယောက်ကလော်တုတ်နေကြတာကိုး။ ကျန်တဲ့သူတွေတော့ မသိဘူး။ ကျုပ်တော့ အဲဒါမျိုးတွေမြင်ရတာ အော်ဂလီဆန်တယ်။ လွတ်လပ်ချင်လို့ ဘလော့ဂ်ရေးတယ် အဲဒါမှထပ်ပြီး မလွတ်လပ်ရရင် သေရောပေါ့။ အွန်လိုင်းဆိုတာ ဒီမိုကရေစီ အပြည့်အဝရထားတဲ့နေရာလေ။ ကိုယ့်အသိစိတ်နဲ့ ကိုယ်နေနေကြတာ မဟုတ်ဘူးလား။ ဘယ်သူဘာလုပ်လုပ်ပေါ့။ ဘာလို့များ အပြစ်တွေတင်ချင်နေကြတာလဲ မပြောတတ်ဘူး။ ကျုပ်ကိုကဥာဏ်မမှီတာလဲ ဖြစ်ကောင်းဖြစ်နိုင်တယ်။ ဒါပေမယ့် မြင်ရတာကြာတော့ စိတ်ကုန်လာတယ်။
နိုင်ငံရေးသမားတွေလဲ ကျုပ်တို့ကလေးစားပါတယ်။ လူကြီးသူမတွေလဲ လေးစားပါတယ်။ ဒါပေမယ့် ဆဲရေးတိုင်းထွာနေကြတာတော့ ရှက်စရာပဲ။ မြန်မာဘလော့ဂ်ဂါတွေ ခုထိလည်း မစည်းလုံးကြသေးဘူး။ အင်းလေး ဘလော့ဂ်ဂါတွေတင် မဟုတ်ပါဘူး အားလုံးပါပဲ မစည်းလုံးကြသေးလို့ ဒီနေ့ဒီအချိန်ထိ ဒုက္ခရောက်နေကြတာပေါ့။ ဒုက္ခဆိုတာ နှစ်၂၀လောက်ကြာတော့ ချိုများနေကြသလားမပြောတတ်ဘူး။ အပြင်ကနေအော်တဲ့သူတွေလဲ အော်နေလေကြရဲ့ အထဲကအော်တဲ့လူတွေလဲ အော်နေလေကြရဲ့။ စိတ်ထဲထင်တာကတော့ အထဲမှာဆို စက္ကူနဲ့ထွက်လာတဲ့ သတင်းစာကအော်သလို အပြင်မှာက ဘလော့ဂ်တွေကအော်နေကြတယ်။ ကဲ ဟိုဘက်အိမ် ဒီဘက်အိမ် မိန်းမကြီးနှစ်ယောက်ရန်ဖြစ်နေတာနဲ့ မတူဘူးလား။ ကြားထဲက အိမ်ကကောင်တွေက စိတ်နောက်တာပေါ့။ ခက်တယ် သိပ်ခက်တယ်။
တကယ့်ဒုက္ခကို တကယ်ဒုက္ခရောက်နေသူသာသိတယ်။ ဆက်ဆံနေရတဲ့ ပတ်ဝန်းကျင်အရ ခံပြောလို့မရတဲ့သူတွေရှိတယ်။ ငုံ့ခံနေတိုင်းလဲ လူကြောက်လို့ မတွေးပါနဲ့။ သူ့မှာလဲ သူ့အကြောင်းနဲ့သူ ရှိမှာပါ။ အော်ကျယ် အော်ကျယ်လုပ်တိုင်းလဲ ကိုယ့်ဘာသာ လူစွမ်းကောင်းမထင်လေနဲ့ တကယ်တွေ့မှ ထွက်ပြေးတဲ့ကောင် အများကြီး။ အားလုံးရဲ့ ရည်ရွယ်ချက်ကဘာလဲ ကောင်းစားစေချင်တာ မဟုတ်လား။ အဲဒါဆို ဒါကိုပဲဦးတည်လေ ဘာလို့ ပုတ်ခတ်ချင်နေကြသလဲ။ အဲလိုတောပြောတောင်ပြောနဲ့ ဖြစ်နေရင် ကြားထဲက ဖတ်နေတဲ့လူငယ်တွေ အသိမှားနိုင်တယ်။ လူငယ်ဆိုတာ အနာဂတ်ရဲ့ အလင်းရောင်ပါ။ အဲဒါကိုတော့ သတိချပ်စေချင်တယ်။ ဘလော့ဂ်ဂါထဲမှာ ဦးဦး၊ ဒေါ်ဒေါ်၊ ကိုကို၊ မမ နဲ့ ညီလေး ညီမလေး အရွယ်စုံပါပဲ။ အားလုံးဘလော့ဂ်နေကြတာပဲ ကိုယ့်ဘာသာလွတ်လွတ်လပ်လပ် ဘလော့ဂ်နေကြတာပဲ မဟုတ်လား။ လုပ်ပစေပေါ့ မကျေနပ်ရင် သွားမဖတ်နဲ့ပေါ့။ ခုတော့ အဲလိုမဟုတ်ဘူး ကလော်တုတ်နေကြတယ်။ ပျင်းစရာ အလွန်ကောင်းတယ်။ လွတ်လပ်တာကြိုက်ကြတယ် မဟုတ်လား လွတ်လွတ်လပ်လပ်နေချင်တယ် မဟုတ်လား ဒါဆိုသူများရဲ့ လွတ်လပ်မှုကိုလည်း မပုတ်ခတ်နဲ့လေ မတိုက်ခိုက်နဲ့လေ။ သူများကို လက်ညှိုးထိုးဖို့ ကိုယ့်ဘက်ကို ပြန်ရောက်နေတဲ့ လက်ချောင်းတွေကို ကြည့်ပါအုံး။
နာဂစ်လဲအပြီး ဘလော့ဂ်ထဲမှာလည်း မုန်တိုင်းထန်နေပြန်ရော။ လူတွေကို ကယ်ချင်တာလား ကိုယ့်ကိုကိုယ်ဖော်ပြီး နာမည်ကြီးအောင်လုပ်ချင်တာလား ကိုယ့်ဘာသာပြန်စဉ်းစား။ အပြင်ကလူတွေအနေနဲ့ အလှူငွေတွေ ကောက်ခံပေးတယ်။ ကိုယ်တိုင်မလာပေမယ့် အဲဒီ့လိုလုပ်ပေးလို့ သိပ်ကျေးဇူးတင်တယ်။ လိုနေတဲ့ ငွေပမာဏတွေက နည်းတာမှမဟုတ်တာ။ နိုင်ငံတကာအကူအညီဆိုတာ စာရွက်ပေါ်မှာပဲ မြင်မြင်နေရတယ်။ ဒီလိုပြောလို့ စော်ကားတာမဟုတ်ဘူး အပြည့်အဝမရတာကိုပြောတာ။ လိုနေတဲ့နေရာတွေ ဒုနဲ့ဒေး။ အဲဒါကတော့ တကယ်သွားဖူးရောက်ဖူးတဲ့လူမှ သိလိမ့်မယ်။ အထဲကလူတွေကလည်း ရသလောက်တတ်နိုင်သလောက် လုပ်ပေးနေကြတာတွေ့ရတော့ ကျေးဇူးတင်တယ်။ ဒါပေမယ့် ပျော်ပွဲစားထွက်သလို အပျော်အလုပ်လို လုပ်နေတာတွေကိုတော့ သဘောမတွေ့လှဘူး။ စိတ်ကုန်တယ်။ လူဆိုတာ စဉ်းစားနိုင်တဲ့ တွေးတောနိုင်တဲ့ သတ္တဝါပဲလေ ဟုတ်ဖူးလား။ အဆင့်မြင့် သတ္တဝါပဲ။ ခက်တာက အဲဒီ့အဆင့်မြင့် သတ္တဝါတွေပဲ ပြဿနာတက်တက်နေတာ။
ကျုပ်ကခုလိုဝင်ပြောတော့ စိတ်ဆိုးကြအုံးမယ် မတတ်နိုင်ဘူး မြင်တာကြားတာသိတာပြောရတာပဲ။ ခုဒီမှာ တကယ်ဖြစ်နေတဲ့ အချို့သော အကြောင်းအရာတွေကို ပြောပြမယ်။ NGO တွေလုပ်နေကြတယ် ကယ်နေကြတယ်။ တကယ်လုပ်နေတဲ့ အဖွဲ့တွေကိုတော့ မပြောလိုပါဘူး။ ဒါပေမယ့် တချို့တချို့တွေက လူတွေကို ကယ်ချင်တာထက် သူတို့လိုဘတွေကို အရင်ဖြည့်နေတာတွေ့ရတော့ မြင်ရတာ အော်ဂလီဆန်တယ်။ ကျုပ်ကတော့ အဖွဲ့အားလုံးကို တွေ့တယ် ပြောပြတယ် ရှင်းပြတယ်။ ဖတ်ဖတ်ကိုမောနေတာပဲ။ Donar ရှိတယ် လှူမယ် ရှင်းပြပေးပါတဲ့ ရပါတယ်ပေါ့။ ဒါပေမယ့် တကယ့် Donar နဲ့တော့ မတွေ့ပါဘူး အဖွဲ့အစည်းတွေကို အရင်ရှင်းပြရတယ်။ ဒါလဲ ပြဿနာမဟုတ်ပြန်ဘူး။ ပြဿနာကဘာလဲဆိုတော့ အဖွဲ့တစ်ဖွဲ့ကိုရှင်းပြ တင်ပြပြီးပြီ သူတို့စဉ်းစားကြတယ် ဘာကိုစစဉ်းစားသလဲဆိုတော့ ပိုက်ဆံကဘယ်လောက်ရမယ် လှူဖို့အတွက်ဆိုတာထက် သူတို့အတွက် ကားတွေ၊ ဖုန်းတွေ အစားအစာတွေ ဒါတွေအရင်တွက်တယ် မတွက်နဲ့လို့မပြောပါဘူး ကယ်ဆယ်မဲ့ကောင်လည်း အသက်ရှိတာပဲ ဟုတ်တာပေါ့ တွက်ရမှာပေါ့ ဒါပေမယ့် သူတို့ အသုံးစရိတ်က လှူမယ့်ပမာဏထက် များများနေတာ တွေ့နေရတော့ စိတ်ကိုကုန်ရောပဲ။ ပြီးရင် တကယ်သွားရမယ့်နေရာကိုကျတော့ ပင်ပန်းမယ်ထင်တယ်နော် ခြင်ပေါလား ရေကအဆင်မပြေလောက်ဘူး အဲဒါတွေစဉ်းစားနေလိုက်တာ ၁ ပတ်လောက်ကြာတယ်။ နောက်တော့ လှူမယ့်အလှူရှင်ကလည်း အတင်းမေးနေတော့ လိုက်လာကြတယ်။ အဲလောက်အချိန်ကကြန့်ကြာသွားတော့ မသေသင့်တဲ့လူတွေ ထပ်သေကုန်ရော။ ပြောလိုက်ရင်တော့ လူတွေကို ဘယ်လိုကယ်မှာ ဘယ်လိုလုပ်ချင်တာ ချောနေတာပဲ။ လက်တွေ့ကြတော့ ကားယား။ သိပ်ရီရတဲ့သူတွေပဲ။ အလှူခံကာနီး ပြောတဲ့စကားနဲ့ လုပ်ခါနီးပြောတဲ့စကား ယှဉ်ပြလိုက်ချင်ပါရဲ့။
ပြောရင်းနဲ့ စကားကချော်တောငေါ့သွားပြန်ပြီ။ ကဲ ဘလော့ဂ်ကိစ္စပဲ ဆက်ပြောကြတာပေါ့။ အခုတလော ဘလော့ဂ်ဂါတွေကြားထဲမှာ ပြဿနာတက်နေကြပြန်တယ်။ မြင်နေရတာ စိတ်မချမ်းသာဘူး။ ဘယ်သူမှန်တယ် မှားတယ် အသာထားစမ်းပါ ကိုယ်ဘာလုပ်နေလဲ ပြန်စဉ်းစားတာ ပိုကောင်းမယ်။ ကိုယ်မှန်တယ် ထင်ရင်လုပ်ပေါ့။ ကျုပ်လဲ တစ်သက်လုံး ကိုယ်မှန်တယ်ထင်ရင် လုပ်လာတာပဲ။ အသိလေး သတိလေးနဲ့ကိုယ့်ဘာသာ ထိန်းတယ်။ ဒါပဲလေ ဟုတ်ဖူးလား လိုတာက ကိုယ့်ဘာသာသိဖို့ပဲ။ လူဆိုတာ ကိုယ့်အကြောင်းကိုယ် အသိဆုံးပဲ။ ဘလော့ဂ်ထဲမှာ အသက်အရွယ်တွေ အဖြူအမဲတွေ အထီးအမတွေ ဆိုတာမရှိဘူး အဓိကကဘလော့ဂ်ပဲလေ။ လွတ်လပ်ချင်တာ မဟုတ်လား လွတ်လပ်ပါစေ။ အခုတော့ မလွတ်မလပ်နဲ့ တစ်ယောက်ကို တစ်ယောက်ပြဿနာရှာနေကြတယ်။ ပျင်းစရာကြီး ဘာလုပ်မလဲ။
ကျုပ်ကစဉ်းစားထားတာက Blog Community လေးတစ်ခုလောက်ကို စဉ်းစားထားတာ ဒီပုံနဲ့ဆို မလွယ်ပြန်ဘူး။ ကျုပ်တို့ဆီကလူတွေက ဘယ်တော့မှ အသင်းအဖွဲ့လုပ်လို့ ရမယ့်ပုံမပေါ်ဘူး။ စည်းမှမစည်းလုံးတာကိုး။ တို့ဗမာအစည်းအရုံးနောက်ပိုင်း အင်း ဘာမှကို ပေါ်မလာတော့တာ ထင်တာပဲ။ ထင်တာပြောတာနော် ရှိချင်လဲရှိမယ်။ ဒီမှာရှိတဲ့ အသင်းအဖွဲ့တွေကို စိတ်ကုန်လို့ Online ပေါ်မှာဆိုရင်တော့ ကောင်းမှာပဲလို့ စဉ်းစားမိတာ ခုတော့ အင်း မလွယ်ပြန်ဘူး ထင်ပ။ ဒီမှာရှိတဲ့ဟာတွေလဲ ကြည့်အုံးလေ အဝေးကြီးမကြည့်နဲ့ ပညာရှင်များအသင်းတို့ လုပ်ငန်းရှင်များအသင်းတို့ ဘာမှ မထူးဘူး။ လက်ညှိုးထောင် ခေါင်းညိမ့် ဒါနဲ့ ပြီးနေတာ။ အဲဒါတွေကို စိတ်ကုန်လို့ အော် Online ပေါ်ဆိုရင်တော့ ဒါမျိုးမဖြစ်လောက်ဖူးဟဲ့ တွေးမိတာ ဒီပုံနဲ့ဆို ဝေးပါသေးရဲ့။ အင်းလေ ဒါမျိုးတွေမပြောနဲ့ ဘောလုံးအသင်းတောင် ခုထိလူမညီလို့ ရှုံးရှုံးနေတာ အားလုံးအသိ။ ကဲ ကျုပ်တို့ သိပ်ကို မြင်ချင်နေကြတဲ့ လွတ်လပ်တဲ့ နိုင်ငံဆိုတာကို ကျုပ်တို့တွေက အွန်လိုင်းပေါ်မှာတောင် မတည်ထောင်နိုင်သေးရင် အပြင်မှာဆိုရင်တော့ ခက်ပြီ။ အကောင်းပြောတာပါ ဥာဏ်မှီသလောက်လေးပြောတာ ဟုတ်ချင်မှဟုတ်မယ် မဟုတ်ချင်မဟုတ်ဘူး ထင်တာလေးပြောရတာနော့ လုပ်စမ်းပါ စည်းစည်းလုံးလုံးလေး သေသေသပ်သပ်လေး ကိုယ့်ကိစ္စလေးကိုယ်လုပ်ကြရအောင်ပါ။ တော်ပြီဗျာမောတယ် နောက်မှ ထပ်ပြောတော့မယ်။
Friday, June 6, 2008
အတွင်းနဲ့အပြင်
ကောက်ရိုးပုံကြားမှာ
ခိုကိုးရာမဲ့နေတဲ့
မိမဲ့ဘမဲ့ ကလေးတွေရှိတယ်။
ကောက်ရိုးပုံကြားမှာ
ဖွေးဖွေးလှုပ်နေတဲ့
အရိုးပုံလေးတွေရှိတယ်။
ကောက်ရိုးပုံကြားမှာ
အတုန်းအရုန်းလဲနေတဲ့
ဘုရားပျက် ကျောင်းပျက်တွေရှိတယ်။
ကောက်ရိုးပုံကြားမှာ
အစာပြတ်ရေပြတ်နေတဲ့
သနားစရာမျက်နှာတွေရှိတယ်။
ကောက်ရိုးပုံကြားမှာ
မျက်နှာမလိုက်တတ်တဲ့
ဝမ်းလျှောဝမ်းပျက်နဲ့ငှက်ဖျားပိုးတွေရှိတယ်။
ကောက်ရိုးပုံကြားမှာ
အသိုက်ပျက်နေတဲ့
ကြံရာမရ လယ်သမားတွေရှိတယ်။
ကောက်ရိုးပုံကြားမှာ
မနက်ဖန်ဆိုတာကိုမသိတဲ့
တို့အမျိုးတွေရှိနေလေရဲ့။
ကောက်ရိုးပုံအပြင်မှာတော့
အဆီတက်နေတဲ့
ဝမ်းဗိုက်ပူပူ လူ့ဘီလူးတွေရှိတယ်။
ကောက်ရိုးပုံအပြင်မှာတော့
သခင့်အလိုကျဟောင်တတ်တဲ့
သစ္စာသိ ခွေးဆိုးတွေရှိတယ်။
ကောက်ရိုးပုံအပြင်မှာတော့
အကုသိုလ်ကို မကြောက်တဲ့
ဝိသမာလောဘသမားတွေရှိတယ်။
ကောက်ရိုးပုံအပြင်မှာတော့
လေလုံးထွားတတ်တဲ့
ငါတို့ နိုင်ငံကြီးရှိနေလေရဲ့။
Thursday, June 5, 2008
တမာတကောသွားတောလား
မနက် ၃ နာရီခွဲကထဲက အိပ်ယာကနေထလိုက်တယ်။ ဘဝမှာ အမှန်အတိုင်းပြောရရင် အဲဒီ့လောက် အစောကြီးထတဲ့ရက် အတော်ရှားပါတယ်။ ကျွန်တော်က သိပ်ကို အအိပ်မက်တဲ့ကောင်ကိုး။ အိပ်ရေးပျက်သိပ် မခံနိုင်ဘူး။ ဒါပေမယ့် ခုတော့ ထဖြစ်အောင်ထပါတယ်။ လူက အိပ်ရေးမဝတော့ နေရတာတမျိုးကြီးပဲ။ အိပ်ယာက နိုးနိုးခြင်း တဘက်ခန်းမှာ အိပ်နေတဲ့ သူကြီးကို သွားနှိုးလိုက်တယ်။ သူကြီးဆိုတာ ကျွန်တော့်ဘော်ဒါပါ။ ဟေ့ကောင်ထ မနက် ၃ နာရီခွဲပြီဆိုပြီး နှိုးလိုက်တယ်။ သူလည်း အင်း အား အဲဆိုပြီး ထလာတယ်။ ခနနေတော့ နှစ်ယောက်သား ကော်ဖီသောက် ဆေးလိပ်သောက်ရင်း စကားထိုင်ပြောနေလိုက်တယ်။ ရေချိုး အဝတ်အစားလဲပြီး ယူသွားမယ့် စာရင်းကို ပြန်စစ်တယ်။ မနေ့ညကထဲက ယူသွားမယ့် စာရင်းကို ကျွန်တော်တို့ ပြင်ဆင်ပြီးသားပါ။ ပိုပြီးသေချာအောင် ထပ်ပြီး စစ်ဆေးလိုက်တဲ့သဘောပေါ့။ ၄ နာရီထိုးလောက်ဆိုရင် ကျွန်တော့်ဦးလေးလာကြိုတော့မှာကိုး။ မနက် ၄ နာရီထိုးခါနီးလောက်မှာ ကျွန်တော့်ဦးလေး ရောက်လာပါတယ်။ သွားမယ် အဆင်သင့်ဖြစ်ပြီလားတဲ့။ ကျွန်တော်တို့လည်း ဟုတ်ကဲ့ ပြီးပြီ ဒိုးကြတာပေါ့ ဆိုပြီး ပစ္စည်းတွေကို ကားပေါ်တင်လိုက်ကြတယ်။ ပစ္စည်းလည်းစုံပြီ သွားဖို့လည်း အဆင်သင့်ဖြစ်ပြီဆိုတော့ ကျွန်တော်တို့တွေ ပါရမီမှာရှိတဲ့ ဘုန်းကြီးကျောင်းကို ကားမောင်းထွက်ခဲ့ကြတယ်။ ဟုတ်တယ် အဲဒီ့မှာ ကျွန်တော်တို့ ဆရာတော်ကို သွားကြိုရမှာလေ။
ကျောင်းကို ရောက်တော့ ဆရာတော် စကြံင်္လျှောက်နေတာ ဖူးလိုက်ရတယ်။ ပြီးတော့ ဆရာတော်ကို တပည့်တော်တို့ အဆင်သင့်ပါပဲ ဘုရား သွားလို့ရပါပြီလို့ လျှောက်ပြီး ကားပေါ်ကို ပင့်လိုက်ကြတယ်။ နောက်ထပ် ကမ္ဘာအေးဘုရားနားက ပရိယတ္တိသာသနာ့တက္ကသိုလ်ကို ကားမောင်းထွက်ခဲ့ကြတယ်။ အဲဒီ့မှာ နောက်ထပ်လိုက်မယ့် ဆရာတော် ၃ ပါးကို သွားပင့်ရအုံးမှာလေ။ ပရိယတ္တိတက္ကသိုလ်ရောက်တော့ ဘုန်းကြီးတွေအားလုံး အသင့်စောင့်နေကြတယ်။ ပစ္စည်းတွေထပ်တင်ပြီး ကားပေါ်မှပါတဲ့ စာရင်းကို စစ်တော့ ကားက Over weight ဖြစ်နေပြီ။ ဒီတော့ နောက်ထပ်တစ်စီး ထပ်လိုလာတယ်။ ကံကောင်းချင်တော့ ကားပေါ်မှာပါတဲ့ အကိုတစ်ယောက်က သူ့ကားကို ပြန်ယူမယ်တဲ့။ အိုကေပေါ့။ ကားသွားယူလိုက်တယ်။ ပြီးတော့ ဆရာတော် ၄ ပါးအပါအဝင် စုစုပေါင်း ၉ ယောက် ခရီးစတင်ထွက်ခဲ့ကြတယ်။ ကျွန်တော်တို့ ဦးတည်ချက်ကတော့ ကွမ်းခြံကုန်းကနေ စက်လှေစီးပြီးသွား ရတဲ့ တမာတကော ကျေးရွာကိုပါ။ ဆရာတော်တွေကိုယ်တိုင် အပင်ပန်းခံပြီး လိုက်ပါလာတဲ့ ဒီခရီးကို ကျွန်တော်တို့တွေ တက်တက်ကြွကြွနဲ့ သွားခဲ့ကြပါတယ်။ ဆရာတော်တွေမှာ အာရုံဆွမ်းတောင် ဘုန်းပေးဖို့ အချိန်မရှိလို့ လမ်းမှာပဲ အဆင်ပြေအောင် ကပ်လှူဖို့ ကျွန်တော့်မှာ စီစဉ်ရပါသေးတယ်။
မနက် ၅ နာရီခွဲကျော်ကျော်မှာ ရန်ကုန်မြို့ကနေ စတင်ထွက်ခွါလာခဲ့ကြပါတယ်။ ဘုန်းကြီးတွေရဲ့ အာရုံဆွမ်းကတော့ ဘယ်ဆိုင်မှာမှ မရပ်ဖြစ်တာကြောင့် ကားပေါ်မှာပဲ ဘုန်းပေးလိုက်ကြရပါတယ်။ လမ်းတစ်လျှောက် အပျက်အစီး အယိုအယွင်းတွေကို ကြည့်ပြီး ကျွန်တော် စိတ်ထဲမှာ ဟိုရောက်ရင် ဘယ်လောက်များ ဖြစ်နေကြမလဲဆိုတာ စိတ်ကပူပန်လာပါတယ်။ လမ်းတစ်လျှောက်သွားနေရင်း တနေရာရောက်တော့ ရှေ့က ဆရာတော်တွေ စီးလာတဲ့ ကားရပ်သွားလို့ လိုက်ရပ်လိုက်ပါတယ်။ ဘာများ ဖြစ်သလဲပေါ့။ ပြီးမှ သိလိုက်တယ် ဆရာတော်က လမ်းဘေးမှာ ထိုင်နေတဲ့ အဘွားကြီးကို နေ့ဆွမ်းအတွက် ရည်ရွယ်ပြီး ကျွန်တော်တို့ ထည့်လာတဲ့ ထမင်းဗူးထဲက တစ်ဗူးပေးခိုင်းလိုက်တာ။ ဟုတ်ပါရဲ့ အဘွားအိုခမျာ ဗိုက်တွေဆာလွန်းလို့ ထင်ပါတယ် ချက်ခြင်းကို ဖွင့်စားနေတာကို ဂရုဏာသက်စွာ တွေ့လိုက်ရပါတယ်။ ဒီလိုနဲ့ ကားမောင်းလာတာ ၂ နာရီ ခွဲသာသာလောက်ရှိတော့ ကျွန်တော်တို့တွေ ကွမ်းခြံကုန်းကို ရောက်ခဲ့ကြတယ်။ ကွမ်းခြံကုန်းရောက်တဲ့ အချိန်က ၈ နာရီလောက် ရှိပါပြီ။ ဦးဇင်း ၂ ပါးက တမာတကောရွာကို သွားဖို့ ပဲ့ထောင်သွားရှာပါတယ်။ ကျွန်တော်တို့ကတော့ အဲဒီ့နားက လက်ဘက်ရည်ဆိုင်မှာ ကျန်ခဲ့တဲ့ ကိုယ်တော်တွေကို သက်တောင့်သက်သာ နေနိုင်အောင် စီစဉ်ရင်း ကားပေါ်က ပစ္စည်းတွေကို အောက်ကို ချနေပါတယ်။ သိပ်မကြာပါဘူး ပဲ့ထောင်ရလာပါတယ်။ ပစ္စည်းတွေကို လူအားနဲ့ တင်လိုက်ပါတယ်။ ပဲ့ထောင်က ကပ်တဲ့နေရာက ဆင်းရတာ မသက်သာပါဘူး ချော်နေပါတယ်။ အမှိုက်တွေနဲ့လဲ နီးတော့ နံလဲနံပါတယ်။ ဆရာတော်တွေကို တော်တော်အားနာမိပါတယ်။
\ားလုံးပဲ့ထောင်ပေါ်ရောက်တော့ ပဲ့ထောင်စထွက်ဖို့ ကြိုးစားပါတယ်။ ဖြစ်ချင်တော့ တံတားအောက်က ဘောင်တွေနဲ့ ငြိနေလို့ ထွက်မရဘူးဖြစ်နေတယ်။ အဲဒီ့မှာ ကျွန်တော့်ဘော်ဒါ သူကြီးက ဟိုဘက်က ပဲ့ထောင်ကို တွန်းထုတ်ပြီး လွတ်အောင်ကြံနေပါတယ်။ ရေထဲ ပြုတ်ကျမယ်နော်လို့ အော်သံတောင် မဆုံးလိုက်ပါဘူး သူကြီး ဘွမ်းကနဲ ရေထဲ ကျသွားပါတယ်။ ကျွန်တော်သူ့ကို ပြေးပြီး အပေါ်ကို ဆွဲတင်လိုက်တယ်။ ဒီကောင် သူ့ဘာသာတက်တာ ချော်နေလို့ ရေက မနက်ပေမယ့် အောက်မှာ အဆူးတွေ ငုတ်တွေ ရှိနေနိုင်လို့ စိုးရိမ်မိပါတယ်။ ဒီကောင် အပေါ်ရောက်တော့ အားလုံး ရယ်ကြမောကြ စကြနောက်ကြနဲ့ပေါ့။ ကင်မရာ အဆင်သင့်မဖြစ်လို့ သူပြုတ်ကျတာကို မရိုက်လိုက်ရဘူး။ တကိုယ်လုံးရွှဲသွားပြီ ခရီးကခုမှ တဝက်ပဲရောက်သေးတာဆိုတော့ ဒီကောင်ဖျားမှာဆိုးလို့ အဝတ်အစားလဲခိုင်းရသေးတယ်။ အဝတ်အစား အပိုပါမလာဘူး ဒါပေမယ့် လှူမယ့်ထဲက တစ်စုံ ထုတ်ပေးလိုက်ရတယ်။ အင်း သူများမလှူခင် မင့်အရင်လှူရတာပေါ့လို့ ပြောပြီး နှစ်ယောက်သား ရယ်မိပါသေးတယ်။ ဒီလိုနဲ့ ကျွန်တော်တို့ရဲ့ ရေလမ်းခရီးစခဲ့တယ်။
လမ်းတစ်လျှောက် ပဲ့ထောင်ကလူး ရေထဲမှာ မျောနေတဲ့ ကျွဲသေတွေကို ဓါတ်ပုံရိုက် ကိုယ့်ကိုကိုယ် ဟန်ချက်ညီအောင် မတ်တတ်ရပ်နဲ့ ကျွန်တော် အလုပ်တော်တော်ရှုပ်သွားတယ်။ မြစ်ဝကျယ်ကြီးကို ဖြတ်ပြီးတော့ တမာတကောကိုဝင်တဲ့ ချောင်းထဲရောက်တော့ လှေသမားက ကျွန်တော့်ကို ထိုင်ခိုင်းတယ် ရှေ့ကို မမြင်ရမှာစိုးလို့တဲ့ ဒါနဲ့ အသာထိုင်နေလိုက်တယ်။ ထိုင်ရင်းနဲ့ပဲ မှတ်တမ်း ဓါတ်ပုံလေးတွေ ရိုက်ဖြစ်တယ်။ ဆရာတော်တွေကိုလဲ အားနာမိတယ် ပင်ပန်းကြမှာပဲလို့ တွေးမိတယ်။ တော်သေးတယ် မိုးက အုံ့နေတော့ နေသိပ်မပူလို့။ နေသာပူရင် ပဲ့ထောင်က အမိုးအကာမပါဘူး။ တော်တော်ခံရခက်နိုင်တယ်။ ပဲ့ထောင်ကို ၂ နာရီလောက်စီးပြီးတဲ့ အချိန်မှာတော့ တမာတကောရွာနားကို ရောက်လာတယ် နာရီကလည်း ၁၀ နာရီခွဲကျော်နေပြီ ၁၁ ထိုးတော့မယ် ဆရာတော်တွေကို နေ့ဆွမ်းကပ်ဖို့ စီစဉ်ရမယ်။ ရွာနားမရောက်ခင်နားက ကမ်းပေါ်မှာ မိသားစု တစ်စုကိုတွေ့လိုက်တော့ အဲဒီ့နားမှာ ရပ်လိုက်တယ် တဲလို့ ခေါ်လို့ရမယ့် အဆောက်အဦးလေး ရှိတော့ အဲဒီ့မှာပဲ နေ့ဆွမ်းကပ်ဖို့ စီစဉ်လိုက်တယ်။ တဲပိုင်ရှင် ယောက်ျား ၂ ယောက်နဲ့ ကလေးငယ်လေး ၂ ယောက်ပဲ ရှိတယ်။ သူတို့ကလည်း ဘုန်းကြီးတွေကြွလာတော့ အားတက်သရော သူတို့ရဲ့ တဲလေးထဲကို ဖိတ်ခေါ်ကြတယ်။ ပြီးတော့ ကျွန်တော်တို့တွေကို နေရာထိုင်ခင်းလေး စီစဉ်ပေးကြရှာတယ်။ ရွာရောက်ခါနီးပြီဆိုတော့ ရွာအကြောင်းသူတို့ကိုပဲ တီးခေါက်မေးကြည့်ရတာပေါ့။ သူတို့ ညီအကိုနှစ်ယောက်နဲ့ ကလေးတွေက အခု လယ်ထဲမှာလာနေတာတဲ့။ အသေအပျောက်တော့ အတော်များတယ်တဲ့ ရွာထဲမှာနေတဲ့လူတွေထဲကတော့ သေတာနည်းပြီး လယ်ထဲမှာ နေကြတဲ့သူတွေကတော့ သေတာများတယ်တဲ့။ လူ ၁၀၀ ကျော်သေသွားတယ်တဲ့။ သေတဲ့ထဲမှာ ကလေးတွေလည်းပါတယ်တဲ့။ သူ့သမီးနဲ့သားတောင် ကံကောင်းလို့ မသေတာလို့ ပြောပြတယ်။ သူ့အကို မိသားစုမှာတော့ သူ့အကိုတစ်ယောက်ပဲ ကျန်တယ်လို့ပြောတယ်။ သူတို့ရွာကလူတွေအများစုက ရွာထဲမှာ နေတာမဟုတ်ပဲ ကိုယ့်လယ်ထဲမှာပဲ အိမ်ဆောက်နေကြတာတဲ့။ အဲဒီ့တော့ နာဂစ်လဲဝင်မွှေရော သေကုန်ကြရောလို့ ပြောပြတယ်။ အဲဒီ့ ညီအစ်ကိုနှစ်ယောက်ရဲ့ လယ်ထဲမှာပဲ နေ့ဆွမ်းကပ်လှူခဲ့ကြတယ်။ သူတို့တွေကိုလည်း ပါလာတဲ့ ထမင်းဗူးတွေကို ထုတ်ပြီးကျွေးလိုက်သေးတယ်။ သမီးလေးက ၃ နှစ်ခွဲ၊ သားလေးက ၈ နှစ်အရွယ်ရှိနေတဲ့ အဲဒီ့ မောင်နှမကိုလည်း ထမင်းလည်းကျွေး မုန့်လည်းကျွေး အင်္ကျီတွေလည်း ပေးခဲ့ကြတယ်။ သူတို့ရဲ့ အမေကတော့ ရွာထဲမှာရှိတယ်တဲ့။ နေ့ဆွမ်းဘုန်းပြီးတဲ့ အချိန်မှာ ဆရာတော်က အဲဒီ့မိသားစုကို လှူဒါန်းခဲ့တယ်။ ပိုက်ဆံကို ၂၀၀၀ ကျပ် ပြည့်အောင် တနေ့ကမှ ကိုင်ဖူးတယ်လို့ပြောတယ်။ ကျွန်တော်တို့တွေလည်း သူတို့ကို တတ်နိုင်သလောက်ပေးခဲ့တယ်။ တမာတကောရွာထဲကို ခရီးဆက်မယ်ဆိုတော့ ကလေးနှစ်ယောက်နဲ့ ကလေးတွေရဲ့ အဖေကပါ လိုက်လာခဲ့ပေးတယ်။ ဒါနဲ့ ကျွန်တော်တို့လည်း ရွာကို ဆက်ပြီးထွက်ခဲ့တယ်။
ရွာရောက်ပြီဆိုရင်ပဲ ပါလာတဲ့ ပုဂ္ဂိုလ်က ရွာထဲကလူတွေကိုအော်ခေါ်တာနဲ့ လှေဆိပ်ကိုလူတွေရောက်လာပြီး ပစ္စည်းတွေကို လာတင်ကြတယ်။ ဆရာတော်တွေကိုလည်း လာပြီးပင့်ကြတယ်။ ကျွန်တော်တို့ထဲက ဆရာတော်တပါးက ဒီရွာမှာ ရှိတဲ့ ဦးဇင်းတပါးနဲ့ သူငယ်ချင်းပါ။ သူက ဦးဇင်း ဦးဝိမလ ရှိလားလို့မေးတော့ ရွာသားတွေက ရှိကြောင်းနဲ့ ဦးဇင်းကပဲ အစစအရာရာ စီစဉ်ပေးနေတာ ဖြစ်တယ်ဆိုတာ ပြောပြလို့ ကျွန်တော့်မှာ စိတ်ထဲက ကြိတ်ပြီးဝမ်းသာမိပါသေးတယ်။ အဲဒီ့လိုသာ ဦးစီးဦးဆောင်လုပ်ပေးမယ့်သူ မရှိရင် ပိုခက်ကုန်မယ်လေ။ ကျွန်တော်တို့တွေ ရွာမှာ ကယ်ဆယ်ရေးစခန်း အဖြစ်ယာယီ အသုံးပြုထားတဲ့ ရွာဦးကျောင်းကို ရောက်လာခဲ့တယ်။ ကျောင်းရောက်တော့ ရွာတစ်လျှောက်လုံးလဲ အိမ်တွေပြိုနေတာ ပျက်နေတာ တချို့လဲ ပြန်ပြီး တဲလေးတွေ ဆောက်နေတာတွေ့ရတယ်။ ဘုန်းကြီးကျောင်းရောက်တော့ ကျောင်းကြီးက ပြိုကျနေတာကို တွေ့ရတော့ စိတ်ထဲ တော်တော်မကောင်းဘူးဖြစ်သွားတယ်။ ပိုဆိုးတာက အဲဒီ့ကျောင်းကြီးဟာ မန္တလေးရွှေကျောင်းလိုပဲ တိုင်လုံးကြီးတွေနဲ့ဆောက်ထားတာ ဖြစ်ပြီး သက်တမ်း ၁၀၀ ကျော်ပြီဆိုတာ သိလိုက်ရတော့ ပိုပြီးနှမျောမိပါတယ်။ သိမ်တစ်ခုနဲ့ ဆွမ်းစားဆောင်လို အဆောင်လေးတစ်ခုသာ ကျန်ခဲ့ပါတယ်။ သိမ်ထဲမှာ ဆရာတော် ဘုရားကြီးရှိတယ်လို့ အဲဒီ့မှာ ဦးဆောင်ပြီး ဆောင်ရွက်ပေးနေတဲ့ ဦးဇင်းဦးဝိမလကပြောတော့ ကျွန်တော်တို့တွေ သွားဖူးလိုက်ပါတယ်။ ဆရာတော်ကြီးက အင်မတန်အေးချမ်းပါတယ်။ မျက်နှာတော်ကလည်း ပြုံးနေပါတယ်။ လာကန်တော့တော့လည်း ပြုံးပြုံး ပြုံးပြုံးနဲ့ ရှိတဲ့ စားစရာတွေ ချကျွေးနေလို့ အားနာရပါသေးတယ်။ ဆရာတော်ကြီးက မုန်တိုင်းတိုက်တဲ့ အချိန်တုန်းက ပြိုကျသွားတဲ့ ကျောင်းကြီးရဲ့ ဘုရားခန်းမှာ တရားမှတ်နေတာပါ တကယ်တမ်း မုန်တိုင်းတိုက်ပြီး ရေတွေကြီးလာတော့လည်း လာခေါ်မယ့်သူ မရှိပါဘူး ဆရာတော်ကြီးက ဆက်ပြီးတရားမှတ်နေတာပါပဲ။ အံ့သြစရာကောင်းလောက်အောင်ပါပဲ ကျောင်းကြီးသာပြိုကျသွားတယ် ဆရာတော်ကြီးတရားမှတ်နေတဲ့ ဘုရားကျောင်းဆောင်လေး ကွက်ပြီးကျန်ခဲ့ပါတယ်။ အဲဒီ့အချိန်မှာ ဦးဇင်းဦးဝိမလကလည်း ရန်ကုန်မှာပဲ ရှိနေတာပါ။ နာဂစ်ကြောင့်ရွာကို ချက်ခြင်းပြန်လာပြီး လုပ်ကိုင်ဆောင်ရွက်ပေးနေတာပါ။
ကျွန်တော်တို့တွေလည်း လှူဒါန်းဖို့ပါလာတာတွေကို ဦးဇင်းကို ပြောပြပြီး အပ်လိုက်ပါတယ်။ ပြီးတော့ ငွေသား သိန်း ၃၀ ကျပ်ကို စာအိတ်တစ်အိတ်မှာ ၁၀၀၀၀ ကျပ်နဲ့ ထည့်လာပြီး အဲဒါတွေကိုတော့ ရွာခံတွေကို ဆရာတော်တွေက ကိုယ်တိုင်လှူဒါန်းပေးပါတယ်။ ဦးဇင်းဦးဝိမလရဲ့ အစီအစဉ်တွေကောင်းမွန်မှုကြောင့် အလှူပေးအပ်ပွဲက စိတ်ချမ်းသာစရာကောင်းလှပါတယ်။ မပေးခင်မှာ ဆရာတော်တွေက မေတ္တာသုတ်ကို ရွတ်ဖတ်ပူဇော်ပါတယ်။ ပြီးတော့မှ လေးယောက်တစ်တန်းစီ နာမည်ခေါ်ပြီး လှူဒါန်းပေးခဲ့ပါတယ်။ လူတွေလည်း ပျော်ရွှင်နေကြပါတယ်။ ဦးဇင်းဦးဝိမလကတော့ စာရင်းမှာပါတာ ခေါ်ပေးလိုက် ရွာသားတွေကို ထိန်းလိုက်နဲ့ အလုပ်တော်တော်များသွားပါတယ်။ ငွေတွေလှူပြီးတော့ ကလေးတွေကို စုခိုင်းပြီး မုန့်တွေ ဝေပေးခဲ့ကြတယ်။ ကလေးငယ်လေးတွေက အပြစ်မဲ့တဲ့သူတွေ ပီပီ ဘာမှ သိနားလည်ခြင်းမရှိပဲ ပျော်ရွှင်မြူးတူးနေတာကို တွေ့ခဲ့ရတယ်။ အဲဒါတွေပြီးသွားမှ ဦးဇင်းက ကျွန်တော်တို့တွေကို ကျောင်းပတ်ချာလည်မှာရှိတာ ဖြစ်တာ ပျက်တာတွေကို သေချာရှင်းပြပြီး ရှေ့စီမံကိန်းတွေကို ပြောပြပါတယ်။ သေသေချာချာ စီစဉ်ဆောင်ရွက်ပြီး အကွက်စေ့ထောင့်စေ့တဲ့ ဦးဇင်းကို ချီးကျူးမိပါတယ်။ ရွာမှာက ရှေးဟောင်းအမွေအနှစ်တွေလည်း ရှိတော့ နှမျောစရာကောင်းနေပါတယ်။ မြန်မြန်ပြန်ပြီးတည်ဆောက်မှ မတိမ်ကော မပပျောက်မှာပါ နို့မို့ဆိုရင်တော့ ရန်သူမျိုးငါးပါးနဲ့တင် ကိစ္စပြတ်သွားနိုင်ပါတယ်။ ကျွန်တော်တို့လည်း ဦးဇင်းဦးဝိမလကို တတ်နိုင်တဲ့ဘက်က ကူညီပါ့မယ်ဆိုတဲ့ ကတိပေးခဲ့ပါတယ်။ ကျွန်တော်တို့ရောက်နေတဲ့ အချိန်မှာပဲ နောက်ထပ် အဖွဲ့တစ်ဖွဲ့ရောက်လာပြီး ထပ်ပြီး လှူဒါန်းလို့ ဦးဇင်းလဲ အလုပ်များနေလို့ ကိုယ့်ဘာသာပဲ ဆက်ပြီး လျှောက်ကြည့်နေလိုက်ပါတယ်။ ရွာခံတစ်ဦးက လိုက်ပြလို့ အဆင်ပြေသွားပါတယ်။
ရွာမှာရှိတဲ့ အလယ်တန်းကျောင်းလည်း ဦးဇင်းကိုယ်တိုင် အလှူခံပြီး ဆောက်လုပ်ပြီးထားတာ မကြာသေးပေမယ့် ခုတော့ နာဂစ်နဲ့အတူ လွင့်ပါသွားပါတယ်။ သောက်ရေကန်ကြီးလဲ ပင်လယ်ရေဝင်လို့ စုတ်ထုတ်နေရပါတယ်။ သုံးရေကန်တွေကတော့ သုံးလို့ကို မရတော့တာ စိတ်မကောင်းစရာတွေ့ရပါတယ်။ လယ်ကန်သင်းတွေတလျှောက် ခက်ခက်ခဲခဲသွားခဲ့ရတယ်။ ဗွက်တွေ နွံတွေအပြည့်နဲ့ သတိထားပြီး လျှောက်ခဲ့ရတယ်။ ညနေစောင်းလာတော့ ကျွန်တော်တို့လည်း ပြန်ဖို့ ပြင်ဆင်ကြရတယ်။ မိုးရိပ်တွေကလည်း တက်လာတယ်။ ဆရာတော်ကြီးကို ဝင်ကန်တော့ နှုတ်ဆက်ပြီး ငှားလာတဲ့ ပဲ့ထောင်ဆီကို ပြန်ထွက်ခဲ့ကြတယ်။ လမ်းတစ်လျှောက်မှာ ဆရာတော်တွေက လူတွေကို ဂရုဏာတရားရှေ့ထားပြီး နှုတ်ဆက်စကားပြော အားပေးခဲ့ပါတယ်။ လူတွေရဲ့ အဖြစ်သနစ်တွေဟာ သနားဖို့ အလွန်ကောင်းပါတယ်။ သေဆုံးသွားတဲ့လူတွေကို လွမ်းဆွတ်ဖို့ အချိန်မရလောက်အောင်ကို ကိုယ့်ဘာသာ ရုန်းကန်နေကြပါတယ်။ သေသွားတဲ့လူတွေကို ဆရာတော်ကြီးဦးဆောင်ပြီး မေတ္တာပို့ အမျှဝေပေးခဲ့ရတာကိုလည်း သိခဲ့ရတယ်။ လှေဆိပ်ရောက်တော့ အားလုံးကို လက်ပြနှုတ်ဆက်ပြီး ပြန်ခဲ့ကြတယ်။
အပြန်လမ်းခရီးမှာ မိုးတွေရွာလာတော့ ပဲ့ထောင်မှာ အမိုးအကာမပါလို့ ဆရာတော်တွေကို ထီးတွေမိုးပေး လူတွေကတော့ အစိုခံပြီး ခက်ခက်ခဲခဲပြန်ခဲ့ရတယ်။ လမ်းခုလတ်မှာလည်း ဝါးတွေတင်လာတဲ့ လှေတစ်စီးနဲ့ ဦးချင်းဆိုင် တိုက်မိမလိုဖြစ်လို့ တော်တော် ဒုက္ခရောက်ခဲ့သေးတယ်။ ရေကျချိန်ဖြစ်နေတော့ ချောင်းက တိမ်နေပြီး ပဲ့ထောင်ရဲ့ပန်ကာမှာ ဒိုက်တွေ အမှိုက်တွေလာလာငြိနေလို့ ခနခန ရပ်ပြီး ရှင်းရပါသေးတယ်။ အဲဒီ့လို ပင်ပန်းပေမယ့် တကယ်လိုအပ်နေတဲ့ နေရာမှာ လှူဒါန်းခဲ့ရလို့ ပျော်ရွှင်မိပါတယ်။ ကွမ်းခြံကုန်းရောက်တော့ မှောင်စပြိုးနေပါပြီ။ ကွမ်းခြံကုန်းရောက်တော့ ဆရာတော်တွေကို အအေးကပ်ပြီး ခနနားခိုင်းရတယ် ပြီးမှ ပြန်ဖို့ အတွက် ကားတွေသွားယူရတယ်။ ကားတွေက အဲဒီ့က အသိအိမ်တစ်အိမ်မှာ အပ်ခဲ့လို့ အဆင်ပြေသွားပါတယ်။ ကျွန်တော်တို့တွေကတော့ ရေတွေရွှဲရွှဲစိုပြီး ချမ်းနေလုိ့ ကော်ဖီလေးသောက်ပြီး အချမ်းပြေအောင်လုပ်ရတယ်။ အချမ်းပြေတော့မှ ရန်ကုန်ကို ပြန်ဖို့ ကားမောင်းထွက်ခဲ့တယ်။ လမ်းတလျှောက်လည်း အလှူခံနေတဲ့လူတွေကို တွေ့ခဲ့ရတယ်။ သက်ကြီးရွယ်အိုတွေ တွေ့ရင်ကားရပ်ပြီး တတ်နိုင်တာလှူဒါန်းခဲ့သေးတယ်။ ရန်ကုန်ပြန်ရောက်တော့ ည ၈ နာရီထိုးတော့မယ်။ ဆရာတော်တွေကို ကျောင်းတွေကို ပို့ပေးပြီး အိမ်ပြန်ခဲ့တယ်။ စိတ်ထဲမှာလည်း ဘာများထပ်လုပ်ပေးနိုင်မလဲဆိုတာ တွေးပြီး ရင်မောနေရတယ်။ ဒီလိုနဲ့ပဲ ကျွန်တော်တို့ရဲ့ တမာတကော ခရီးစဉ်ကြီး ပြီးဆုံးခဲ့ပါတယ်။
နောက်နေ့ရုံးရောက်တော့ မနေ့ကရိုက်ခဲ့တဲ့ မှတ်တမ်းဓါတ်ပုံတွေကို စုပြီး Presentation လုပ်ဖို့ ပြင်ဆင်။ ပြီးသွားတော့ ကျွန်တော်သိတဲ့ အဖွဲ့တွေကို ခေါ်ပြပြီး ပြောပြဆွေးနွေးခဲ့ပါတယ်။ ခုတော့ အဖွဲ့တစ်ဖွဲ့က ရေရှည်စီမံကိန်းအတွက် တာဝန်ယူမယ်လို့ ကတိပေးလာတာကြောင့် ဝမ်းပန်းတသာ သာဓုခေါ်လိုက်ရပါတယ်။
Monday, June 2, 2008
ကမ်းလက်လေးတွေ လှမ်းကြစို့
တစ်ရက်နောက်ကျတော့
တစ်ယောက်လျော့တာတွေ့ရမယ်
ဟိုတွေးဒီတွေး
အရာရာကိုတွေးကြောက်နေမယ်ဆိုရင်တော့
ကိုယ့်လူရေ ဘေးမှာသာ ထိုင်နေပေတော့။
မမြင်ဖူးရင် ပြလိုက်ချင်တယ်
ဘုန်းကြီးတွေတောင် မနေသာဘူး
အားလုံးအတွက် အားလုံးအတွက်
ပင်လယ်ကိုဖြတ် လှေကိုဖက်ပြီး
တနယ်တကျေးထိ အလှူလာခံနေတာ
မြင်ရတာမောလှတယ်ကွယ်။
စာရွက်စာတမ်းတွေ
ထင်မြင်ယူဆချက်တွေ
အသံကောင်းဟစ်တာတွေ
ခဏလောက်ဖြစ်ဖြစ် ထားခဲ့ပါကွယ်
လက်တွေ့ဘဝမှာ
အချိန်ဆိုတာ သိပ်အရေးကြီးသကွဲ့။
မြို့ကြီးပြကြီးရဲ့ ယဉ်ကျေးမှုမှာ
သနားလိုက်တာဆိုတဲ့ အသံတွေ
ကြားကြားနေရတော့ အားတက်ရမလိုလို
တကယ်တမ်းမှာတော့
အသံဟာ အသံပါပဲကွယ်။
ပျော်ပွဲစားထွက်တာ မဟုတ်ဘူးကွယ်
လိုအပ်ချက်တွေ ဖြည့်ဆည်းဖို့အတွက်
လူဆိုတာ တခါတခါတော့
ဒုက္ခခံပေးရမယ်
ဒါကိုလက်မခံနိုင်ရင်တော့
ကိုယ့်လူရေ အိမ်မှာသာနေပေတော့။
အစားမစားရတဲ့သူတွေကို
ခင်ဗျားတို့ ဆာနေသလားဟင်လို့ မေးမလား
ကိုယ်စားတဲ့ထဲက ထုတ်ကျွေးမလား
ဆင်ခြင်မိရင်ဖြင့်
ထမင်းလုတ်တွေ ပြုတ်ပြုတ်ကျလာလိမ့်မယ်
ကဲ . . .
လူလူခြင်းစာနာရင်ဖြင့်
ကမ်းလက်လေးတွေ လှမ်းကြစို့ရဲ့။
Subscribe to:
Posts (Atom)
